26.04.2020
Америкадан жалпы кыргыз элине салам жолдошуптур кабыл алыңыздар, орозоңуздар кабыл болсун!!!

26.04.2020
Алгач Күзгү нөшөрдү 1997 жылы чыгарганымдан кийин 1 ай өтүп радиого барып жаздырып келдик, Көлмө конушунда шарты жок кичинекей времянкада байлыгы ашкан байлардай жашайт элем, себеби күнү куру эмес чыгармачыл досторум Элмирбек асылым, Шекербек @shekerbekadylov акыным, Урмат @urmatbatyrkulov жакыным маанайымды майрам кылып, картөшкө кууруп жесек казы карта жегендей, китлап басып жесек кийиктин этин жегенсип чыгармачылык ырдан башканынын баары тыйынга арзыбаган керексиз буюмдай сезип жүргөн учур эле. Эсимде кассетаны улам түрдүрүп коюп жаман магнитофонду башыңа жазданып алып кайра кайра укканыңды элестеттим, иий мобул жеринде экен да кереметтин баары деп көңүл кушун кимге алдырды деген сабына көөнүңдүн эригенин көрүп көңүлүм көккө учканын эстедим Элмишим, сен экөөбүздүн көп жылдык достук таржымалыбызды тарых кылып баяндап берээр учур да келээр, көзүң өтөөрдөн 2 күн мурун Шайырбек @shaiyrbekabdyrakhman досум экөөбүз чуркап жүрүп жолугуп калып Шакеме айттым эле, карантин деп камалбай чыгынып Элмирге барып келеличи сагындым, анын тарых дептеринин бир топ барактары менин жүрөгүмдө десем Шакем ой менде дагы андай барактар көп деп күлдүк эле аттиң, жетпей калдык. Күзгү нөшөрдү алгач жаралгандан баштап сүйдү Элмикем, оо буйруса бул ырың улам жаңыланып ырдалып узун элдин учуна жетет дечү эле кургурум, бир нерсени алдын ала сезе алган олуялыгың бар эле булбулум. Эки күн мурун өнөрпоз казак боордош агабыз Абылайхан Оспанов @ospanovablaikhan коңгуроо кагып кайрат айтып, кайгыңды бөлүшөм боорум Элмирбек биздин дагы уул эле дегенин угуп эзилдим, күзгү нөшөрүңдү Маскөөдө кыргыз баурдастардын алдында орундадым кабыл эт деп салып жибериптир, рахмат ага карайлап турганда кайрат айтып калка болгонуңузга кем болбоңуз, ар бир кайрыгында мындан 23-24 жыл мурунку элестер тасмадай чууруп өтүп жатат...

26.04.2020

25.04.2020
Урматтуу достор, күндөн күнгө адам аттуунун баары аты жаман ооруга үйүр алып, кээ бир саясатчылар мындай оору жок деп үгүт жүргүзгөнгө жетишсе, кээ бир дарыланып айыгып чыкты дегендер бир тоголок дары берген жок жөн эле жаттым деп айтып, үйдө камалып отурган көпчүлүктүн башы айлагандай ахыбалга келдик. Ырас өзүм дагы алгач күндөрдөн баштап муктаждарга азык түлүк маска таратуучулардын катарында болуп, бул кокунучка көп маани бербегендердин катарында жүрдүм, 2 күн мурун абдан жакын санаалаш таанышымдын телефон коңгуроосу ансыз да буулугуп турган жан дүйнөмдү селт эткизди. Негизи фб талаасын таптакыр эле жаап салып, фейсбуктан инстаграммдан кетип өзүм менен өзүм болгум келип жан дүйнөм жалгыздыкты самап баштады эле, бул коңгуроодон кийин аз болсо да башкаларга ал жай сурашып маалымат жеткирип туруу үчүн ал оюмдан кайттым. Биз баарыбыз көндүм болуп, бул оору жок экен жөн салды эле ойдон чыгарылган акча жасамай окшойт деген түкшүмөл пикирлер башталгандан баштап баарыбыз эле моюн сунгандай жай турмуш арабасын кылдыратып баштагандайбыз. Тилеке каршы бар экен, болгондо дагы өтө коркунучтуу оору ар бирибиздин жакындарыбызды жада калса өзүбүздү дагы акмалап жүргөнүн айтып койгум келди, абайлайлы сактансаң сактайм деген жараткан дагы сактаналы туугандар, мага кагылган телефон коңгуроодогу таанышымдын аба жетпеген үзүл кесил үнү жан дүйнөмдү үркүттү, бечара таанышым бир нерсе болуп кетсем үй бүлөмө бөтөн эмессиң көз сала жүрчү деген жөтөлгө муунган сураныч сөздөрү жасалма дем алдыруучу аппараттын чыйкылдаган үнүнө аралаш чыгып бул коркунуч ар бирбиздин босогодо эле жүргөнүн туйунтту. Инфекциялык оорукананын башкы врачы биздин айылдаш ага болгондуктан телефон номерин терип андан сурадым, ахыбалы оор дейт, урматтуу мекендештер ар бириңиздердин ден соолугуңуздар өмүрүңүздөр мекен үчүн кымбат, жок дегенде жалган маалыматтардын таралышына бөгөт болуп өлкөбүзгө жардам берели, баарыңыздарга ден соолук өмүр тилейм.🙏 #жардам_бер_үйдөн_чыкпа_өзүңдү_ая

25.04.2020
Жаныбек Алыкуловдун уулу @manas_alykulov Манас үкөбүз кечээ балканактай уулдуу болду, уулунун атын эл сүйгөн Элмирбек атасындай болсун деп ырымдап ЭЛМИРБЕК деп койду, Манас үкөм телефон чалып сүйүнчү айтып, анан аке атын ушундай деп койсом кандай дейсиз дейт, алгач сүйүнчү уулдуу болдум дегенде эмнегедир атын Элмирбек койсо деген ой учкуну жылт дей түштү эле, ойлорубуз шайкеш келгенине кубандым абдан, Азиза @anarbaevna69 жеңе небере кут болсун, өмүрлүү бактылуу баталуу уул болуп өссүн, кызыр жылоосунда болуп, Элмирбек атасындай калкка кадыры сиңген элдин уулу болсун оомийин🤲!!!

25.04.2020

24.04.2020 Кыргызстан
Бар нерсенин баркына жетип, бири бирибиздин көңүлдөргө гүл төшөп, кадырлап жашайлы!!!

24.04.2020

24.04.2020

23.04.2020
ЭЛМИРБЕК ИМАНАЛИЕВ атындагы мамлекеттик сыйлык болуусу абзел, бул сыйлык улуулука угут болуп берээри талашсыз нерсе, бүгүн ушул изги тилек сунушумду калктын кадырын билген Садык Шер - Нияз баатырга айттым, менимче көпчүлүктөн колдоо тапса, биз бел болуп берсек, жолборс жүрөк Сакем бул сунушту ишке ашырат, көөнөргүс мурасыбыздын эртеңине, улуу өнөрдүн урматы артып кадыры бийиктесин десеңиз сиздин колдоого бул сунуш абдан муктаж, Саке жараткан жар болсун сизге!!! #элмирбек_иманалив_атындагы_мамлекеттик_сыйлык_колдойм @sadyksherniyaz

22.04.2020
кош Элмикем эми канжыгада көрүшөрбүз...💔😥

21.04.2020 Друг
Бул сүрөттө экөөбүз ээрчишип Асанкалый Керимбаевди эскерүүгө радио уктурууга келдик эле, азыр эми сени эскерүүгө сен жөнүндө айтып берүүгө КТРКга барганы жатам досум... өзүң менен түшкөн эң акыркы сүрөт болот деп ойлобопмун, күйүт мыжып атат.(

21.04.2020
Өткөнүбүзгө -- өкүт кылбай, болмушубузга -- шүгүр этип, эртеңибизге -- үмүт артып, Жараткан -- жар болсун дейли! Жакшылык -- бар болсун дейли! Жан -- аруу болсун! Ден -- сак болсун! Ниет -- ак болсун! Кудурет -- кубат болсун! Кубаныч -- булак болсун! Рухубуз -- нурунан ажырабасын! Улутубуз -- ырынан ажырабасын! Улуулар -- нарктан тайбасын! Кичүүлөр -- барктан тайбасын! Уулдарыбыз -- сыйдан кетпесин! Кыздарыбыз -- сындан кетпесин! Жерибиз -- көркүнөн ажырабасын! Элибиз -- эркинен ажырабасын! Тилегибизди Улуу Жараткан кабыл кылсын! Элмирбек Иманалиев...

21.04.2020
Бир кездеги канчалаган көп тилектерибиз, кыялдарыбыз ар бир күнү орундалып жатканын көп учурда сезбей жашайт экенбиз. Таңды аман эсен тынчтык менен тосуп алуунун өзү чексиз мүмкүнчүлүк. Кубаныч менен акылдын гармониясы - адам өз тагдыры менен тил табышканда келчү нерсе экенин байкаганым бар. Кутман таң!!! Элмирбек Иманалиев.

21.04.2020
😢

20.04.2020
Урматтуу эл ичиндеги өнөрлүү ыр ышкыбоздору, талантыңыз болуп, сахнага чыгып ырдоону кыялданып жүргөн болсоңуз сиздер үчүн жакшы мүмкүнчүлүк түзүлдү, үйдө олтуруп эле каалаган ырыңарды музыкалык аспаптардын коштоосунда ырдап видеого сапаттуу тартып жарнамадагы 0773333377 номерине Telegram аркылуу жөнөтүңүз, мыктыларын YouTube каналыма коноко чакырып атайын эфир кылып ай сайын 2 топко бөлүп чыгарып турабыз, жеңүүчүнү көпчүлүк көрөрмандардын колдоо добушу жазган комментарийи аркылуу саналып берилет. Мыктыларды музыкалык билим алуусуна мүмкүнчүлүк түзүлүп, ыр жаздырылып, клип тартылып берилет, жыйынтык декабрь айында чыгарылат, эмесе чамдаңыздар улан кыздар, биздин YouTube каналга катталып эл ичиндеги мыкты таланттарды чогуу тандайлы!!! Кошумча маалыматтарды билдирип турабыз.