22.02.2020
Мыйзамсыз аракеттердин баарын жокко чыгарабыз, кудай буюрса! Башкы прокуратура кыймылдап баштады. ‼️Башкы прокуратура маалымдайт: Ош жана Каракол шаарларында каттоо кызматынын жооптуу адамдары тиешелүү документтерсиз, ал тургай турак ээсинин макулдугусуз эле жарандарды массалык түрдө каттоого койгон. Мисалы, Ошто бир эле дарекке 700, экинчисине 1000ден ашык киши катталган. Бирок ал даректерде эч ким жашабайт. Дагы бир үйгө 900 адам катталган, ☝️бирок муну үй ээси билген да эмес, уруксат да берген эмес. Караколдо болсо 100дөн ашык адамды окуу жайдын имаратына (үй эмес) каттоого коюшкан. Ош жана Караколдогу бул фактылар боюнча прокуратура органдары "кызмат абалынан кыянат пайдалануу" беренеси менен сотко чейинки өндүрүш баштады. Январь-февралда Ош шаарында дээрлик 36 миң, Караколдо 3 миңден ашык адам жаңыдан каттоого турган. https://www.prokuror.kg/news/4207-organami-prokuratury-prodolzhayutsya-proverki-po-faktam-massovoj-registratsii-grazhdan-v-predverii-vyborov-deputatov-gorodskogo-kenesha.html

22.06.2020
Дагы карыз акча. Дайыны кайда? Өкмөт карыз акчаларды саламаттыкты сактоо тармагына, дарыгерлерди колдоого деп алып жатат, документти окусаныз. Бирок максаттуу жетип жатабы? Өкмөт Азия өнүктүрүү банкынан бүгүн дагы 20 млн. АКШ долларын кредит, жарымын грант катары алып жатат. Өткөндө ЕБРден, (17 млн. доллар) андан кийин Дүйнөлүк банктан дагы каражат ратификация кылынган. Мен бүгүн АБРден алынчу каражатка каршы добуш бердим, анткени буга чейин сырттан келген акчалардын дайынын ар бир тыйынына чейин өкмөттөн так-таамай отчетун талап кылалы! #janarakaev

13.12.2019
Туулган күнүм менен куттуктаган бардык досторго, санаалаштарга рахмат! Баарыбыз жакындарыбыз менен аман бололу! #33

19.06.2020
Өкмөттүн жаңы курамына каршы добуш бердим, эмне үчүн? Өкмөт башчы болгон Кубатбек Боронов менен жеке мамилем жакшы, бирок мен системага, жалпы коомдо болуп жаткан терс көрүнүштөргө, кадрдык саясатка, жоопкерсиздикке каршы добуш бердим. Илдет менен күрөшкөн дарыгерлерге, милицияга кошумча акы төлөй албай жаткан өкмөттү колдобойм. Эң биринчилерден болуп карантин башталганда эле жок дегенде 500 миң үй-бүлөгө беш миң сомдон таратуу демилгемди ушул эле өкмөт колдогон эмес. Мына, Казакстан ошону ишке ашырды, эми болсо Тажикстандын өкмөтү жөлөк пул алган үй-бүлөлөргө 50$ кошуп берип баштады, Дүйнөлүк банктын колдоосу менен. Бизде болсо сырттан келген акчалардын дайнын сурап чарчадык, аны айлыкка киргизип жиберишти. Ошон үчүн каршы добуш бердим. Ал эми интернетти чектөөнү көздөгөн мыйзамга да сөзсүз каршы чыгабыз, өкмөттүк эмес уюмдарды чектөөгө багытталган мыйзамдарга да дайыма каршы добуш берип келатам. Бул боюнча менин позициям так. Мени кубандырганы, коомчулук ар бир добушту көзөмөлдөп турганы. #janarakaev

30.01.2020
30-январдагы Жогорку Кеңештин жыйынында депутат Жанарбек Акаев Юстиция министрлигинин кыргыз жарандыгын алуу боюнча мыйзамга өзгөртүү киргизүүчү долбоорду чакыртып алууга үндөдү. Депутаттын айтымында, ал мыйзам долбооруна «башка өлкөнүн паспортун алган учурда Кыргызстандын жарандыгынан дароо чыгарылат» деген жобо киргизилүүдө. Акаев бул Орусиядагы кыргыз мигранттарынын мекенине кайтышында кыйынчылык жаратарын айтты: - Орусиянын расмий органдарынын маалыматы боюнча 2017-жылдын жыйынтыгы менен орус жарандыгын алган 553 198 кыргызстандык бар. Алардын көпчүлүгүндө кыргыз паспорту да сакталып калган. Алар келип айылдан жер, шаардан батир алышат. Ирденип алайын деп убактылуу кеткен. Алар кайтып келет. Азыр бул мыйзам менен «башка жарандыкты алсаңар кыргыз паспортун тапшыргыла» деп жатабыз. Азыр орус жарандыгын алганы менен кыргыз паспортун колдонуу мыйзамдуу. @azattyk.kg

14.02.2020
Бүгүн китеп белекке берүү күнү. А мен болсо балдарга китептерди берейин дедим. @ulysses.books баракчасына жазсам, ушул китептерди сунуштады. Сатып алдым. Аябай кубанат болуш керек.

19.11.2019
Эмне үчүн? Ошто он миңдеген жаштар чогулган жерде, бир катар алдыңкы студенттерди сыйлоо менин демилгем болчу. Волейбол боюнча улуттук курамада тарыхта алгачкы жолу Азиянын аймактык чемпионатында жеңишке жетти, ошол курамда ойногон Өмүрбек ОшМУнун студенти экен. Төраганын энчилүү саатын бердик. Андан сырткары илимде жүргөн, коомдук иштердеги активисттер сыйланды. Жаштар комитетинин төрагалары айтканга оңой болгону менен окуусунан сырткары коомдук жумушту да бирдей алып кеткен азаматтар. Ошондой эле Оогандан атайын билим алам деп келген памирлик боордошубузга да атайын сыйлык бердик, өз элимде алган билимимди оогандагы мекендештерибизге үйрөтүп, агартам деген мыкты жигит экен. Бул эми стимул болсун деген жакшы ой, Нарында, Таласта, Баткенде болобу, мыкты жаштарга көз салып жүрөбүз. Аларды да башкаларга үлгү кылып, стимул берип, өрнөк болчу жаштарды кубаттап турушубуз керек. #janarakaev

16.11.2019 Osh, Kyrgyzstan
Ош шаарында жаш лидерлер менен жолугушуп, бир нече демилгелерди талкууладык. #janarakaev

25.10.2019
Фейсбукта болсонуз менин баракчама жазылууну унутпаныз. Janar Akaev деп издениз, атайын ✅ катталган баракчаны окуп турунуз. Рахмат.

25.10.2019
Кайда барба-адилеттик издеген эле киши. Соттор, прокурлор онолмойунча, Кыргызстанда чон бурулуш болушу кыйын. Инстаграмдан койгойлорду жеке кат аркылуу жазгандардын баарына жооп бералбай калганым чын. Иш-сапардан келгенде бир куну числосун аныктап, бетме-бет жолугушууга созсуз чакырам. Ноябрдын ортосуна чейин. #janarakaev

16.03.2020
Элибиздин саламаттыгы, ар бир жарандын коопсуздугу биз үчүн шайлоодон, саясаттан жогору турат. КЛДП жер-жерлердеги шайлоого байланыштуу массалык жолугушууларды чектедик. Даректүү иш алып баруубуз уланууда. Мындай учурда өкмөттүн, жергиликтүү бийликтердин айтканын кынтыксыз аткарып, этияттыкка, тартипке баарыбыз баш ийип, колубуздан келишинче көмөк көрсөтүшүбүз керек. Жамандыкты амандык женет, элибиз кырсыктан алыс болсун ылайым!

14.03.2020 Karakol
Каракол. КЛДП. @kldp2020

13.03.2020 Osh, Kyrgyzstan
«Жалгыз көз жакшы көрө албайт, Жалгыз бут арыш кере албайт. Жалгыз кол түйүн чече албайт, Жалгыз адам жарым жан, Жарытып алыс кете албайт», деп Бакай атабыз айткандай, эл үчүн кызматта команданын ролу эң башкы болоорун түшүндүм. Ошундуктан мен ой-пикирлеш, тилек-максаттары, принцип-амалдары меникине окшош инсандар менен чогуу болууну чечтим! Мен шайлоодо КЛДПны тандадым! Сабыр Самидин уулу.

12.03.2020 Osh, Kyrgyzstan
Жаштарды күтөбүз! КЛДП Ош шаардык кеңешине шайлоого үгүт өнөктүгүнө толук даяр. Ош шаарында бизге кошулуп, командага мүчө болуп, шайлоо кампаниясына кол кабыш кылам деген жаштарды биздин катарыбызга чакырабыз! Дарегибиз Ленин 330 Б. Телефон: 0556071144 @kldp_osh

01.06.2020
Премьер-министр Абылгазиев Кыргызстандагы жыштыкты аукционсуз, бекер алган Казакстандык компаниянын өкүлдөрүн кабыл алган Чек арада чатак чыгып, жүк ташуучу машинелер Казакстанга өтө албай чакырымдап тизилип турат, бюджет тартыштыгы абдан чоң. Премьер-министр болсо "тергөөгө кийлигишпейин" деп убактылуу эс алууга кетти. Тарых музейи, ТЭЦ сыяктуу коррупциялык иштер жылдап тергелип жатат, эмне бул иш бир жумада эле тергелип бүтөбү? Же бир жыл бою тергөө созулса, кыргыз эли бир жыл өкмөт башчынын ишке чыгышын күтөбү? Арыдан бери болуп, чечкиндүү кадамдар керек азыр. "Свои" деп коргогон менен, болбой калды бул жагы. Менде күч органдарына дагы бир конкреттүү суроо. Жакында Казакстандагы "Верный капитал" инвестициялык компаниясынын жетекчиси, Билайндын кожоюндарынын бири Ерлан Оспанов жана Билайндын Кыргызстандагы жетекчиси Евгений Кражан премьер-министр Абылгазиев менен жолугушкан. Билайндын чоңдору менен өкмөт башчы жыштыкты сүйлөшпөсө, кайсы темада сүйлөшүү болду? Эмне үчүн жолугушуу коомчулукка чагылдырылган жок, өкмөт башчынын кимдерди иш убактысында кабыл алганы ачык болушу керек да. Ошол жолугушуунун протоколун, хронологиясын элге жарыялап койсоңуздар, эмне тууралуу сөз болду, албетте, Билайндын өкүлдөрү менен төө бурчак же футбол жөнүндө сөз болмок беле, эмне үчүн так ушул жыштыкты аукционсуз, бекер алган компаниянын өкүлдөрүн премьер-министр мырза кабыл алган?

07.02.2020
Мамлекеттик мекемелерде маалымат катчылардын ролу абдан чоң! Билим берүү министрлигине @akylbeko келгени кайсы мамлекеттерге жаштарга квота берилгени, сынактын шарттары коомчулукка интернет, ТВ, радио аркылуу кенен чагылдырып жатат. Муну убагында жең ичинен чечилбесин, ачык жарыя болсун деп бир нече жолу талап кылдык эле. «Жандоочу кийик аттырат»,-дегендей ушундай тың, жан үрөп иштеген пресс-катчылар болсо, министрлердин эле абийири жогорулайт экен. Билим берүү жана илим министрлиги барагын акмалап турсанар жаштар, жакшы шарттары менен окуулар чыгып жатат. #janarakaev