374 16
26.12.2019
🌹Өлкөңдүн өзгөрүшүн кааласаң, өзүң биринчи өзгөрүшүң керек. 🌹 Көкүрөгүн шайтан башкаргандар, Кудайдан ката издей башташат. 🌹Тегирменге жетмейинче, талаада эгиним бар дебегин. 🌹 Бирөөнүн артынан айткан бир эле жаман сөзүң, сени түбөлүктүү бейишиңден ажыратып коюшу мүмкүн. 🌹Күзгүдөн сонун көрүнгөнүң менен, башкаларга жан дүйнөң кандай көрүнөр экен. 🌹 Бир адамдын көңүл эшигинин жүз ачкычы бар, туура таба билсең ал көңүл сеники. 🌹 Абайлап сүйлө. Айткан сөзүң кабыл болуп,эч өзгөрүлбөс өкүнүчтүү тагдырыңа айланып калбасын. 🌹Жашоодо биринчи Кудайга тобокел кылбай туруп, өзүңө ишене бербе. 🌹Балаңдын түз басышын кааласаң, өзүңдүн изиңди кара. 🌹Чындап эле ниет кылсаң, сөзсүз ниетиң ишке ашат. 🌹Эркек туруп намысы жок адамдын гана кыздары көчөдө жарым жылаңач жүрөт. 🌹Даанышман Айды көрсөтүп, Күн жөнүндө айтышы мүмкүн. Калганы сенин акылыңдын таразасында. 🌹Сулуулуктун алдында падышалар да эркинен ажырайт. 🌹 Жакшы адам менен сапалаш болсоң, бейишке бараткандай болосуң. 🌹Бирөөнүн сезими менен ойногон адам, адам деген аттан ажыраарына аз эле калыптыр. 🌹Улут деп күйгөн адамдын уруусу болбойт.
Топтогон Жеңишбек Жумакадыр.
