03.02.2020
"Иши кылып", "Боло берет" , "Жетет ошол эле" ....ж.б. "Иши кылып башы аман болсун." "Иши кылса үңкүр да болсо үйүм болсун." "Иши кылса аюудай эрим болсун." "Эптеп эле балдарымды карашса болду. " "Эптеп кыштан чыкса болду"." Эптеп туруп турсак, анан көрөбүз". "Эптеп эле"..деп атып эптеген оокатта күн көрөбүз. Эптеген аял алып, эптеген эрге тиебиз. Эптеген балдар төрөлөт. Эптеген оокатты кылабыз. Өзүбүзгө жакшыны, сонунду каалагандан ушунча коркобуз! Фобия тим эле! Ал тургай өзүңө Жараткандан сураганда да ичибиз тарып, "Ушунун баарын эмне кылмак элем, же ушуну мага бермек беле?" деген ой жатат. Кенен сурасаң, кыйналып кетесиң да. Кыялыңда бийиктикти кыялданып койсоң, башың тегеренип кетет го, чиркиндики! Мага боло берет деген ой. "Иши кылса жүрүп турган эле машина болсо болду!" А эмнеге укмушун каалагандан коркобуз! Акыркы моделдеги унааны ойлоп алсак случайно, кара тер басып, жүрөгүбүз лакылдап, мээ тегерене түшөт да ээ? "Элестет килейген үйдө жашап, Мальдив аралында жатсаң" деп көр бирөөгө. "Жок нерсени айтпачы", же "Кудайды бир карап анан кыялданбайлыбы" дейт го! Же "Ыштаныңды жыртыгын бүтөп алып бийиктикти сама" деп кыялданып аткан учкуң келип аткан канатыңды тарс эле үзө чабат. "Болсун!" "Оозуңа май" деп коюшса, кемип калчудай. Бул нерсе ушунча каныбызга терең сиңиптир андан кутулуу оңой тургудай эмес. "Мен татыктуумун! Бактылуу болууга акым бар " дегенди үйрөнүп коюш керек эле. #жөнэлеойлор

31.10.2019
Кагылган каалганын баары эле дароо ачыла берсе, үмүттүн, сабырдын мааниси калат беле, уулум? Күткөндү үйрөн. Төгөрөгү төп келип, тузу кемибеген адам болбойт. Кемтигиңди толуктап, үзүлгөнүңдү улап, чачылганыңды жыйнап отуруп гана бакыттын , жеңиштин, өрүштүн даамын билүү мүмкүн. Аңга түшкөндөн коркпо. Бир жолу түш! Андан кийин алдыңан чыккан миң аңды аттап өтөсүң. Бийиктикке чыккандан да жазганба. Алгач башың айланат. Дендароо болосуң. Атактын, даңктын жүгүн азаптын жүгүн көтөргөндөн да оор, балам. Апамдын мага үйрөткөн сабагын сага калтырам: "Жеткен чегим ушул десең, атагыңа мас болосуң. Дагы өсөм десең, жөнөкөй бол. Көтөрө бил." Башыңа бакыт кушу конгон кезде көзүңдү тунук тут. Май баспасын. Көңүлдү ток карма. Алкым деген жаман нерсе. Жан дүйнөң жетиле элек болсо, бакыт кушун кармап туруш кыйын болот. Аны багып, бапестегенди, бийик бийик учурганда билүү кажет. Оор күнүң келет. Башыңа мүшкүл түшкөндө жабалактаган дос да, тууган да азаят. Ал пендечилик, балам. Кекчил болбо, кечире бил. Кабыргаң майышып турганда ишенип анан таяна турчу тек Жараткан анан өзүң барсың! Эч ким сага милдеттүү эмес! Ата - энең дагы! Өзүңдө өзүң гана барсың! 18 ге чыгып, толук кандуу жаран болгуча насаатым, айтчу акылым, кеп кылчу кеңешим да болот. Чоң киши болгон соң, тандоону өзүңө коем. Жашоонун калемин колго аласың. Кандай чиймелесең да, өмүрүңдүн соңунда өкүнбөгөндөй бол! Шартсыз, милдет жүктөбөгөн, сенден эч нерсе үмүттөнүп, күтпөй, жашоодо бар экениңе кубанып, чын ыкласы мн жакшы көргөн апаң бар, балам. Караңгыда карайлап, калсаң, жарыгым сага белен! #жөнэлеойлор

22.11.2019
"Айкөлдүк" эл аралык кайрымдуулук фондусунун "Ак жүрөк " белгисин тапшыруу аземи. Аскар Мааткабылович өкүл ата болом дегенден бери үйлөнгүсү келгендер көп. - Чын эле өкүл атаңбы? - деп сурашат алгач. Ооба ,- десең эле,- Качан үйлөнөлү?- дейт. )))) Азыр өкүл атага жараша үйлөнүп калган окшойт ээ?)))) Фотограф: @jumadilovaitbek

17.12.2019
Эки жыл мурун болгон окуя. Бир күнү баламдын күткөн адамы келбей калып, түйтөйүп калды. Терезени бир күн тиктеди эле. Сумкамды карасам, бензинге деген акыркы 500 сом эле бар экен. Уулумдун көңүлүн алайын деп кинону көздөй жөнөдүк. Көңүлү сынып турганына энелик сезимим чыдабай койду. Кинодон чыга берерде дтп болдук. Күнөөлүү чыктым. МАИ келди. Штраф стоянкага айдап жөнөштү. Жолдон ичимдик ичтиби деп текшерип, ага акчам жок МАИчи байке 250 сомду өзү төлөдү. Бензин өчүп - күйүп калган. Кимге чалаарымды билбейм. Бырылдап ыйлап отурам. Улан чалып калды Кудай жалгап. Айтсам, жетип келип, бир жума мени мн МАИде чуркап, айып пулунун баарын төлөп, жардам кылды. Ушундай ыраазы болдум. Эл арасында жүрүп, көмөк сураганга эч кимим деле жок экен. Ошондон бери Уланга болгон сыйым чоң. Жакшылыгы эсимден чыкпайт. Эстеген сайын, Кудайдан жакшылык тилейм. Сырымды бөлүшкөн сырдаш досум. Мекен үчүн күйүп атса, " гей" деп жугунду куйганыңар туура эмес. Эртең мекен аксап калганда ушундай таза, мекенчил жаштар чыгарат ошол жерден! Күн тийген жердин күкүгү болуп, жугунду куйуп берсе, ичип алып , келечекте өсө турчуларды чалгандан уялгыла. Жан дүйнөсүн мен билем. Кыйын жигит! Улашка досум, сынба! Улан Үсөйүн @ulanusoiun

24.04.2020
Кечээтен бери агаларым жеке куржунга жазып алып урушуп жатышат. " Жакшы идеяны кууп атасың. Эптеп экинчилерибизди алып алалы деп атса. Жөн отурчу аялдарды козутпай" деееейт! Анан бүгүн бир агам "Сага деле выгодно да. Эриң жок болгон соң, бирөөгө экинчи бп учкашып аласың!"деп атпайбы товар өтпөй, куурап аткансып. Мага эмне? А бирок экинчи болгон жерде үчүнчү деле болот да! Аялдар, ошону ойлоно жаткыла жөн жатпай.😜🤣🙈 Кайран агаларым, алкымыңардын айынан айранды үйлөп жүрбөгүлө! Абайлагыла дейм да.)))))) #жөнэлеойлор

28.06.2020
- Уулум, көзүңдү жумуп, Жараткан мн жүрөгүң аркылуу маектешсең болот. Каалаганыңды сура. Ал аткарат баарын. ⠀ - Апа, кажети канча? Менде баары бар. Ушуга шүгүр кылайын. ⠀ Унчукпай калдым. Ичимен ошого акылы жетип атканына айран таң калып, бир эсе баламдын топук дүйнөсүнө кубандым. ⠀ Демек, баары жетиштүү деп атса, камсыздап аткан экенмин деп өзүмө маашырлана кубанып, көкүрөгүм ток пейил тартып калды. ⠀ Балача жокпузбу дедим ичимден. Сурай беребиз - сурай беребиз. Колубуздагыга шүгүр келтирип, ыраазы болуп, "Мага жетет ушул!" дегени аз. Кайсы учурда алкымыбыз араандай ачылып, майданын ырахатына тойбой калганбыз? ⠀ "Куралат баары майдадан. Байкабайт аны майда адам..." Керемет саптар. Бир момпосуйга ыраазы болгон балаңдай, бир жакшылыкка ырахмат айтууну билгенибизде алда канча бактылуу болот белек? ⠀ Көп нерсенин тегерегинде ой - жүгүрттүм. Көп нерсеге шүгүр кылдым. Жан дүйнөмдү тынчытып, алда качан эле бышылдап койнумда уктап аткан уулумдун артынан таттуу уйкуга жөнөдүм.. #жөнэлеойлор Сүрөт архив. 2008 - жыл. Курсагымда түйүлдүгүм бар.

19.01.2020
Кутман таң, сонундарым! Жаратканга сыйындым. Жатаарда, көзүмдү жаңы ачканда. Жүрөгүмдүн түбүнөн чыгара колумда эмне болсо, ыраазычылыгымды билдирдим. Бир айдан бери кыйнап аткан ооруга да ырахматымды айттым, кайдан келсе, ошол жакка узаттым. Ырахмат айтканымдын себеби, ден соолуктун кадырын билдирди. Эзели көргүм келбеген спорттун канчалык мага керек экенин көрсөттү. Адатта маани бербеген, нормалдуу көрүнүш катары кабыл алган ар бир организмим керек экенин жана аларды сүйүп, ар бирине туура тамак, витаминдер менен кам көрүшүм керек экенин түшүндүрдү. Башыма келген ар бир оор кырдаал мага жакшы сабак берип, жарык жакка сүйрөп, ар бир мүнөт ардактуу, жашоо таттуу экенин көрсөттү. Аларга да ыраазымын. Алдыман чыккан ар бир адамга ырахмат! Жаратканым мага сонун адамдарды, алар менен келген сонун сабактарды жөнөтөт. Ар бир адам, ар бир окуя, акылымдын өсүшүнө, көкүрөгүмдүн көрүшүнө салым кошот. Жакшы көрөм силерди! Дүйнөнү, жашоону, өзүмдү, баламды, апамды, тагдырымды, жакын адамдарымды сүйөм! Мээримге, сүйүүгө, ыраазычылыкка толуп ойгонгонум үчүн ушул таңды да жакшы көрөм! Күнүңүз куунак өтсүн! #жөнэлеойлор

10.03.2020
"Чай куйбайм", "Төрөбөйм", "Өз билгенимди кыламды" сүйүүдөн запкы жегендер, эркектен кордук көргөндөр , эркектерди кабыл алгысы келбегендер айтат. Сүйүүгө тунгандар, турмушта бактылуулар, эркекти кабыл алгандар, жакшы көргөндөр тим эле чарк айланып, түрлөнтүп тамак жасап, төрөгүсү келип турат. Анткени каалайсыңбы, каалабайсыңбы жаратылышыбыз ошондой! Мээрим, сүйүү толуп турат аялда. Эгерде биздин коомдо " Чай куйбаймдардын " үнү катуураак чыгып жатса, демек, абал оор дегендик. Зомбулук көргөн аялдын саны көп дегендик. Бактылуу аял мн зомбулукту көргөн аялдын, ажырашкан аял мн үй бүлөсү бекем аялдын көз карашы бирдей болбойт эч качан. Эки тарап эки башка терезеден баш багат. Үй бүлөлүү кезимдеги мн азыркы жалгыз бой кезимдеги ой жүгүртүүлөрүм эки башка. Жаңы ажырашкандагы эркекке болгон жек көрүүмдү эстесем, күлкүм келет азыр. Баарын топтоп туруп өрттөп жибергим келчү тим эле. Элестет анан зомбулукту, төпөштү көргөн аял кантип атат? Ачуу айкырык бейпил турмуштан чыкпайт. Бейпилдикте ыр чыгат, үн кооз чыгат, күлкү чыгат. Жарасы ачышкан адам гана жаңырта айкырык сала алат. #жөнэлеойлор

31.12.2019
Менин катталуучуларыма куттуктоо! Уулум экөөбүз ар бириңерге болуп көрбөгөндөй керемети көп жашоо каалайбыз! Бир жыл бою күйөрман болуп, жылуу сөзүңөрдү тынымсыз жаадыргандарыңар үчүн рахмат!.♥

23.02.2020
Мырзалар, кыздар бою эки метр узун, курсагында кубиктери бар, кашы - көзү кара, мурду кырдач, отличник балдарды эле сүйөт деп жүрсөңүз, жаңылышасыз. Кыздардын табити ар башка, бирок кайраттуу, духу күчтүү, сөзүнө туруп, жоопкерчиликтүү болуп, камкордук көргөзүп турсаңар эле сүйүүбүз артпай анан?! Ошон үчүн курсактуулар, арык - торуктар, чачтуулар жана чачы түшүп калгандар, сулуулар - анча эместер, шыңга бойлуулар - жапалдаштар, айтор, сырткы келбетиңер, формаңар, сымбатыңар, бизди ойлондурбайт деле! Ар бириң сүйүктүү болууга татыктуусуңар! Ички начинкаңар даамдуу болсун башкысы! Коргоочуларым, коргооңорду сезип, кучагыңарда гүлдөйлү, жыпар жытыбызды чачалы, кумарлантып, ырахатка бөлөйлү. Сүйгүлө! Сүйүктүү болгон, эркелеген, эриниңерде ээриген анан от болуп ээритип, сымаптай куюлткан бизге өөөлө жагат! Жигиттер, аягыла, аяр мамиле кылып, канатыбызды кайрыбагыла! Назик болуп, башыбызды жөлөгөнгө, салмагыбызды берип, саамайыбызды сылаталы. Көңүлүбүздү көргүлө, эсептешкиле! Биз да сиздин көкүрөгүңөрдөгүнү таамай окуйлу, дартыңарга дабаа таап, жараңарды айыктырабыз. Майрамыңыздар менен!

03.04.2020
Эмнеге биздин улуулар эрте эле карып, жашоолоруна чекит коюп коюшат? "Карыдык да", "Жаш өттү", "Балдар эмне дейт?", "Карыганда калжаңдап..." Карьерасы, жеке жашоосу баары токтойт. "Небере багыш керек" мн чектелишет. Жашоолору "скучно " болуп кеткенде келин - кесек, уул - баланы эрмектемей. Элестет, апаңдын, же атаңдын көңүлүнө жаккан, сонун иши болсо, карыганда сүйүүсүнө жолукса, көңүлү куунак, бакытка тунуп турса, анын бактысын кызганат белеңиз? Жок, албетте! Андан өтүп бактылуу болбойсуңбу! Чет өлкөдө пенсиядан кийин гана жашоо башталат. Өзүн карашат, саякатташат, университетке тапшырышат, карьера кылышат, турмуш курушат. Адамда мотивация, максат болгондо жашагысы келет. Жашарат. Биз - балдар аларга болуп көрбөгөндөй колдоо көрсөтүп, алардын кыялдарынын ишке ашышына, өз алдынча болушуна көмөк көрсөтүшүбүз керек. "Мен балдарымдын төрүндө отурам" дешет да, көрүнө кантип кирип кеткенин байкабай калышат. Жашоо - кыймыл! Кыймылдагыла, жашагыла, өзүңөрдү өнүктүргүлө, ырахатыңар үчүн иштегиле, дүйнөнү көргүлө, эс алгыла. Бул деген керемет да! #жөнэлеойлор

13.03.2020
Мага окшоп болгон жанга боор тартып, бырылдап ыйлай берет. Жан балам жушак жүрөгүң таштай сезими жок турмушка чыдаар бекен деп санаам тынбайт. Көз жашымды, же алсыздыгымды көрсөткөндөн чочуркайм. Көзүмдүн тамчысы балалык назик жан дүйнөсүн миң чачыратып, заманасын кууруп жиберет. Ыйлагым келсе, ал уктагандан кийин бышактайм. Анын көзүндө бактылуу, жайнап турган, күчтүү аял катары калгым келет. Балалыгын эстегенде кайраттуу, жашоого күлө караган эне тартылсын. Атасы да ал үчүн болуп көрбөгөндөй күчтүү каарман. Анын орусча адабий сүйлөгөнүн, акылдуу ой жүгүрткөнүн, ал тургай ал жасаган мимиканы кошо жасап, туурайт. Эки сөзүнүн бири атасы кандай акылдуу жана баардык суроонун жообу анда экенинде. Атасын айтканда көздөрү жайнап, толкундана түшөт. Мен болушунча шыкактап, баламдын ар бир сөзүн кубаттайм. Анын жомогун, укмуш элестерине чаң жугузгум келбейт. Кастарлап, көлөкө түшүрбөй, кайтарам. Напназик, жупжумшак жүрөгүңдүн, таптаза, кир жуга элек жан дүйнөңдүн кароолчусумун балам. Бул кылганым канчалык туура билбейм! Кир дүйнөгө балким туруктуу кылып тарбиялоом кажеттир, бирок кайсы эне өз баласына чаңды, ылайды ыраа көрсүн?! Таза дүйнө кир дүйнөнү тундуруп, жумшактык катуулукту жеңет дейм. Ошого ишенгим келет. Болбосо, энелер согушка даярдагандай балдарын зөөкүр тарбиялай берсе, дүйнөнүн сулуулугу кетип, Жер шаары огунан чыкмактыр. Энелигим сени адам кылып тарбиялап, мыктыдардын катарын толуктаткысы келет. Багытың түз болсун, уулум. ♥ #жөнэлеойло

05.02.2020
Чачымды тегиздетип, боетуп келдим. Саамайымды ак аралап кетти. Нукура өңдү жактырам. 2013 - жылдан бери стилист @kanamalik мн иштешет экенмин. Чачымдын өңү, кыркылышы тууралуу сурагандар @kanamalik ке кайрылыңыздар!♥ #kstudio

03.11.2019
Чамгарактаган жан дүйнөнү тынчытканда гана ылай суу тунуп, айлананы көрүүгө, тунук акыл мн ой жүгүртүүгө мүмкүн экен. Жан дүйнөңдө башаламандык жүрүп жатканда үстөккө босток ката кетиресиң! Алдыңдагыны көңтөрүп, далайды бүлдүрүп - сындырасың. Тынчытыш керек экен башкысы. Жан дүйнөнү тынчыт. Куюндай кайнаган ойду, энергияны бир калыпка сал. Тун, жаратылыш мн жуурул, өзүңдү тыңша. Өткөндө бир жакшы адам айтты эле. Кыйналып турсаң: 1. Жаратканга кайрыл. Сүйлөш, сыйын. 2. Жаратылышка чык. 3. Жакшы адам мн сүйлөш. Жан дүйнөңө даба тап. Көңүлүңдү өйүткөн көйгөй мн беттеш. Качпа. Ооруп аткан жараңдын ириңин жалкып качпай басып адып сыгып, ириңин чыгарып, микробун өлтүргөндө гана аның айыга баштайт. Качып жүрө берсең, далай сызып, ириңдеп, лукулдатып ооруйт. Акыры чоң көйгөйгө айланат. Өзүбүздөн өзүбүз качабыз. Сырттан душман күтүүнүн кажети жок. Өзүбүздү өзүбүз мүлжүп , өзүбүзгө өзүбүз көр казабыз. Өзүң мн достошуп, беттешкенди үйрөнгөндө көп жакшылык келет жашооңо. #жөнэлеойлор Сүрөттү @azamatkurmanaliev чекчейтти.

17.11.2019
Баласаак бала көрдүңөр беле? Баламдын кичинекейинде бешигине илип койгон түстүү пилдери бар эле. Эс кирип өз алдынча басып, тили чыгып калганда аларга "ата" болуп алды. "Тамак бер. Балдарым ачка болду",- дейт. Бакчага баратканда энесине же мага табыштап кетчү. Өткөндө сүйлөшүп отуруп, - Балам, эмнени кыялданасың?- десем, - Үй бүлөмдү! Үч балам болсун. Эки уул, бир кызым. Аялым жайдары, боорукер, жакшы адам болот. Бирок балдарыма эрте жашта телефон карматпайм. Телефондо ар кыл маалымат бар. Туура эмес маалыматка сугарылбасын. Бир аз эс тартканда берем телефонду бирок катуу көзөмөлдөйм,- дейт. Алардын кылык жоруктары, кимге окшош, каякта окуйт баары сүрөттөлгөн. Жакшы аял болот деп боорукер кыздарды карай берет. Мынчалык үй бүлөгө суусаганы таң калдырат. Алар мн саякаттап, мыкты күйөө, мыкты ата болоорун көп айтат. "Ашыкча дөөлөттүн кажети жок! Үй бүлөмдү татыктуу бакканга жетсе болду! " дейт. Балаң - сен тааныбаган жаңы планета, окуй элек китебиң. Сенден чыкканы үчүн кандай мүнөз күтөт, ойлору, кылыктары, чечимдери, өнөрү баары кызык. Микроскобко салып алып аңдыган сыңары, ар бир көз карашын аңдыйсың. Жетишкендери болсо жетине албай кубанасың. Ар бир катасына санаа тартасың. "Балам, балалуу болгон болуп көрбөгөндөй сонун сезим. Аны башка сезим мн салыштыруу мүмкүн эмес". Бул сөздү көп айтам. Аны чыдамсыздык мн жашоомдо күткөнүмдү, ал төрөлгөндөгү сезимдеримди, канчалык мага дем берээрин көп сүрөттөйм. Балким менин сезимдерим да ага дем берип, шыкактап, толукшутуп жатса керек ким билсин? Көп кайталаганым, - Балам, үй бүлөңдүн алдында жоопкречиликтүү бол! Көп адамдын тагдыры, келечеги сенден көз каранды. Айткандарым көкүрөгүнө кыт бп уйуп, башкаларды бактылуу кылганга жараар ... #жөнэлеойлор

08.05.2020
Онунчу классты окуп жатып олимпиаданын жыйынтыгы менен дароо студент болуп калдым. Бекер окуу жай. Болгондо эл аралык. Түрк, англис тилдерин окуйм. Түрк тилинде эркин сүйлөгөн кыргыз кыздарын көрүп, укмуш суктандым. Күнү - түнү жантыгыман жатып алып окудум. Жатаканада Жанара деген эже таап алдым. Койнуна алып жатып, мээримин төгүп, түрк тилин үйрөттү. Энелиги, эжелиги, мээрими төгүлүп турчу. Канатына салып алып, сырткы дүйнөдөн коруду. Ошентип, түрк дүйнөсү мн тааныштым. Тамагы укмуш сонун. Музыкасын жантыгыман жатып алып угам. Кыздар кечинде чогулуп алып мездеке бийлейбиз. Ар бир бөлмөнүн башчы эжеси бар. Аны абла деп коебуз. Кыздар арасындагы тартипти катуу кармайт эле. Кийин Стамбулду көрүп аябай сүйүп калдым. Деңизи мн сырдашкан адат таптым. Чардагына жем таштап, деңиз жели мн ойногон жакты. Канча өлкө кыдырдым. Жан дүйнөм Стамбулга тарта берет. Тил билгеним үчүнбү өзүмдү ал жакта өз үйүмдөй сезем. Туркия мени көп чакырды. Эки жолу телевидениесине орун берип, айлыгымды сонун коюп беришти. Үй бүлөмдү тандадым. Дагы бир жолу актердук жааттагы аябай чоң долбоорго өтүп кеттим. Кайра эле үй бүлөмдү тандадым. Дагы бир ирет чоң долбоор чыкты. Жолдор жабылды. Апаат токтотту бизди. Стамбул мени дагы бир ирет кол булгап чакырабы билбейм. Бирок абдан сагындым. Өзгөчө деңиз жээгиндеги таңкы тамагы көз алдыман кетпей турат...#жөнэлеойлор #Стамбул #АтатүркАлатооуниверситети