💐Көңүлүмдү гүлдөй сунсам, күлгө оонатып соолутушту. ⠀ 💐Кайран жүрөк бал да таттың, уу да ичтиң. Мен үчүн чыдап келесиң. ⠀ 💐Дартыңды Кудайга айткандан эч качан тажаба. Күтүлбөгөн жерден сага бакыттын эшиктери ачылат. ⠀ 💐Китеп бетин ачпай, менюдан башканы окуп көрбөгөндөр, жер силкинсе кулап кала турган кооз дубалдарга окшош. ⠀ 💐Жашап жаткан өмүрүңдүн эң акыркы сааттары өтө маанилүү. Себеби кимди же эмнени эңсеп жашаганыңа жолуга турган учурга баратасың. ⠀ 💐Адамдардын баарына макталыш үчүн эки жол бар: бай болушуң керек же өлүшүң керек. ⠀ 💐Үйдүн үстүнө чыгып көрбөй туруп, терезеден эле карап алып кыйкыра бергендерге таңгалам. ⠀ 💐Узак жашайт деп кузгундарга суктанба. Алар өмүрүн тарп жеп өткөрүшөт. ⠀ 💐Калп айтып элге жаккандан көрө, чындыкты айтып жаман көрүнгөнүң артык. ⠀ 💐”Эл эмне дейт" дегенди таштасаң, эл кийин: сени эмне дейт деп кеңеш сурай башташат. ⠀ 💐Ханга жалдырасаң багың сынат, байга жалдырасаң шагың сынат. Жаратканга жалдырасаң периштелер кубаттап, даражаң көтөрүлөт. ⠀ 💐Кийимиңди кийип жатканда падышадай кийин, машинаңа отурганда учакта отургандай отур, балдарыңа пайгамбардай мамиле кыл, алганыңды перилердин ханышасындай ардакта. Жеңил жашоону татаалдаштырба. ⠀ 💐 Суктандырган көрүстөн болбогондой эле, жумшарбаган көңүл болбойт. ⠀ Топтогон Жеңишбек Жумакадыр