31.08.2020
Майрамыңыздар менен!!! Өлкөбүз өнүгүп өссүн, Кыргыз желеги түбөлүккө желбирей берсин. Жашасын эгемендүү Кыргызстаным. 🇰🇬🇰🇬🇰🇬🇰🇬🇰🇬

26.08.2020 Bishkek, Kyrgyzstan
Элайым кызымдын Айпери эжесинин көмөгү менен тиштерин иреттедик. Мектепке даярдык көрүп жатабыз. Айпериге ийгилик каалайбыз жана ыраазычылык билдиребиз. @Doctor_Maksatova

14.08.2020
Ош! "SmartTaxi191" 🚕 Посадка 25 сом ✈️ Аэропорт 170 сом 💰Каждая 8-я поездка Бесплатно!!! 🗓️ График 24/7 🚘🚖 Набор водителей с личным авто БЕСПЛАТНО!!! 📱0558191191 W/A 📱0701191191 📱0777191191 📞191 @smarttaxi.osh @smarttaxi.osh @smarttaxi.osh @smarttaxi.osh

12.08.2020
Орус боордоштордон жаңы чыгарма. 😊

11.08.2020
Кара камыш жайлоосу.

11.08.2020
Сөзү жок сүрөт.

08.08.2020
Кара камыш жайлоосу. Жыландан коркпогондор барбы?

21.07.2020
Күч бирдикте.

20.06.2020
Китеп - мыкты дос деп бекер айтылбаса керек. @danek_books китеп дүкөнүнөн издеген китебиңизди тапсаңыз болот.

19.06.2020
Ассалому алейкум замандаш. Бозбу ата тоосунун тарыхы тууралуу мурдагы билдирүүлөрүмдө жазабыз деп убадалашканбыз. Сиздерге кылымдардан келе жаткан уламышты жазууну эп көрдүм. Уламышта Аксыны байырлаган Аксы ата Кетмен төбөлүк Шамшыкал атанын кызы Шаканайга үйлөнүп, андан "Бабаш ата" жана "Бозбу ата" деген эки уулу болгону айтылат. Бабаш атанын ысмы кийин Арсланбаптагы "Бабаш тоосуна " , Бозбу атанын ысмы Аксыдагы "Бозбу тоосуна " коюлган. Бозбу тоосунун эң бийик чокусу деңиз деңгээлинен 3051метр бийиктикте жайгашып, төбөсүндө көлү бар керемет жер. Бозбу атанын уламыш боюнча тогуз уулу болгону айтылат. 1. Пача ата ( Кашка-Сууда) 2. Баба ата ( Итагарда) 3. Шүдүгөр ата ( Авлетимде) 4. Кожо ата ( Кызыл-Тууда) 5. Тоскоол ата (Сары Челекте) 6. Имам ата ( Ак Сууда) 7. Байсын ата ( Ринжитте) 8. Бай Булак ата ( Кербенде) 9. Кызыл ата ( Ала Букада) Аты аталган жерлердин ар биринин өзүнүн Кудай берген сулуулугу, өзгөчөлүгү бар. Бала кезден бул жерлерди аралап көрүп чоңойдум.Чынында касиети бар, кут түшкөн ыйык жерлер экени талашсыз. Буйруса Бабаш ата, Арсланбап, Бозбу атанын тогуз уулу жөнүндө кийинкиде сөз кылабыз. Бул маалыматтар Баяс Туралдын "Алтын казык Аксы "- аталыштагы китебинен алынды. Өтмөгүн билбеген, келечекке жол таба албайт-- деген акылмандын сөзү менен, көрүшкөнчө дейли!

18.06.2020
Тишиң барда таш чайна, тишиң жокто аш кайда - демекчи тишке кам көрүү да ар адамдын жашоосундагы болуп турчу бир көрүнүш. Айтайын дегеним, таттууга жакын кичинекей наристелердин да тиштеринде маселе жаралаары турган иш. Стамотолог Айпери карындашыбыз өз ишин мыкты билген, айрыкча баланын тилин таап, оюн таап, белек берип кубантып, ар бир кардарына жылуу мамиле кылуу менен иш алып барганы кубантты. Кызым Элайымдын тишин эмдетип келдим. Дээмейде уколдон качкан кызым Айпери эжеме качан барабыз дечү болду. Сиздерге да сунуштаймын, балдар үчүн стамотолог Айпери Максатованын кызматынан пайдаланыңыз. Ар бир үйдө наристе күлкүсү жаңырып турсун!!! @Doctor_Maksatova.Тел 0500310033

06.06.2020
Гүлсүн Бостонкуловадан жаңы чыгарма. Карантинде клип тартканга үлгүрүптүр. 😊 😀. Ийгилик каалайбыз. @gulsun_bostonkulova

04.06.2020 Аксыйский район
Ассалому алейкум окурманым. Жайдын ысык аптабында салкын жайлар көздөн учкан чыгаар. Эл катары мен дагы санжыралуу, бир топ уламышка бай Бозбу тоосуна саякаттап келдим. Бул тоонун айланасында Аксы эли жашайт. Тоонун эң бийигинен Аксынын бардык айылдарын көрүүгө болот. Кудайым тоонун учуна чыгууну буйруптур . Дөбө маданиятын жараткан улуу элбиз да. Таштардан дөбө жасап, ташка атымды жазып, жаратылышка суктанып, бийиктен тээ алысты карап көпкө отурдум. Алаканга салгандай бийиктик дегениң керемет экен да. Жаңы эле мөңгүсүн ээриткен аскалардын өңү да башкача. Жылгалардан сайды көздөй аккан, сузсаң муздагы сөөккө жеткен, ичсең тишиңди какшаткан мөңгү сууларынан суусунум канганча жутуп, кайдадыр сапар алган таза тунук сууларымды көрүп " эл башы болгуча, суу башы бол "- деген накыл сөздүн маанисине дагы бир ирет муюдум. Кайсыл коктудан түшпөсүн суунун баары Нарынга куят. Нарын Сыр дарыяга анан барып Арал деңизине. Бүгүнкү жазганым ушул. Эмикиде Бозбу тоосунун тарыхы жөнүндө ой бөлүшөбүз буйруса.

26.05.2020
Баткен шаарында эми "Беки такси" кызматынан пайдаланыңыз.

06.05.2020 Biskek , Kyrgystan
Негизги атага кыз жакын болот экен. Уул бала апасына жан тартат. Келинчегим апамдай, болочок жолдошум атамдай болсо - деген сөздүн төркүнү ушундадыр. Кыз дегениң бирөөнүн аманаты тура. Ген дагы эне тараптан 60 -70 пайызын түзөт дешет, бул окумуштуулардын далилине таянганда. "Эр тагасын тартат" - деген накыл кепте, чоң маани бардыгына ынанасың. Кыз болсо ата тарабына көбүрөк ыктайт. "Кызы бардын-- назы бар", "Энесин көрүп кызын ал", "Кыздуу үйдө кыл жатпайт"- кыргыздын ар бир накыл кебинде кырк төөгө жүк болчу маңыз бар. - Ата кел селфилейли - деп, Элайым экөөбүздүн түшкөн кербезибиз.Үйдө куудулум ушул, көңүлүмдү көтөргөн. Жаратканым ортоңордо ойногон перзент берсин! Ар бир үйдө наристе күлкүсү жаңырып турсун дейли.

06.05.2020
Айылдын дагы бир түйшүгү, бул ар жазда - эчки тароо. Аксыда "тыбыт" деп коёт. "Эсиң болсо эчки бак, эчки тууйт эки улак"- дегендей бу жаныбарың тоо таштын макулугу экен. Улактарын көрсөң мынча сулуу болбосоң коё кал дейсиң. Айрыкча тың, шок, чунак кези, мүйүзү баш баккан убагындагысы көзгө сүйкүмдүү. Корооңо кирип көчөттөрүңдү агала кылып кажып кеткенде көрүпсүң. Бала кезде көп эле кой эчки кайтардым, кезүү дегени да бар, кезектешип. Таенем экөөбүздүн бирде көбөйүп, бирде азайган кашка токолдорубуз болоор эле. Шыйрактан тартып таенем отурган жерге сүйрөп келем, саайт эле ыраматылык. Эчкинин сүтү да "мазза" болот. Уюган айраны өзгөчө. Эртең менен айдап, кечинде издеп балалыгымдын бир үзүмү өттү. Алыстан эле "ыргыта" тааныйт элем.Тапкан күнү оюнум канганча ойноп, таппай калганда жамгырларда, туманда, кара күүгүмдө шолоктоп ыйлап, издеген күндөрүмү айт. - Мал жоголгончо сен жоголбойсуңбу - деген сөздү уккандар болсо керек араңарда. Айылдын карапайым күнүн кечирген, тоо койнунда жашаган элден айлансаң болот. Бул кызды караңызчы. Эчки тараганын көрүп, кечээ өткөн "бир кокуч" балалыгымды, көп жакшы элестерди эске салды. Ата - энесине балли дедим. Бактылуу бол карындашым!!! @sezima_almazbekova .