07.09.2020

03.09.2020
#супара Биздикиндей комплект башкаларда жокко эсе. 🌈 Алып баруучулук 🌈Кыяк Комуз жандуу үн, 🌈 Төкмөлүк 🌈Эстрада ырлары Мактанып койсок уруксаат э? @erlansalbarov_official @kutman_sadybakas @bayandyn_bayany @maldybaevnursultan

31.08.2020
Эгемендүүлүгүбүздү эч кимге тепсетпейли! Элчи менен Акындын тили кесилбесин...Өлкөбүз Манасчы менен Акындарын өгөй баладай эмес өз баласындай аздектесин. Чоң Казатта, Репрессияда, Үркүндө азайып калган асыл тукум кайра жандансын! Азыркынын Жусуп, Касым, Баялы, Чыңгыздары ойгонсун! Пайгамбар жашындагы аталар пайгамбарды таанысын! Кыргызстандагы Кыргыз уулу болгонум үчүн, Алла таалага чексиз шүгүр! Шүгүр!Шүгүр!

28.08.2020
Максаттуу адамдар үчүн убакыт өтө маанилүү!Максатсыз адамдар үчүн гана мааниси жок. Ал эми кээ бир айбанаттар үчүн убакыт баарынан маанилүү... Жорголордун жана күлүктөрдүн тагдырын секундалар гана чечип койот эмеспи. Кумурскаларды убакыт менен иши жок деп ойлошубуз мүмкүн, бирок такыр андай эмес. Күндүн чыгышын, булуттардын жылышын жон териси менен сезип турат. Саресеп салып карап көрсөң жеп, ичип уктап гана күн көргөн чочколор үчүн убакыт маанилүү эместей сезилет. Секундалар, минуталар тагдырды өзгөртүшү мүмкүн... Өз убактыңдын баркын билбей, өлкөнүн убактысы тууралуу башыңды оорутуп не кыласың. Убакыт баарыбыздын устатыбыз. Кай минута? кай секундаларда бирөөлөр жарыкка келип, бирөөлөр жалгандан өтүп жатканы жаратуучунун убакыт ааламында сансыз эсептерге толуп жатса керек. Убакытка ант болсун!

28.08.2020
Паук партия Кыргызчасы жөргөмүш, дал ошол жөргөмүштүн желесин эркеги салып, аяктаган соң ургаачысы ошол эркегин жеп салат экен. Желени салуу максаты-өлтүрүү, канын соруу, камакка алуу сыяктуу жалаң гана жамандыктар. Бул фактыны ойуман чыгарган жерим жок, касиеттүү курандын аяттарынан окудум... жана мисалдадым. Жөргөмүштөй каныңды соргон ким? Жериңди сатып, Эриңди атып сойгон ким? Илим менен билимди камаган ким? Маданият менен менен адабиятыңды сабаган ким? Кумтөр, Каркыра, Үзөңгүкуушту тоногон ким? Тендер менен кендериңди сологон ким? Албетте паук партия! Паук система! Паук башкаруу! Кыргызым пауктун желесинен кутулуп пайдубалың бекем, пайгамбардай жигитиң эсен болуп падышадай карылар көсөм болуп Эгемендик күнүңдүн асылын майрамда! Жөргөмүштүн желеси бузулуп ордуна булбул уя салып, тынчтыктын обонун созсун!

27.08.2020
Энекемдин даанышмандыгы. Эки үч ирээт энекем экөөбүз кошунаныкынан туз сурап, алып келдик. Үйдө туз жок калса керек деп ойлоп койчумун. Бирок карасам үйдө деле туз бар экен, болгондо да ашыгы менен. Кызыыыык.. энекем неге туз сурады экен деп табышмакка дуушар болдум. Бир күнү энекем- "Жүрү балам кошунаныкынан туз алып келели" деди. Мен таң кала-" Энеке үйдө туз бар экен го" дедим. Энекем мени жылмайа карап, маңдайыман сылап берекелүү ойлорун айтты. Балам кошуна бул эң ыйык жана урматтуу жандар! Кошунабыздын жашоо турмушу оор болгондуктан бизден дайыма ар нерсе сураганга муктаж болушат. Мен дагы сурап турушун каалайм. Уялып эч нерсе сурабай калбаса экен деп эң арзаныраак болгон тузду мен дагы алардан сурап турам. Сарсанаа болбо балам, эки кашык гана туз алабыз. Көрсө менин энем даанышмандардын даанышманы экен!!!

21.08.2020

18.08.2020
Бул китепти окуп койуңуздар! сонун китеп. Мен бир ирет окугам дагы окуйун деп турам. Тагдырына нааразы болуп, депрессияга кабылгандар бар го, ошондойлорго миңдин бири да ...Аселдин тагдырын өз тагдырына салыштырып меники кудайга шүгүр деп... ордуңардан так секирип ламбада бийлеп кетээрсиңер. @jamgyr_official

14.08.2020
Жакшы жаңылыктар бар. Азиз Биймырза, Мамбеттокто, Эсенбек Кийизбаев деген таланттуу жигиттерди билесиздер да? Анан эмне болуптур дебейсиздерби? Үчөөнө үй белек кылыптыр. Саякбайдын жолун улап, Арстанбек, Жеңижоктун ойун улап, улут уңгусун туу туткан уул кыздарыбыз батирлеп жүрбөгөнү кандай сонун. Азиза Мамбетказиева деген эжеке марттык кылып Каджы Сайдын жээгинен калдайган үч үйдү белек кылыптыр. Кут болсун! Үч жигиттин үйлөрүндө Манас айтылып, ыр жаралып, уул жаралып бапыраган үй бүлөө болуңуздар! @azizbiymyrzauulu @mambet_akyn @esenbekkiiizbaev

24.07.2020
Ысыкта салафанга чүмкөнүп, үйбүлө жана бал ширин балдарынан оолак болуп, Уханьдан келген азуулуу ажыдаар менен дарыгерлер гана тиреше алды. Сиздерге таазим! Куткара албай калдым деп бир боорунан ажырагандай боздогон кызды көрүп ыйлабаган Кыргыз калбаса керек. Жүздөгөн дарыгерлерден айылдык. Алар биз үчүн сиз үчүн жанын кыйды. Анан да көпчүлүгү айымдар. Эне жүрөк ушундай улуу мээримдүү тура. Кыргызды таштаган жок. Салыштырмалуу чоң деп аталып шорго айланган бука моюн, манты кулак жигиттер папкесин кармап, Хандын тактысында улугандан башка чамасы жок калды. Урматтуу эне жүрөк дарыгерлерге мындай ырдан миңди жазсак аздык кылат. Кечиргиле дарыгерлер!

21.07.2020

15.07.2020
Өмүрдү сүрдү өмүрдөй, Көңүлдү сүйдү көңүлдөй. Оо дүйнө жайга аттанды, Океан бойдон төгүлбөй. Орунун берсин бейиштен, Омийин деп кой! Эринбей.