Кыйындар чыкса өзүңдөн, Кылгыртпа жашты көзүңдөн. Көралбас дарты айынан, Көрүндө көбү өкүргөн. Көңүлдүн болбой аргасы, Көңүлдүн болот даргасы. Жан дүйнөң бүчүр ачпаса, Жазыңдын эмне пайдасы. Жүргөндөй күндө бир басып, Жүрөгүң айтчы кимге ашык? Гүл баспай эчен асыл жан, Күүгүмдө жатат күл басып. Таңгалткан акыл- эсиңи, Тагдырдын сырдуу чечими. Балаңдан артык көрүнгөн, Бакыттын сегиз эшиги. Түгөнүп зыян отоолор, Түрлөнүп гүлгө тополор. Кишилер барат суктантып, Ким болду экен ошолор. Жеңишбек Жумакадыр