06.02.2020
@eldarbishkek @seitekkhaan @abdyvahap_nurbaev . Азыркы заманбап шартта кесипке даярдоодо бир гана теориялык билим жетишсиз. Жаш адистерге теория менен бирге практикалык жактан билимин бекемдөөгө мүмкүнчүлүк түзүү жолун сунуштап жатабыз. Мыйзам долбоорун кабыл алуу менен жаштардын стажировкадан өтүүсүнө жана жумушка орношуусуна шарт түзүлөт. Кеңири таанышуу үчүн: http://kenesh.kg/ru/draftlaw/554099/show @abdyvahap_nurbaev бул мыйзамды коргоп, 1-окууда колдоо тапты.

30.10.2019
Биздин айылдагы улак тартышты атактуу фотограф @zaferdincher атайын барып тартып, интернетке чыгарыптыр. Рахмат Сизге! Лондондо жүрүп өз айылымдын тургундарын көрүп кубандым:). @zaferdincher барагында фотолор укмуш эми.

29.10.2019 London, United Kingdom
Улуу Британия парламентинин тажрыйбалуу бир депутатынын иш бөлмөсүнө күбө болдум, Сиздерге да бөлүшөйүн, достор (кабинети). Отурган орду мынакей, депутаты, жардамчылары, кенешчиси баары бир чакан кабинетте. Эми Британ өкмөтүндө акча жок дейсизби, абдан жөнөкөй, жупунулук. Шапкени баса кийип, уялгандар деле жок:).

05.02.2020
@azattyk.kg уюштурган талкууда. @bakytasanov @altynbek_sulaimanov

28.10.2019 London, Westminster
Улуу Британия парламентинин депутаты, Кыргызстан-Улуу Британия парламенттик достук тобунун жетекчиси, полковник Боб Стюарт мырза менен жолугушуп, эки өлкөнүн алакасы тууралуу баарлаштык. Улуу Британия-парламентаризм боюнча бай тарыхка ээ, мен сыяктуу жаш парламентарийлерге булардын тажрыйбасы абдан маанилүү. Иш сапардын алкагында парламенттин ишмердиги менен кенен таанышып, күн тартибинде турган Брекзит маселеси боюнча да ой бөлүштүк. #janarakaev

04.02.2020
КЛДП презентациясы. @kldp2020 @seitekkhaan @eldarbishkek

30.10.2019 Parliament Square
Британияда 12-декабрда мөөнөтүнөн мурда шайлоо өтмөй болду. Лорддор палатасынын мүчөсү, Кыргызстанды жакшы билген Баронесса Элисон Сатти айым менен жолугушуп шайлоо системасы, үгүт өнөктүгү жана саясий партиялардын ишмердиги тууралуу кенен талкууладык. Парламентаризм бүт дүйнөгө дал ушул Улуу Британиядан тараган эмеспи, мисалы менин артымдагы парламент имараты турганына эле 900 жыл болуптур. Бизде да Борбор Азияда алгачкылардан болуп парламентаризмге ыктаган мамлекет катары тарыхта калабыз деп ишенем, азыр толтура кемчиликтер бар албетте, бирок сапаты жылдан жылга жакшырат деп ойлойм. #janarakaev

22.12.2019
❄️:)

20.10.2019 Batken, Kyrgyzstan
Индия, Кытайга чейин жеткен Баткен өрүгү. Экспорттун көлөмүн жогорулатуу ишкерлердин чон максаты. #janarakaev

22.05.2020
Боорукер, жароокер жарандарга рахмат! Мекендештерди иш жүзүндө колдоп, ушундай оор абалда кирешесинен бөлүшкөн жарандарыбыз көп экени мени ого бетер кубантты. Москвадагы @janylan_ru баштаган ишти Түркиядагы журтташтарыбыз улантып, Мираскар Агенттиги Анталия демилгени колго алды. Өзү он жылдан ашуун мигрант болуп иштеп келген, Жалал-Абаддык ишкер жердешибиз 300 миң сомун Москвага которду. Депутат @mamataliev_marlen да жардам колун сунду, 50 миң сомду Москвага өзү которду. Нурусланбек Байзаков айыл чарба тармагындагы ишкер, кечээ Түркияга 30 миң сом каражат которду. Жогорку Кеңештин төрагасы депутат Абдывахап Нурбаев (Abdyvahap Nurbaev), Каныбек Иманалиев үчөөбүздүн кайрылуубузду четке какпай, 100 миң сом бөлдү, анын 80 миңин Москвага, 20 миң сомун Түркияга котордук. (ошондо Түркияга 50 миң которулду кечээ, бул менин акчам эмес). Кореядан Эмил байке, Прагадан Венера эже, иши кылып ким колунан келишинче тыйын берип жатышат. Москвадагы балдар ар бир жардам алгандардын ыраазылыгын Сиздерге айтып жатышат, урматтуу кайдыгер эмес жарандар! Карайлап турган мусаапырга эсебине 2 миң рубль түшкөн деле убактылуу жакшы жардам болот экен. Элибиз жакшы, ушундай шартта көптөп отуруп 1 миллион 150 миң каражат чогулта алыппыз. Дагы да иш уланууда, төмөнкү дарекке байланышсаңыздар болот.

10.02.2020
Маалымат каражаттарынан ар кандай жолдор менен каралоо аракеттери-бул бизге көнүмүш эле көрүнүш. Биз системаны сындыра турган, мыкты кесипкөйлөрдү жергиликтүү кеңеш, Жогорку Кеңешке, Өкмөткө алып келүү аракетибизди уланта беребиз, ушактарга маани бербей, убакыт да коротпой күжүлдөп иштей беребиз. Дагы бир жол бар эле, "массалык пропискага коюп жатат, шаарга паспорт ташып жатат, студенттерди мажбурлап жатат" деп интернетке кыйкырып, сын айтып жата берүү. Ага ашыкча акылдын же күчтүн деле кереги жок. Биз өзүбүзчө команда түзүп, ошол терс көрүнүштөргө иш жүзүндө каршы туруп, альтернативдүү жолун сунуштаганы турабыз. Чегирткеден корккон эгин экпейт,-дегендей, биз баштаган жолду жактырбай, нечендеген жугунду куюп турушаарын билип туруп өз алдыбызча чыкканбыз. Так что, ден-соолугуңар чың болуп, өмүрүңөр узун болсун деп, ишибизди уланта беребиз:).

07.02.2020
Эмне үчүн либерал демократиялык партия? Анткени биздин ураан «Экономикада либерализм, башкарууда – демократия!» Кыргызстан – жер планетасын мындай коелу СНГ, Борбор Азия аймагында эле аянты, калкынын саны, табигый байлыктары жагынан ортодон ылдыйыраак чакан мамлекеттердин бири. Килейген Евразия континентинин так ортосунда, транспорттук тупикте жайгашкан, деңизден алыс, эл аралык транспорттук түйүндөргө эшиги жок өлкөлөрдүн бири. Табигый кен байлыктарыбызды айталы, биздин жер казынабызда көптөгөн кен байлыктарыбыз болгону менен алардын көлөмү аз. Аларды казып алуунун оордугун, транспорттук жактан тупикте жайгашканыбызды эске алсак, буга биздеги саясий туруктуулуктун жоктугун, өнүккөн коррупцияны, потенциалы төмөн бюрократиялык аппаратты кошсок, биз ири, олуттуу инвесторлор кызыгып, көз арта турган мамлекет эмеспиз. Ошондуктан дүйнөдөгү эң чоң компаниялар бүгүнкү күндө түштүк Азияда, Африкада иш кылып атышат, себеби алардын деңизге эшиги бар, же болбосо Монголияга, же биздин жаныбыздагы кошуна мамлекеттерге кызыгышат, анткени аларда бизге караганда жок дегенде саясий туруктуулук бар. Демек, биздин мындан башка артыкчылыктуу жактарыбыз жокко эсе болгондуктан, биз үчүн бир гана жол бар деп эсептейбиз. Бул – экономикалык либерализм! Бизде аракетчил, жигердүү ишкерлер чындыгында көп, биз алар үчүн негизсиз текшерүүлөрдү жок кылып, бизнести коррупциядан, криминалдан сактап, саясий туруктуулукту жана мыйзамдын үстөмдүгүн камсыздап, иш жүргүзүү үчүн ыңгайлүү, жеңил шарттарды түзүп берсек гана экономикабызды, жашоо деңгээлибизди көтөрө алабыз деген ишеничтебиз. Мына ушуну либералдык экономика деп коет. Экономика менен саясат бири биринен түздөн түз көз каранды экендигин баарыбыз жакшы билебиз. Саясий туруктуулук болмоюн экономика өнүкпөйт. А эмне үчүн саясатта стабилдүүлүк жок, анткени бизде адилеттүү башкарүү, элдик демократиянын өзү жок болуп атат. Ошондуктан биз бийликти түзүүдө демократияны, башкарууда адилеттүүлүктү алып келебиз деген принципти карманып атабыз. Кадр тандоодо «бул менин адамым эле, мен ушуга гана ишенем, себеби ушу менен кошо жеп жүргөм» деген критерий эмес кесипкөйлүк, тазалык, чынчылдык, идеялык пикирлеш деген сапаттарды алдыга коюп жатабыз. Азы

17.05.2020
Эне камы, тилеги, батасы. Ар жыл сайын май айынын үчүнчү жекшембисинде "Энелер" күнүн белгилеп келатабыз, бардык энелерди куттуктайм! Учурдан пайдаланып тестиер кезде апамды ыңгайсыз кылган бир эки учур эсиме келди, бөлүшөйүн достор, эми ушунча ынак болуп калдык дегендей:) Беш жашта болсом керек, Тагай абам бир жакшылыгын өткөрүп, алыскы жайлоосуна ЗИЛби же виллис мененби, иши кылып топурап тойго жөнөп калдык. Денис досума ошондо шаардан сапсары, жазуулары бар, сонун кепка сатып беришиптир ата-энеси. Улам анын кепкасын шынаарлап, мага да ушундай кепка алып бергиле деп чоеңдоп баштасам, апасынан сурап мага кийгизип койду апам, тойго кийип барып келсин, кайра келип берет деп. Уяттуу туугандарга баратабыз, өзүмдүкү деп эле кийип барып келесиң деди. Бир кезде тойдо көңүл борбору мага бурулуп, ой азамат деп мактамыш болуп жатышканда, туугандардын бири "кепкасы да сонун" экен азамат деп калса. Дароо оюма Денис дос келе калып, эдиреңдеген мен "бул менин кепкам эмес, Денистики, тойго сурап турдук, барганда кайра кайтарып берем" деп салыпмын:) Апам бир ыңгайсыз абалда кызыктай болуп калганын көрдүм эле ошондо. Майга куурулган аталаны абдан жакшы көрчүмүн, кечки тамакка атала ичели дей берчүмүн, бир күнү курук эле нан менен атала ичип отурсак, ал убакта телефон жок да, күтүүсүз эле башка айылдан жакын туугандарыбыз өтүп баратып, тийип коелу деп тамак ичип отурган үйгө түз эле кирип келишти. Экинчи сорт ундан жасалган кара нан менен, атала ичип кечки тамакта отурганыбызды көрүп калганына апам байкуш кыйла намыстанды. Кап, эт деле бар эле, продукты кенен, Жанар эле атала ичем дегенинен деп эле актангансып жатты. Тиричиликтен кыйналып калышыптыр деген ойдо калбасын деп намыстанган экен көрсө. Ыңгайсыз абал жаралган ошентип. Айтайын дегеним башка, атала ичип, жүгөрүдөн нан жеп, элдин баары тегиз кош айдап, анда да эки ат эч кимде жок, тең шерик болуп кошко салып, буудай эгип, оруп, машак терип, кырман кылып, анан тегирменге тарттырып ун камдачубуз. Анда да кошуна айылга ат менен жүрүп, Коңурбайдын суу тегирменине барчубуз. Биз эми жаш болгон үчүн, улуу муун сыяктуу жокчулукту көп көрбөдүк, бирок четин болсо да сезип калдык. Апам байкуш дайыма жакшы тамак жасап, силе

21.03.2020
КЛДП: Өлкө боюнча өзгөчө кырдаал режимин жарыялап, шайлоолорду жылдыруу зарыл! Кыргызстанда COVID-19 вирусун жугузгандар саны күн санап көбөйүп жатканы бүткүл элибиздин тынчын алууда. Биз мындай кооптуу шартта жарандарыбызды республикалык штабдын, расмий органдардын айтканын дыкаттык менен угуп, эрежелерди бекем сактоого чакырабыз. Ошондой эле өлкө жетекчилиги тез арада Кыргызстан боюнча өзгөчө кырдаал режимин жарыялап, жакында өтчү жергиликтүү кеңештин шайлоолорунун мөөнөтүн чукул арада жылдырууну сунуштайт. Элибиздин ден-соолугу, жарандарыбыздын өмүрүнөн кымбат нерсе жок! Элдин саламаттыгы саясат, шайлоолордон жогору турат. Учурда массалык адам чогулчу бардык иш-чаралардан баш тартып, саламаттыкты сактоо тармагындагы оор жүктү азайтпасак, олуттуу кесепеттерге алып келчүдөй абалга келдик. Коронавирус каптаган бардык өлкөлөрдө өзүн-өзү коргоо, башкача айтканда үйдөн чыкпай отуруу талабын аткаруу – илдетти жеңүүдөгү натыйжалуу ыкма болуп жатат. Азыр ар бир мүнөт маанилүү, КЛДП тез арада өлкө боюнча өзгөчө кырдаал режимин жарыялап, шайлоолорду белгисиз мөөнөткө жылдырууну сунуштайт. @seitekkhaan @eldarbishkek @kldp2020

12.05.2020
Бүгүн @urmagramm менен түз эфирде Сиздерде болгон бардык суроолорго ачык, түз баарлашабыз! Күтөбүз, ачык маек. Мыкты 3 суроого менден жакшы, кызыктуу жана пайдалуу 3 китеп белек! @urmagramm #janarakaev

04.05.2020 Bishkek, Kyrgyzstan