Нуржигит Кадырбеков
@nurzhigit_kadyrbekov_official
Нуржигит Кадырбеков

Подписчики: 190150
Посты: 455
Подписки: 39
- КРнын маданият, маалымат жана туризм министринин орун басары - Коомдук ишмер, акын, жазуучу Суроолор боюнча @dooron_kubatbekov 'го ❎DIRECT❎
https://www.youtube.com/channel/UCXc5HafUIbB1P_Z3ebGbBZw


 
Загрузка...
сортировать по: лайкам | комментариям | просмотрам | дате публикации
7104   67
19.06.2020
ӨЗҮБҮЗ ЖЕТПЕСЕК ДА СӨЗҮБҮЗ ЖЕТЕТ. #ТАРЫХТЫ_ТАЛКАЛАБА! Бул - жөн гана дөңсөө-дөбөлөр эмес. Бул – б.з.ч. VII – б.з. II кылымдарына таандык Сак доорунан калган өтө маанилүү археологиялык тарыхый эстеликтер. Мында байыркы тарыхтын табышмактары жана баалуу сырлары катылган - адам сөөктөрү менен кошо элибиздин өтмүшүн аныктоодо баа жеткис маалымат болчу ар-түрдүү буюмдар көмүлгөн болушу мүмкүн. Ат-Башынын Баш-Кайыңды айылындагы бул көрүстөн тарыхый эстелик катары таанылган. Тарыхтын ошол куттуу коломтосун минтип сүрдүрүп ташташыптыр. Ким кылды? Кантип колу барды? Кантип дити чыдап жасады ушуну? *** Биз космоско учкан, айфон чыгарган, атом бомбасын камдап алган өлкө эмеспиз. Мактанарыбыз, сыймыктанарыбыз – тарыхыбыз, маданиятыбыз гана. Башка элдер кечээги эле тарыхын көбүртүп-жабыртып дүйнөгө дүңгүрөтүп жатса, биз байыркы, бай тарыхыбызды ушинтип бульдозер менен сүрдүрүп таштайбызбы? Тарыхты таптап жок кылуу – өз тамырыңды балталап кыркуу деген эле сөз. Атасынын мүрзөсүн тегиздешке ким жол берет? Маданий эстеликтерди сактоо – бир эле манадият министрлигинин иши эмес го акыры. Айыл өкмөттөрү, жергиликтүү бийликтер буга башы менен жооп бериши бар. Керек болсо ар бир жаран парасат салып, күзөтүп, маданий мурастарды сактоого салым кошушу шарт. Анткени, тарыхтын ээси – баарыбыз. Байыркы элбиз деп мактанабыз. Эртең башка элдер байыркы экениңди далилде десе, эмне, ушул көрүстөндөрдү сүргөн тракторлорду көрсөтөбүзбү? *** Эмнеге сүрдүрүштү экен? Киреше тапканыбы? Жер айдаганыбы? Бул жерди түздөсө, ашып барса бир имарат курулар. А бирок, тарых менен миллиондогон туристтерди тартып, кирешеге тунса болорун тарыхын аярлап, барктаган ар бир эл далилдеп келатат го. Туристтер бизге тарых издеп келет. Уникалдуу маданият издеп келет. Болбосо, биздин жүзүбүз менен көзүбүздү көргөнү келмек эмес. Биздикиндей сары тери, кара баш, тумуйган көз элдер дүйнөнүн үчтөн бирин түзөт. *** Мына бул – чыныгы мыйзам бузуу, оор кылмыш. Райондук маданият бөлүмүндөгү кызматкерлерибизди жиберип, бул иштин жолун тородук. Бирок, бизге билдирбей кылынган ушундай безериликтер канча? Кыргызстан боюнча болгону 180 мамлекеттик кызматкерлерибиз бар. ⤵⤵⤵
Загрузка...
1379   23
11.06.2020
Карантин учурунда капыстан NUR SAYAKAT BILIM борбору менен байланышып калдым. Тил багытындагы курстарды уюштурат экен. Ошентип, өзүм дээрлик унутуп калган араб тилин кайрадан окуй баштадым. Мага жеке онлайн сабак өтүү үчүн Олжобай Ташполотов деген мыкты адисти дайындап беришти. Аралыктан болсо да сабакты аябай сонун түшүндүрүп, программаны бат-баттан өздөштүрө баштадык. Борбор кызматкерлеринин дилгирлиги, кичи пейил, ыкыластуу мамилеси жана ишине болгон жоопкерчиликтүүлүгү аябай купулума толду. Карантинге чейин кадыры артып, окуучулары батпай калгандыктан кенен кеңсе алып, жаңы жайга көчүшкөн экен. Анан карантин чыгып, окуучулар таркап, башкалар көргөн кыйынчылыкты бул борбор да баштан кечирип турган учуру. Ошого карабай кайрадан борборду ачып, окутууну башташып чоң эрдик жасашты. Башкасын билбейм, бирок АРАБ ТИЛИН үйрөнөм дегендерге ушул борборду сунуштайм. Жети жаштан баштап ким гана болбосун бул борборго кайрылып, окуп, АРАБ жана АНГЛИС тилдерин үйрөнүп, сертификат алып чыксаңыздар болот экен. Дареги: Юсуп Абдрахманов көчөсү 134, 1-кабат. Телефондору: +996 707‒17‒44‒72, +996 771‒15‒12‒54. https://www.instagram.com/nsb.kg/ # NUR_SAYAKAT_BILIM
6370   64
07.06.2020
Эки айыл… Аркысынан беркисине көчүп келүү ар бир адамдын башында бар. Тигил айылда үй-бүлөң, жакындарың, кошуна-колоң, элиң-журтуң менен алакада аралаш жашайсың. А бул айылдагы үйүндө ар ким тек башы менен жалгыз. Эшиги кулпуланган соң бир пенде кирип, бир пенде чыкпайт. Эки айылдагы жашоонун бир маанилүү байланышы бар: беркисин оңоп алсаң, аркысы өзүнөн-өзү оңолот. Оңоо деген - күмбөз салып, эстелик тургузуп, гүлчамбар коюу эмес, жакшы, сооптуу иштерди жасап, акылды өстүрүп, рухту байытып, башкаларды жакшылыкка чакырып, жамандыктан кайтарып, күнөөлөрдөн тыйылып, парз болгон ибадаттарды аткарып кабырга эң сонун амалдарды шерик кылып кирүү. Ичиңди оңосоң – сыртың, акыретиңди оңосоң – бул дүйнөң оңолот дегендин мааниси, балким, ушунда. Акыры келериң берки айыл экенин бир саамга да унута көрбө, тууганым. Бул сенин – ныксырабай иште, оку, ибадат кыл, тообо келтир, шүгүр айт деген мотивацияң! Бул сенин – чыныгы бакытка жетүүгө берилген экинчи кайталанбас шансыңдын эскерткичи! Бул сенин - жүрөгүңдүн тазарып жана жумшарып турушунун себеби! Кирдеген жана каткан жүрөк башкарган денеден жана өмүрдөн кантип жакшылык күтөсүң? Оо, Жараткан, ар бир ишибизден, сөзүбүздөн, аракетибизден, ниетибизден, кадамыбыздан жана амалыбыздан чексиз ыраазы болгойсуң. Убактыбызды укум кылбай, берекесин берип, туура пайдалануунун насип эт! Түз жолуңа сал жана андан эч качан адаштырба. Артыбыздагы акыркы эшик жабылгандагы жана ага чейинки абал-даражабызды бийик жана зыяпаттуу кыл! Эки айыл. Аркысы – убактылуу. Беркиси – түбөлүк. Түбөлүгүбүз түз болсун, ылайым... НК, 7-июнь, 2020-жыл #ЖУМГАЛ #ДООРОНДУН_АТАСЫН_УЗАТЫП