Күмөндөр Абылов
@kumondor_abylov
Күмөндөр Абылов

Подписчики: 18704
Посты: 100
Подписки: 51
Расмий баракча Кыргыз Республикасынын Эл артисти, театр жана кино актёру. #кумондорабылов #күмөндөр Кызматташуу үчүн дарекке жазыңыздар.

 
Загрузка...
сортировать по: лайкам | комментариям | просмотрам | дате публикации
195   8
14.06.2020
Ардактуу Карыбек байке! Бүгүнкү туулган күнүңүз менен! Сиздей илимпоз, көп тараптуу, терең билимдүү, кыргыз, орус, англис, француз, немец тилдерин суудай билген, жана ошол тилдерде ырларын жазган, илимий китептерин жазган, социология, философия илиминин кандидаты, филология, экономика илимдери боюнча институт, университеттерде мыкты окутуучу, профессор агам бар экенине абдан сыймыктанам! Сиз жалаң ошондой билимиңиздин арты менен, А. Акаевге пресс катчы, Бакиевге саясий бөлүмүндө иштеп, жалаң алар сүйлөчү докладтарын жазып берип, ак иштедиңиз. Сизди алар, ар кандай махинацияларга тартканына карабай, сиздин адамдык ар-намыс, уятыңыз андай ыпылас иштерге макулдук берген жок! Ошону үчүн кызмат даражаңыздан да көтөрүлгөн жоксуз. Эгерде Кыргызстандын жетекчилеринин билим деңгээлдери жок дегенде сиздикинин жарымындай эле болуп, анан сиздей ак ниет, чынчыл, патриот болгондо, кыргыз эли бүгүнкү акыбалда болмок эмеспиз! Сизди мен эч бир уялбай туруп, керек болсо сыймыктанып, үлгү катары көрсөтө аламын! Арыбаңыз байке! Карыбаңыз! Сиздин жазган китептерди япондор, англичандар, франсуз, немецтердин окумуштуулары кызуу окуп, терең баалап жаткан кез! Эч нерседен кем болбоңуз байке! Жеңем экөөңөр балдар, кыздардын, неберелердин жакшы күндөрүн көрүп көп жашаңыздар!
547   44   4087
26.04.2020
Урматтуу калайык! Бүгүн кеч кирип таң атса, Элмирбектин бул жарыкчылыкты таштап кеткенине бир апта болот экен. Сыймык Бейшекеев иним үч-төрт күн мурун Элмирбек жөнүндө элге сунуш айтып жатканын кулагым чалды эле. Мен: "Ал сунушту айта турган убак да келээр" - деп, көп көңүл бурган эмес элем. Эми ойлосом, бул маселени туура эле, убагында козгоп жаткан экен. "Жер суутат" демекчи, убагында айтып, чечилип калбаса, бара-бара унутулбаса да, кызуу колдоп жаткан элдин каалоосу сууп калчудай. Айта турган болсом, Элмирбектин эл үчүн кылган кызматын, кыргыз-казакка болгон кадыр-баркын мен айтпасам да элдин баарына, мамлекет башчыларга чейин белгилүү. Себеби: Элмирбектин ар бир кылган эмгеги, кээ бир ишкерлердикиндей жашыруун эмес, эл алдында, эл менен айдан ачык экен. Ошондуктан, ысымын ыйгаруу маселеси, мараторийдин убактысы бүткөндөн кийин талкууланаар?... Ал эми Сыймык Бейшекеев сунуштаган кандайдыр бир, жаштарга шык бере турган мамлекеттик сыйлыкты Элмирбек атындагы деп белгилесек, мындан да өнөр багып, өнөр баалаган эл экенибизди далилдеген болоор элек деген ой-пикирге кошулаарымды билдирем! Бул сунушту бүтүндөй "Мен кыргызмын!" деген ар бир жаран. Колдоору белгилүү! Элмирбектин ырларын боордош казак, түрк элдери да жандуу оркестр менен ырдап жаткандыгы бекеринен эмес. Сөзүм кур болбос үчүн, Элмирбегибиздин "Булбулум" аттуу ырын боордош Казак Элинин белгилүү ырчылары Оңал Азаматова менен Гани Матебаевдин аткаруусунда угуп койсоңуздар!
532   21
19.04.2020
Канатбай! Туулган күнүң кут болсун! Өмүрүң узун, ден соолугуң бекем, көңүлүң куунак, болсун! Үй- бүлөң менен, бир туугандарың менен жакшылыктардын баарын көр! Ушул ырымды баарыңа арнайм! "Бир туугандарым" Атыңдан айланайын ырыстарым, Ата-энем, Теңир берген ыйыктарым! Арка-белим болуп дайым байкелешип, Атымды тергеп турган сылыктарым! Алыста сагынганда өзүңөрдү, Ар дайым көз алдымда кылыктарың! Баарыңдын терметкемин бешиктериң, Бакырган алгачкы үнүң эшиткемин! Барбаңдап сүйүнчүлөп, айыл-апага, Баарынын черткилегем эшиктерин! Баркымды көтөрүшүп, колдоп турган, Багыма акыл-ою тетиктерим! Бир тууган атың ыйык кандаштарым, Бири-бирин колдоп дилин арнашканым! Билгенге бир туугандан жакын барбы, Биригип, бир максатты тандашканым! Бир ата, бир эненин каны бизде, Бир жандай биригишкен жандаштарым! Түбөлүк баа жетпеген байлыктарым, Түгөнгүс атам черткен кайрыктарым! Түшүнүп, миң ийменип турсаңар да, Түпкүрдө силерсиңер айбыкканым! Түзөтүп жолдон чыксам жөнгө салаар, Түнөрбөс туюк жолдо жарыктарым! Өнөрүм өркүндөтөөр өбөктөрүм, Өксүсөм, өргө тартаар жөлөктөрүм! Өчүрбөй атабыздын ыйык атын, Өнөргө өнөр кошкон өнөктөрүм! Өмүрүң узун болуп баарыңардын, Өркүндөп, өсө бергин бөбөктөрүм!
Загрузка...
175   8
01.04.2020 Biskek , Kyrgystan
Талант доско. Арзан жаш эмес алтымыш, Аркаңа жүгүн артыныш. Антсе да досум айтаарым, Ар иште болбо жалкымыш! Кемпирге кылбай салкын иш, Келинге болбой тартымыш, Калыссың досум ар дайым, Кандай да болсо шартыбыз! Унутпай сактап жалпыбыз, Улууну сыйлоо салтыбыз. Ушундай пейилиң бар үчүн, Урматтайт сени калкыбыз! Жаш өткөн сайын - кайтымыш, Жаныңды багып жай тыныш. Жатсам да үйдөн чыга албай, Жазганым куттук айтымыш. Жеткениң болсун жетимиш! Желе албай калган этимиш, Болгун да, бир күн байкатпай, Сексенге жаса секириш! Калса да кандай бекип иш, Болгонуң менен жекимиш, Кеңешин угуп турганга, Кемпирди болбос кетириш? Сексенди жашап темине, Серепчи болуп элиңе, Токсондун баргын белине, Айланбай вирус жемине! Ошентип өмүр күз болсун, Оорубай жашың жүз болсун! Куттуктайм досум аман бол, Кудайдын көзү түз болсун!
636   37
08.03.2020 Bishkek, Kyrgyzstan
"Каалоо" Кагылайын касиеттүү айымдар! Кагылгыдай, жагынгыдай жайым бар! Кабыргадан жаралган деп силерди, Качантадан берки кеп бар, айың бар? Силер менен ырысым бар, багым бар! Силер менен жүрөгүмдө жалын бар! Силер менен жаралгамын жашоого, Силер менен Жараткандан жарым бар! Өзүңөр бар - мен сагынаар айым бар! Өзүңөр бар - мен жагынаар "кайын" бар! Өзүңөр бар - кирпигиме кир жукпай, Өзүңөр бар - каалаганым дайын бар! Көпкөн эрге - өзүң берээр "дарың" бар, Көпкө кимдин "шиши" кантип жарылбаар?... Көз тийбесин көппөйм такыр, тфу! Тфу! Тфу! "Көк жөтөлгө" менде кандай зарыл бар? Куттуу болсун майрамыңар асылдар! Куттук айтат ар адамда асыл жар! Куттук айтпай Күкөңдүн да мындайда, Кудуңдаган кубанычы жазылбаар? Бар бололу силер менен ар дайым, "Бакыт кушу" үйгө байыр алмайын! Бак тилеймин, сыйлап өтөм баарыңды, Башым ийип, "кара жерге" бармайын!