455 23
03.05.2020
Оозду жаман сөздөн, колду жаман иштен токтотпосоң Аллах сенин ачка жүрүүңө муктаж эмес.. (Хадис)
Жогорку окуу жайды да кызыл диплом менен бүтүп туруп, Жараткандын буйругун аткарып жайнамазга башымды койо албаптырмын. Мени менен мектепте окуган "экичи" досум эки жүз адамга ооз ачтырып ифтар берди. Профессор, илимдин кандидаты болуп, ошончолук наам менен Алланын буйругуна баш жетпесе-деп, өзүмдөн аябай капа болуп кеттим. Мага окшоп Европа өлкөлөрүндө окубаса да, айылда туруп, алты кой менен талаада өмүрүн өткөрүп Алладан калбаган досума рахмат айттым да, ифтарынан ичим өрттөнүп, өзүмдү өзүм жек көрүп, ойго батып келе бердим....
Жогорку билимдин дипломун чөнтөгүнө салып көкүрөк көтөрүп, бирок колдорунан бир жакшылык келбегендер көп....
Өнүккөн өлкөлөрдө окуп келип, улууга урмат, кичүүгө ызат эмне экенин билбесе.... Кантип жаштарды ошолордой бол деп айта аласың... *Ыңгайсыз суроо*
Сен бирөөдөн "орозо кармадыңбы?" - деп сурасаң, эгер "ооба" десе купуя сырын ашкере кылып мактанычка түртөсүң. "жок" десе жалганчы болот. Унчукпай койсо сени тоотпогондой болуп калат. Анда сен таарынасың...сурайт десе эле обу жоктонуп сурай бербе. Суроо менен өзүңдүн деңгээлиңди гана көрсөтөсүң жана убакытты гана текке кетиресиң *Рахмат*
Аллах үчүн жардам берип, жардам алган киши ыраазычылык билдирип "рахмат" айтпаса таарынып калба. Унутпа "рахмат" деген сөз үчүн эмес, башта Аллах ыраазычылыгы үчүн баштаган иштин жообун Алладан гана күтүп жаша. *Талашып-тартышуу*
Талаш - башка бирөөнүн сөзүндөгү кемчиликти белгилеп берүү менен четке кагуу. Талашып-тартышуу жүрөктөрдү катырат, кек жана жек көрүү туудурат. *ЧАГЫМЧЫЛАР БЕЙИШКЕ КИРБЕЙТ!!!*
Интернеттеги досторду бул хадисти жаттап алууга жана жамандыкты таратууну токтотууга чакырам... Идрис акын
