💐Аялдар көп сүйлөй турганчалык убакытын унчукпай өткөрсө, анда эркектер баардык бакытын колдон кетириптир дегендик. 💐Аялзатын менчелик түшүнгөн жан болбосо керек. Себеби мен да алар жөнүндө эч нерсе түшүнбөйм. 💐 Эң сүйүктүү аял-күйөөсүн багымдатка ойготкон аял. 💐Эң жаман эркек- аялын чапкан эркек. 💐Бир аялдын пикирин оңдойм десең, анын пикирин колдошуң керек. 💐Бейиште кезинде эле Обо энебиз, Адам атабыздын кабыргасын күндө санайт. Себебин сураса, Кудайым мага окшош дагы бирөөнү жаратып койбоду бекен деп кызганчу экен. 💐Аялдар бир нерсе болсо дароо ыйлап киришет. Кызыгы эч нерсе болбосо деле ыйлашат. 💐Аялды тепкенге бир гана курсагындагы наристенин акысы бар. 💐Аял баарысын кечирет. Бирок эч качан унутпайт. 💐Алла Таала даанышмандыкты, аялдын жүрөгүнө койгон. Анткени аялдын даанышмандыгынан чыккан жемиштери, мээрим менен сүйүүгө жуурулушкан. 💐Дүйнөнүн эң сулуу аялзаты турмушка чыккандан кийин катардагы эле жөнөкөй аялдардын ордун толуктайт. 💐Адаттагыдай эле, кызыксыз эркектин артында керемет бир аялзаты бар. 💐- Аялдар болбосо эркектер эмне болмок эле? -Кудай сактасын дефицит болмок, дефицит. 💐Асмандын жарымын аялдар көтөрүп жүрүшөт. 💐Аял сырдуу китеп сыяктуу. Эми окуп бүттүм десең жаңы барагы башталат. 💐Аялдар эркекке айта тургандарын көз менен айтышат. 💐Жеңилбес хандардын, баатырлардын аянычтуу жеңилүү ызаасынын автору аялдар болушкан. 💐Аялзаты энеге айланганда, андан күчтүү эч ким болбос. 💐Бир өлкөнү бир падыша башкарат. Падышаны болсо бир аял. 💐Эгер аялдар болбогондо, дүйнөдө акчанын эч бир баркы калбайт эле. 💐Аялга: 24 саат бою сени ойлодум десең, калган убакытта кимди ойлодуң дейт. ⠀ Топтогон Жеңишбек Жумакадыр