Кыргызстан - Инстаграм - Чынара Капарова - @chynara_kaparova - Чынар Капарова в инстаграм, официальная страница

609 81

27.05.2020
БЕШ БОЛБОЙТ! ______________________________________________________________ Жан дүйнө сырыңызды, жада калса эң жакын адамыңызга да айтпаңыз! Ар бир сөздүн чеги бар, чектен чыгуу – адашуу. 1. Башка адамдын сырын айтпаңыз! Эгерде Сизге бир адам ичинде катылган сырын ишенип айтса, аны эч качан эч кимге “сатпаңыз”! Ал адамдын Сизге болгон ишеними жогору болгон. Башка адамдын сырын ачыкка чыгаруу - ыпыластык. Кийин бул кылганыңыз үчүн өзүңүздөн уялып жашоонун кереги барбы? 2. Алдыга койгон иш-пландар, бизнес-идеялар жөнүндө айта берүүнүн кажети жок! План жөнүндө айта берсеңиз, ал аягына чыкпай токтоп калышы мүмкүн. Жакын адамдарыңыздын арасынан деле Сиздин идеяны уурдап алуучу, көрө албаган, бут тосуучу адамдар чыгат. Мындай адамдар пессимисттик көз караштары менен Сиздин ийгиликке карай жолуңузду бууп салышат. Жада калса Сиздин идеяны Сизден мурда колдонуп алышы мүмкүн. 3. Иштеген кызматыңыз, жумуш мамилелер жөнүндөгү, өзгөчө кесиптик сырлар сыртка чыкпашы керек! Кесиптик этиканы сактаңыз! Жумуш алкагында кандайдыр бир окуяны башка адамга айтуу этикага туура келбейт. Өзгөчө медицина, милиция, билим берүү же социалдык коргоо ж.б тармактын кызматкери болсоңуз, жумуш алкагындагы бардык маселелер жумуш кеңседен чыкпашы керек деген тартипти карманыңыз. Айрым учурда Сиз жоопко тартылып калышыңыз мүмкүн. _ 4. Жакын досторуңузга, кесиптештериңизге үй бүлөңүздө бардыгы жакшы экендигин кайра-кайра айта берүүнүн зарылчылыгы жок! Бакыт – тынчтыкты жактырат! Бактылуу учурларыңызды улам айта берүүнүн, же мактануунун кажети жок. Жолдошуңуз сүйүп, балдарыңыз кубандырып, турмушуңуз топук болуп жатканы - Сиздин бакыт! Жеке турмушту жар салуу жакын досторуңузду алыстатып коюшу ыктымал. Анткени бардыгы эле бактылуу эмес! - 5. Жакындарыңыз менен болгон пикир келишпестик, же уруш-талаш жөнүндө башкаларга ооз ачпаңыз! Сиздин окуяга тиешеси жок адамды ага аралаштыруу чоң ката! Сизге таарынып, же Сиз таарынтып алган адамдын ортосундагы маселе сиздерде сакталып калганы туура. Ашыкча маалымат кедерги болот! Интернеттен алып котордум. Пайдалуу болдубу?