Кимдин баласысың? Көчөдөн жолуккан ар бир адамга салам айтканда алик алгандан кийинки суроосу ушундай болор эле бала кезде, мурунду шуу тартып ТОКТОГУЛДУН баласымын дээр элем сыймыктанып, аа түзүк, жакшы кишинин баласы турбайсыңбы салам айтканды билген, өмүрлүү бол, атаңа ырахмат дешээр эле алкап. Ошол сыймыктануум бала кезден бери жан азык болуп жашап, сизге болгон уулдук сезимимди улуу дүйнөгө жетелеп, азыр өзүм ата болсом дагы акыл насаатыңызга муктаждыгымды туюнтуп келет. АТАКЕ, бүгүн сиздин туулган күнүңүз, КУДАЙЫМ буйруса 73 жаштын тузун татып баштадыңыз, жараткандын марттыгына шүгүр келтирип, өмүрүңүздүн анан менин балалык бактылуулугумдун доору узун болушун суранып келем, бар болуңуз АТА, сиздин уулуңуз болгонум кандай бакыт экенин акылым менен туюп, кайсы жерге барсам дагы аксакалдардын батасын алганда атаңа ырахмат айланайын деген сыймыктуу сөз аркылуу жон терим менен сезип жашап келем, КУДАЙГА шүгүр АТА, сиздин бар экениңиз бакыт, айткан ар бир кеп кеңешиңиз өлчөөсү жок ырыскы, көз карашыңыз дөөлөт, АПАМ менен тең карып жаманатты жоругубузду укпай кылым жашаңыздар, КУДАЙ буйруса калган куттуктоомду эртең жаныңызга барып айтам, туулган күнүңүз менен АТАКЕМ!!! #дөөлөтүм_атам ♥