14.05.2020
2009 - жыл август айы. "Браво " берүүсү. Эрмек экөөбүз жыргачу элек. "Эмне жалжактай бересиңер?" дешкени мн эң көп көрүлгөн берүүнүн катарын толуктачу! Ариетим курсагымда 8 айлык. Режиссер ошондо араң билген. Курсагым кичине болгон үчүн кенен көйнөктөрдү кийип алып, алып барчумун. Ушул эфирим коштошуп жана жаңы алып баруучуга өткөрүп берүү эфир болчу. Айрым ырчылар "Курсагыңа эмне салып алгансың?" деп чаап көргөнү да болгон ишенбей. Балам экөөбүз чарчабай, чуркап иштечүбүз.

13.05.2020
Татарстан. Казань. Түрк дүйнөсүнүн журналисттер курултайына мүчө болуп катталган кез. Түрк дүйнөсүнүн өкүлдөрү чогулганда бири бирибизди таап алгандай, дүйнөнүн төрт тарабына тагдырдын буйругу мн үзүлгөн шурудай чачырап кетип, жипке кайра тизилип, башыбыз биригип аткандай сүйүнөөүз. Баарыбыз бир ата, бир энеден тараган бир туугандай сагынышып көрүшөбүз. Тилибиздеги окшоштуктар, уйкаштыктарды издеп, салыштыруу башталат. Ар ким өз өлкөсү тууралуу дилгирленип айтып, тарыхын, таржымалын тасмал кылып жая баштайт. Кайсы гана конференция, кайсы гана курултайга , фестивалга барбайын казак, өзбек, кыргыз табышып алабыз да үч козудай ээрчишип жүрөбүз. Кээде коңшуларыбыз мн таарыныша кетмей жайыбыз болоттур, бирок алыста дайым биргебиз. Кадимкидей колдоп турабыз. Казань сулуулугу, тазалыгы мн эсте калды! Түндөсү жаштар уктабайт экен. Анткени аларды кайнаган жашоосу башталат. Супсулуу кыздары, жигиттери жасанып чыгышып, таанышуу, пикирлешүү, махабат башталат. Көп өлкө кыдырдым. Татардын сулуу кыздары гана өңгөч тарттырды. Тамагынан гана бир аз кыйналдым. Фри картошка, лагмандын камырындай кесме көп жешет экен. Орустардын тамагы үстөмдүк кылганын байкадым. Улуттук тамак катары кадимки эле биздикиндей быжыга окшош ичеги карындан жасалган тамагы келди. Волганын сулуулугу, имараттардын тарыхы, тазалыгы эсте калды.

13.05.2020
Ламифарен экөөбүз тең натуралдуулукту, нукуралуулукту тандайбыз!) Боексуз, жасалмасыз. Недавно я познакомилась с ЛЕЧЕБНО - ПРОФИЛАКТИЧЕСКИМ ПРОДУКТОМ ИЗ ВОДОРОСЛИ для внутреннего применения. Была наслышана о хороших отзывов потребителей и моих друзей. Решила попробовать сама, так как для меня этот препарат был находкой. А знаете почему? Ламифарэн отличается: -Точная направленность его воздействия за счёт уникального состава. -Могут употреблять даже дети и женщины, находящиеся в состоянии беременности. -Высокая усвояемость. -Не имеет противопоказаний и побочных эффектов. -В рекордные сроки восстанавливается нормальное функционирование всех внутренних систем. А для того, чтобы узнать в каких случаях вам поможет Lamifaren, переходите на страницу @lamifaren.kg

13.05.2020
Ариетим, сен сүйүүдөн жаралган баласың, билесиңби? Сени каалап, күтүп жаратканбыз. Курсагымда жүргөнүңдө жомок окуп, ыр угузуп, англис тилин окуйт элем. Атаң экөөбүз сени мн сүйлөшчүбүз. Сен баарын түшүнчүсүң. Доктурга УЗИге барганда дайым туура эмес жатып, же киндикке оролуп алат элең. Үйгө келгенде сени мн кадыресе чоң кишидей сүйлөшөбүз. "Түз жат, ордуңду тап" дейт элек. Анан калыбыңа келип, туура жатчусуң. Жынысыңды да тогуз ай бою көргөзгөн жоксуң. Бирок сенин эркек экениңди жазбай билдик, сездик. Энергияң күчтүү эле. Чоң энем кичинекейимди боюнда бар келиндерди ырымдаганын көрчү элем. Анан курсагынын түзүлүшүн карап туруп эле кыз - эркек экенин айтып берчү. Мен да энемен үйрөнүп алгам. Курсагым тик болду. Анан эт, кылгырган майды, камырды эркек эле суратмак. Бети башымдын баарын май кылып, койдун төшүн бетине кийип алып, уулдун энеси гана жемек. Анан жылкычы болчусуң. Жылкычылар гана түнү уктабай, шырылдаңды созуп, жылкы кайтарып чыгат. Сен да түндөсү өзөртө тепкилеп, курсагымдын формасын бузуп, колу - бутуңду чоюп, уктатпай чыгар элең. Андайда атаң сүйлөшүүгө өзү киришчү. Дароо тынчып калчусуң. Сен төрөлгөндө экөөбүз тең чарк айландык. Ушундай ачык, коркконду билбеген бала болчусуң. Бакчада бирөөнүн курсагын, бирөөнүн кулагын тиштеп, дагы бирөөнүн оюнчугун талкалап келчүсүң. Биз дайым сенин ордуңа тил укчубуз, бирок тентектигиңе аябай жыргачубуз. Ата - энеңдин укмуштуудай сүйүүсүнө малынып, мээримине чулганып, ата - энеңдин бири бирине болгон сүйүүсүн көрдүң. Сага суктанчумун. Өзүмдө болбогон нерсе сенде бар экенине сугумду далай арттым. Көзүм өтүп кетти көрүнөт. Кечирип кой, кичине капа кылдык. Бирок бил, ата - энең өз бактысын тапканга акылуу. Анткен мн сени экөөбүз тең мурдагыдай жакшы көрөбүз, мээримибизге бөлөйбүз. Анткени сен бизге абдан керексиң! ♥ #жөнэлеойлор

12.05.2020
Саякат темасын улантам. Бул Чувашия Республикасы. Орусиянын карамагында. Борбор шаары Чебоксарыда мейманда болдук. Чебоксары айтылуу Волга дарыясын бойлогону мн өзгөчө. Кинофестивалга катышканбыз. Тили түрктөш тил. Дини христиан, мусулман аралаш. Пивосу анан банясы менен эсте калган.

11.05.2020
Бул баш кийим шөкүлө деп аталат. Кыз турмушка узап атканда илгери кырк өрүм чачын жандырып, жеңелери эки өрүм кылып өрүп, шөкүлө кийгизип, кошок кошуп узаткан. Кыргызда кызды "Эти биздики, сөөгү силердики" дешкен. Анын мааниси биротоло кыз кайын журттун бүлөсү болду, сөөгү ошол жактан чыгат дегенге кептелген. "Эрден чыкты" деген түшүнүк болбосо керек ал учурда. "Төркүнү жакындын төшөгү жыйылбайт" деп эби жок эле төркүнүнө каттай бергенди жакшы көргөн эмес. Кызды келин кылып алып келген соң , кайын журту шөкүлөсүн чечип, башына элечек орогон. "Элечек ороо" салты да өзгөчө өткөн. Орогон аял бүлөлүү, бала бакыралуу, барктуу аял болгон. Жаңы келин да анын жолун жолдосун ырымы ал. Бул шөкүлөнү, кийим кечегибиз, элечегибиз, шөкөтөөлөрүбүзгө чейин жасап, карап, кыргыздын каадасын, салтын, маданиятын улап, дүйнөгө таанытып жүргөн жанымдагы эжем Айдай Асангулова. @kiyizduino

11.05.2020
Саякаттагы сүрөттөрүмөн тартуулайм. Эң эле сүйгөн хоббим саякаттоо. Башка өлкөнүн тарыхын билүү, тамагын даамдап көрүү, менталитети, каадасы мн таанышуудан артык кызык нерсе жоктой. Бул чакан өлкө Черногория деп аталат. Борбор шаары Подгорица. Европада жайгашкан бул өлкө. Акча бирдиги евро. Кышында абасы 11 градустун тегерегинде болот. Биздин жаз же күздөгүдөй аба ырайы. Жай апрельден эле башталат. Апрель айында деңизине кирип сүзсөң болот. Пляждары мн белгилүү. Түнкү жашоо кайнап турат. Кичинекей өлкө. Адамдары бойлуу, сөөктүү келишет экен. Тамактары эттин түрлөрү, колбасалар жана жер жемиштердин түрлөрү мн белгилүү. Бул өлкө капкара, бийик тоолору мн эсте калды. Болуп көрбөгөндөй кооз өлкө. Имараттары да эче кылымдан бери көркүн бузбай келе жаткан имараттар. Туристтик өлкө. Жайы туристтерге бөлөнөт дешет. Жашоочулары беймарал, жалкоо дешет. Адриатика деңизин бойлойт. Кичинекей аралчалары, андагы мейманканалары көптөгөн туристерди кызыктырат.

10.05.2020
Студент кезимде бир жылга жакын катуу оорудум. Негизи байкасам, катуу стресс болгондо астма кармайт экен. Ооруканаларда жаттым. Эч нерсе жардам бербей койду. Анан Улуттук хит парадка кастингден өтүп кетип иштей баштадым. Эсиме келип карасааам эле, оорум такыр кармай элек экен. Бир жолу дааратканага жетпейм. Төрт аяктайм. Көпкөкмүн. Анда ингалятор дегенди билбейм. Анан эле бир концертке "Алып баруучу жок. Кел тез" деп калды. Эфирге чыга элек кезим. Төрт аяктап аткан мн сахнада шаңшып жүрөм го чиркиндики. Бул психологиялык гана оору экен. Когда надо туруп кетем го!))) Катуу тамашадан соң да, оорудум. Турбай калдым. Аба - дем жетпей, жөргөлөп басам. Ошол учурда Туркиянын бир фильмине тартылып калып, алаксып, айыгып кеттим. Дагы бир стрессте көлдү кыдырып түрк телевидениеси үчүн берүү тартып чыгып кетип, дагы айыктым. Үйдө жатып, бышылдап, бырылдай берип эс ооду. Балам: " Ты так много болеешь. Ты меня пугаешь!"дейт. Алаксыш керек болуп атат. Күнү - түнү жүргөн съемкага алып барып койсо мени азыр. Укмуш сонун образ берип туруп. Бат эле чыкыйа түшмөкмүн. Адамдын ооруларынын баары сарсанаадан, түйшүктөн, кыжаалаттыктан, кайгыдан чыгат экен. Адам сүйүктүү иши мн алек болгондо, иштин процессине терең сүңгүп кеткенде көп кайгы -кападан арылып, өзүн жакшы сезет экен. Китеп жазсамбы же? Карантиндин бүтчүдөй түрү жок. Андыктан ооруп атсаңар, ушундай алаксыта турган жумуш тапкыла. Бат эле айыгасыңар. Баардык оорунун психосоматикасы бар. #жөнэлеойлор

09.05.2020
Кичинемде шууруга жакын элем. Энем экөөбүз жипке түрдүү кылып тизип алып, анан моюнума, колума тагып коер эле. Арасында көз мончогу да болчу. Түрү суук кызына көз тийчүдөй мончок тагып карачу энем. Кээде чачылып кеткенде "Көз мончокко өтүп кетти" деп коер эле. Энемдин колунан эзели түшпөгөн билериги, күмүш шакектери боло турган. Кээде колу шишип кеткенде самындап атып араң чыгарчу. Анан күмүштөрүн кийизге сүртүп, жалтыратып алат эле. Чоңойгону тагынгым келбей калды. Жалтырак - жултурактан качып, минимализмге ыктайм. Үй бүлөлүү учурдан калган алтын -күмүштөрүмдү көргүм жок. Эски энергия калып калгандай жаа бою качам. Күмүштөрүм да карарып кетти негедир. Жаңы жашоомдун урматына жаңы энергия мн алтын - күмүштөргө кызыгып карап калчу болдум. Алтын, күмүштөн сырткары жөнөкөйүн тагынсам, денемди аллергия басып кетет. Көңүлүм бир жай болуп, сакайып кетсем, өзүмө өзүм белек кылып, ырымдап алгым бар.

09.05.2020
Жаратылыш, аалам, дүйнө, жер тынчтыкты эңсейт. Бир гана жаны тынбаган, бузгандан, кыйраткандан, жок кылгандан, бири бирибизди денебизге, жан дүйнөбүзгө залал келтиргенден ырахат алган - адам баласы. Жаратылыш, Жер бизди далай көтөрөт. Ал өтө сабырдуу. Акылына келет деп ойлойт. Кайдан? Эгосу көп, алкымы керней, жан дүйнөсү ачка, көкүрөгү сокур, көзү көр топуракка гана тое алган адам баласы тынчтыкты эмес согушту тандайт. Замбирек менен тытсак да, ок менен жаадырсак да, Жер эне, жаратылыш чыдайт. Тегерегибизди булгап, акыр чикирге айлантып, сындырып, ырахатыбыз үчүн жаныбарларды кырып - жоюп жок кыла баштайбыз тынчтыкта. Ичибизде мынчалык таш боордук, мерез сезимдер кайдан келген? Биз жек көргөн сайын, кыйраткан сайын жаратылыш сүйүү берет. Айласы, амалы кеткенде гана бир силкинет жаратылыш. Эсибизге келе түшөбүз. Кудайлайбыз андайда. Аз убакыт баарын унуттурат. Баягы таз кейпибизге түшөбүз. Сезимибиз, көрөгөчтүгүбүз, өзүбүз менен да жаратылыш менен да гармонияга келе турчу касиетибиз да ойгонот бир күнү! Адам адам экенин эстейт. Дүйнөдө тынчтык, тазалык, адамгерчилик бааланган мезгил келерине үмүттүүмүн. Азр жан дүйнө тынчтыкты, гармонияны, ден соолукту эңсеп, талап кылып турат. Чамгарактабай, туналычы... #жөнэлеойлор

08.05.2020
Онунчу классты окуп жатып олимпиаданын жыйынтыгы менен дароо студент болуп калдым. Бекер окуу жай. Болгондо эл аралык. Түрк, англис тилдерин окуйм. Түрк тилинде эркин сүйлөгөн кыргыз кыздарын көрүп, укмуш суктандым. Күнү - түнү жантыгыман жатып алып окудум. Жатаканада Жанара деген эже таап алдым. Койнуна алып жатып, мээримин төгүп, түрк тилин үйрөттү. Энелиги, эжелиги, мээрими төгүлүп турчу. Канатына салып алып, сырткы дүйнөдөн коруду. Ошентип, түрк дүйнөсү мн тааныштым. Тамагы укмуш сонун. Музыкасын жантыгыман жатып алып угам. Кыздар кечинде чогулуп алып мездеке бийлейбиз. Ар бир бөлмөнүн башчы эжеси бар. Аны абла деп коебуз. Кыздар арасындагы тартипти катуу кармайт эле. Кийин Стамбулду көрүп аябай сүйүп калдым. Деңизи мн сырдашкан адат таптым. Чардагына жем таштап, деңиз жели мн ойногон жакты. Канча өлкө кыдырдым. Жан дүйнөм Стамбулга тарта берет. Тил билгеним үчүнбү өзүмдү ал жакта өз үйүмдөй сезем. Туркия мени көп чакырды. Эки жолу телевидениесине орун берип, айлыгымды сонун коюп беришти. Үй бүлөмдү тандадым. Дагы бир жолу актердук жааттагы аябай чоң долбоорго өтүп кеттим. Кайра эле үй бүлөмдү тандадым. Дагы бир ирет чоң долбоор чыкты. Жолдор жабылды. Апаат токтотту бизди. Стамбул мени дагы бир ирет кол булгап чакырабы билбейм. Бирок абдан сагындым. Өзгөчө деңиз жээгиндеги таңкы тамагы көз алдыман кетпей турат...#жөнэлеойлор #Стамбул #АтатүркАлатооуниверситети

08.05.2020
"Мени сүйөсүңбү?" дей беребиз. Кайра - кайра уккубуз келет анткени. Сезгибиз келет көз карашыңардан, аракетиңерден. Анан кээде түн бир оокумда ойгонуп алабыз. Биз мн кошо мээдеги таракандар ойгонот.. "...а балким" деп башталат укмуш окуялардын башы. Таракандар укмуштуудай окуяларды чубап, көркөмдөп берет. Ага ишенип алып ызырынабыз, кызганабыз, айлаңарды алты кетиребиз. Кызык жанбыз биз. Бат алданабыз. Билип, көрүп туруп эле бир жылмаюңарга, жакшы аракетиңерге жөн эле жетеленип кетебиз. Көңүлүбүздү тапканга көлдөлөң болуп жайылып алганыбызды кантейин?! #жөнэлеойлор Бабырабай, укташ керек эле...

07.05.2020
Көз карандысыз болуу - эң чоң эркиндик. Бирөөнүн сүйүүсүнөн, бирөөнүн мамилесинен, жакындарыңдан, ишиңден, акчадан эркин болуп жана аларга багынып бербөө. Кээде бактыңды, жакшы маанайыңды бир адамга, бир ишке байлап коесуң. Ал жазмайын, жылуу сөз айтмайын, же ишиң болмоюн маанайың да, бактың да жок. Малай болуу, сүйрөлүү, эрки жоктук накта ушул. Жаратмандыкты үйрөткөн мектеп болсо ээ? Ал жакта өзүңдү өзүң бактылуу кылуу, сүйүүгө чулгануу, жыргалчылыкты жаратуу, Жаратканды сезүү деген сабактар өтүлсө. Күндө эки алып, бурчка турсам да окумакмын. #жөнэлеойлор

06.05.2020
90 дон ашкан эне. Согуш мезгилин кечип, жашоонун оош - кыйышын татып, дөөлөттүү карылык сүрүп жаткан кези. Биз мн жайлоого барып, модель болуп, фотосессияга, съемкага катышты. Тыңдыгына суктандым, жакшы көрдүм, элжиредим, жанынан чыккым келген жок. Сонун кеңештерди берди. Интервьюну кунт коюп угуңуз. Кызыктын баары соңунда..) @kiyizduino @sputnik.kg

05.05.2020
Илгери ийик карматып, жаңы келген келинди сыначу экен. Мен ошол сындан өтмөк эмесмин, бирок аракет кылдым.

05.05.2020
Адам баласы коркунучту тааныйт. Тааныганда дагы жазбай тааныйт. Коркунуч мн жаралып, коркунуч мн жашап, коркунуч мн өлүп атсак, тааныбай анан? Сүйүү өгөй сындуу. Билесиң, бирок сезбейсиң. Аны көп айтаарсың балким, бирок даамдап көргөнү, сүйүүдө төрөлүп, жашап, өлгөнү аз. Жокко эсе. Сүйүү эмес жан дүйнөдө коркунуч байырлаганы үчүн төрөлгөндө ыңаалап ыйлап, ызы чуу салып, коркуп келебиз. Сүйгөндө да жоготуп алсакчы деп коркунучка жамынып алып сүйөбүз. Балабыз төрөлгөндө да өзүң көргө эле көмүлүп калып тынчыбасаң, өмүр бою балаңдын үстүндө титиреп, коркунуч сыйдырып жашайсың. "Ден соолугу жакшы болсо экен. Аман болсо экен. Жакшы эрге, же жакшы аялга жолукса экен" ж.б. коркунучун сыйдырабыз. Эртеңибизден коркобуз, Кудайдан коркобуз, уятыбыз чыгып калып, ашмалтайбыз кетет деп коркобуз, жалганыбыз чыгат дейбиз, өлүп кетиштен коркобуз, элдин сөзүнөн, жада калса, мончок, тумар тагынып, көзүнөн коркобуз. Ачарчылыктан, же байлык топтоп алып жоготуп алыштан, алданып калыштан, сатып кеткенден, сүйүп калыштан, же жападан жалгыз калыштан коркобуз. Караңгыдан басыштан, уурдатып ийиштен, төпөш жештен, кээде сүйүнгөндөн, жыргагандан, жакшы күндү көрүштөн да коркобуз. Жакшынын артынан жамандык келсечи дейбиз. Коркобуз биз. Ата - энеңден,.бир туугандан, эриңден, аялыңдан...ж.б. көңүлүн калтырыштан, маанайын бузуп алыштан, тил угуштан, жаман көрүнүп калыштан, туура эмес таанылып калыштан коркобуз. Сүйүүнү каягына кыпчыдык? Сүйүү, ырахатка батуу, жыргоо, жакшы көрүү, жайдары болуу жокко эсе. Аларды өзүбүзгө ыраа көрүштөн да коркобуз. Коркунуч бар жерде сүйүүгө орун жок экенин билбейбиз. Эки көйнөктү кийип алган сыңары эки сезимди бир убакта сезүү мүмкүн эмес. Биз дайым коркунучту тандайбыз. Ал сезим мн жашаштын ыңгайын таап алганбыз анткени. #жөнэлеойлор