03.06.2020
УКМК мындай деңгээлге түшпөш керек, кадыры кетип, ишеним калбай баратат. Сопоковду Маевский кылабыз деп чечишкен окшойт, Сегизбаевчесинен. Кечээ эле жыштык боюнча премьер-министрдин тиешесин сурасак, «тергөө кызыкчылыгы» дешкен. «Азаттыкка» келгенде эмне, бул сыр иштебей калабы? Кош стандарт бул! Акылыңарга келгиле, «Азаттыктан» колуңарды тарткыла! Кара пиардын өмүрү кыска деп дагы айтам!

01.06.2020
Премьер-министр Абылгазиев Кыргызстандагы жыштыкты аукционсуз, бекер алган Казакстандык компаниянын өкүлдөрүн кабыл алган Чек арада чатак чыгып, жүк ташуучу машинелер Казакстанга өтө албай чакырымдап тизилип турат, бюджет тартыштыгы абдан чоң. Премьер-министр болсо "тергөөгө кийлигишпейин" деп убактылуу эс алууга кетти. Тарых музейи, ТЭЦ сыяктуу коррупциялык иштер жылдап тергелип жатат, эмне бул иш бир жумада эле тергелип бүтөбү? Же бир жыл бою тергөө созулса, кыргыз эли бир жыл өкмөт башчынын ишке чыгышын күтөбү? Арыдан бери болуп, чечкиндүү кадамдар керек азыр. "Свои" деп коргогон менен, болбой калды бул жагы. Менде күч органдарына дагы бир конкреттүү суроо. Жакында Казакстандагы "Верный капитал" инвестициялык компаниясынын жетекчиси, Билайндын кожоюндарынын бири Ерлан Оспанов жана Билайндын Кыргызстандагы жетекчиси Евгений Кражан премьер-министр Абылгазиев менен жолугушкан. Билайндын чоңдору менен өкмөт башчы жыштыкты сүйлөшпөсө, кайсы темада сүйлөшүү болду? Эмне үчүн жолугушуу коомчулукка чагылдырылган жок, өкмөт башчынын кимдерди иш убактысында кабыл алганы ачык болушу керек да. Ошол жолугушуунун протоколун, хронологиясын элге жарыялап койсоңуздар, эмне тууралуу сөз болду, албетте, Билайндын өкүлдөрү менен төө бурчак же футбол жөнүндө сөз болмок беле, эмне үчүн так ушул жыштыкты аукционсуз, бекер алган компаниянын өкүлдөрүн премьер-министр мырза кабыл алган?

28.05.2020
Жетинчи каналдын журналисттери менен ачык маек болду, ага Башкы прокуратура чычалады. Премьер-министр отпускка кетти. @adam_sayak @shergazy_turdukulov @sagyn_ergeshov_

27.05.2020
Революцияны аң сезимге жасайлы! Добуш сатып алууну көздөбөй, жаңы муунга китеп берели. Кыргызстанды билимдүү, кесипкөй, эмгекчил муун гана кубаттуу өлкөгө айланта алат. Алай районунун мектеп бүтүрүүчүлөрүнө миң даана республикалык тестирлөөгө даярдоочу китеп белек кылдык! Классташтарыбыз чогуу. Ушул демилгени колдоп, айылына, район шаарына болобу, бүтүрүүчүлөргө белек кылам дегендер болсо мага жазгыла, байланыш телефондорун берем китепчилердин. #janarakaev

27.05.2020
Президент бул мыйзамга кол коюудан баш тартып, артка кайтарыптыр, туура кадамга барды! Биз бюджетке миллиарддарды түшүрүшүбз керек, ун магнаттардын гана кызыкчылыгын колдогон демилгелер тууралуу айтып турсак, ушундай оң натыйжасын берет. Кеп миллиард сом тууралуу.

26.05.2020
Өкмөт башчы жыштык маселеси боюнча жоопкерчиликтен качып кутулууну көздөп жаткандай, ал киши өзүнүн күмөндүү ишке тиешеси жоктугун сөзсүз далилдеши керек. “Абийирине койдум” дегени жетишсиз. Ошондой эле Башкы прокуратура да ишти саясатташтырып, чычалап отурбай, өз милдетин так аткарышы керек. #janarakaev

26.05.2020
@adam_sayak менен ат жалындагы маек.

24.05.2020

23.05.2020
#janarakaev

22.05.2020
Боорукер, жароокер жарандарга рахмат! Мекендештерди иш жүзүндө колдоп, ушундай оор абалда кирешесинен бөлүшкөн жарандарыбыз көп экени мени ого бетер кубантты. Москвадагы @janylan_ru баштаган ишти Түркиядагы журтташтарыбыз улантып, Мираскар Агенттиги Анталия демилгени колго алды. Өзү он жылдан ашуун мигрант болуп иштеп келген, Жалал-Абаддык ишкер жердешибиз 300 миң сомун Москвага которду. Депутат @mamataliev_marlen да жардам колун сунду, 50 миң сомду Москвага өзү которду. Нурусланбек Байзаков айыл чарба тармагындагы ишкер, кечээ Түркияга 30 миң сом каражат которду. Жогорку Кеңештин төрагасы депутат Абдывахап Нурбаев (Abdyvahap Nurbaev), Каныбек Иманалиев үчөөбүздүн кайрылуубузду четке какпай, 100 миң сом бөлдү, анын 80 миңин Москвага, 20 миң сомун Түркияга котордук. (ошондо Түркияга 50 миң которулду кечээ, бул менин акчам эмес). Кореядан Эмил байке, Прагадан Венера эже, иши кылып ким колунан келишинче тыйын берип жатышат. Москвадагы балдар ар бир жардам алгандардын ыраазылыгын Сиздерге айтып жатышат, урматтуу кайдыгер эмес жарандар! Карайлап турган мусаапырга эсебине 2 миң рубль түшкөн деле убактылуу жакшы жардам болот экен. Элибиз жакшы, ушундай шартта көптөп отуруп 1 миллион 150 миң каражат чогулта алыппыз. Дагы да иш уланууда, төмөнкү дарекке байланышсаңыздар болот.

20.05.2020
Далил менен тизмектеп бердим катачылыктарды, коррупцияга каршы күрөш жүрүп жатат дейбиз, демек ушул ишти ачууга күч органдарынын эрки жетеби? Биз мына фактыларды сундук, эмки сөз УКМК, ИИМ, Генпрокуратурада. #janarakaev

19.05.2020
1) Шайлоого аттанган партиялар үчүн күрөө 5 млн сом азыр, ошону 1 млн сомго азайтууну сунуштадык. Байлар эмес, каражаты жок, билими барларга да жол ачалы. 2) 9% чекти 5%га азайтуу. Жаны, жаш партияларга да ЖКга келуу шансы кобойот. 3) Блок. Бир нече партия шайлоо алдында бир блокко биригип, ошол блок менен шайлоого катышууга уруксат беруу. Ошондо 50 мин, 100 мин добушу бар, бирок шайлоо босогосунан партиясы ото албай жаткан 3-4 партия бириксе женип келет. Бул сунуштар чынында Жогорку Кенешти кучтуу кыла алат, а кучтуу ЖК кучтуу окмот, натыйжалуу жумуш! #janarakaev

17.05.2020
Эне камы, тилеги, батасы. Ар жыл сайын май айынын үчүнчү жекшембисинде "Энелер" күнүн белгилеп келатабыз, бардык энелерди куттуктайм! Учурдан пайдаланып тестиер кезде апамды ыңгайсыз кылган бир эки учур эсиме келди, бөлүшөйүн достор, эми ушунча ынак болуп калдык дегендей:) Беш жашта болсом керек, Тагай абам бир жакшылыгын өткөрүп, алыскы жайлоосуна ЗИЛби же виллис мененби, иши кылып топурап тойго жөнөп калдык. Денис досума ошондо шаардан сапсары, жазуулары бар, сонун кепка сатып беришиптир ата-энеси. Улам анын кепкасын шынаарлап, мага да ушундай кепка алып бергиле деп чоеңдоп баштасам, апасынан сурап мага кийгизип койду апам, тойго кийип барып келсин, кайра келип берет деп. Уяттуу туугандарга баратабыз, өзүмдүкү деп эле кийип барып келесиң деди. Бир кезде тойдо көңүл борбору мага бурулуп, ой азамат деп мактамыш болуп жатышканда, туугандардын бири "кепкасы да сонун" экен азамат деп калса. Дароо оюма Денис дос келе калып, эдиреңдеген мен "бул менин кепкам эмес, Денистики, тойго сурап турдук, барганда кайра кайтарып берем" деп салыпмын:) Апам бир ыңгайсыз абалда кызыктай болуп калганын көрдүм эле ошондо. Майга куурулган аталаны абдан жакшы көрчүмүн, кечки тамакка атала ичели дей берчүмүн, бир күнү курук эле нан менен атала ичип отурсак, ал убакта телефон жок да, күтүүсүз эле башка айылдан жакын туугандарыбыз өтүп баратып, тийип коелу деп тамак ичип отурган үйгө түз эле кирип келишти. Экинчи сорт ундан жасалган кара нан менен, атала ичип кечки тамакта отурганыбызды көрүп калганына апам байкуш кыйла намыстанды. Кап, эт деле бар эле, продукты кенен, Жанар эле атала ичем дегенинен деп эле актангансып жатты. Тиричиликтен кыйналып калышыптыр деген ойдо калбасын деп намыстанган экен көрсө. Ыңгайсыз абал жаралган ошентип. Айтайын дегеним башка, атала ичип, жүгөрүдөн нан жеп, элдин баары тегиз кош айдап, анда да эки ат эч кимде жок, тең шерик болуп кошко салып, буудай эгип, оруп, машак терип, кырман кылып, анан тегирменге тарттырып ун камдачубуз. Анда да кошуна айылга ат менен жүрүп, Коңурбайдын суу тегирменине барчубуз. Биз эми жаш болгон үчүн, улуу муун сыяктуу жокчулукту көп көрбөдүк, бирок четин болсо да сезип калдык. Апам байкуш дайыма жакшы тамак жасап, силе

15.05.2020
Баткенде чек ара чатагында үйү өрттөлгөн жараныбызга өкмөт үй салып береби, болбосо эл өзүбүз акча чогултабыз деп бир нече жаран мага кайрылып жаткан. Жооп мына, өкмөт үй куруп берет. Тездетүүнү талап кылдык, макул деди. Эми көзөмөлдөп турабыз. Бюджет канчалык кыскарса да, чек аралаш аймактардан акчаны аянбайлы деп өкмөткө сунуш да айттык. Тынчылык болсун жергебизде! #janarakaev

14.05.2020
Элдин сыны аз келгенсип, өзүбүз да ич ара келишпестик жок эмес. Санын кыскартыш керекпи? Сапатын өзгөртүүбү? Жыйынтык бере турган жолун мен сунушум бар. @ryskulbekov экөөбүз биз аздан соң, инстаграммда түз эфирде кенен талкуулайбыз. Саат 21:00до @ryskulbekov баракчасына кириңиздер. #janarakaev

14.05.2020
Кечээ эле мурдагы президенттин этегине намаз окугандар, бүгүн эми башкача өзгөргөнү аз келгенсип, депутат Мирлан Жээнчороевди талап киргенин көрүп чыдап карап отура албадым. Эртең башка бийлик келсе, дал ушулар башкача позицияга өтөөрүнө ишене бергиле. #janarakaev