Bishkek, Kyrgyzstan
💐 Дешкен экен кайрандар: ✍️ Биздин убакта адамдар өзүн актоо үчүн түркүн сөздөрдү ойлоп таба алышат. Бирок, жөнөкөй эле " Кечир, мен адашкан экенмин " - деген сөздү айтуу алда канча татаал. ✍️ Кээде жалгыз болгон да жакшы. Себеби, эч ким сенин көңүлүңдү ооруталбайт. ✍️ Мен досторду пикир келишпестиктин айынан жоготушат деп ойлогом, а алар убакыттын өтүшү менен өздөрү эле кайдадыр жуурулушуп кетишет тура. ✍️ Адамдын баарына жакшылык кылууга мүмкүнчүлүгү жок, бирок анда эч кимге жамандык кылбоо мүмкүнчүлүгү бар. ✍️Сүйүү - бул эки тараптуу сезим. Эгер бирөөсү гана сүйсө, анда бул - ооруу. ✍️Таарынычтар кетет. А ишенимдер кайтпайт. ✍️Эгер адам оорууну сезсе, демек ал - тирүү. А эгер адам башка бирөөнүн ооруусун сезсе, демек ал - АДАМ! ✍️Достук - бул бриллиант сымал. Өтө сейрек кездешет, кымбат турат, а жасалмалары абдан көп. ✍️Эч качан жалаа менен мактоого өзгөчө маани бербе. Ич күйгөндөн жалаа жапса, боор ооругандан мактап коюшу мүмкүн. ✍️Махабат согуш сыяктуу. Башталышы оңой, бүтүшү кыйын, зыяны узак жылдар сакталат. ✍️ Кызыңа башка бирөө жакшы мамиле жасашын кааласаң, анда аялыңа да жакшы мамиле жаса. Ал да бирөөнүн кызы. ✍️ Эч качан өзүңдү төмөн ойлобо. Сенден даражасы жогору адамдардын да, бир кемчилиги болот. ✍️ Эгер чөгө турган болсоң, бир гана бакыттын деңизине чөк! ✍️ Сүйүп жашаган жакшы, а сүйүлүп жашаган андан жакшы. ✍️ Бийикке чыгып баратканыңда, жолуңдан кездешкен адамдарды таарынтпа. Анткени, ылдый кулап жатканыңда, кайра эле алар менен кезигесиң. ✍️ Сырткы кебетеңе карап баа бергендер, демек алар тереңдик эмне экенин түшүнүшпөгөндөр. ✍️ Каталардан качыш үчүн, тажрыйба керек. Бирок, тажрыйба болуш үчүн, адашуу керек. ✍️ Өзүнүн жеке жашоосу жок адамдар, бирөөнүн жеке жашоосуна кызыгышат. ✍️ Жоготуп алган кезиң — жоготуу эмес, жоготуп алганыңа өкүнгөн кезиң — чыныгы жоготуу болот. ✍️ Мамилелер дүрбү сыяктуу. Кимдир бирөөнү алыстатса, кимдир бирөөнү жакындатат. ✍️ Бакыттын эң жөнөкөй сыры — эч качан ден соолугуңду, аялыңды, маянаңды бирөөнүкү менен салыштырба. ✍️ Жакшы адамды таануу оңой эле: Анын жүрөгүндө кайгы, а жүзүндө күлкү. ✍️ Сен көрүп турган нерсе, сенин кандай караганыңдан көз каранды.