Аалы Туткучев
@aaly.tutkuchev
Аалы Туткучев
Подписчики: 53029
Посты: 42
Подписки: 41
КР эмгек сиңирген артисти, Ч. Айтматов атындагы жаштар сыйлыгынын ээси, "Эл ырчысы Эстебес" тобунун көркөм жетекчиси, төкмө акын.
Загрузка...
(7) ЖАКШЫ СӨЗ АЙТКЫМ КЕЛЕТ Замирбек Мукашев. Өлкөнү оңдош үчүн сөзсүз эле депутат болуш керек эмес экенин, айылда жашап саясатты көзөмөлдөп койууга болоорун бул киши далилдеди. Атка мине албагандар «Мен аттандым»-деп өзүн таанытып жатканда, бул киши эчак эле атка минип, башка өлкөлөргө өзүн эмес өлкөсүн таанытып койгон. Айыл чарбага, маданиятка, агартууга кошкон салымын өзү таптаган жорголору да көтөрө албаса керек. Көлдөн үйрөнгөн көлдөй мүнөзү жандүйнөсүнүн көлдөй терең экенин айтып турат. Патрон, Барон, Палач сыяктуу жорголорду жолго салып, мээнетин өзү тартып, дөөлөтүн элге тарткан инсан. Аттын баркына жеткен адам элдин баркына жетпей коймок беле? Элиңиз менен эсен болуңуз! Сыймыктанабыз!

Загрузка...
70   6   193
31.08.2020
1658   100
25.08.2020
(6) ЖАКШЫ СӨЗ АЙТКЫМ КЕЛЕТ Саясатка да саясатчыларга да көп кызыга бербейм. Айрымдары менен мамилем болгон. Аларда достук эмес кызыкчылык жогору тургандыктан, аралыкты сактагым келет. Бирок, бул киши башкача. Көп адамдар сүйлөп алып кийин ойлонушат. А бул адам биринчи ойлонуп анан сүйлөгөн адам. Эмоциясын ичине ката билгендиги менен башкалардан айрымаланат. Айрымдарга окшоп камгактай каалгып экрандан көрүнүп калайын дебей, оор басырыктуу, салмактуу. Кудай акы, бир да жолу дидарлашып көргөнүм жок, сыртынан байкаганым ушул. Бул жолку шайлоодон баш тартканын угуп туура көрдүм. Анткени, азыркы парламент бул инсандын теңи эмес, кадырын түшүрмөк. Биздин коом калыстыкты айта билген аксакалдарга муктаж. Мыктыбек Абдылдаев.
4075   162
22.08.2020
(5) ЖАКШЫ СӨЗ АЙТКЫМ КЕЛЕТ Бирөөгө өтө оор операция жасоо керек болуп Сабыр Жумабековго кайрылышат. Операция оор болгондуктан колдонуучу каражаттары 3000$ турат, алып берсеңер бекер жасап берээрин айтат. Бейтаптын туугандары Кыргыз медицинасынан шекшип, Алматыда 6000$ га эң мыкты жасайт экен, сапаты жакшы үчүн акчасы кымбат ко-дешип, Алматыдан жасатат. Операция ийгиликтүү бүткөнүн угуп, ыраазы болгон туугандары беткапчан чыгып келаткан врачты коридордон тосуп, ырахмат айтышат. Врач кичи пейилдик менен ийилип бет кабын чечсе Сабыр Жумабеков экен. Башка өлкөлөрдүн суранып чакыруусу менен барып операция жасап, лекция окуп тураарын билебиз. Көрсө, биз баркын билбей жаткан бул адам, атанын гана уулу эмес Азиянын, эненин гана уулу эмес Европанын уулу болуптур да. «Басмайылдын кысканын, Ээси билбейт ат билет. Эр жигиттин кадырын, Эли билбейт жат билет»-деген ушул го. Кошунанын коло шакегине кызыкпай, колубуздагы алтынды баалай билели. P.S. Байкенин наамдарын жазсам өтө көп экен, узун текстти жаштар окубай койот-деп жазган жокмун.
2315   60
21.08.2020
(4) ЖАКШЫ СӨЗ АЙТКЫМ КЕЛЕТ Академик, профессор, КР илимге эмгек сиңирген ишмери Мамбет Мамакеев. Бул адам бата алган адам. Апасынын курсагында кезинде Кыдыр аке бата берген экен. Көптөгөн шакирт өстүрүп, 120 дан ашык илимий иштерди ачып, 30,000 ден ашык операция жасап, азыр да 93 жашында күнүнө бештен ашык операция жасаганы “Колуң менен тең кары”-деп элдин берген батасы эмей эмине?.. Орусча бир сөз билбей борборго келип, жалгыз тери шымын отко кактап биттен арылтып, ат көтөргүс азап менен ушул даражага жеткеничи? “Хирургдун кандай экени эки эле күндө билинет, же ары кылат же бери кылат”-дейт бир интервьюсунда. Көп кыймылдап, сергек жашоону кеңеш берет. Курсак байлаганды жактырбайт. Анткени, өз ден-соолугу начар докдур башканын ден-соолугуна кантип кам көрө алмак. Бир накыл кепте “Жаштар өздөрүн акылдуу ойлошот, алардын акмак экенин улуулар дайым билип турат”-дейт. Билимдүү жаштарыбыз көп, бирок, Мамбет атадай тажрыйбасы жок. Аксакалдардын тажрыйбасы менен жаштардын күч кубатын айкалыштырсак келечек биздин элдики. Карысы бардын ырысы бар. Ырысы бардын жылышы бар.
2851   110
21.08.2020
(3) ЖАКШЫ СӨЗ АЙТКЫМ КЕЛЕТ КР эл артистти, Даңк медалынын ээси Бактыбек Мамытов. Эч кимге душмандык кылбасаң да сага душмандык кылуучулар четтен табылат. Бирок, бул кишинин душманы жоктой сезилет. «Адам кумурага окшош, ичине эмне толтурулса оозунан ошол төгүлөт”-дейт. Куттуктоо, каалоо-тилек, ак-бата, жакшы сөздөрдү гана сүйлөгөн адам. Демек, жүрөгү ошол нерселер менен толтурулган. Бир да киши жөнүндө жаман пикир айтканын уккандар болбоптур. Эч кимдин суранычын четке какпаптыр. Жакшылыктын символу болгон Сиздей адамдар кызыл китепке кирип калган заманда жашап жатабыз. Абай Кунанбаев: Жамандар мен жаксы-деп айхайлайды, Жаксылар мен жаксы-деп айталмайды. Жүргеннен соң бауырында күнде көрип, Таулардын бийиктиги байкалмайды-деген эмеспи. Жамандар өзүн же партиясын мактап кыйкырып жатканда, бул киши унчукпай иш жасап жатат. Оорубаңыз, көп жашаңыз! Жакшы адамдар көп болсо экен ылайым.
1683   66   17924
20.08.2020
Төрт аягы төп жорго болгон үчүн САРКАШКА деп аталган. Көркөм сөз, кеңири ой чабыт, артисттик чеберчилик, таман асты сөз тапкычтык бары бул кишиде бар. Отуруштардын көркүн ачып чоң айтышка чыкканда сүрдөйт. Аны СССРдин кысымынын таасири деп ойлойм. Анда да өнөрдү таштап салбай улуу муун менен кичүү муунду байланыштырган алтын көпүрө. Акындарга алымсынбай сахнадан премьер министр Чудинов менен айтышып, алты ай сүргүндө жүргөн 😊. Кээде какшыктап сүйлөгөндө алгач түшүнбөй үйүңө жетип чай ичип отурганда араң түшүнүп “Бырс” күлүп аласың. Ачылбаган керемет дүйнөсү бар. Ачып кире алсаң университетти бүтүрүп чыккандай болосуң. Басып жүргөн энциклопедия . Барктай билели. Амантай Кутманалиев P.S. Бул видеону тартып алганымды билбейт. Билсе сүйлөбөй коймок.
4245   40
20.08.2020
(1) ЖАКШЫ СӨЗ АЙТКЫМ КЕЛЕТ Китеп окуган жакшы. Адам окуган андан да жакшы. Өзгөчө куйма кулактар үчүн. Бул киши өтө кызыктуу, басып жүргөн китепке окшош. Сыртынан карасаң мукабасы жупуну, кагаздары жука. Көңүл коюп окусаң тереңине сүңгүп кетесиң. Көмүрдүн арасында алмаз жашынгандай, Улуулук да жөнөкөйлүктүн артында жашынган. Бул жөнөкөй кишиде жаштар үчүн асыл кеңештер көп. Жигердүү жаштарга айтаарым: Emil Umetaliev силерге акыл-насаат карыз. Карызды сурап алыш керек.
3648   181
05.08.2020
8108   170
05.08.2020
1963   31   15820
24.07.2020
Ч. Айтматов. “Гүлсарат”
3850   75
16.07.2020
2010   290
30.06.2020
Былтыр ушул маалда жазыпмын. Архивден. Бишкек ысык. Балдар жүдөп кетти. Үй-бүлөмдү жайлоого жөнөтүп, өзүм үйдө калдым. Тамак жасоону мындай кой чай кайнатып иче албайт экенмин. Тилим сайраганы менен колумдан иш келбесин эми билдим. Муздаткычтагы томатты сууга чылап, туздан салып ичип алам. Үйдө тамак жасалбаганынан уламбы чымындар өлө баштады, байкуштар. Китеп окудум, курсак ачында китеп да мээге кирбей койду. Уктай берип башым ооруп чыкты. Менин үйдө калышыма жөжөлөр менен көчөттөр себепкер. Маал-маалы менен азыгын берүү керек. Аларга жем салып жатсам аркаман дүп- эттире бирөө коюп калды. Төрт күндөн бери үйдө менден башка киши жок да. Чоочуп кетип карасам короз мени бир тээп, дагы муштумун түйүп турат. Жерде жаткан таяк менен бир чаптым, чала жыгылып барып туруп кетти, дагы бир чапсам какылыктап тоокканага кирип чыкпай калды. Бүгүн эки күн болду жем жебей, суу ичпей тышка да чыкпай жатат. Сыягы катуу тийип калган окшойт. Чаппайт элем, өткөндө балам менен кичинекей кызымды да тепкен эле. Коркуп калсын- дедим. Бүгүн курсактын камын кылып жумуртка терип келип кууруп көрдүм. Аракет кылса болот экен. Бирок жей албай кыйналдым. Көз алдыма таяк жеп жаткан короз келип туруп алды. Атасын сабап жумурткасын жеп жатканымдан уялдым. Корозго боорум ооруп, кечирим сурагым келди. Ал бары бир түшүнбөйт да. Айбандан кечирим сураган айбан - дейт чыгаарсыз. Айбан да болсо ата болуп жатпайбы?.. Барып жаткан жеринен алып чыгып, алдына жем чачып суу койдум. Кекчил немеден бетер жебей басып кетти. Мен да басып кеттим. Терезеден аңдысам келип жем жей баштаптыр. Акыңды адал кыл-деп мен да жумуртка менен өзөк жалгадым. Эл мени курч акын-деп ойлошот. Балким… Ырымда курч болгонум менен жашоодо ушунчалык мокок экениме арданып, бир чети күлкүм келди. Билбейм балким кемчиликтир, балким артыкчылыктыр. Бирок корозду бир чаап, акысын жеп алууга жүрөк тартпады. Ал эми алты миллион Кыргыздын келечегин ойрон кылып, акысын жеп жуткандар баатыр экенсиңер... Балли силерге!!!