26.04.2020
Америкадан жалпы кыргыз элине салам жолдошуптур кабыл алыңыздар, орозоңуздар кабыл болсун!!!

25.04.2020
Жаныбек Алыкуловдун уулу @manas_alykulov Манас үкөбүз кечээ балканактай уулдуу болду, уулунун атын эл сүйгөн Элмирбек атасындай болсун деп ырымдап ЭЛМИРБЕК деп койду, Манас үкөм телефон чалып сүйүнчү айтып, анан аке атын ушундай деп койсом кандай дейсиз дейт, алгач сүйүнчү уулдуу болдум дегенде эмнегедир атын Элмирбек койсо деген ой учкуну жылт дей түштү эле, ойлорубуз шайкеш келгенине кубандым абдан, Азиза @anarbaevna69 жеңе небере кут болсун, өмүрлүү бактылуу баталуу уул болуп өссүн, кызыр жылоосунда болуп, Элмирбек атасындай калкка кадыры сиңген элдин уулу болсун оомийин🤲!!!

25.03.2020
#биз_бул_сыноону_жеңдик_деген_күн_да_алыс_эмес

25.04.2020
Урматтуу достор, күндөн күнгө адам аттуунун баары аты жаман ооруга үйүр алып, кээ бир саясатчылар мындай оору жок деп үгүт жүргүзгөнгө жетишсе, кээ бир дарыланып айыгып чыкты дегендер бир тоголок дары берген жок жөн эле жаттым деп айтып, үйдө камалып отурган көпчүлүктүн башы айлагандай ахыбалга келдик. Ырас өзүм дагы алгач күндөрдөн баштап муктаждарга азык түлүк маска таратуучулардын катарында болуп, бул кокунучка көп маани бербегендердин катарында жүрдүм, 2 күн мурун абдан жакын санаалаш таанышымдын телефон коңгуроосу ансыз да буулугуп турган жан дүйнөмдү селт эткизди. Негизи фб талаасын таптакыр эле жаап салып, фейсбуктан инстаграммдан кетип өзүм менен өзүм болгум келип жан дүйнөм жалгыздыкты самап баштады эле, бул коңгуроодон кийин аз болсо да башкаларга ал жай сурашып маалымат жеткирип туруу үчүн ал оюмдан кайттым. Биз баарыбыз көндүм болуп, бул оору жок экен жөн салды эле ойдон чыгарылган акча жасамай окшойт деген түкшүмөл пикирлер башталгандан баштап баарыбыз эле моюн сунгандай жай турмуш арабасын кылдыратып баштагандайбыз. Тилеке каршы бар экен, болгондо дагы өтө коркунучтуу оору ар бирибиздин жакындарыбызды жада калса өзүбүздү дагы акмалап жүргөнүн айтып койгум келди, абайлайлы сактансаң сактайм деген жараткан дагы сактаналы туугандар, мага кагылган телефон коңгуроодогу таанышымдын аба жетпеген үзүл кесил үнү жан дүйнөмдү үркүттү, бечара таанышым бир нерсе болуп кетсем үй бүлөмө бөтөн эмессиң көз сала жүрчү деген жөтөлгө муунган сураныч сөздөрү жасалма дем алдыруучу аппараттын чыйкылдаган үнүнө аралаш чыгып бул коркунуч ар бирбиздин босогодо эле жүргөнүн туйунтту. Инфекциялык оорукананын башкы врачы биздин айылдаш ага болгондуктан телефон номерин терип андан сурадым, ахыбалы оор дейт, урматтуу мекендештер ар бириңиздердин ден соолугуңуздар өмүрүңүздөр мекен үчүн кымбат, жок дегенде жалган маалыматтардын таралышына бөгөт болуп өлкөбүзгө жардам берели, баарыңыздарга ден соолук өмүр тилейм.🙏 #жардам_бер_үйдөн_чыкпа_өзүңдү_ая

20.05.2020 Друг
Эзилип күлүп эмнени сүйлөштүк экен анда Элмикем? #архивди_аңтарып_1994_жыл_токтогул_балачычкан_айылы

22.05.2020 Солнечные дни
Бул сүрөт кимди болсо да жылмайтса керек... учуру келгенде биздин аруу таза күндөр тууралуу китеп жазсам ушул сүрөттү китепке кошуп чыгарам деп айтсам, кой ай, сүрөттү көргөн элдер байкуш атты кыйнап эзип өлтүргөн экенсиңер деп экөөбүздү сөгөт деп күлчү элең... #элмикем

18.03.2020
Бүгүн башыбызга жараткандын жалпы журтка берген сыноосу келип алдастатып турат, суук кабар таң эрте чыйрыктырган муздак аба менен кошо келди. Кыргызым мындан кыйын кезеңди башынан кечирген, андыктан акыл кеп кеңешибизди бири бирибизден аянбай, акаевчи, бакиевчи, атамбаевчи жээнбековчу болуп ыркырашпай, теңирчи, мусулман, христиан, баптист болуп чыркырашпай, түндүк түштүк, аркалык ичкилик болуп бөлүнбөй МАНАСТЫН элиндей ынтымак айкөлдүн урпактарындай токтоолук менен туруштук берип жеңишке умтулалы, келгиле жок дегенде ушул сыноо босогосунда чеп болуп туралы, бири бирибизди күнөөлөгөндөн пайда жок экенин билсек деле кырчаңгыланып дайны жок сүйкөнгөндү, ар намыска шек келтире сүйлөгөндү токтотууга чакырам, биздин абийир, намыс, ынтымак алмустактан бери түптөлүп ата бабалардан таберик болуп бизге жеткенин, азыр да каныбызда айланып жашап жатканын далилдейли мекендешим, баардык сыртта жүргөн жана мекенде жашаган улутташым, бекем болуңуздар, Кудай маңдайга жазганын бирге көрөрбүз, тирүү болсок бир дөңдө болуп бири бирибизге кол сунбасак, бирибизди бирибиз жөлөбөсөк башка эч ким бизге мээрим төкпөйт, баарыңыздарга ден соолук амандык жана бийик сабырдуулук каалайм боордошторум!!! #кудайколдосун

25.03.2020 Кыргызстан
Келинчегинин боюнда бар экенине карабай, үй бүлөсүнүн эмес жамы журттун саламаттыгына кам көрүүгө, обсервацияга алынган бейтаптарды дарылоого кеткен дарыгерди угуп чыйралдым, ар бир карантинге алынган айылдарды күнү түнү көзөмөлгө алып үй бетин көрбөй жүргөн милиция кызматкерлерин, жоокерлерди көрүп кайраттандым, аядым, алардын да бизге окшоп үй бүлөсүнүн кашында, уул кыздын маңдайында жылуу жумшак отурганга акысы бар болчу, булардын качан үйүнө кайтышаары белгисиз, жок дегенде ушулардын мээнетин сыйлайлы, адамдык абийирди ойготуп аяр жана жоопкерчилик мамиле кылып жардам берели!!! #алкышсагаакхалатчан #алкышсагатартипсакчы #үйдөбол #үйдөнчыкпа #өлкөгөжардамбер

06.04.2020 Дом, Милый Дом
Ыр тыным... ♥ Кадырлуум анда 4 жашта эле, убакыт учкан куш 8 жыл көз ачып жумгуча зымырап өтүптүр. @kadyrluubeyshekeev баракчасына катталып коюңуз.😊

24.04.2020 Кыргызстан
Бар нерсенин баркына жетип, бири бирибиздин көңүлдөргө гүл төшөп, кадырлап жашайлы!!!

01.06.2020 Поможем Вместе
“Мөлмөлүм” ыры менен жалпы кыргызга таанылып, мукам үнү менен элдин жүрөгүнөн орун алган таланттуу ырчы Малик Аликеев тагдырдын сыноосуна кабылып, учурда дарт менен алышып жатат. Баса албай калгандыктан ага тез арада дарылануу зарыл. “Көп түкүрсө көл болот” дейт, келгиле баарыбыз жардам кылалы. Элүү сом, же жүз сом – канча болсо да ниетиңиздерден чыгарган каражатыңыздар таланттуу адамды жашоого кайрып алып келээрин билиңиз. Кайдыгер болбойбу, көңүл сыртында калтырбайлы. Баарыбыз бирдей кол суналы. 0555001862 – Элсом Оптима картасы - 4169585344757652

19.03.2020 Кыргызстан
Силер чыныгы элдик баатырсыңар ардактуу ак халатчандар, өлкөнүн келечегине өмүрүнө чеп болуп турасыңар, пейил мүнөзүңөр кийген халатыңардай ак экенине жасаган ишиңер күбө. Коомчулук кандай гана сын пикир айтпайлы, адамдык абийирге чейин асылып ур тепкиге албайлы бирок баары бир арзыбаган айлыка кайыл болуп өмүр сакчылык милдетиңерди улантып келесиңер. Таазим силерге дабагерлер, мээнетиңер кайтып мекенибизге ылаң жолобосо экен, жасаган аракетиңерди көрүп, жан дүйнөм жаз көктөмдөй жылыйт, азаматсыңар, Кудайдан кийинки үмүт силерде, чарчаңкы жүзүңөрдөн мээрим көзүңөрдөн эртеңки күндүн жарыгы туюлат, баарыңарды кучактагым келди, ыраазычылык сөзүмдү ыр менен айткым келип турат, урматтуу акын достор мага тез жардамга келиңиздер, өлкөнүн өмүр сакчыларына арналган чыгарманын жаралышына кол кабыш кылыңыздар, келген ырларга чектөө жок, ак халатчандарга арналган ырларыңыз болсо же жазып ушул постко коммент калтырсаңыздар сонун болмок, анда эмесе алкыш силерге ардактуу ак халатчандар, бар болуңуздар дабагерлерим!!! #алкыш_силерге_ардактуу_ак_халатчандар

01.03.2020
Туулган күнүң менен балам, отузунда орок орбогон кыркында кылыч чабалбайт деген акылман элибиздин кеби бар, андыктан ушул жашыңда көптөгөн ийгиликтерди, элдин батасына арзырлык иштерди жасоого тийишсиң. Өнөр жолу жөнөкөйлүк менен чындыкты сүйгөн аруу жол, ар дайым чындык тарапта болуп кичипейилдике жолдош бол, бүгүнкү жасаган ийненин көзүндөй ийгилиң адамдардын алкыш батасы менен чоңоюп өсө берсин балам, Аваз балаң жакшы деген сөз мен үчүн дагы дем сүйүнүч болор, аман жүр баатыр, калкыңа каруу болор ырларды ырдап аруу дүйнөдө оорубай кылым жаша, отуз жашың кут болсун балам!!! #туулган_күнүң_менен

27.06.2020 Ат Башы
Бакыт куржунуңар бөксөрбөй, дөөлөттүү карылыка ээрчишип чогуу жеткиле балдарым, куш бооңор бек болсун!!! 🤲 ❤ 🦢 🦢 #өкүлбалдарым

27.03.2020
Жараткан ырыңды жогорку деңгээлде аткарылганын укканда жан дүйнөң кубанып башкаларга бөлүшүүгө шашасың, Султан Садыралиев деген мыкты аткаруучуну билбеген кыргыз жокко эсе болсо керек, <Бир өзүңө> деген ырымды менин жан дүйнөмө кирип мени менен кошо жараткандай түшүнүү менен аткарганына бали дедим, буйруса түшкү саат 12-00 дон баштап YouTube каналымдан уга аласыздар, баса мындан ары менин ырымды ырчылардын аткаруусунда дагы каналга жүктөп туралы деп чечтик, каналга катталып ыр угуп туруңуздар, сиздерге сөзсүз жагат!!! @sultan_sadyraliev_official https://www.youtube.com/channel/UCduZ3oNKMyJuqsNNGpi0qjAhttps://www.youtube.com/channel/UCduZ3oNKMyJuqsNNGpi0qjA

14.03.2020 Кыргызстан
Жаратканым жалган жалаадан, айтпай келген кырсык балаадан, онтоткон оорудан, кыйындыкта оокатын бөлүшпөй коруган соргоктон, агыны катуу суудан, айкырык ызы чуудан сактасын, элибиздин эрмеги эмгек болсун, кут береке үйүнө толсун, башыбызга күн аягыбызга ай консун, ашыкча чагым кылар кептерге алдырбай бийик сабыр менен бири бирибизге жөлөк алсыздарыбызга көмөк бололу жакшыларым!!! #кудайколдосунмекендештерим 🙏