213 14
05.06.2020
Бу жалганда өлбөгөн барбы?! Адам баласы оо дүйнө кеткендерди эскерип, ыйлап-сыктап, артынан туяк калганына каниет кылып эле калат тура. .. Мындан 6 жыл мурун апам (таенем) көз жумган. Өзү айткандай, атам жетим калды. Анысын билгизбей 3 жыл бою Ишенаалы Арабаев атындагы жогорку окуу жайында студент болду. Студент десем таң калат чыгарсыздар. Бир жагынан, кемпиринин көзү өткөн соң эрмек кылса, бир жагынан, убагында жетпеген арзуусун аткарды десем болот. Өмүр бою мугалимдик кесипти аркалап, 11 баласын тарбиялап, илимпоз болууга чолосу деле тийбесе керек...Анүстүнө, айылда жашаса....
Атам-Бейшеев Төлөгөн, 83 жашында педагогика илимдеринин кандидаты болду!!! Бул- сүйүнүчтүү кабар!
Бирок, сырдашып деле сүйлөшпөгөнсоң, ичинде кандай күйүтү бар экенин деле билбейсиң да. Кээде окуусуна алып барып, алып келип калып, кээде ооруканада жатканда барып сүйлөшүп отуруп калып жүрдүм. Бир күнү толтура кагаздарынын ичинен колго, числолору менен кошо жазылган 200 гө жакын куплеттен турган ыр берди. Үйүңө барып окурсуң деп койду.
Көрсө, байкуш атам апам көзү өткөндөн тарта ушул убакытка чейин ичиндеги бугун, кайгысын, күйүтүн жаза бериптир. Көпкө ойлонуп жүрүп өзүнүн да көзү өтө элегинде обонго салып угузайын дедим. Кыскартып, терип чакан кылганга аракет кылдык. Өтө кыскартканда минтип 20 мүнөт болду. 4 мүнөткө созулуп кеткен ыр-клиптерди радио-телевидение араң алат, 20 мүнөттүк чыгарманы албайт ко деп өзүмөн-өзүм чечим чыгарып, жеке ютуб каналыма жүктөдүм. Калың элге жетсе негизи жакшы эле болмок!!! Урматтуу угармандар, угуп-көрүп, бааңыздарды бериңиздер! Аягына чейин угасыздар деп ишенем! Поделиться кылып, каналга катталууну унутпаңыз!!! Ыр кандай ырдалса, ошондой жазылды!!! "Абышканын арманы"
Сөзү: Бейшеев Төлөгөн
Обону: Аман Айылчиев
Аткаруучу: Умутай Абдышова
Видеоредактор: @kubanychbekovkochor
Профилдеги ютуб каналдын ссылкасы аркылуу кирип, дастанды угуңуз!
Ссылкасын сториске да калтырып коём! Уккан соң, пикир калтырыңыз!
https://youtu.be/zKkA9kUJXLc
