18.12.2019
Бүгүн эрте менен чек аралаш айылдарга суу чыгаруу маселесин көтөрүп, бюджеттен каражатты аябоону айттым эле. Буюрса, чек арадагы Максат айылына 2 миң гектардай жерге суу чыгарууга акча бөлүнүп баштады. Бирок бүгүн кайрадан абал чыңалганын угуп, тынбай тиешелүү органдарга кайрылып, тыкыр көзөмөлдөп жатабыз. Жергиликтүү активисттер Көк-Таш, Ак-Сай айылдарынан чалып абдан тынчсызданып жатышат. #janarakaev

21.03.2020
КЛДП: Өлкө боюнча өзгөчө кырдаал режимин жарыялап, шайлоолорду жылдыруу зарыл! Кыргызстанда COVID-19 вирусун жугузгандар саны күн санап көбөйүп жатканы бүткүл элибиздин тынчын алууда. Биз мындай кооптуу шартта жарандарыбызды республикалык штабдын, расмий органдардын айтканын дыкаттык менен угуп, эрежелерди бекем сактоого чакырабыз. Ошондой эле өлкө жетекчилиги тез арада Кыргызстан боюнча өзгөчө кырдаал режимин жарыялап, жакында өтчү жергиликтүү кеңештин шайлоолорунун мөөнөтүн чукул арада жылдырууну сунуштайт. Элибиздин ден-соолугу, жарандарыбыздын өмүрүнөн кымбат нерсе жок! Элдин саламаттыгы саясат, шайлоолордон жогору турат. Учурда массалык адам чогулчу бардык иш-чаралардан баш тартып, саламаттыкты сактоо тармагындагы оор жүктү азайтпасак, олуттуу кесепеттерге алып келчүдөй абалга келдик. Коронавирус каптаган бардык өлкөлөрдө өзүн-өзү коргоо, башкача айтканда үйдөн чыкпай отуруу талабын аткаруу – илдетти жеңүүдөгү натыйжалуу ыкма болуп жатат. Азыр ар бир мүнөт маанилүү, КЛДП тез арада өлкө боюнча өзгөчө кырдаал режимин жарыялап, шайлоолорду белгисиз мөөнөткө жылдырууну сунуштайт. @seitekkhaan @eldarbishkek @kldp2020

26.01.2020
Коррупцияны кабыл алуу индекси боюнча Кыргызстан 180 өлкөнүн арасынан 126-орунга жайгашты. Былтыр өлкө 132-орунда болчу. Эл аралык «Transparency International» уюму Кыргызстандагы бюрократия, саясий жемкорлук, трайбализм экономикалык өнүгүүгө жолтоо болуп жатканын белгилейт. @azattyk.kg . Сиздин оюнузча дагы кандай олуттуу тоскоолдуктар бар? #janarakaev

03.06.2020
УКМК мындай деңгээлге түшпөш керек, кадыры кетип, ишеним калбай баратат. Сопоковду Маевский кылабыз деп чечишкен окшойт, Сегизбаевчесинен. Кечээ эле жыштык боюнча премьер-министрдин тиешесин сурасак, «тергөө кызыкчылыгы» дешкен. «Азаттыкка» келгенде эмне, бул сыр иштебей калабы? Кош стандарт бул! Акылыңарга келгиле, «Азаттыктан» колуңарды тарткыла! Кара пиардын өмүрү кыска деп дагы айтам!

30.09.2019
Жолчулар...

14.11.2019
Ак Шумкарлар, алга!

27.02.2020

18.02.2020
Ар бир мыйзам бузууну карап турбайбыз!

12.12.2019
Кой-Таш окуясы каралды. Кылмыш кылгандар албетте жооп берет, бирок борбордук трибунадан депутаттар жер-жерге, аймактарга бөлүнгөн сөздөрдү цитата келтирбеши керек! Бир эл, бир жер, Кыргызстан!,-деген идеология менен жашашыбыз керек. Регион, улутка болгондордун создорун айтып чыккан саясатчыларды, оз убагында тыйып туралы!

22.11.2019
Жогорку Кеңеш түзгөн депутаттык комиссияга “миллиарддык схеманынын” бетин ачууга коомчулукта таптакыр ишеним жок, ал жерде кызыкчылыктар кагылышы болоору турган иш. Менин сунушум, түзүлгөн комиссия “көз карандысыз” комиссия деп макамын өзгөртүп, анын курамына жарандык коом, оппозиция, эл ишенген калыс инсандар кошулуп, бажыга, акча ташууга тиешеси бар делген бардык жетекчилер, депутат, саясатчылар курамынан чыгарылсын! Мурда кийин бажыга, акча ташууга таптакыр тиешеси жок адамдар гана мүчө болсун! Ошондо гана бул окуяга акыйкат баа берилип, мындан аркы кара схема кан буугандай токтойт! Окуя биз ойлогондон да терең. Биздин угушубузча Саймати менен бир топ саясатчылар жакындан кызматташып келген, Кыргызстандан чыккан акчалар Саймати аркылуу Сирияга чейин жетип турган деген маалыматтар бар. Стамбулдагы башкы консул Сопоков Кыргызстанда бир нече ирет түрмөгө отуруп чыккан атактуу криминалдык төбөлдөрдүн биринин жакын досу! Иликтөөдө аты аталган чет элдик ишкерлер буга чейин Кыргызстанды башкарган кишилердин атынан чоң мечиттин курулушун каржылап, жеке учагы менен учуруп, керек болсо резиденциянын ичине кошумча резиденция куруп бергени тууралуу маалыматтарды да иликтөө ачыкташы зарыл! Бул иликтөө өз ара тирешкен саясий топтордун чырагына май тамызышы мүмкүн, бирок баарыбызда бир гана кызыкчылык болушу шарт-ким экендигине карабай коррупциялык схема түзгөн уурулар жазага тартылышы керек! Жарандык коомдун катышуусунда гана калыс чечим чыгып, мындан да терең схемалар ачылат деп ойлойм. А өкмөттү кетиргенден эмне пайда? Аларды күч блогу менен кошо чакыралы, баарына жооп берсин! #janarakaev

25.04.2020
Өткөн жумада он чакты депутат каршы болгонуна карабай буудайды ташып келүүгө жана ун өндүрүүгө кошумча нарк салыгын алып салуу боюнча мыйзам 3 окууда кабыл алынды. Бирок президент муну азыр артка кайтарганы туура болот. Анткени, азыр Кыргызстан бүт Эл аралык финансы институттарынан каражат сурап жүрөбүз, а өзүбүздүн өндүрүшчүлөр төлөчү анча-мынча салыктардан баш тартуу туура эмес. Дал ушул тапта бул мыйзам керек, бир жарым жылга иштесин, абалдан чыгып алганча. Бирок демилгечилер ун магнаттарын колдоп, НДСти 2025-жылга чейин бошотуп салбадыбы. Бул биздин эле ун чыгаргандардын эмес, Казакстандык ун өндүргөндөрдүн кызыкчылыгы болушу да толук мүмкүн! НДСтен бошотолу, азыр ун өндүргөндөр бутуна турсун, бирок эмне үчүн алты ай, бир жыл эмес, 5 жыл? Атамбаев президент кезинде бул мыйзам казынага 1 млрд сом түшүрбөйт деп айткан, депутат Кенжебек Бокоев 680 миллион сом зыян келет деп жүрөт. Бери дегенде заманбап 12 жаңы мектептин акчасы. Ушуну ЖК колдоп берди. Демилгечилер болсо НДСти албасак контрабандисттер гана утуп жатат дейт, НДСти албай туруп контрабандисттерди тыюу керек эле четинен. Ун ташыган 15 контрабандистти өкмөт жакшы билет. Бул жолу ун чыгаргандар көп келип, мындай мыйзамдар колдоо тапсын, эмкиде кенчилер келсе, анан буларды көрүп казиночулар келсе, аягы эмне болот лоббинин? Бюжет татыш деп коюп, биягынан кайра жайлап аткан учур иши кылып.

28.02.2020
Кыргызстан-Армения парламенттер аралык кызматташууну күчөтүү аракетиндебиз. Кыргызстан менен достук группанын жетекчиси Микаэл Мелкумян мырза баштаган депутаттар Бишкекке келишти. Нефтиси жок, газы жок, деңизге чыгуучу жолу жок Арменияда былтыр экономикасы 7.9% ды түзгөн. Ыңкылаптан кийин келген бийлик системдик коррупцияны кескин азайта алдык дешти. Ошол эле учурда жакында өткөн жергиликтүү шайлоолордо оппозиция жеңишке жеткени кызык. Арменияда баш мыйзамга гана жазып койбостон, чыныгы парламенттик башкаруу өкүм сүрүүдө.

01.12.2019
Памирден келген боордошторубуз турак-жайлуу болушу шарт. 17 млн сом каралыптыр, жаз чыгаары менен курулушту тездетүү керек. #janarakaev

26.12.2019
Кезектеги мыйзам долбоорун, мыйзамдардын сапатын жакшыртуу боюнча талкуулап жатабыз. @dastan_bekeshev @abdyvahap_nurbaev

18.04.2020
Москвадагы «Жанылан» уюмуна рахмат! Убактылуу жумушсуз отурган айрым мекендештерге аз да болсо кол кабыш кылышты. Мен да эки айлык акымды мекендештер учун котордум. Апааттан батырак арылалы! Бир бололу! Чон ыраазычылык Кубанычбек Алибеков, Майрам Туралиева, Nurlis Tokebaev, Шайлообек Курбаналиев, Максым Баткенский, Максат Мамбеткулов

08.10.2019
Биз ала-качуунун, зомбулуктун кандай гана түрү болбосун айыпташыбыз керек! Бул салт эмес, азыркы мыйзамдар боюнча оор кылмыш! Үрөй учурган бул видео Таласта тартылды деп тараган менен, Талас милициясы бул окуя Таласта болгон эмес деп билдирүүдө, алар мага дыкат издеп да табалбаганын айтышты. ИИМ менен бир нече ирет сүйлөштүм, ушул окуя кайсы айылда, кимдер тарабынан катталганын билгендер болсо, мындай зордук-зомбулукту токтотуу үчүн милицияга сөзсүз маалымдап коет деп ишенебиз.