2465 53
28.03.2020
КЕЧИР БИЗДИ ЖАЙ ТУРМУШ
Эртең менен балдар кетип сабакка,
Кайра түштө келип калган шаң турмуш.
Бир заматта көздөн учуп көрүнбөй,
Кайда кеттиң кагылайын жай турмуш.
Сыйга сый деп, сыр аякка бал дебей,
Жабыркатып таарынттыкпы шай турмуш?
Санаа менен сагынычка калтырып,
Кайдасың сен баасы кымбат жай турмуш?
Эси жок эл, жарашпады дедиңби?
Эсебинен кесири көп бай турмуш.
Эшикке чыкпай, эсте мени дедиңби?
Эркиндиктин кымбаттыгын жай турмуш.
Байлык, бийлик, дөөлөт, ырыс көтөрбөй,
Бар турса да жок дедикпи бар турмуш? Дардаңдабай даражамды билгин деп,
Зарыктырып жашындыңбы жай турмуш?
Адамдыктан жамандыкты көп жасап,
Жүрөгүңдү ооруттукпу шар турмуш?
Мен, сен, ал, биз, Аалам, Дүйнө, Жараткан,
Биригели! Бизди КЕЧИР жай турмуш.
Кечээки эле жаркыраган үмүттөр,
Бүгүн калды бүдөмүктөп тар турмуш.
Жалынайын,жалдырайын өзүңө,
Жайга жетпей кайтып келчи ЖАЙ ТУРМУШ.
Автор :Майрам Сарыбаева
2020-жыл 27-март
түнкү саат 3:00
