02.04.2020
Кечээ жыйында өкмөт башчыга айтайын десем, мага убакыт жетпей, сөз тийбей калды. Алтынай Өмүрбекова азыркы өкмөттүн курамындагы эң компетенттүү, жоопкерчиликтүү жана иш билги кадр болчу. Ачык-айкын иш алып барган вице-премьер эле. Алтынай Сейитбековнаны кызматтан кетирүү абдан чоң катачылык болду. Мен дайыма бул киши тууралуу жакшы гана ойлорумду айтып келатам, айылдарда бош турган имараттарды бала-бакчага айлантуу демилгесин да чекиндүү баштаган эле. "Ашууда ат алмашпайт",-деген сөз бар. Штабдын ишин алып барып жаткан адамды кетирип, эми жаңысын алып келип аны үйрөткөнчө дагы канча убакыт кетет билбейм. Саламаттыкты сактоо министри катары абдан жакшы иштеп жаткан Талантбек Батыралиевди иштен кетирип, Чолпонбаевди алып келишти. Эми Өмүрбекованы кетирип, айтор, жакшы иштеген, профессионалдарга өкмөттө орун жок. Ал эми мындай кадрларды сактап калууга, керек болсо сырттагы күчтүү кадрларды өкмөткө алып келүүгө биз отурган мокок, жалтак, чечкинсиз парламенттин күчү кайдан жетмек эле. Парламенттик башкаруунун маңызын түшүнбөй, трибунаны, мандатты кор кылган үчүн президенттик эле башкаруу ыңгайлуу деген ойдун башын ачып башташты да. @altynai_omurbekova

18.04.2020
Москвадагы «Жанылан» уюмуна рахмат! Убактылуу жумушсуз отурган айрым мекендештерге аз да болсо кол кабыш кылышты. Мен да эки айлык акымды мекендештер учун котордум. Апааттан батырак арылалы! Бир бололу! Чон ыраазычылык Кубанычбек Алибеков, Майрам Туралиева, Nurlis Tokebaev, Шайлообек Курбаналиев, Максым Баткенский, Максат Мамбеткулов

12.01.2020
Сары-Могол айылы. Памирден келген 50 боордошубуз азыр эски мектепке жайгашты, жазында турак-жай курулат. Ага азырынча 10 млн сом каралган, дагы каралат. Айрым муктаждыктарына жардам бердик. Ата-баба жеринде бактылуу жашап, балдарынын билим алуусуна шарт жаралды. #janarakaev

17.04.2020
Жусуп Абдрахманов тууралуу. Эгемендик, улут жана келечек. Көпчүлүк жаштар Кыргызстанды көктөн өзү эле түшүп калган эгемен мамлекет элестетип, өлкөнү түптөө үчүн азапка баткан элибиздин басып өткөнүн, бул үчүн башын канжыгага байлап койгон улуттук лидерлерибиз тууралуу көп деле биле бербегенибиз чындык. Жусуп Абдрахманов тууралуу китепти окуп, анан күндөлүгүн барактап чыккандан кийин, азыркы абалыбыз менен салыштырып, чынында биз тарыхтан дагы деле олуттуу сабак албаганыбызды дагы бир ирет түшүнгөндөй болдум. Абдрахманов 1901-жылы төрөлсө, 19 жашында партиялык иштерге жигердүү катышып, Ленин менен бирге президиумда отурган. 30дан өтүп эң жоопкерчиликтүү кызматтарды аркалап, болгону 37 жашында атылган. Эгерде ал репрессия курмандыгы болбогондо, ошончо тажрыйба менен баралына келгенде, аттиң, элине дагы далай эмгеги сиңмек экен. Бизде азыр жашы 45теги депутаттарың да "биз жаш саясатчылар" деп сүйлөп жүрүшкөнүн арга жок эстейсиң. Мен Абдрахмановдун күндөлүгүнөн эки гана учурду бөлүшө кетейин, бул азыр да актуалдуу. 1) 1931-жылы 2-майда жазган күндөлүгүндө, ал партиянын мансапкорлору менен иштөөдөн тажап, ар кандай интригалардан көңүлү калганда Төрөкул Айтматовго кызматтан кетээрин, мындай адамдар менен иштөөдөн көңүлү көк таштай калганын айтат. Анда Айтматов: -Тилекке каршы азырынча Кыргызстанды башкарып жаткан мансапкорлорду жек көрүүгө болот, жек көрүшүбүз керек, бирок Кыргызстанды жек көрүүгө болбойт жана ал мүмкүн эмес",-деп айтат. Эмне деген улуу, терең сөздөр! 2) 1931-жылы ачарчылык апаатынан качып Казакстандан Кыргызстанга келген көчмөндөргө Абдрахмановдун кийлигишүүсү менен азыктар берилип (ал үчүн кандай жаза күтүп турарын билсе да), таруу, жүгөрүнү да аябай, балдарына лагер уюштуруп, кыргындан сактоодогу орду опол тоодой болгону жазылат. Боордошторго мындай мамилеси үчүн да жетиштүү жазасын алат. Азыр жакынкы тарыхты унуткандайбыз, бир тууган деп айтылып жүргөн эки элдин чек арасы улам жабылып, кыйын кезеңде керектүү азыктарды өткөрүүнү чектеп койгон учурлар тынымсыз болуп келатканы өкүндүрөт. Жусуп Абдрахмановду окугусу келгендер интернеттен издесеңер да, белгилүү тарыхчы агайыбыз Тынчтыкбек Чоротегин, Алмаз Кулматовдор жазган макалалар бар.

11.01.2020
Ош шаарында жарандарды кабыл алдык, ипотекалык насыя, социалдык маселелер, айрым мыйзамдарды ондоо тууралуу сунуштар болду. Эртен Алай районунда болобуз. #janarakaev

30.12.2019
Келаткан жыл мына ушул күч блогунун башчылары оппозиция менен эмес, уурулук, мыйзамсыздык менен алышышсын! Күч таянууга акылдын деле кереги жок, а акылга таянуу башка кеп. #janarakaev

11.12.2019
Жогорку Кеңеш Тартип бузуу жөнүндө кодекске жана Жоруктар боюнча кодекске өзгөртүү киргизип, жол эрежесин бузгандарга айыппулду арзандатты жана жасалма номер таккандардын жазасы күчөтүлдү. azattyk.kg

10.12.2019 Bishkek, Kyrgyzstan
"Таза аба" мыйзам долбоорун Жогорку Кеңештин депутаты @abdyvahap_nurbaev башында турган депутаттар сунуштап жатабыз. Маңызы-сапатсыз бензиндердин киришине тыюу салуу жана электромобил курууну каалаган ишкерлерге салыктан жеңилдик берүү ж.б абанын булганышын азайта турчу сунуштар камтылган. Урматтуу экологдор, журналисттер жана абанын булганынышын азайтчу сунуш-пикири бар жарандарды коомдук талкууга катышууга чакырабыз. Өткөрүлүүчү жайы: Жогорку Кеңеш, 12-декабрда, саат 9:30. Сурап билүү телефону 0705 01 12 88.

09.12.2019
Венгрия 2020-2021-окуу жылына карата бакалавр, магистратура жана доктарантура программалары боюнча билим алуу үчүн Кыргызстандын жарандарына 75 бюджеттик орун бөлдү. Бакалавр 30, магистратура 30 жана докторантурага 15 орун. Билим берүү жана илим министрлиги аталган бюджеттик орундарга сынак башталганын кабарлайт. Гранттар Венгрия өкмөтүнүн Stipendium Hungaricum Scholarship Program программасы аркылуу бөлүнүп жатат. Программаны башкарууну Темпус коомдук фонду жүргүзөт. Кыргызстандын жарандары төмөнкү багыт боюнча акысыз билим ала алышат: ✅Бакалавриат программасына тапшыруучулар: айыл чарба, социалдык, экономикалык, техникалык жана табигый илимдер, информациялык технологиялар, спорт жана мамлекеттик саясат. ✅Магистратура программасына тапшыруучулар: айыл чарба, социалдык, экономикалык, техникалык жана табигый илимдер, информациялык технологиялар, спорт жана мамлекеттик саясат. ✅Докторантура программасына тапшыруучулар: бардык багыт боюнча. Тандоо шарттары, керектүү документер жана конкурс боюнча кеңири маалыматты министрликтин сайтындагы төмөндөгү шилтеме аркылуу алсаңыздар болот: https://edu.gov.kg/kg/mezhdunarodnye-programmy/postuplenie-v-vuzy-vengrii-v-ramkah-stipendialnoj-programmy-stipendium-hungaricum-scholarship-programme-na-2020-2021-uchebnyj-go/

28.02.2020
Кыргызстан-Армения парламенттер аралык кызматташууну күчөтүү аракетиндебиз. Кыргызстан менен достук группанын жетекчиси Микаэл Мелкумян мырза баштаган депутаттар Бишкекке келишти. Нефтиси жок, газы жок, деңизге чыгуучу жолу жок Арменияда былтыр экономикасы 7.9% ды түзгөн. Ыңкылаптан кийин келген бийлик системдик коррупцияны кескин азайта алдык дешти. Ошол эле учурда жакында өткөн жергиликтүү шайлоолордо оппозиция жеңишке жеткени кызык. Арменияда баш мыйзамга гана жазып койбостон, чыныгы парламенттик башкаруу өкүм сүрүүдө.

19.01.2020
Баткендеги чек аралаш Максат айылынын башчысы Сапарали Адинаевди вице-премьер министр зекип, кызматтык иликтөө жүргүзүп, керек болсо иштен алууну тапшырыптыр. Ошол иликтөөгө мени да чакырып, угуп койсоңор. Сапарали акени Бишкекте эмне иш кылып жүрөсүң деп доомат коюп жатат, аны мына борборго келгенде Акүйгө мен чакырганмын! Өткөндө Максат айылына барып, бир нече социалдык проблемаларды тизмектеп алганбыз, айрымдарын кыска убакытта чечтик. Эми дагы мектепке интерактивный доска керек, жана башка маселелерди катка тизмектеп жазып келди. Жолуктук, каттарды берди, чек араны бир жаңсыл кылып чечип салуу ушул учурда колубуздан келбей турса да, инфраструктура, социалдык көйгөйлөр менен колубуздан келгенче аракет кылып иштей берели деп сүйлөштүк. Бул факт. Ал эми митингде сүйлөгөнүн да көрдүм, кабатыр болуп чогулган элге реалдуу абалды түшүндүрүп бериптир, анын эмнеси кылмыш? Эмгек өргүүсү убагында болуп жатат мунун баары, баласынан кабар алганы келип борборго, мынтип эл көйгөйүн кошо көтөрүп жүрөт жанына. Митингге чыккандар бийликти талашкан жок, ызы-чуу салган жок, талаптарын айтышты. Жарандар чогулуп пикирин айткан окуядан чочубаш керек, аларды угуш керек. Өмүрүн тобокелге салып, жерин коргоп ошол жерде иштеп жаткандарды куугунтуктагандын ордуна, маселени алар менен акылдашып, сунуштарын угуп, бирге чечкенибиз туура болот. Чек арадагы элдин духун ого бетер түшүрбөй, эл менен камыр-жумур иштеп жаткан айыл башчыдан колуңарды тарткыла! #janarakaev

11.10.2019 Природный парк Ала-Арча / Ala-Archa nature park
Армения парламентинин депутаты Алексей Сандыков биздин «Ала-Арчаны» интернеттен караптыр, саякаттатып келдим, абдан жакты конокко. Мен «Ала-Арчага» ай сайын дем алышта барганы аракет кылам. Таза аба, кооздук. #janarakaev

31.03.2020
Желбиресин эркиндиктин желеги... #архив #janarakaev

29.03.2020
Жамандыкты амандык женсин.

27.03.2020
Кредиттер эмне болот? Буга чейин өзүңүздөр билгендей, биз өкмөткө 4 сунуш бергенбиз, анын бири кредиттерин убагында төлөй албагандарга 3 ай мөөнөт берүү жана банктар тарабынан эч кандай штраф, пеня алынбасын деген талап. Эмне болду ошол деп сурагандар абдан көп болууда. Улуттук банк дал ошондой чечим кабыл алды кечээ, шартка жараша төлөө мүмкүнчүлүгү жокторго 3 ай мөөнөткө жылдырса болот. Ошондой эле убагында төлөй албаган үчүн эч кандай штраф, пеня алынбайт. Бул бардык банктарга жана кредиттерге тиешелүү. https://kaktus.media/doc/409162_vice_premer_otvetil_na_voprosy_kasatelno_kreditov.html 2) Ипотека. Мам.ипотекалык компаниядан ипотекалык кредит алып, бирок азыр төлөөдө кыйынчылыкка кабылган зайымчылар насыя берген банкка кайрылып, эмне үчүн төлөй албай жатканын негиздүү кылып маалымдап коюш керек. Насыялар боюнча төлөмдөрдү жылдыруу-насыянын бир же бир нече төлөмдөрүнөн бошотуу дегенди билдирбейт. Жылдырылган төлөмдөр эсептелинген пайыздары эске алынып, милдеттүү түрдө төлөнүш үчүн келечектеги белгиленген мөөнөткө жылдырылышы гана мүмкүн. https://gik.kg/ky/news/full/996.html толук маалымат #janarakaev

15.11.2019 Ош Сулайман- Тоо
Эртен Ош шаарында жаны мыйзам долбоорун талкуулайбыз, кечкисин шаар тургундарын, студенттерди маданий иш-чарага чакырабыз. @nurlannasip_kg @cholpon_talipbek @gulzadaryskulova @aizhanushka баратышат. Рахмат!