30.06.2020
Болот Тасмаев кыргыз музыкасынын таланттуу өкүлү, үндүү ырчылардын сап башында турган, ар бир аткарган ырына астейдил мамиле жасап, сөздү кадырлап, обонду ыйык туткан ырчы эле. Аткаруучу катары элдин урматына ээ болду. Бокемин Ала Тоону аралаган арген үнү эл эсинде түбөлүк жашай берет. Адамгерчилиги, чыгармачылыкка жасаган мамилеси өзгөчө инсандан айрылып отурабыз... Жалпы чыгармачыл инсандарга көңүл айтам. Суроо-жообу жеңил болуп, жаны бейишке чыксын! Өлүм ак, ажал улук...

28.06.2020
Чуст бычагы. Окуучу кезде тарых сабагынан "Чуст маданияты" деген тема өткөнүбүз эсимде. Ар бир үйдө Чуст бычагы иштетилет эле. Мына ошол кадимки бычак. Сапаты мурдагыдайбы жокпу билбеймин.

28.06.2020
"Турмуш боектору" автордук көрсөтүүсүн ютуб каналымдан көрүңүздөр. Сүрөтчүлөрдүн ички дүйнөсү, интеллекти, сүйүүсү, изденүүсү ж.б.жөнүндө сөз болгон

26.06.2020
"Эртеңди кой, бүгүнкүгө канагат, Эртеңки ойлор уктап турсаң таралат. Эсиң болсо бүгүнкүңдү жашап кал, Эртеңкиге сенин жаның аманат" Омар Хаям #foto_maksatjumabaev

26.06.2020
КРдин маданиятына эмгек сиңирген ишмер, белгилүү сүрөтчү Мамыралы Эшбаевдин чыгармачылык өнөрканасындабыз.

25.06.2020
ОшМУнун Искусство факультетинин "Жаштык" эстрадалык ансамблинин коштоосунда "Элегия" ("Сагындыңбы? Мен да сагындым") аттуу визиткамды ырдадым.

24.06.2020
сөзү: Р.Абдыкадыровдуку обону: А.Бөдөшовдуку Ошол кезде көзүм толо жаш болгон, Мен сүйүүдөн баш айланып мас болгом. Азыр сенин аз мезгилдин ичинде, Айтчы неге жүрөгүңө таш толгон? Кайырма: Абалым оор, аябастан кайгырдым, Мен айрылсам, сен да менден айрылдың. Мен айрылсам, сен да менден айрылдың. Гүл кетти да, куурап калган бак калды, Үмүтүм жок, үзүлгөн бир шак калды. Сүйкүмдүүм, ай, сүйүнтпөстөн какшаттың, Сүйүү кетип, ичте кара так калды. Кайырма: Мен көтөргүс оору менен кайгырдым, Мен айрылсам, сен да менден айрылдың. Мен айрылсам, сен да менден айрылдың. Бир жаныма өзүң бир жүз жан элең, Бир жашоомо жалгыз күйгөн шам элең. Мээрим белең, кара көзүм, жалгызым, Мен да сага ичим күйүп тар эле. Кайырма: Мынча неге көз жаш төгүп кайгырдым? Мен айрылсам, сен да менден айрылдың. Мен айрылсам, сен да менден айрылдың. Сендей адам эми такыр таппасмын, Боорум ысып, жүрөк тынчып жатпасмын. Ыйлап, ыйлап, көз жаштарым да тынар, Шумкар кезде канаттарым да сынар. Кайырма: Мээримдүүм, ай, мен да сен деп кайгырдым, Мен айрылсам, сен да менден айрылдың. Мен айрылсам, сен да менден айрылдың

22.06.2020
Бүгүн ЭлТРде "Чак түш" көрсөтүүсү болду. Эфирди Айжамал Сулайманова алып барды. Кутман авам экөөбүз ырдадык. #kutman_sultanov84

21.06.2020
Ийгиликтүү жазылган "Сүйүү багы" ырымдын дуэтте угуңуз 🎵ЖАҢЫ КЛИП 🎵 ЖАҢЫ КЛИП 🎵 @venera_nazaralieva_officiall & @daniar_janibekov_singer "Сүйүү багы" 19-июндан баштап @ktrkmuzyka телеканалында📺 ☄☄☄☄☄☄☄☄☄☄☄☄☄☄☄☄☄☄☄☄ 🎵 НОВЫЙ КЛИП🎵 НОВЫЙ КЛИП 🎵 @venera_nazaralieva_officiall & @daniar_janibekov_singer "Сүйүү багы" с 19-го июня смотрите в эфире @ktrkmuzyka 📺 #ктркмузыка #музыка #music #жаңыклип #новыйклип #сүйүүбагы

19.06.2020
Уландысы Бир учурда Ошко Айтматовдун паркын ачабыз, ошого Тамиланын “Айтматовун” коебуз деген да күбүр-шыбырлар болгон экен. Залкар жазуучунун көркөм элесин Ош шаарына койсо саясий туура чечим болмок. Албетте, автор мындай чоң эмгектин борбор калаада туруусун каалашы турган кеп, бирок Ош деген байыркылыгы менен келечеги айкалышкан шаар. Экинчиден, Айтматовдун балалыгы Ош шаарында өткөндүгү, үчүнчүдөн автор Тамила Маматова дагы Ош мамлекеттик университетинин Искусство факультетине тапшырып, ушул жерде окуп, Т. Жумагуловдун сунушу менен борборго кеткендигин айткым келет. Демек, жазуучунун балалыгы, скульптордун Ош шаарындагы алгачкы чыгармачылык чыйырынын башталган күнүн эске алуу менен шаарыбызга койсок туура болот. Айтматов жана Ош, Маматова жана Ош. Үч бурчтук. Албетте, жетекчилер жана Оштогу чыгармачыл интеллигенция менин пикиримди колдоого алабы жокпу, ал башка маселе. Бирок, улуу жазуучунун эстелиги Европада элим жер берсе, чечим чыгарса ошол жерге барат элем деп күткөнү туура эмес! Эртең башка өлкөнүн бир азаматы автордун эмгегин баалап, көрүнүктүү шаарларынын бирине коебуз десе, анда “кылычыбызды ташка чапканга” туура келет. Айтматов бир эле улутка сыйбайт, ал ааламдын уулу! Тамила Маматованын чыгармачылык изденүүсүнө ийгилик каалаймын! Ден соолукта болуп, улуттук маданиятыбызды дүйнөгө таанытууга аракетиңди жасай бер дегим келет. Чыгармачыл адамдардын эмгегин көргөнүбүздө дароо эле кыргыздык түшүнүк менен “автор азамат! Ага мамлекеттик сыйлык беришибиз керек!” – деп, ураалап чыгабыз. Тамилага сыйлыктын кереги жок, ага эмгегин баалап, жер бөлүп берели. Айтматовдун эстелиги көрүнүктүү жерде турса Тамилага ошол сыйлык! Ошол бакыт! Ошол эргүү эмеспи! Түмөнбай КОЛДОШОВ, ОшМУнун мамлекеттик тил боюнча проректору, ф.и.к., доцент, обончу.

19.06.2020
ЖАРАНДЫК ПИКИР: АЙТМАТОВ ЖАНА ОШ Бүгүн интернет желесинде дүң деп аты чыгып, Европанын жана Кыргызстандын ММКлары Тамила Маматова деген скульптор тууралуу жазып жатышат. Гезит-журналдар чыгармачыл кыздын жараткан эмгектери, жашоо турмушуна байланыштуу маселелер менен кошо эстеликтин жасалуу тарыхын жазышууда. Тамила буга чейин дагы көп эмгектерди жасаганын, ал эмес персоналдык көргөзмөсү Москвада, Питерде, Бишкекте ж.б. шаарларда өткөнүн белгилейт (“Каныкей” эстелиги Москвада, “Кыргыз кызы” Крымда коюлган). Журналисттер да, Тамила да Айтматовдун эстелиги борбор калаабызга коюлбай калганынын конкреттүү себептерин айтпай, айланып өтүшөт. Ал "чылык" деген баарыбызга түшүнүктүү эмеспи. Мен Тамила Маматованы көргөн эмесмин, болгону ыраматылык Токтобай Жумагулов агайдан "Бир шакиртим Европада окуйт, ал өтө таланттуу кыз" деп айтканын укканым бар. Бүгүн ошол агайдын шакирти дүйнөлүк чыгармачыл интеллигенциянын кызыгуусун арттырып, "таанышкысын" келтирип турган чагы. Кичинекей, бирок чоң дүйнөсү бар Тамиланын дарамети канчалык экени көрүнүп турат, дипломдук иши үчүн жасалган "Ч.Айтматовдун эргүүсү" аттуу эмгек өтө чыгармачылык менен иштелиптир. Бизге Айтматов десе жазуучунун "ашуудан ашып" калган элеси көз алдыбызга тартылат. Дээрлик бардык сүрөттөрдө, эстеликтерде залкар жазуучунун улгайып калгандагы элеси чагылдырылган. Мында болсо жалындап турган кези, жазуучулук амбициясы, сезими, кыраакылыгы, айкөлдүгү, дүйнө таанымы көрүнөт. Үч метрлик эстелик бүгүн элибиздин эрктүү чечимин күтүп турган учуру (!). Автордун жасаганын карасаң бир топ изденүүчүлүк бар, кыргыздык дух, улуттук мүнөз чагылып турат. Жаштыктын өзү керемет эмеспи! Айтматовдун жаштыгы, тармалданган чачы, оң жакасынын желбиреп турушу (автор стандарттуу көрүнүштөн качкан), чыгармачылык эргүү менен отурганы... Жазуучунун эки колунун айкашып турганын автор видеолордон, фотолордон көрүп, көп учурда ушул көрүнүштө экенин байкаган. Андан сырткары, жан дептери жанында турат. Жазуучунун табиятты сүйгөндүгү чыгармаларынан даана билинет, эстеликте да ошол жазуучунун табиятка болгон суктануусу чагылдырылат. Уландысы бар Түмөнбай Колдошов, ф.и.к., доцент, обончу

18.06.2020
Ушул "Чиеш тагдырлар" аттуу тарыхый китеп сатылат. Баасы 300 сом. 17 даана калды. Байланышыныздар +996559317717