09.09.2020
Кылымдап Ата-Конушу, Кыш-жайы кутка толушу, Кызыгып дүйнө сук арткан, Кыярбас мукам добушу, Кымбаты артык жанымдан, Кыргыздын үч кыл комузу! Кымбаттуу Туугандар! Баарыңарды бүгүнкү "Комуз" күнүңөр менен куттуктайм! Сиздерге атам Абылов Мукулдун аткаруусундагы элдик: "Кер толгоо" күүсүн тартуулайм! Атам: "Илгээрки заманда бир хан, өзүнүн минип жүргөн кер атын аатактуу бир комузчуга берип: - Ушул атымды күнчөлүк жерге (бир күн жүрүүчү жерге) минип барып, эртеси кайра тартасың да, бир жуманын ичинде атыма күү чыгарасың! Эгер, чыгарган күүң мага жакса сыйыма татыктуу болосуң, жакпаса башыңан айрыласың! - деген экен. Ал ат, жорго десең жорго, күлүк десең күлүк, кыскасы, жылкы баласында эмне өнөр болсо, ал атта бүт болгон экен. Ошондо, алиги комузчу, хандын айтканын аткарып, Кер атка ушул күүнү чыгарып, тартуу алып, күүнүн аты "Кер толгоо" болуп калган экен" - деп, атам айтып чертээр эле. Эмесе, ошондогу Кер аттын жүрүшүн көрүп, тыңдап коюңуздар!

16.08.2020

16.08.2020

07.07.2020
"Шаркырмтма" Кегетинин капчыгай, Шаркыратма асты ай! Күйөө балам экөөбүз, Түшкөн сүрөт жактыбы ай?...

14.06.2020
Ардактуу Карыбек байке! Бүгүнкү туулган күнүңүз менен! Сиздей илимпоз, көп тараптуу, терең билимдүү, кыргыз, орус, англис, француз, немец тилдерин суудай билген, жана ошол тилдерде ырларын жазган, илимий китептерин жазган, социология, философия илиминин кандидаты, филология, экономика илимдери боюнча институт, университеттерде мыкты окутуучу, профессор агам бар экенине абдан сыймыктанам! Сиз жалаң ошондой билимиңиздин арты менен, А. Акаевге пресс катчы, Бакиевге саясий бөлүмүндө иштеп, жалаң алар сүйлөчү докладтарын жазып берип, ак иштедиңиз. Сизди алар, ар кандай махинацияларга тартканына карабай, сиздин адамдык ар-намыс, уятыңыз андай ыпылас иштерге макулдук берген жок! Ошону үчүн кызмат даражаңыздан да көтөрүлгөн жоксуз. Эгерде Кыргызстандын жетекчилеринин билим деңгээлдери жок дегенде сиздикинин жарымындай эле болуп, анан сиздей ак ниет, чынчыл, патриот болгондо, кыргыз эли бүгүнкү акыбалда болмок эмеспиз! Сизди мен эч бир уялбай туруп, керек болсо сыймыктанып, үлгү катары көрсөтө аламын! Арыбаңыз байке! Карыбаңыз! Сиздин жазган китептерди япондор, англичандар, франсуз, немецтердин окумуштуулары кызуу окуп, терең баалап жаткан кез! Эч нерседен кем болбоңуз байке! Жеңем экөөңөр балдар, кыздардын, неберелердин жакшы күндөрүн көрүп көп жашаңыздар!

17.05.2020
Апаке! Майрамыңыз менен! "Апакем" Ааламда бул жашоонун бар экенин, Адам зат адалдыкка зар экенин, Аңдатып. Ак-караны алып келген, Ата-Энем алгач көргөн бала экемин! Баарына тилегениң бак экенин, Балдарың сүйлөсө тил, бал экенин, Балалуу болгон кезде баамдадык, Бакыттын ана башы бала экенин! Атакем ар өнөрлүү жан экенин, Ал экөөң, эриш-аркак жар экениң, Бир дагы эстебеген күнүбүз жок, Билсек да, "Ажал", "Өлүм" ак экенин! Өзүңдөй касиеттүү апаларга, Өрнөктүү өмүр сүргөн аталарга, Өлкөбүз сыймыктанат, ар убакта, Өлбөстүк - Силер берген баталарда!

11.05.2020

26.04.2020
Урматтуу калайык! Бүгүн кеч кирип таң атса, Элмирбектин бул жарыкчылыкты таштап кеткенине бир апта болот экен. Сыймык Бейшекеев иним үч-төрт күн мурун Элмирбек жөнүндө элге сунуш айтып жатканын кулагым чалды эле. Мен: "Ал сунушту айта турган убак да келээр" - деп, көп көңүл бурган эмес элем. Эми ойлосом, бул маселени туура эле, убагында козгоп жаткан экен. "Жер суутат" демекчи, убагында айтып, чечилип калбаса, бара-бара унутулбаса да, кызуу колдоп жаткан элдин каалоосу сууп калчудай. Айта турган болсом, Элмирбектин эл үчүн кылган кызматын, кыргыз-казакка болгон кадыр-баркын мен айтпасам да элдин баарына, мамлекет башчыларга чейин белгилүү. Себеби: Элмирбектин ар бир кылган эмгеги, кээ бир ишкерлердикиндей жашыруун эмес, эл алдында, эл менен айдан ачык экен. Ошондуктан, ысымын ыйгаруу маселеси, мараторийдин убактысы бүткөндөн кийин талкууланаар?... Ал эми Сыймык Бейшекеев сунуштаган кандайдыр бир, жаштарга шык бере турган мамлекеттик сыйлыкты Элмирбек атындагы деп белгилесек, мындан да өнөр багып, өнөр баалаган эл экенибизди далилдеген болоор элек деген ой-пикирге кошулаарымды билдирем! Бул сунушту бүтүндөй "Мен кыргызмын!" деген ар бир жаран. Колдоору белгилүү! Элмирбектин ырларын боордош казак, түрк элдери да жандуу оркестр менен ырдап жаткандыгы бекеринен эмес. Сөзүм кур болбос үчүн, Элмирбегибиздин "Булбулум" аттуу ырын боордош Казак Элинин белгилүү ырчылары Оңал Азаматова менен Гани Матебаевдин аткаруусунда угуп койсоңуздар!

18.04.2020

15.04.2020
"Врачтарга" Жер шарында билбейм канча врач бар? Статистика тактап аны ырастаар? Деген менен: Жараткандан кийинки, Ден соолуктун сакчылары врачтар! Бизге кандай көп болсо да сынактар, Билбейм канча биз билбеген сынак бар? Бир билгеним, оору менен алышып, Бизди дайым сактап келет врачтар! Элдик врач, эл багына ырас бар, Эл ичинде, "Эл" деп жашайт врачтар! Элди кырмак эгер врач болбосо, Эч бир жанга көрүнбөгөн жыластар! Апааттарда үйдө жатып албастан, Ар бир күнүн адам үчүн арнашкан, Ак халатчан врачтарга рахмат, Ажал бүрккөн оору менен кармашкан! Бирин карап, бирин бөлүп-жарбастан, Бир күн дагы эс алууга барбастан, Биз деп жүргөн врачтарга рахмат, Бизди аңдыган ажал менен арбашкан!

12.04.2020 Bishkek
Бергенша байке! Туулган күнүң кут болсун! Туулган жерге кут консун! Туш тарабың жайылып, Турмуш-шартың бүт болсун! Тууган-урук, эл-журтуң, Туура жолго бут койсун! Жаратканым колдосун! Жакшылыкка жолдосун! Жамы журтум тынч алып, Жамандыктар болбосун! Жан дүйнөнү өзүңдөй, Жакшы адамдар оңдосун! Эл оорубай жай алып, Эшигиңден май агып, Эриш-аркак жашайлы, Эгеменге таянып! Элге өнөрдү арнайлы, Элден болбос аянып? Көңүлүңдө гүл өссүн! Көйгөйү жок күн өтсүн! Көздөгөнүң ишке ашып, Көрө албасты жүдөтсүн! Көлдөй толкуп ырдай бер, "Көлчүктөрдүн" үнү өчсүн! Жарышып ойноп балдарың, Жаныңда күлүп алганың, Жакшылык толсун үйүңдө, "Жаңыртпа эстеп арманың!"... Жашооңо тилеп ала бер, Жараткан берген жардамын!

10.04.2020 Bishkek, Kyrgyzstan