Өмүрдүн баалуулугун эскерген даанышман. Бир даанышман кишиден: "Өткөн өмүрдөн эмнени үйрөндүңүз?" - деп сурашат. Даанышман төмөнкүчө жооп берет: "Өмүр карызга берилип, күнү келгенде кайра алынаарын жана дүйнөнүн өтүп кетээрин түшүндүм." Укугу тепселген адамга, кеч болсо да жардам берилерин түшүндүм. Биз капылетте калган кезде, көз ирмемчелик убакыттын ичинде ажал келип, өмүр бүтүп калышы мүмкүн экендигин түшүндүм. Жылуу сөз, жылмайып турган жүз - адеп-ахлактын эң жогорку даражасы экендигин түшүндүм. Ден-соолугу чың, тынчтыкта жашаган адам - бул ааламдагы эң бай адам экендигин түшүндүм. Өмүр бүтсөдө да, жумуштун эч качан түгөнбөстүгүн түшүндүм. Адамдарга сөзүнүн уккулуктуу болуусун каалаган адам, оболу өзү адамдардын сөзүн угуусу зарыл экендигин түшүндүм. Адамдар менен сапарга чыгуу бул - микроскоп сыяктуу. Ал адамдардын ички дүйнөсүндө эмнелер бар экендигин көргөзүп берээрин түшүндүм. Кени алтындан болгон (жан дүйнөсү таза) адамдын, кени алтын (ички дүйнөсү таза) бойдон каларын, жана кени темирден болгон (ички дүйнөсү начар) адамдын темирин дат басарын түшүндүм. Кабырда жаткан адамдардын бардыгы, тирүү кезинде иштешкен, аларда чоң-чоң максаттары болгон, бирок ал максаттарынын көбүнө жетпей калышкандыгын түшүндүм. Ата- энеңе кандай мамиле кылсаң, балдарыңдан сөзсүз ошондой мамиле көрөрүңдү түшүндүм. Жалкоолонуп эч нерсе кылбай ар кимден суранган адамдын ырыскысын Жараткан кем кылып койорун түшүндүм. Чыныгы ыклас менен кылынган тилек -дуба сөзсүз бир күнү кабыл болорун түшүндүм. @taalim__ баракчасына жазылыныздар