02.02.2020
Book House китеп дүкөнүндө китепкөйлөр менен жолугушуубуз болду. Баарлаштык, сырдаштык, ыр окудук. Китеп дүкөндөр менен китепканалар толо берсин. Эң көп өткөн товар, эң көп тартууланган белек - китеп болсун. #Китепкөй_Кыргызстан деген атак менен ааламга өрнөк көрсөтөлү!

01.02.2020
КОРОНАВИРУС – азыркы күндөгү АДАМЗАТТЫН апааты. Бул бир гана Кытайга же башка өлкөгө тиешелүү эмес, бүтүн дүйнөнүн башына түшкөн сыноо. Глобалдык деңгээлде карым-катнаш, алака болуп көрбөгөндөй күчөгөн маалда бул илдет эртең ааламдын кайсыл капшабын капсалаңга салат, эч ким билбейт. Мындай балакеттин эпкини мага тийбей, кыйгап өтөт деп кепилдик алган да пенде жок. Ошондуктан, таба эмес, тообо кылалы! “Чала болду”, “ушуну көрмөк” деген сыяктуу пенделик пикирлер, ылайым, баарыбыздан алыс болсун! Бирөөнүн башындагы кайгыга, көңүлүндөгү көйгөйгө кубануу – адамдыкка сыйбайт. Өзгөчө, айкөл Манастын тукумуна мындай сыпат дегеле жарашпайт. Ошондуктан, адамзатка, анын ичинде Брюс Ли менен Джекки Чяндын мекени болгон кошуна Кытайга саламаттык тилейли. Ылайым, ушул сыноону ийгилик менен жеңип өтөлү. Жараткан бизге жар болсун!

01.02.2020
Досум, уктум, таштап бизди кетипсиң, Бул жалгандан акыретке көчүпсүң. Астанасын аттап кеттиң ар жакка, Жабылган соң кайра ачылбас эшиктин. Эстеп сени дуба кылып турабыз, Араң чыдап ачуусуна өкүттүн. Оо, Жараткан, соопторун көбөйтүп, Күнөөлөрүн, айыптарын бекиткин. Кош, курсташым, досум - #Махаматали_Султанов. Фотодо оңдон биринчи турат. Ноокендеги Сакалды айыл өкмөтүнүн башчысы эле.

06.10.2019 Bishkek, Kyrgyzstan
БАТА АЛУУ – бул бирөөнүн сага алакан жайып, ак тилек айтышы эле эмес. БАТА АЛУУ – бул адамдын жүрөгүн жылытуу. Бир да жан күбө болбогон сооптуу ишиң деле жүрөктөргө сөзсүз кубаныч алып келет. Оң колуң кылган жакшылыкты сол колуң билбей калган менен Жараткан баарын көрүп турат. Ошон үчүн “Жакшылыкты жаса да деңизге ыргыт, балык билбесе Калык билет” дейт акылман кыргыз. Калык деген Жараткандын бир аты, бир сыпаты. Ошондуктан, мейли, адам сени билсин же билбесин, уксун же укпасын, таанысын же тааныбасын, сен кылган адал, берекелүү иш-аракеттин акыбетине кубанып, ичи элжиресе – сага берген батасы ошол. _ "Бир гана Сенсиң" китебинен

18.10.2019 Jalal-Abad, Kyrgyzstan
#Китепкөй_Өлкө _ #Китепкөй Жалал-Абад

06.12.2019
Маарага жакындаганда күлүк кандай чуркайт? Ошондой дилгирлик менен алга арыш таштайлы. Болгону 6 күн... Мүмкүн болушунча китеп окуп жана окутуп, Кыргызстанды КМШда биринчиге алып чыгалы. _ #Китепкөй_Кыргызстан #Китепкөй_Өлкө

24.10.2019
Реал менен Барселонанын күйөрмандарынан китеп күйөрмандары көп - КИТЕПКӨЙ ӨЛКӨГӨ айланып барабыз... Жаратканга шүгүр. Ракмат, жаш китепкөй ыктыярчылар. Бул - силердин күжүрмөн эмгегиңердин жемиши. Элдин батасы тийип, ооматыңар артсын. Жалал-Абаддын рекордун батыраак жаңырталы... Бектур, Ороз, Эдил, Исхак, жалал-абаддык жаштар, демилгечилер, демөөрчүлөр, төбөлдөр... баарыңарга ак бата... #Китепкөй_улут #китепкөй_Жалалабад

01.11.2019

08.01.2020
Татарлар Ислам маданиятынын музейин түзүп, Ыйык Куран китебин электрондук түрдө минтип даярдашыптыр. Китеп Кул Шариф мечитинин ичинде жайгашкан. #КАЗАНЬ #Электрондук_Куран_китеп

11.12.2019
Каныша кылсаң падышасың... #Аялга_мамиле

04.02.2020

31.12.2019
Түркиядагы айтылуу Эртугрулдун мүрзөсү жайгашкан аймакка кире бериште ушундай жазуу бар: "Кайдан келгениңди унутпа, ошондо кайда барарыңды унутпайсың". Өзүбүздү тааныйлы! Тамырыбызга, тарыхыбызга үңүлөлү! Алдыга умтулуп жатып, кез-кез артыбызга да кылчая жүрөлү! #Өзүңдү_тааны

30.12.2019
Гимнди тек гана укпай, аткаруу керек. Бул - жөн эле ыр же обон эмес. Элиңдин, мекениңдин, өлкөңдүн бардыгын сыймыктуу шарданалаган көркөм белги, жагымдуу жарыя. Гимнибиз бүт ааламга таанымал гимн болгой... #Кыргыз_гимни

28.11.2019
Алкым таза болсо амалдар жана тилектер кабыл болот, буюрса...

10.01.2020 Kyrgyzstan
#Чөйрө _ Ата-эне баласынын чөйрөсүн көзөмөлгө алсын. Бул ага саркеч кийим кийгизип, чүйгүн тамак берип, даңазалуу мектепте окутуп, миң бир өнөрдү үйрөтүүдөн да маанилүү. Чөйрөсү жакшы болбосо балаң үчүн кылган асыл аракеттериңдин баары капилет от алып күлгө айланган саман сыяктуу бошко кетет. Анткени адам сөздү угат, бирок үлгүнү ээрчийт. Сени тек гана тыңдаганы менен досунун жолун жолдойт.

08.12.2019
Айыл - бул береке. Айыл - бул тазалык. Айыл - бул ааламдын даңгыр жолунун ак жолтой чыйыры. Ракмат силерге кең пейил, меймандос, ак жүрөк айылдыктар... #Нарын_Учкун #Нарын_Оттук 7-декабрь, 2019