12.03.2020
Көрүнгөндүн тагдырына бышактап ыйлай бермей адатым бар болчу. Көчөдөн кайырчы көрсөм, ага ыйлайм. Бирөөнүн тагдырын уксам, буга ыйлайм. Өзүнчө эле Асан кайгы! Адамды кой жан - жаныбарга да бырылдап ыйлай бермей. "Боорум ооруп атат" сөзүн көп кайталадым. Жашоомдогу эң көп айткан сөзүм ушул болсо керек. Анан чын эле физикалык жактан боорум ооруп, даарылап, айыктым. Бир жолу бир китептен бирөөгө боор ооругандай кимсиң деген сөздү окуп калдым. "Боор ооруу менен сен аны басынтып, өзүңдү өйдө сезип атасың", - деди. Ар бир адамдын ой - жүгүртүүсүнө, деңгээлине, билимине, көз карашына жараша өзүнүн тагдыры болот экен. Айрым учурда аларга жардам берүү менен жүгүн өзүбүз көтөрүп алып, Жараткандын ага берген тапшырмасын аткарууда жолтоо болот экенбиз. Жараткан берчү сабакка тоскоолдук жаратат экенбиз. Азыр ар кимдин көтөрүп жүргөн өз жүгүнө карата мыйзам ченемдүү көз караш пайда болду. "Демек, Жаратканымдын билчүсү бардыр. Кийлигишпейм" деп калдым. Таптакыр кайдыгер болуп кетүүнүн да кажети жок. Боло албайсың дагы. Адам болгон соң, жүрөк аттуу бир муштум этиң көрмөксөнгө сала албайт, бирок чеги мн. Оор жүгүбүз эмнени көрсөткүсү келип жатат суроосу менен алек бололу! Жараткандын сабагын үйрөнмөйүнчө өмүр бою жүктүү жүрөсүң. #жөнэлеойлор Photo by @djanjyldyza

28.05.2020
Кандай мамилени өзүңө ыраа көрсөң ошондой мамилени күтөсүң. Өзүңдү кандай бааласаң, ошончолук баада сени баалашат. Бийик койсоң, бийик баалайт. Чаң жугузбайт. Өйдөдө болосуң. Башына таажы кылат. Төмөн койсоң, бут алдында болосуң. Тебелеп, чаңдатып, кирин сүртүп турат. Сындап, көңүлүңдү оорутуп, ишеним көргөзбөй, жан дүйнөң мн эсептешпей жатышса, ойлон! Тык токто! Ал мага андай мамиле кылгыдай, мен эмне кылып атам? Кантип бул мамилеге татып атам? Өзүңдү бийик мамилеге татыктуумун десең, үз мамилени. Артыңды карабай чурка! Мамиле эгер ишенбестиктен куралып атса, борпоң топурак мн салынып аткан үйгө окшош. Жаан, шамалга туруштук бербейт. Кайсы учур болбосун кыйрап түшөт. Сени сүйгөн адам айттырбай эле көрүнөт. Анын мамилесинен дароо түшүнөсүң, тааныйсың. Ал мамиле ырахат, кумар, ишеним, тынчтык тартуулап атса, демек, туура мамиле жана анын баркын бил. А эгер сөзүнөн жүрөгүң ооруп атса, өзүңдү кем сезип атсаң, кыжалаттык пайда болуп атса ал уулуу мамиле. Ууландырат. Бара бара чүнчүтүп, жок кылат. Уулуу адамдардан кутулуу керек экен. Бир эле өмүрүң бар. Ууландырып эмес, гүлдөтө турчу адамдарды тегеректетели. Мамиле кыз - жигит мамилеси гана эмес жашооңдогу баардык мамиле тууралуу кеп жүрүп жатат. Мейли ал ата - энең, бир тууганың, досуң, шефиң, кесиптешиң болсун...үзгөндү үйрөн! #жөнэлеойлор

01.06.2020
Курсак чыгардым. Бет тултуйду. Көңүл ток. Жүрөк бош дегендей))))))) Ошо. Ошону эле айтып коеюн дегем.

15.06.2020
2005 - 2020 - жылдардагы эки сүрөт. 15 жылда эмне өзгөрдү? 1. Укмуштуудай тажрыйба алдым жашоодон. Түрдүү адамдар мн беттештим. Түрдүү абалдан чыктым. Ызага баттым, ыйладым, каткырдым. 2. Жумушта да тажрыйба топтотдум. 2005 - жылы эң көп тил уккан мезгил эле. Тажрыйбасыз келгем. Далай сүрдөп, жаңылгам. Он беш жыл аралыгында эң рейтингдүү берүүлөрдү адып бардым. Чет өлкөгө далай ирет фестиваль, конференция аркылуу өлкөмдүн атынан чыктым. Сонун фильмдерге тартылдым. 3. Жеке жашоомдо уулдуу болдум. Турмуш куруп, туткасын тогуз жыл кармадым. 4. Жашоого, адамдарга көз карашым өзгөрдү. Ар бир адамды кемчилиги, артыкчылыгы мн кабыл алдым. Жашоону сүйдүм. Өзүмдү сүйүүнү үйрөнүү , таануу мн алекмин. 5. Жинди улактыгым, кыраан каткырыгым калып баратат. Бул мени өкүндүрөт. 6. Досторум, айланамдагылар дайым өзгөрүп турат. Көп адам кирди жашоомо. Сабак берди. Чыкты. Өзгөрүлбөгөнү: 1. Чач жасалгамды өзгөртүү кыйын. Ак басканы үчүн гана өңү бир аз өзгөрдү 2. Салмагым. 47 - 49 кг арасында 3. Адамдарга ишенгим келе бергени өзгөргөн жок. Көп нерсе билем. Көз жумуп ишене берем. 4. Унутчаактыгым, ак көңүлдүгүм өзгөргөн жок. Кимге, эмнеге таарынганымды унутуп калган сонун сапатым мени мн чогуу келе жатт. Ансыз эмне кылмакмын? 5. Буркан - шаркан түшүп, чагылган чартылдап, нөшөр төгүп, асан - үсөнү мн кошо чыккан күндү дагы эле сүйөм. Мүнөзүм да дале ошондой... #жөнэлеойлор

26.05.2020
Атаандашууда өсүш жаралат дешет. "Көралбастык эмес атаандашуу болсун" дечүмүн, бирок атаандашып атканда деле арамдык, ичи тардык кошулуп кетет экен. Атаандашканда өзүң мн атаандашың керек экен. Мурункудан кийинки Назира аштыбы деген кыязда. Өзүңдү өзүң мн салыштыр. Адам өзүн өнүктүргөн сайын дагы бир тепкичке бийиктейт. Айрым учурда мурункунун кылык жоруктары кийинки үчүн күлкүлүү көрүнө баштайт. Анткени мурунку сен өсүп кеткен кийинки сендин алдында турат. Бийиктен караган көз караш башка болот. Өсүп атканыңда чоңоюп аткан балага көйнөгү батпай калган сыңары кадимкидей өзүн тегеректеп турган адамдар да кызыксыз боло баштайт. Алардын ар бир мүнөзү, кыялы - жоругу так, даана көрүнөт. Мурун ал сага идеалдуу болчу балким. Азыр өйдөгө чыккан, өскөн көз карашың мн карап алып, өзүңдү канчалык деңгээлде сыйлабаганың, ушундай мамилени өзүңө ыраа көрүп, тебелетип жүргөнүңдү көрүп, чыйрыга түшөсүң. Ар бир адам өз дезгээлине жараша, өзүнүн энергиясына тең адамдарды тегеректетет. Анткени аларды көңүлү, сөзү бир. Сен өскөндө мурункулар чак келбей калат. Сенин деңгээлиңдеги бийиктеген адамдар мн жолуга, достошо баштайсың. Байкаганым, дайым эле интеллектиси жогору адам бийик болбойт экен. Өсүү бул интеллект жактан эле эмес руханий, моралдык жактан өсүү эсептелерин баамдадым. Ушундай кванттык физиканы билет, бирок жашоонун физикасын, даанышмандыкты билбесе интеллектиси тыйынга татыбайт экен. Өзүңдү тааны, өзүңдү өстүр! Сазда жатсаң, демек бака бойдонсуң! Тегерегиңдеги адамдар жаман эмес. Кеп ошолордун арасында жүргөн өзүңдө. #жөнэлеойлор

29.01.2020
"Мысли материальны" акыркы убакта эң көп уккан сөзүм. Балким антпей эле тагдырыңа чийилген нерсең сезимиңе түшөттүр. Ошону ойлой баштайсың. Кыялданасың. Ага жакындаган сайын анын өңү, жыты даана келип, чыга баштайт. Кыргыздын туюму, сезими күчтүү. Касиети бар эл эмеспи. Бирок мындай улуу күч бөтөн элде жок болгондуктан балким алар кыялданып анан жетесиң деп ойлойт чыгар? Маселен, Жараткан мага сүйлөө талантын бекеринен бербегендир. Ал тагдырымда болгон үчүн эл алдына чыгуу да тагдырда жазылуу болгон. Эс тарткандан бери экранды элеси андагы сүйлөп жаткан Назира келе берет эле. Чет элдиктер муну кыялданып анан кыялыңа жеттиң дээр. Бирок мен тагдырдагы нерсе гана сезимиме түштү. Алдына ала көрөгөчтүк, сезгичтик деп эсептейм. Жолдошумду биринчи көргөндө эле "Мына, менин жолдошум!" дегем. Алгачкы балам уул төрөлөрүн да билгем. Атасы тун төрөлгөн уулума деп окуп жүргөндө эле Карасаевдин сөздүгүнөн "Ариет" сөзүн тандап алган. Мааниси "ар - намыс" дегенди түшүндүрөт. Демек, анын да сезимине түшкөн. Апам жөнөкөй мугалим жана айлыгы 2000 сом экенине карабай, "Мен чоң университетте окуйм. Болгондо да чет тилин " дечүмүн. Кокусунан олимпиададан жеңип калып эле бекер окууга өтүп кеткем. Мунун баары тагдырымда бар болчу демек. Болбосо, ата - энем музыкант. Балалыгым комуздун башын тиштөө мн, үйдөгү ыр - чоор мн өттү. Андан бөлөк дүйнө көргөн эмесмин. Эмнеге мен музыкант болом, же ырчы болом деген эмесмин? Тагдырымда жок нерсе жүрөккө түшпөйт окшобойбу? Айтор, айтып отуп турсам, мындай көрүнүштөр көп. Бул темада көп ойлондум. Бүгүн бышты көрүнөт. Бул менин гана божомолум. Балким жаңылышам. Бирок, сезимие бүткөн нерсе сөзсүз чындык мн беттешет. Не дедиңер? #жөнэлеойлор

19.12.2019
Дүйнөнүн коозун көзүмө, сөздүн эң таттуусун кулагыма, кептин эң асылын тилиме, жашоонун кызыктуусун, сүйүүнүн балын, өмүрдүн маңызын, бакыттын туу чокусун өзүмө ыраа көрөм дедиңиз беле? Деңиз анда! Татыктуу жашоого татыктуубуз! Кутман таң, каражандар! _________________________________________________ Көйнөктүн коозун ыраа көргөн @bellezza_showroom @bellezza_showroom @bellezza_showroom Чооооң рахмат! Жаңы жылга жаңы көйнөк кийип, жонуңарды жаңыртып койгула!♥

15.04.2020
Жан дүйнөнүн кыжалаттыгын токтотуу кыйын. Өзгөчө кыжы - кужу ой басат. Мээңде эки ой эки башка бөлүнүп алып кырылат. Болбогон нерсеге эле санаа тартып, өзүбүздү өзүбүз жемей адат бар. Алдыдагы менин ишим - ошол кыжалаттыкты таштоо. Оорунун баары ошондон чыгат дешет. Дүйнө бир тең болуп камырабай жүргөндөргө жыргал. Ошолордун жыргалчылыгын үйрөнүү керек. Бир ишим бүтмөйүн бышып кетем. Шашмамын. Убагында жеткичекти нерв кашайып, сүйлөнүп,сөгүнүп - сагынып айдайсың унааңды. Көңүлдү башкага буруп, мээңдени окуяларды башка каналга которо билүү сонун. " Эч нерсеге эч качан кеч эмес. Боло турчу нерсе өз убагы мн болот " дегенди бир тренингден уккам. Ошондон кийин жок дегенде унаада тыгынга калып калганда сөгүнбөй калдым. Болбосо машинамды көтөрүп алып эле чуркагым келчү. Сенин ишиң, оокатың, сенин адамың болсо, сага буюрат. Миң кыжалат болуп, башыңа бүткөн түктүн баарын терип салсаң да сеники болбогону кетет. Жакшылыкка деп жоруп, демек, ушул нерсе буюруп атат дегендик болуш кк экен. Миң кыйын болот акыл. Билем дейт! Колдонгонго келгенде эле кокондон башка эчтеке жок. Баарыбыз акылдуубуз. Оюбузда бирок. Тажрыйбада ар ким ар кандай жыйынтык көргөзөт. Акылдуу ойлорду жашообузга колдонгонду үйрөнүү - эң сонун иш! #жөнэлеойлор

09.05.2020
Жаратылыш, аалам, дүйнө, жер тынчтыкты эңсейт. Бир гана жаны тынбаган, бузгандан, кыйраткандан, жок кылгандан, бири бирибизди денебизге, жан дүйнөбүзгө залал келтиргенден ырахат алган - адам баласы. Жаратылыш, Жер бизди далай көтөрөт. Ал өтө сабырдуу. Акылына келет деп ойлойт. Кайдан? Эгосу көп, алкымы керней, жан дүйнөсү ачка, көкүрөгү сокур, көзү көр топуракка гана тое алган адам баласы тынчтыкты эмес согушту тандайт. Замбирек менен тытсак да, ок менен жаадырсак да, Жер эне, жаратылыш чыдайт. Тегерегибизди булгап, акыр чикирге айлантып, сындырып, ырахатыбыз үчүн жаныбарларды кырып - жоюп жок кыла баштайбыз тынчтыкта. Ичибизде мынчалык таш боордук, мерез сезимдер кайдан келген? Биз жек көргөн сайын, кыйраткан сайын жаратылыш сүйүү берет. Айласы, амалы кеткенде гана бир силкинет жаратылыш. Эсибизге келе түшөбүз. Кудайлайбыз андайда. Аз убакыт баарын унуттурат. Баягы таз кейпибизге түшөбүз. Сезимибиз, көрөгөчтүгүбүз, өзүбүз менен да жаратылыш менен да гармонияга келе турчу касиетибиз да ойгонот бир күнү! Адам адам экенин эстейт. Дүйнөдө тынчтык, тазалык, адамгерчилик бааланган мезгил келерине үмүттүүмүн. Азр жан дүйнө тынчтыкты, гармонияны, ден соолукту эңсеп, талап кылып турат. Чамгарактабай, туналычы... #жөнэлеойлор

11.06.2020
Быйтыйып отурганын көрчү кыздын. Жаным десе! Ушу кыз бактылуу болуш үчүн колуман келгенин жасайм! Ушу дүйнөдө жыргап жашап өтсүн! Жашоонун ырахатын, жыргалын ыраа көрөм! Дал ушул жүрөктү тыңшагыла. Сизди кубанычка, туура жолго жетелей турчу ошол жүрөк♥

29.05.2020
Сырткы беткабыбызды чыгарып, чыныгы жан дүйнөнү жылаңачтай турган болсок, баарыбыз укмуштуудай сулуубуз! Билесиңерби? Жан дүйнө таптаза, өңгөч тарттырат, суктандырат. Куу, желмогуз, калпычы, эки жүздүү, ачуулуу ж.б. адамдардын жүзүн кийип коргонот өңдөнөбүз. Бири бирибизге катуу сөз айтканда , сын айтканда сырткы беткабыбызга гана карата айтылат. Эгерде ар бирибиз жан дүйнөбүздү бири бирибизге беткапсыз, жылаңачтап көргөзө алганда бири бирибизди чексиз сүйүп, сыйламакпыз! Эч качан көңүлүбүздү оорута алмак эмеспиз. Аямакпыз. #жөнэлеойлор ________________________________________________ Сүрөттө мурунку ажообуз Атамбаев Алмаз Шаршеновичтин кичүү уулу @kadyrbek_atambaev_official

02.04.2020
Далай аял затынын нукура сырткы жүзү чыга баштайт жакында. Кирпиксиз, боексуз, тырмаксыз. Өзүңөрдү нукура келбет мн кабыл алуу, жасалма эмес абалыңызды сүйүү мүмкүнчүлүгү келди. Өзүнүн нукура сулуулугун кабыл алгысы келбегендер, өзүнө төмөн баа бергендер укмуш шыбанат, боенот, сулууланат, бетин боек мн өзгөртүүгө, башка кыз болууга аракет жасайт. " Өздүк жүзүм эч кимге жакпайт, мени кабыл албай коет, шылдыңдашат" деп коркот кыздар. Өзүн сүйгөн адам өзгөлөрдүн баасына муктаж эмес. Өзүн баалаган адам башкаларга жагам же жакпайм деп коркпойт. Өзүнө ишенимдүү адам жигитим, сүйгөнүм, жолдошум таштап кетет деп коркпойт жана жакын адамынын үстүндө титиребейт. Өзүнө ишенген, өзүн сүйгөн адамдан ошондой энергия чыгат. Өзүн сыйлабасты, өзгөлөр да сыйлабаарын унутпаңыз. Жаныбарлар сындуу эле инстинкттер сүйлөйт, энергияны сезет, рухуңдан маалымат алынат. Өзүн сүйүүгө өзүн жакшы алып жүрүү, жасануу, сулуулануу да кирет, бирок ал чекти билет жана кааласа боегу жок да жүрө алат. #жөнэлеойлор

02.12.2019
Эркектердин күчүн талап кылган оор жумушту жасагым келбейт. Оор көтөрүү, чоң жүк унааларын айдоо, дөңгөлөгүн алмаштыруу, механизм, техникада мээни иштетүү, үй салуу, мык кагуу ж.б.толгон токой жумуш. Аларга оордугумду салып, башымды жөлөп, таянгым келет. Мен адардын мага болгон камкордугун каалайм! 8 - мартта кымбат белек күтүп, 23 - февралда байпак менен кутулгум келет! Дайыны жок таарынып, мээсин жеп, жеп бүткөндөн кийин, эчтеке болбогондой ырсайгым келет! Тең укуктуулук - алар жасаганды жасоо болуп эсептелинет да ээ? Алардын мага сыйы, сүйүүсү эле жетиштүү. Чоң күчтүн алдында алсыз, эрке болгонго, эркелегенге не жетсин? Феминисттик балким эркектерден эң көп көңүл калып, кечирилгис көкүрөгүндө таарыныч ташы катып калганда чыкса керек ээ? Мен деле феминист болуп кете жаздагам. Илгери силерге таарынып жүргөндө. Кыргызстанда эркин эле жашайт экенмин ой жүгүртсөм. Каалаганымды жазам. Каалаган окуу жайда окуй алам. Каалаган жумушта иштейм. Каалагандай кийинем. Жада калса суунун жээгинде сүрөткө түшөм. Күнү - түнү кааласам, көчөдө жүрө алам. Каалаган динимди тута алам. Каалаган тилде сүйлөп, каалаган адам мн мамиле куруп, каалаганга баш кошо алам. Мени эч ким чектеген эмес. Таш бараңга алган жок. Коркуткан жок. Тарбиясыздары бар. Ал башка кеп. Билим деңгээлине жараша мамиле бар. Мыйзамда менин укугум каралган. Чурайымды көргөзүп, ычкыры жок басат элем деп чалкаман кетсем, ырысымды тепкен ырыскесер, акылы жок айнып калган неме деген баа бермекмин өзүмө. Акыл парасатка, абийирге жараша каалагандай эле кийинип жүрөбүз го. Тек гана суранганым, мырзалардын аялдарга болгон сылык, сый мамилеси. Аял деп аяп турсаңар эле агы менен айланабыз каректин! Мени сүйгүлө, эркелеткиле, аягыла! Мен аялмын анткени! #жөнэлеойлор

01.07.2020
Жатканга жерлери жок, отельдерди, жеке клиникаларды чоңдор өздөрү ээлеп алса, жатканга жер жок да. Ал жакты тебелетиш "жалко". Бүт дүйнө чогуу күрөшөт экен. Биздики чачыранды күрөшөт. Чоңдор өзүнчө, карапайымдар өзүнчө. Аптекада 250 сомдук дарың 800 сом болуп кетиптир бирөө пост жазыптыр. Аптекаң чоңдоруңдун көзөмөлүндө болуп атпайбы! Иштеп калыш керек да. Жеке клиникада анализиң, өпкөңдү тарттырышың асмандын башы. Кыйчалыш күндө бир туруп, бекер кылбай эле койсун, 50% жеңилдетүү берсе, кемип калышат. Анткени алар да чоңдордуку. Бир күндө 65 мыйзамды кабыл алып туруп, "чыйт" түкүрүп басып кетишти тигилериң! Ал эмне болгон мыйзамды кабыл алды Х.З (хрен его знаеттин кыскартылган түрү). Ажону көргөн киши барбы? Өлкөнүн атасы жок, жетимдей эле турат. Аталыгын сезген барбы?? Доктурлардын акчасы берилбей жатат! Тааныш доктурлар өздөрү ковид мн ооруп, өзүнө өзү тамчылатма сайып коюп, күндүр - түндүр иштеп атат. Жүрбөгөн унааны артынан түртүп алышып... Аябай сөгүнгүм келип атат. Сөгүнгөндөргө 5000 сом штраф беле? Баса, бетине түкүрө турган болсоң, дагы 5000. Туй, ата!

17.01.2020
Өзүмдү изилдегенди, казганды, киммин, эмнеге келдим, каякка кетем, максатым эмне айтор , акы - чүкүсүнө чейин териштиргенди жакшы көрөм. Психологиялык мүнөзүм, астрологиялык белгим, элдин сыны, жан дүйнөмдөгү өзүмө өзүм берген баа ж.б баардыгы кызык. Өзүңдү билбесең, жолуңду таппасаң, көздөгөнүң жок болсо, көкүрөгүң бош болсо, жашап не кажет? Бүгүн кызыктуу илим менен тааныштым. Мени болуп көрбөгөндөй таң калтырды. Тегимди билиш үчүн, жети атам ким сураш үчүн 22 жыл көрбөгөн атамды издеп таап барып сурадым. Мен эмес ал билбейт экен. Өкүндүм. Туулган жылымды, айымды, күнүмдү, атымды эсептеп эле мен жөнүндө бүт маалыматты колума карматкан нумерология илимине укмуш таң калдым! Төбө чачым тик турду. Көрсө, менин тегим жөнөкөй эмес, бардар, абдыракаты бийик, баардык улуттун өкүлү менен карым - катнашы бар, сый - урматка ээ, стратег, чечкиндүү, оозунда сөзү бар, сөздүн майын чыгара сүйлөгөн, көкүрөгүндө касиети бар, интуициясы күчтүү дүйнөнү көз менен эле эмес көкүрөк менен тыңшаган адамдардын тукуму экенмин. Мурунку бабаларымда кандай ката кетти, мен эмнени оңдошум керек, кийинкиге эмне калтырам, кулк - мүнөзүм кандай, эмнени жактырам, эмнеге чүйрүйөм, карьерам кандай болуш керек, эмнени жасайм турмушта, кандай көйгөй менен беттешишим мүмкүн, тамталаңдап бул дүйнөгө эмнеге келдим, кайсы максатты тутунушум керек, ой, жада калса, атым эмнени түшүндүрөт, ошого чейин айтып берди. Илим менен эсептеп, сандардын маанисин чыгарганда эле ушунча көп маалымат чыкканы, жөн эле чыкса эмне? Көңүлүмдүн көксөөсүнө чейин окуп, жан дүйнөмдө мен эле билген кубулуштарды сүрөттөгөнү таң калтырды. "Карма" , "Бумеранг" түшүнүктөрүнө терең сүңгүдүм. Кадимкидей көп суроого жооп таап, жыргап калбадымбы! Тегим жашаган Кара талаага барып, сүрүштүрүп, аталарымдын баскан изи мн таанышып келсем, айткандарын тастыктап, уруумду, бабамды билип келбесем болбойт. Өзүмдү казуудагы эң чоң кадам бүгүн болду. Өзүңдү таанып, дүйнөңдү жаңыртып, оңдоп, түздөгөндөн артыгы барбы? @numerolog_marishagold эмнеге бизде бул илим кенен таралган эмес? Ата - бабаңдын кайсы катасын оңдогону келгениңди билсең, жашоо жеңил болмок да ээ? Илими жок, караңгы дүйнө бизди кандай гана ишке түртөт? #жөнэлеойлор

11.10.2019
Улуу, кичүү дебей, жазып, кеңеш сурап, жан дүйнөңөрдөгү өзгөчө сырыңарды айтканыңар үчүн рахмат. Баарыңарга жазып жетишүү мүмкүн болбой жатат. Жакшы көрөм. ♥