26.03.2020
Ынтымак жеңишке карай жетелейт. Эки күндөн бери Ош шаарында аз күндө түптөгөн командабыз врач, милициядан, аз камсыз болгон бүлөлөрдөн кабар алып, үйүндөгү оокатынын жарымын тең бөлүшүп, элди коргогондорго рахмат айтып жүрүшөт. Дагы бири алынын жеткенкенинче бет кап сатып алып, көчөдөгү бет кабы жокторго берди. Айтайын дегеним, чын ыкластан жардам бериш үчүн сөзсүз эле чириген бай болуштун кереги жок экенинин далили ушул. Сиздер да тонналап ун, май тарата албасаңар да, колуңардан эмне келсе ошондон жардам бере бергенибиз туура болот. Жок дегенде интернет аркылуу врачтарды даңазалап, аларга жакшы сөз айтып туралы, алар айткан эрежеге баш ийели, үйдө бололу. Биз да колубуздан келишинче, бир айлык акыбызды котордук, депутаттык фонддун акчасын да толугу менен врачтардын мед.коргонуучу костюмдарына бөлдүм. Бай-кедейге бөлүнбөй, бир нанды теңге бөлүп жеген боорукердигибиз менен, эң башкысы расмийлер айткан тартипти бекем сактасак-жеңишке, жайбаракат турмушка жакындап баратабыз...

23.03.2020
Азыркы учурда Кыргызстан боюнча кафелер, ишкана, соода сатык, базарлар жабылып, коомдук транспорт токтоп, айлык алып иштеген мекендештерибизди “үйгө отургула” деп, жугуштуу илдет жоюлгуча, экономикабызды токтотуп койдук. Ушул тапта өкмөт аз камсыз болгон, мүмкүнчүлүгү чектелген үй-бүлөлөрдү колдоо жана бизнести колдоо боюнча программаларды даярдап жатат. Айтып коюшубуз керек, бул чаралар абдан кечеңдеп жатат. Мен сунуштаган атайын мыйзам менен кабыл алынчу төрт иш-чаранын пакети жеке менчик сектордо иштеп, бирок жумушу токтотулуп калган мекендештерди колдоого багытталат. Бул демилгелерди ушул аптадан калтырбай мыйзам катары кабыл алышыбыз керек. 1) Өкмөт чукул арада бери дегенде 500 миң жараныбызга айына 5 миң сомдон болсо да жөлөк пул берүү каралсын. Тейлөө тармагында, дегеле айлык алып жалданып иштеген миңдеген жарандарыбыз азыр жумушсуз калды, киреше дээрлик токтоду. Өкмөт өз жарандарынын алгачкы муктаждыктарын чечүү үчүн каражатты аябашы керек. 2) Ипотекалык кредиттерди төлөө 3 айга токтотулсун. Ошол эле мугалимдер, врачтардын көпчүлүгү, айлыкка жашаган кирешеси аз жарандарыбыз ипотекага үй алышкан. Азыр аларда аны төлөө мүмкүнчүлүгү жок. 3) Керектөөчү кредиттердин жана микро кредиттин үстөк пайызын, кошумча айып акчалардын баарын токтотуу. 4) Шаарларда квартиранттарды ушундай учурда мажбурлап чыгарууга тыюу салуу. Акча табылат. 1) Бизде валюталык резервдер бар. 2) Кээ бир мамлекеттик программаларды кайра карап чыгуу. 3) Чет өлкөгө төлөнчү карыз боюнча, Кытай ж.б мамлекеттер менен мөөнөттөрүн жылдыруу боюнча сүйлөшүү. 4) МВФтен 500 млн доллар бюджетти колдоо каражатын алуу

14.11.2019
Ак Шумкарлар, алга!

07.10.2019
“Тойго барып, сүрөттөрүңөр интернетке чыгып, элдин тепкисинде каласыңар, ошол нерсе баштан бир ирет өткөн соң, анан ушшшундай абайлап каласыңар эми” деп баштан өткөн, опытный адам катары билдирүү жасап жаткандай кез экен:). PS. Уруксат берсеңер мен деле кээде тамаша жазып коеюун эми.

11.11.2019 Телекомпания НТС / NTS TV Company
Эл баасы. Өзүм күн сайын сүйүп уккан "Санжыра" радиосунда таң атпай болуп, "Эл баасы" уктуруусуна катыштым. Гүлжан Алтымышбаева жана угармандар менин ишмердигимди тегирменге салышты. Эмне иш жасап жатабыз, кандай мыйзамдар менен, эмне демилге көтөрүп жатабыз, баарын эл көрүп-билип, угуп турушу керек. #janarakaev

21.11.2019
Кыргыз элчиси @edilbaisalov Улуу Британия Ханышасы Елизавета IIге ишеним грамотасын тапшырды! Ишинизге ийгилик Эдил Жолдубаевич, Сизди жакындан билип, мекенчилдигинизди, акыйкат, билиминизди, тажрыйбанызды, баарын сыйлайбыз, урматтайбыз! Аз убакытта далай жумуштарды жасап, байланышты жакшырттыныз. Сиз менен дайыма сыймыктанабыз!

05.10.2019
Аралдагы агайлар жана жаштар менен. #janarakaev

09.11.2019 Talas Region
Таласта Жаштар Кэмп иш-чарасы мыкты денгээлде болду. @bektemir_mamayusupov Досум менен Таласта жолуктук:) #janarakaev

07.11.2019
Тегерегин тоо курчаган биздин айыл. Кабылан-Көл айылына таланттуу фотограф @zaferdincher өзү барыптыр. Дайыма биздин кооз жерлерди ааламга даназалаган @zaferdincher ге Рахмат! @zaferdincher @zaferdincher @zaferdincher

07.11.2019
Эркин басма сөздүн, көз карандысыз журналистиканын демократияга умтулуп, бирок түрдүү тоскоолдуктарга кабылып келаткан жаш өлкөбүз үчүн опол тоодой орду бар. Кайсы гана бийлик болбосун Кыргызстанда сөз эркиндиги бар экенин айтып, аны кошуна өлкөлөргө салыштырып баалап келишет. Бул туура эмес. Эркиндикти баалаган элибиз, маалымат каражаттарыбыз үчүн бул дагы жетишсиз, бизде сөз эркиндиги мындан дагы көбүрөөк эркин болушу зарыл. Бирок эркиндик-жоопкерчилик менен сөзсүз айкалышы керек. Тилекке каршы, азыр көп медиалар саясий топтордун куралы болуп калышууда. Бирок олуттуу журналисттик иликтөөлөрү, түрдүү тармактардагы фактыларды алып чыгуу аркылуу кээ бир медиа мекемелер прокуратура, соттор, милиция жасай турчу чоң миссияны аткарышууда, алар коомдук пикир жаратуу аркылуу бийликтерди чара көрүүгө аргасыз кылышууда. Биз ошондой журналисттерди дайыма үлгү катары көрсөтүшүбүз керек, маселен чыгаан журналистибиз Уланбек Эгизбаевдин көзү өткөн менен, анын таланты, калтырган изи түбөлүк өчпөй, муундан муунга үлгү болуп кала бермекчи. Урматтуу журналисттер, кесиптештер-бүгүнкү кесиптик майрамыңыздар менен куттуктайм! Сиздердин теле, радио же гезит макалалар болобу, обого чыгышын окурман, көрөрман, угармандар чыдамсыздык менен күтүшсүн! #janarakaev

24.10.2019
Кутман таңыңыздар менен! Иш күнүңөр көңүлдүү өтсүн, жок дегенде бир нече адамга пайдабыз тийип, маселелер оң жагына чечилген күн болсун. #janarakaev

30.06.2020
@askat.musabekov_ жанымда, артта Ала-Тоо.

27.06.2020
Дастан Бекешев менен чын эле жыйында отурабыз, фейк эмеспиз! :) Факт бар. Бирок фейктер бизди буйрук менен сындаса деле макулбуз, андан коркпойбуз, чыдайбыз, окуйбуз, угабыз, ээ кээ бир фейк достор? :) @dastan_bekeshev

25.06.2020
Тилекке каршы “Маалыматты манипуляциялоо” боюнча Гюлшат Асылбаеванын мыйзамын Жогорку Кеңештин көпчүлүк депутаттары колдоп берди. Каршылык билдирип, каршы добуш бергендер азчылыкты түзүп калдык. “Кумтөрдөгү” эки чоң мөңгүнү талкалоо боюнча мыйзам келгенде да каршы добуш бергендер азчылыкты түзгөнбүз. Ун магнаттары буудай менен унду НДСтен бошотуп, бюджетке чоң зыян алып келген мыйзамды кароодо да каршы болгондор азчылыкты түздүк эле. Азыр да элде акча жок, жумуш жок, бюджет бөксөрүп турганда ошол проблемалардан да маанилүү кылып интернетти көзөмөлдөгөн мыйзамды алып чыгып, өткөрүп тынышты. Эң өкүнүчтүүсү, эл каршы чыгып, Сиздер керээлден кечке талкуулап, ачууланып, суранып жатканыңарды кимдер угуп жатат? Кайсы депутаттар ошондон жыйынтык чыгарып жатат? Жооп мындай. Парламенттеги олигархтар Сиздердин бир топтон бери кейип жаткан, керек болсо Акүй алдына митингге чейин келген кадамыңарга көңүл да бурган жок. Алар 7-этаждын гана көңүлүн алып, акчасын камдап, кайрадан шайлоого жөнөштү! Ушуну эми элибиз талдай турган учур азыр, ким кандай добуш берди, эсиңерден чыгарбагыла! К сожалению большинство депутатов поддержали инициативу Гюлшат Асылбаевой по «манипуляции информацией». Выступавшие против законопроекта остались в меньшинстве. В меньшинстве остались и те, кто выступал против разрушения двух ледников на «Кумтор». При обсуждении законопроекта по освобождению мукомольщиков от НДС, который принесет значительные потери бюджета и продвигается мукомольными магнатами, голос меньшинства также не был услышан. Именно сейчас, когда Кыргызстан столкнулся с острыми экономическими и социальными проблемами, население осталось без средств к существованию, многие остались без работы, бюджет страны опустошен, большинство поставило во главу проблему контроля за свободой в интернете. Самое противное в этом деле, что никто даже не обратил внимание на протесты граждан. Так кого слушают все эти олигархи во власти? Ответ прост. Олигархи, пробившиеся в парламент, выслуживаются перед седьмым этажом, ищут намеков, чтобы удовлетворить белодомовских, собирают деньги – чтобы снова прорваться к власти. Настало время выбора, не забывайте, кто из депутатов отстаивал в парла

25.06.2020
No comment...ЖКдагы компьютеримди тазалап жатып таап алдым.

23.02.2020
Айыл аксакалдары. Жай турмуш. @abdyvahap_nurbaev