191 21
1577
29.02.2020
Туулган жер. созу, обону: Керим Турапов
Кылымдардан кылым карытып,
Кызыл-Суунун суусу агылып.
Бал жыттанган таттуу кымыздай,
Туулган жердин суусун сагындым.
Жүрсөм дагы алыс араңан,
Ата Журтум кетпейт санаамдан.
Акыл айтып, асыл кеп айткан,
Аталардын кебин сагынам.
Сары-Ой менен Көк-Ой тоосунан,
Бүркүт шаңшып, күкүк сайраган.
Ышкын терип аска-зоосунан,
Жүргөн күнүм эстеп сагынам.
Жылаңайлак, чырпык ат минип,
Жылгалардан тунук суу кечип.
Балтырымды тилип караган,
Балалыгым эстеп сагынам.
Коңур-Дөбө - жайлоо, жашыл төр,
Коңур желдүү, салкын, асыл жер.
Кокту, белес, күнгөй-тескейден,
Кой кайтарган күнүм сагынам.
Түндүгүнөн түтүн булатып,
Апам жапкан нанды сагынам.
Үйүр-үйүр жылкы айдаган,
Атам жүргөн жерди сагынам.
Үйүр-үйүр жылкы айдаган,
Атам жүргөн жерди сагынам.
Ата Журтум эстеп сагынам.
Балалыгым эстеп сагынам.
#туулганжерим #туулганжер #туулганжердисагынуу #туулганжердинтопурагыалтын #родина #родинамоя #роднойкрай #классическийкостюм #классика #кыргыз #кыргызча #туулупосконайылым #туулупосконжерим #темирназаров #temirnazarov # #медленнаяпесня #песнядлядуши
