11789
08.10.2019
Frunze, Bishkek, Kyrgyzstan
Жакшы окуя экен, созсуз окуп коюнуз.
Суу жана туз
Бир акылманга айылдашы келип даттана берет. Турмуш ага жалаң гана кыйынчылыктарды бергенин, эмне иш кылса да кыйын болуп, азап тарта берерин айтуудан тажабайт. Кошунасынын ийгилиги тууралуу айтып, ага Кудай баарын бергенин, иштери да жакшы жүрүшүп, балдары да тарбиялуу, жакшы чыкканын, өзүнүн балдары тентек экенин, жакшы бир иш кылууга убактысы да, мүмкүнчүлүгү да болбой жатканын айтып, арыздана берет. Ошондой күндөрдүн биринде акылман ал адамды туз алып келгени жиберет. Бир чыныга суу куюп, ага алып келген туздан бир кочуш салып , ичүүсүн буюрат. Чыны оозуна тийип - тийбей ал адам түкүрүнүп , чыныдагы сууну алыс чачат. - *Ачуу бекен ? - деп сурайт акылман.* *- Ии , аябай ачуу экен, - дейт анда айылдашы .* - *Эми жүр , - деп , анча алыс эмес жердеги көлгө алып барат да, көлгө да бир кочуш туз салат .* *- Эми көлдүн суусунан ичип көр, - дегенде , ал адам эңкейип , суусуну канганча ичет .* - *Суунун даамы кандай экен ? Туздун даамын байкадыңбы ? - деп сурайт андан .* - *Суунун даамы сонун , муздак экен . Туздун даамы такыр жок .* *- Турмуштун тузу баарына бирдей берилет . Болгону , бир чындыкты түшүнүүң керек: адамдын пейили - суу ! Айрым адамдар пейили кенен көл болот, турмуштун тузу канчалык болсо да, татымын билгизбей, жашоосун жакшы жакка багыттай алат. Ал эми ичи тар, башкалардын ийгиликтерин көрө албас адамдар чыныдагы суудай болот. Аларга кичинекей туз да даамын чыгарып, ачуу боло берет. Ошондуктан же пейилди кенен коюп башкалардын жакшылыгы үчүн кубанган " Көл " болууң керек же чыныдагы суудай болуп турмуштун тузунун даамына чыдооң керек .
Чечим сенин колуңда, - дейт.
