30.06.2020
(Садыр Жапаров тууралуу пикиримди сурагандар, кат жазгандарга бир эле ушул видео менен жооп берейин).

30.06.2020
@askat.musabekov_ жанымда, артта Ала-Тоо.

27.06.2020
Дастан Бекешев менен чын эле жыйында отурабыз, фейк эмеспиз! :) Факт бар. Бирок фейктер бизди буйрук менен сындаса деле макулбуз, андан коркпойбуз, чыдайбыз, окуйбуз, угабыз, ээ кээ бир фейк достор? :) @dastan_bekeshev

25.06.2020
Тилекке каршы “Маалыматты манипуляциялоо” боюнча Гюлшат Асылбаеванын мыйзамын Жогорку Кеңештин көпчүлүк депутаттары колдоп берди. Каршылык билдирип, каршы добуш бергендер азчылыкты түзүп калдык. “Кумтөрдөгү” эки чоң мөңгүнү талкалоо боюнча мыйзам келгенде да каршы добуш бергендер азчылыкты түзгөнбүз. Ун магнаттары буудай менен унду НДСтен бошотуп, бюджетке чоң зыян алып келген мыйзамды кароодо да каршы болгондор азчылыкты түздүк эле. Азыр да элде акча жок, жумуш жок, бюджет бөксөрүп турганда ошол проблемалардан да маанилүү кылып интернетти көзөмөлдөгөн мыйзамды алып чыгып, өткөрүп тынышты. Эң өкүнүчтүүсү, эл каршы чыгып, Сиздер керээлден кечке талкуулап, ачууланып, суранып жатканыңарды кимдер угуп жатат? Кайсы депутаттар ошондон жыйынтык чыгарып жатат? Жооп мындай. Парламенттеги олигархтар Сиздердин бир топтон бери кейип жаткан, керек болсо Акүй алдына митингге чейин келген кадамыңарга көңүл да бурган жок. Алар 7-этаждын гана көңүлүн алып, акчасын камдап, кайрадан шайлоого жөнөштү! Ушуну эми элибиз талдай турган учур азыр, ким кандай добуш берди, эсиңерден чыгарбагыла! К сожалению большинство депутатов поддержали инициативу Гюлшат Асылбаевой по «манипуляции информацией». Выступавшие против законопроекта остались в меньшинстве. В меньшинстве остались и те, кто выступал против разрушения двух ледников на «Кумтор». При обсуждении законопроекта по освобождению мукомольщиков от НДС, который принесет значительные потери бюджета и продвигается мукомольными магнатами, голос меньшинства также не был услышан. Именно сейчас, когда Кыргызстан столкнулся с острыми экономическими и социальными проблемами, население осталось без средств к существованию, многие остались без работы, бюджет страны опустошен, большинство поставило во главу проблему контроля за свободой в интернете. Самое противное в этом деле, что никто даже не обратил внимание на протесты граждан. Так кого слушают все эти олигархи во власти? Ответ прост. Олигархи, пробившиеся в парламент, выслуживаются перед седьмым этажом, ищут намеков, чтобы удовлетворить белодомовских, собирают деньги – чтобы снова прорваться к власти. Настало время выбора, не забывайте, кто из депутатов отстаивал в парла

25.06.2020
"Сөз эркиндиги бизде жетиштүү" деп эле микрофонго чыга калган кээ бир көпөс (катуу айтууга туура келип жатат) саясатчыларга таң калам! Булардын оюнда биз өз оюбузду ачыктай албаган Түндүк Корея же башка кошуналардай болууну каалашат, интернетте аларды мактаган гана сөздөр керек.

25.06.2020
No comment...ЖКдагы компьютеримди тазалап жатып таап алдым.

25.06.2020
Бир дагы суроого так жооп жок, жазып бергендер тыңыраак кылып даярдап койсо болмок экен. Ага болушуп чыккан депутат бул Камчыбек Жолдошбаев анан Юсуров деген депутат. Ынанымдуу аргументи жок, өлкөдөгү сөз эркиндигинин тагдырын ушулар чечип калганы өтө өкүнүчтүү.

24.06.2020
Рыскелди Момбеков эл кыдырып, өкмөт мүчөлөрүн алып проблемалар менен жеринде иштеп жүрсө, "дүжүрлөрдү" жергиликтүү бийликтер уюштуруп, элди бөлүп жаруудан кайра тартпай, ыплас жол менен асылышыптыр. #janarakaev

22.06.2020
Дагы карыз акча. Дайыны кайда? Өкмөт карыз акчаларды саламаттыкты сактоо тармагына, дарыгерлерди колдоого деп алып жатат, документти окусаныз. Бирок максаттуу жетип жатабы? Өкмөт Азия өнүктүрүү банкынан бүгүн дагы 20 млн. АКШ долларын кредит, жарымын грант катары алып жатат. Өткөндө ЕБРден, (17 млн. доллар) андан кийин Дүйнөлүк банктан дагы каражат ратификация кылынган. Мен бүгүн АБРден алынчу каражатка каршы добуш бердим, анткени буга чейин сырттан келген акчалардын дайынын ар бир тыйынына чейин өкмөттөн так-таамай отчетун талап кылалы! #janarakaev

20.06.2020
Жаштар кызыккан тармактарды окутууга, тажрыйба алмашууга даярбыз. Экономика, салык, бюджеттин куралышы тууралуу @eldarabakirov бизди колдогон жаштарга жакшы тренинг уюштурду. @ryskeldi.mombekov.official да жаштарга жакшы кенештерин берди. #janarakaev #atameken @atameken_jashtar @seitekkhaan

19.06.2020
Өкмөттүн жаңы курамына каршы добуш бердим, эмне үчүн? Өкмөт башчы болгон Кубатбек Боронов менен жеке мамилем жакшы, бирок мен системага, жалпы коомдо болуп жаткан терс көрүнүштөргө, кадрдык саясатка, жоопкерсиздикке каршы добуш бердим. Илдет менен күрөшкөн дарыгерлерге, милицияга кошумча акы төлөй албай жаткан өкмөттү колдобойм. Эң биринчилерден болуп карантин башталганда эле жок дегенде 500 миң үй-бүлөгө беш миң сомдон таратуу демилгемди ушул эле өкмөт колдогон эмес. Мына, Казакстан ошону ишке ашырды, эми болсо Тажикстандын өкмөтү жөлөк пул алган үй-бүлөлөргө 50$ кошуп берип баштады, Дүйнөлүк банктын колдоосу менен. Бизде болсо сырттан келген акчалардын дайнын сурап чарчадык, аны айлыкка киргизип жиберишти. Ошон үчүн каршы добуш бердим. Ал эми интернетти чектөөнү көздөгөн мыйзамга да сөзсүз каршы чыгабыз, өкмөттүк эмес уюмдарды чектөөгө багытталган мыйзамдарга да дайыма каршы добуш берип келатам. Бул боюнча менин позициям так. Мени кубандырганы, коомчулук ар бир добушту көзөмөлдөп турганы. #janarakaev

18.06.2020