Чынар Капарова
@chynara_kaparova
Чынар Капарова

Подписчики: 128584
Посты: 598
Подписки: 362
Журналист, телеведущая, преподаватель, Journalist, TV presenter, lecturer
Загрузка...
Бозо! (Менден сурганган эже-сиңдилер үчүн) 1. Бир чоң кашык тоң майга эки чоң кашык унду кызарта куурасыз. (ун 1-сорт болсо жакшы). 2. Кызарып куурулган соң, ага 4 литр суу куюп кайнатасыз. 3. Тарууну жууп (1кг), кайнап турган сууга салып, эзилгенче бышырасыз. Эгерде суусу аз болгонсуп калса, кайра кайнак суу кошсоңуз болот. Түбүнө тартып кетпеши үчүн улам аралаштырып турунуз. 4. Таруу бышып, ал ботко болуп калгандан кийин, аны муздатасыз. Бирок өтө муздап кетпесин. Болбосо ачыбай калат. Улам аралаштырып муздатасыз. 5. Жылымтык абалга жеткен соң, ага 3-4 кашык угут салып эзесиз. Биз жакта бул аракетти “чечет” деп коет. Башкача айтканда, угут боткону суюлтушу керек, суюлса демек чечилди. Чечилбей жатса дагы бир аз угут кошуңуз. 6. Жылуу кезинде ага жылуу бозо-ачыткы куясыз. Бул учурга 600-700 гр.бозо болсо болот. (мен ачыткылык бозону Шоро фирмасынан сатып алам, чычырканак кошулган бозосу абдан жакшы даам берет экен). 7. Анан ачыганча (5-6 саат) жылуу жаап күтөсүз. Карап көрүңүз, эгер ачыганы байкалса, демек даяр болду. 8. Албетте, сүзүү керек. Ар ким ар кандай ыкмада сүзүп алат. Мен капрон кездеме сатып алгамын, ошону колдоном. 9. Сүзүлгөн бозону 1-2 саат күтөсүз. Анан ичүүгө даяр! Эсинизде болсун, бозону 3 күнгө чейин муздаткычта сактап ичсениз болот. Андан кийин башты ооруткан эле кычкыл суусундукка айланып калат. Эң пайдалуу 3 күнгө чейинкиси. Берээрде бир аз жылытып алуу ичкенге ыңгайлуу, пайдалуу жана жагымдуу! Даамдуу болсун!

Загрузка...
1864   95
28.06.2020
Чоң апамдын кара таш. Чоң апамдын 5-6 чакан кара ташы бар эле. Кимдир бирөөбүз тумоолоп калсак ошол кара таштарды казанга ысытып, суу чачып, буулап айыктырып салчу. Мен да ошол ыкманы көп колдонуп жүрдүм. ______________________________________________________________ Балдарыма дайыма айтчу элем. “Мурдуңар бир аз агып, же тамагыңан кычыша баштаганын, бутуңар муздап турганынын байкасанар дароо айткыла. Болбосо дары берем, же ийне сайдырам” деп коркутуп койчумун. Дароо чуркап келишээр эле. Мен да чоң апамдын ыкмасы менен алардын бутун, бети-башын ысыта буулап, ысык сүт берип, жылуу жаткырып кочумун. Ооруну учурунда баскандан бекен, айтоор биздин үйдө тумоо көпкө жашачу эмес. ______________________________________________________________ Жакынкы күнү да уулум тамагым кычышкансып турат дегенинен буулап, ысытып, ысык сүткө бал кошуп берип жаткырып койдум. Эртеси чуркап кетти. ______________________________________________________________Эми бул коронавирус “чоң апалардын ыкмасын” тоотпосо керек, а мүмкүн алдын алып койгон деле оңбу дейм... Менин ыкмам: кокус тамак кычыша баштаса мурун, ооз көңдөйлөрүн туз кошулган суу менен тазалап, бутту ванна тузу кошулган сууга буулап, ысыгыраак лимон чайдан ичип, тердеп, бир сутка үйдөн чыкпай байкоо жүргүзүңүз. Бир тердеп тургандан кийин шорпо пайдалуу. Бул албетте башталайын деп турган кадимки тумоого жардам берет... Элдик ыкмалардан болушобуз, достор!