12.02.2020
Шайлоо алдындагы убадаларды аткарбай койгон саясатчыларга чон сабак экен! Кыргызстанда да эл убадалардан тажап, ушундай абалга келатабыз. Бирок убада бергенден коркпогон партиялар толтура. Мен убадамды кантип аткардым, жакында толук отчёт берем. #janarakaev

10.02.2020
Маалымат каражаттарынан ар кандай жолдор менен каралоо аракеттери-бул бизге көнүмүш эле көрүнүш. Биз системаны сындыра турган, мыкты кесипкөйлөрдү жергиликтүү кеңеш, Жогорку Кеңешке, Өкмөткө алып келүү аракетибизди уланта беребиз, ушактарга маани бербей, убакыт да коротпой күжүлдөп иштей беребиз. Дагы бир жол бар эле, "массалык пропискага коюп жатат, шаарга паспорт ташып жатат, студенттерди мажбурлап жатат" деп интернетке кыйкырып, сын айтып жата берүү. Ага ашыкча акылдын же күчтүн деле кереги жок. Биз өзүбүзчө команда түзүп, ошол терс көрүнүштөргө иш жүзүндө каршы туруп, альтернативдүү жолун сунуштаганы турабыз. Чегирткеден корккон эгин экпейт,-дегендей, биз баштаган жолду жактырбай, нечендеген жугунду куюп турушаарын билип туруп өз алдыбызча чыкканбыз. Так что, ден-соолугуңар чың болуп, өмүрүңөр узун болсун деп, ишибизди уланта беребиз:).

07.02.2020
Эмне үчүн либерал демократиялык партия? Анткени биздин ураан «Экономикада либерализм, башкарууда – демократия!» Кыргызстан – жер планетасын мындай коелу СНГ, Борбор Азия аймагында эле аянты, калкынын саны, табигый байлыктары жагынан ортодон ылдыйыраак чакан мамлекеттердин бири. Килейген Евразия континентинин так ортосунда, транспорттук тупикте жайгашкан, деңизден алыс, эл аралык транспорттук түйүндөргө эшиги жок өлкөлөрдүн бири. Табигый кен байлыктарыбызды айталы, биздин жер казынабызда көптөгөн кен байлыктарыбыз болгону менен алардын көлөмү аз. Аларды казып алуунун оордугун, транспорттук жактан тупикте жайгашканыбызды эске алсак, буга биздеги саясий туруктуулуктун жоктугун, өнүккөн коррупцияны, потенциалы төмөн бюрократиялык аппаратты кошсок, биз ири, олуттуу инвесторлор кызыгып, көз арта турган мамлекет эмеспиз. Ошондуктан дүйнөдөгү эң чоң компаниялар бүгүнкү күндө түштүк Азияда, Африкада иш кылып атышат, себеби алардын деңизге эшиги бар, же болбосо Монголияга, же биздин жаныбыздагы кошуна мамлекеттерге кызыгышат, анткени аларда бизге караганда жок дегенде саясий туруктуулук бар. Демек, биздин мындан башка артыкчылыктуу жактарыбыз жокко эсе болгондуктан, биз үчүн бир гана жол бар деп эсептейбиз. Бул – экономикалык либерализм! Бизде аракетчил, жигердүү ишкерлер чындыгында көп, биз алар үчүн негизсиз текшерүүлөрдү жок кылып, бизнести коррупциядан, криминалдан сактап, саясий туруктуулукту жана мыйзамдын үстөмдүгүн камсыздап, иш жүргүзүү үчүн ыңгайлүү, жеңил шарттарды түзүп берсек гана экономикабызды, жашоо деңгээлибизди көтөрө алабыз деген ишеничтебиз. Мына ушуну либералдык экономика деп коет. Экономика менен саясат бири биринен түздөн түз көз каранды экендигин баарыбыз жакшы билебиз. Саясий туруктуулук болмоюн экономика өнүкпөйт. А эмне үчүн саясатта стабилдүүлүк жок, анткени бизде адилеттүү башкарүү, элдик демократиянын өзү жок болуп атат. Ошондуктан биз бийликти түзүүдө демократияны, башкарууда адилеттүүлүктү алып келебиз деген принципти карманып атабыз. Кадр тандоодо «бул менин адамым эле, мен ушуга гана ишенем, себеби ушу менен кошо жеп жүргөм» деген критерий эмес кесипкөйлүк, тазалык, чынчылдык, идеялык пикирлеш деген сапаттарды алдыга коюп жатабыз. Азы

01.10.2019
Карысы бардын-ырысы бар. 1-октябрь - Улгайган адамдардын эл аралык күнү. #janarakaev

30.09.2019
Жолчулар...

30.09.2019
"Азаттык" радиосуна берген комментарий. Толук билдирүүнү azattyk.kg сайтынан табасыз. #janarakaev

22.11.2019
Жогорку Кеңеш түзгөн депутаттык комиссияга “миллиарддык схеманынын” бетин ачууга коомчулукта таптакыр ишеним жок, ал жерде кызыкчылыктар кагылышы болоору турган иш. Менин сунушум, түзүлгөн комиссия “көз карандысыз” комиссия деп макамын өзгөртүп, анын курамына жарандык коом, оппозиция, эл ишенген калыс инсандар кошулуп, бажыга, акча ташууга тиешеси бар делген бардык жетекчилер, депутат, саясатчылар курамынан чыгарылсын! Мурда кийин бажыга, акча ташууга таптакыр тиешеси жок адамдар гана мүчө болсун! Ошондо гана бул окуяга акыйкат баа берилип, мындан аркы кара схема кан буугандай токтойт! Окуя биз ойлогондон да терең. Биздин угушубузча Саймати менен бир топ саясатчылар жакындан кызматташып келген, Кыргызстандан чыккан акчалар Саймати аркылуу Сирияга чейин жетип турган деген маалыматтар бар. Стамбулдагы башкы консул Сопоков Кыргызстанда бир нече ирет түрмөгө отуруп чыккан атактуу криминалдык төбөлдөрдүн биринин жакын досу! Иликтөөдө аты аталган чет элдик ишкерлер буга чейин Кыргызстанды башкарган кишилердин атынан чоң мечиттин курулушун каржылап, жеке учагы менен учуруп, керек болсо резиденциянын ичине кошумча резиденция куруп бергени тууралуу маалыматтарды да иликтөө ачыкташы зарыл! Бул иликтөө өз ара тирешкен саясий топтордун чырагына май тамызышы мүмкүн, бирок баарыбызда бир гана кызыкчылык болушу шарт-ким экендигине карабай коррупциялык схема түзгөн уурулар жазага тартылышы керек! Жарандык коомдун катышуусунда гана калыс чечим чыгып, мындан да терең схемалар ачылат деп ойлойм. А өкмөттү кетиргенден эмне пайда? Аларды күч блогу менен кошо чакыралы, баарына жооп берсин! #janarakaev

27.09.2019
Түштүк Кореядан расмийлер менен кошо ири ишкерлерден турган делегацияны чакырдык, айрыкча IT жана туризм тармагында иш алып барган инвесторлорду Кыргызстан менен тыгыз кызматташууга чакырып жатабыз. 2018-жылы Кыргызстанга Кореядан келген туристтердин саны 14 минге жеткен, быйыл 17 минге чукулдайт деген божомол бар. Туризм менен иш алып барган чон компаниянын жетекчилиги бул сандан алда канча артык болот деп кубандырды. Ушул аракеттин баары @Nursultan Altybaevdin жардамы, байланышы, билими менен ишке ашып жатат. #janarakaev

26.09.2019
Арменияда Николь Пашиняндын «Мой шаг» партиясынан депутат Алексей Сандыков Бишкекке келди. Башкаруудагы реформа, накта элдик бийлик тууралуу узакка диалог болду. Калган кеп Ереванда уланат, бирок бул тажрыйбаларды элди узак күттурбөй жасай алабыз деген ниет бар. Тажрыйба-азыр биз үчүн абдан маанилүү. #janarakaev

24.12.2019 Bishkek, Kyrgyzstan
Шаарды каптаган ышты азайтуу үчүн азырынча @abdyvahap_nurbaev болуп эки жолун сунуштадык. 1) Сапатсыз (К2, K3) бензин колдонууга тыюуу салуу. 2) Электромобиль чыгарчу ишканаларга салыктык жеңилдиктер. Ошондой эле гибриддик унааларды да сырттан алып киргендерге салыктык жеңилдиктер болушу керек. Мыйзам долбоорлору жыл башынан парламентте каралат, сунуштар болсо берсеңиздер болот.

29.12.2019
Жыл жыйынтыктап, ишмердигибизге саресеп салып турабыз. Аракетибизден майнап чыккан учурлар бар, кээде жардам сурагандарга кол суна албай калып жатабыз. Ката кетет, жанылабыз. Бирок, элге пайдабыз тийе турган максатыбыздан кайра тартпай аракетибизди уланта беребиз! 2020-жылга абдан чон максаттар менен кирип барабыз! Бирге бололу! #janarakaev

25.09.2019
@abdyvahap_nurbaev экөөбуз Орусиянын Мамлекеттик Думасынын депутаты Иван Белеков менен жолугушуп, эки тараптуу кызматташуу жаатында баарлаштык. Белеков Мамдумадагы алтайлык депутат, Кыргызстанга байланыштуу бардык маселеде жакшы пикирин аябайт. Анын өзгөчө Орусияда кыргыз мигранттарынын айдоочулук күбөлүгү тууралуу талкууда биздин таламды талашканына ыраазычылык билдирдик. #janarakaev

25.09.2019
Akaev IDEA тууралуу “Экономист” сайты менин 5 жыл мурдагы “жашырылган бизнесим” тууралуу жазып чыкты. Мен муну эч кандай саясатка же шайлоого шылтабайм, анткени аталган сайт маалымдаган Akaev IDEA жоопкерчилиги чектелген коомун мен мамлекеттик кызматка келгенге чейин ачканым анык. Бирок бул ОсОО эч кандай ишмердик менен алек болбогону тууралуу маалыматы болсо да, “бизнесин жашырган” деп жазып чыкканы аша чапкандык, анткени бул ЖЧК ачылып, бирок мен мамлекеттик кызматка өткөнүм үчүн ал таптакыр иш алып барган эмес. Бул ОсОО күркүрөп акча тапмак тургай, бир ирет да ишмердик жүргүзгөнгө үлгүргөн жок. Бир да пайда, киреше тапкан эмес, бул тууралуу салыктын төлөнүшү же ишмердик тууралуу оңой эле аныктап койсо болот. Мыйзам боюнча Жогору Кеңештин депутаты ишкердик менен алектенүүгө тыюу салынат, мен муну жакшы билем, ошондуктан мамлекеттик кызматка келээрим менен аталган министрликке ОсООну жаап салуу тууралуу арыз менен кайрылгам, бирок эмнегедир ошол учурда жабылган эмес, биздин кемчилик-арыз берген боюнча көзөмөлдөбөй калганбыз, жабылды деген ойдо. Бирок мен мыйзамды бузуп, ишкердик менен алек болгон эмесмин. “Экономист” сайты саясатчыларды, эл өкүлдөрүн тартипке чакырып, кемчилигин көзгө сайып көрсөтүп турганы колдоого ала турган иш. Бул ОсОО азыр минюсттун сайтында ликвидация болчу ОсООлордун катарында турат. Кымындай иш жүргүзгөн эмес, болгону өз убагында жабуу арызыбыз көзөмөлдөнбөй калганын мен азыр териштирип жатам. #janarakaev

25.09.2019
Азаттык+ жаштар берүүсүнүн тың алып баруучусу @topchubaevaaidana интернеттеги социалдык тармактар менен иштөө ыкмабызды тартып кетти. Инстаграммдан сунуштарды, бизди урушуп сындагандарды, алкыш айткандар, баарын көрүп кетти. @topchubaevaaidana баракчасына жазылсаңар, өзү эфирге чыгаарын кабарлап турат. Негизи кат жазгыла, 14 күндө жооп беребиз дебей ушул соц.тармактар жакшы жардам берип жатат. Эртең буюрса түз эфирге чыгып баарлашабыз. #janarakaev

24.09.2019 Issyk-Kul', Ysyk-K\u00f6l, Kyrgyzstan
Түп районуна болгон сапар тууралуу. Жергиликтүү эл менен эки мыйзам долбоору тууралуу да ойлорду чогулттук, туризм жана трансформация тууралуу. #janarakaev

23.09.2019 Orta-Uryukty, Ysyk-K\u00f6l, Kyrgyzstan
Москвадан досторубуз келип, Түп районуна келдик. Жолугушуулар, соц.обьекттер менен таанышуу, спорттук иш-чаралар болот. #janarakaev