23.03.2020
БАБАЛАР жана БАЛДАРЫ БАБАЛАРДЫН АЙТКАНЫ: Бөтөлкө менен достошконуң, өмүрүң менен коштошконуң... Бузук адамга түзүк адам кас көрүнөт... Аракка чөгүп өлгөндөрдүн саны, деңизге чөгүп өлгөндөрдүн санынан алда канча арбын... Аракеч үй-бүлөнүн көз жашын жейт, анан өз башын жейт... Арак ичип чардагандын ата-энеси зар какшайт... Арак ичип чайпалгандын, балдарынын келечеги чайпалат... Аракка кандым дегиче, азапка калдым дегин... Арактан ичип кутулбайт, качып кутулат... Арактын арты жаман, айыкпас дарты жаман... БАЛДАРЫНЫН КЫЛГАНЫ идеологиянын жоктугу, же ишкерлердин шоктугу! Арак чыгарган иш каналар мекенге миллиондогон киреше алып келгени менен, миллиарддаган чыгашаларды да жасап жатат: ажырашуу, авария, кырсык, өрт, мушташуу, адам өлтүрүү, жетимдер, жесирлер, майыптар, таштандылар, оборт, зына, талак.... санай берсең кете берет. Бабаларыбыздын аттарын жана уюткулуу-уңгулуу улуу сөздөрдү - атың өчкүр аракка коюп алганы да арманыңды арттырат... Карантинде кадырыңды кетирип ичпегилечи, кагылайындар. Төбөлдөрү баш болуп арамга үгүттөгөн өлкөгө айланып баратабыз😔😔😔 23.03.20 Идрис акын

23.04.2020

21.03.2020
АДАМ... Куш сымал учканды, балык сымал сүзгөндү үйрөнүптүрбүз. Бирок бир тууганча жашаганды унутуптурбуз... Мурдагылар душманына кылган жакшылыкты, азыркылар тууганына кыла албай жатышат. Мурдагылар күмөндөн качканчалык, азыркылар арамдан кача албай жатышат. Мурдагылар нафил намазга көңүл бурганчалык, азыркылар парз намазга көңүл бура албай жатышат... Адамга эң туура таратылган нерсе акыл болсо керек. Себеби эч ким өз акылына нааразы эмес... Кээ бир адамдардын кийген кийими өздөрүнөн кымбат... АКЧАСЫН жоготкон адам аз нерсесин жоготот, ДОСУН жоготкон адам көп нерсесин жоготот, ЫЙМАНЫН жоготкон адам бардык нерсесин жоготот... Акыл жашта эмес, башта. Бирок акыл башка жаш өткөн сайын топтолот... Акыл-эси ордунда адамдын динсиз жашашы мүмкүн эмес... Лев Толстой Ар бир адам айга окшош, эч кимге көргөзбөгөн дагы бир жагы бар... Марк Твен Ар бир адам өзү билген нерсе жөнүндө гана сөз сүйлөсө, дүйнөнү жымжырттык басат эле... Адамдар айта турган сөздөрүн алгач жазып анан сүйлөөгө мажбур болушканда, анда айта турган сөздөрүнүн көбүнөн баш тартышмак...Идрис акын Ар ким корккон нерселеринен качат, бирок Кудайдан корккон ага жакындайт... Убакытты текке коротуу дегени, өмүрдү текке коротуу дегени! Убакытты ысырап кылуу дегени, өмүрдү ысырап кылуу дегени. Карантиндин учурун, илим алуу менен пайдалана билиңиз... Илим жана ибадатка көңүл буруңуз. Майрамыңыздар менен достор. 21.03.20 Идрис акын

31.10.2019
Сүрөттөгү сөздү карагыла, акындагы көздү карабай... Ата-энелер, мугалимдер жана окуучулар үчүн өткөрүлгөн семинардан фото- баян.. Араван районунун борбордук маданият үйүндө болдум, уюштуруучулардан Аллах ыраазы болсун. Келгендердин баарын Кудай сүйсүн. Келбегендер келээркиде көрүшөлү буюрса. БҮГҮНГӨ ЧЕЙИН ЭЧ КИМ КИТЕПТИ ЧЫНЫГЫ НАРКЫ МЕНЕН САТЫП АЛГАН ЭМЕС, ЖАЛГЫЗ ГАНА БАСМАКАНАНЫН БААСЫНДА САТЫП АЛГАН. (Ральф Уолдо Эмерсон) 31.10.2019 Идрис акын

10.05.2020
30 күндө 30 сабак 17-күн АРАМ жана АДАЛ 2-БӨЛҮМ В. КОШ МЕКЕНДҮҮЛӨР Кургакта да, сууда да жашоочу кош мекендүүлөр, мисалы, бака, ташбака, рак, краб, суу жылан, крокодил өңдүү айбанаттар адал эмес. Айбанаттардын жумурткасы менен сүтү алардын эттеринин өкүмүн ээрчийт, этин жегенге боло турган адал жаныбарлардын сүтү менен жумурткалары да адал. Эти арам жаныбардын сүтү менен жумурткалары да арам болуп саналат. Жаныбарларды «БИСМИЛЛА» АЙТЫП МУУЗДОО МАСЕЛЕСИ жөнүндө Алла Таала Курани Каримде мындай дейт: «Эгерде Алланын аяттарына ишенсеңер, Алланын аты аталып (мууздалган) айбандардын этин жегиле». «Алланын аты аталып мууздалбаган айбандардын этин жебегиле. Бул Алланын жолунан чыгуу». Жогорку аяттарда ачык-айкын баяндалгандай «бисмилла» айтылып мууздалбаган малдын этин жешке болбойт, т.а.: • Бир айбан эң оболу эти желчү адал айбандардан болсо; • Ислам эрежесине ылайык мууздалса; • Мусулман адамдын колу менен мууздалса гана эти желет. Ошону менен катар жалпылай көз караш боюнча еврей жана христиан диндериндеги «китептүүлөр» аталган адамдардан кай бирөөсү жагынан мууздалган жаныбарлардын да этин жешке болот. Бирок исламдык таза жашоодо «шектүү нерселерден сактануу» маселеси да негизги орунда тургандыктан мүмкүн болушунча этият болуу, б.а., жебей эле коюу купталат. «Бисмиллах» айтылып же айтылбай мууздалганы белгисиз айбан-малдардын эти жөнүндө да так ушул мамилени кармануу зарыл. Ханафийлер боюнча «бисмиллах» айтууну унутуп калып мууздалган малдын этинде маселе жок. Бирок мууздаган адам атайылап «бисмиллахты» айтпай койгон болсо ал малдын эти халал болуп эсептелбейт. ЗАРЫЛЧЫЛЫК жана АРГАСЫЗДЫК АБАЛДАР ЖӨНҮНДӨ Ачкачылык жана суусоо жөнүндө өлүп калбаш үчүн жанын сактагыдай өлчөмдө жеп-ичүү ар бир адамга парз. Адамдар ушул чектин ичинде гана намаз окуп, орозо кармап, ибадаттарын аткарганга жетише алары белгилүү. Ал эми жеп-ичкенге адал бир нерсе таба албаган адам арам нерселерден өлбөй жанын сактап калгыдай өлчөмдө жеп-ичсе болот. УЛАНДЫСЫН ОКУҢУЗ... 10.05.20 ИДРИС АКЫН

12.11.2019
АРМАН ДҮЙНӨ АКЖОЛТОЙ айтар сөзүм таппай турам Арманым ичке жутуп батпай турам Кош эми кош бол менин бир тууганым Айтышта катар басып бир турганым 😔😔😔 Залкарлардын дагы бири арабыздан кетти. Майра Керим кызы апабыздын уулу, төкмө акын Акжолдун бардык жакындарына көңүл айтам. Тагдырдын жазганы ушул экен😢😥😥 Инна лиллахи ва инна илайхи рожиуун Аллах Жаннатынан орун берсин😢😭😢

22.03.2020
БЛОК ПОСТ Айылдарга БЛОК ПОСТ коюлгандай эле, Бүгүн Соцтармактагы бузукулардын баракчасына да БЛОК ПОСТ коюу керек. _____________________________________________ IT - ишниктерди колдонуп, компьютер мыктыларын чогултуп, интернет ичиндеги чириткилердин баракчалары блоктолуп, көзөмөлгө алуу абдан керек. Мыйзам боюнча жоопко тартуу керек... Азыркы учурда бул дагы аба-суудай керек _____________________________________________ Бул ооруга каршы бир гана биримдик-ынтымак, буйрукка баш ийүү, гигиена, дуа менен туруп-жеңип чыга алабыз. Менмин деген державалар оорууга каршы бомба, танка, ракета сыяктуу куралдарын колдоно алган жок... Бир гана гигиена, тартип, тазалык, үйдөн чыкпоо сыяктуу каражат талап кылынбаган аракеттер менен жеңишти.. Үйдөн чыкпаңыз, бир айда аттап өтүп кетебиз, буюрса... 22.03.20 Идрис акын

31.10.2019
ОЙЛОНУП ОКУГУЛА! ТАМШАНЫП ТИКТЕГИЛЕ! Ош шаарындагы "УММУ МУХАММАД" медресесинде мамлекеттик тилдин 30 жылдыгына карата өткөрүлгөн чакан иш чарага катышып келдим. Балдардын ар тараптуу өнүгүшүнө өзгөчө көңүл буруп жаткан устаттарга урматым ашып кайттым. Келчектин аалымдарына батаа берип фото баянга көз салыңыздар, достор.... ------------------------ Атасы: -мен сизге баламды шакирттикке алып келдим Киши: -кечиресиз менин өнөрүм жок. Идриске окшоп акын да эмесмин Атасы: -өнөрүңүз болбосо да мейли. Мен сизди көптөн бери күзөтүп жүрөм. Менин балам сиздин жаныңызда жүрүп, АДАМДАРГА ЖЫЛМАЙЫП КАРАШТЫ ҮЙРӨНСӨ болду... ---------------------------------- Урматтуу ата-энелер, балдарыңарды телефон же техникага байлап бербей, жакшы адамдарга байлап бергиле ---------------------------------- 1 апта үйдө отурбай айылга барып туугандарга эгин жыйнап талаада иштеп келсин, эмгекке тарбиялансын ----------------------------------- 31.10.2019 Идрис акын

31.03.2020

18.04.2020

23.03.2020
ЖАКШЫ... Жакшы адам жер эсебинен, жаман адам эл эсебинен жансактайт... Жакшы-арына кул, жаман-малына кул... Жакшы болсо катының келип турат жакының... Жакшы болсо катының - табыла берет акылың, кууса да кетпейт жакының... Жакшы зайып таранчыны таеке, бөдөнөнү бөлө кылат... Жакшы келин - келин, жаман келин - өлүм... Жакшы кыз эрден чыкпайт, эрден чыкса да элден чыкпайт... Жакшыны уккуң келсе, жаманды айтпа... Жакшы чыкса келиниң - уулкңду кайра төрөйсүң, жаман чыкса келиниң - өз уулуңа өгөйсүң... ____________________________________________ Жакшы көрөт деп бара бербе, берет деп ала бербе... Апасы коңшунун үйүнөн чуркап келген беш жашар уулун бооруна катып: "уулум, коңшунун үйүнө кире бербе. Алардын да балдары көп, өздөрүнүн ызы-чуусу өздөрүнө жетет. Сен кирсең апасы жаман көрөт, кире бербе" - десе, баласы апасына карап: -жоок апа , андай эмес . мен кирсем апасы дайым мага карап " КЕЛ-КЕЛ ТӨРГӨ ӨТ, ӨЗҮ СЕН ЭЛЕ ЖЕТПЕЙ ЖАТАТ ЭЛЕҢ" - дейт имиш 😊🤣😊🤣😎😎 23.03.20 Идрис акын

27.06.2020
БИР ЖАШ ЖИГИТ Пайгамбарыбыз Саллаллахи Алайхи Васалламга бир жаш жигит келип: - Башкалар менен ойноштук кылууга уруксат бересиңби? - деп сурайт. Ал жерде тургандар: "Бул эмне деген адепсиздик?" - деп чурулдап жиберишет. Пайгамбар : -жигитти койо бергиле, жаныма келсин,-деп буюрат. Жанына келгенде Алланын Элчиси сөзүн ушинтип улантат: -сенин апаң башкалар менен ойноштук кылуусун каалайсыңбы? -жок, каалабайм. -сенин кызыңдын ойношун каалайсыңбы? -жок, каалабайм. -карындашың үчүн макулсуңбу? -жок, макул эмесмин. -мына, ошол сендей эле кишилер башка кишилердин энелери, эжелери, карындаштары, кыздары менен ойноштук кылышын жактырышпайт-деп эскертти... Мынакей, үгүт-насаат иштердеги үлгүлүү ыкма. Жакшылыкты буюруп, жамандыкка тыюу салган киши сабырдуу болууга тийиш. Айткан үгүт иштер таасирдүү болуусу үчүн алгач өзүбүз үлгүлүү иштерди аткаралы. Өзүбүзгө сөзүбүз дал келсин... #аялыңа_кыянат_кылба! (көчөдөгү 20 даана денесин саткан кыздарга 70 даана сойку жигиттер барып жатат! Кимиси көбүрөөк көңүл буруп ойлонбойбуз) #эркектер_эсибизге_келели! Идрис Айитбаев

19.05.2020
30 күндө 30 сабак 26-күн УСТАТ менен УСТАНЫН маеги Уста: -Бирөөнүн чала таштап кеткен ишин алып бүтүрүү өтө кыйын. Андан көрө башка үйдү башынан баштаганың жакшы-деп сүйлөнүп сөз баштады уста. Балдарга сабак берген устат болсо сөзүн ушинтип улап кетти: -Ээ балам, мен сага андан да кыйын ишти айтайынбы? Бирөөнүн чала тарбияланып ташталган баласын тарбиялоо - сен сүйлөнүп жаткан үйүңдөн 3 миллион эсе кыйыныраак... Бала эч качан сен каалагандай болбойт, бала сен тарбиялагандай болот! Өз балаңдын тарбиясынын жоопкерчилигин өз мойнуңа ал, ошондо баары жакшы болот! Балдар - жазыла элек актай баракка окшош, ак кагазда сенин гана жазгандарың көрүнөт. Балдар - бош турган эгин талаасына окшош. Эмнени эксең ошону оросуң. Эч качан бош турган жерге жүгөрү эгип, ордуна буудай жыйнабайсың... Сенин ордуңа бирөө уста, директор, инженер, механик, грузчик, таксист боло алат, бирок сенин ордуңа эч ким эч качан АТА-АПА болуп бере албайт!!! Бала тарбиялоо баамдатка тургандай кыйын иш! ДОСТОР, СОЦБАРАКЧАМДАГЫ СҮРӨТТӨР ЭСКИ СҮРӨТТӨР. ЭЛДИ ЧОГУЛТУП ЖАТКАНЫМ ЖОК! ДИНИЙ ДИПЛОМУМ ЖОК, БОЛГОНУ АР БИР МУСУЛМАН БИЛИШИ КЕРЕК БОЛГОН БИЛИМИМ ГАНА БАР. ОШОЛ ЭЛЕ МУФТИЙДИН ЖАНА ААЛЫМДАРЫБЫЗДЫН САБАГЫН ЖАЛПАК ТИЛ МЕНЕН КОРУТУНДУЛАП ЖАШТАРГА ТҮШҮНДҮРҮП КЕЛЕМ. ДИНИЙ ФАТВА ЧЫГАРБАЙМ... БИРОК, ОРОЗО 30 КҮН ТУТУЛАТ, ЖЕ КАДЫР ТҮНДӨ ДУА КЫЛГЫЛА-ДЕП АЙТУУ ҮЧҮН ДИПЛОМУ БАР ДАМЛА БОЛУУ ШАРТ ЭМЕС... ОРОЗОДО 30 КҮНДҮК САБАК БЕРҮҮНҮ МУГАЛИМ БОЛГОНУМ ҮЧҮН ГАНА КААЛАДЫМ. АНТКЕНИ ЖАШТАРДЫН БААРЫ СОЦБАРАКЧАДА ОТУРАТ. КАЛА БЕРСЕ ОШОЛ ЖАКТА МААНИСИЗ НЕРСЕ КӨРБӨЙ, ПАЙДАЛУУ САБАК АЛСЫН ДЕГЕМ...Менин эч кандай башка диндерге кастыгым жок. Каалаганым бир гана ДИАЛОГ ЖАНА ТОЛЕРАНТТУУЛУК Идрис акын

30.11.2019
БИР ООЗ СӨЗДҮН КЕСЕПЕТИ. Бир келин төрөтканадан чыгат.Аны көргөнү келген досу сөз ортосунда күйөөсү ага эмне белек кылгандыгын сурап калат. Келин: - Эчтеке белек кылган жок . Досу: - Ой-ий,кандайча...Ушулбу сенин кадыр - баркың? - деп,келиндин жашоосуна бомбаны таштайт да кетет. Ошондон тарта жумуштан чарчап келген күйөө менен жубайынын ортосунда жаңжал көбөйөт. Болбогон нерседен экөө урушуп-чырдаша турган болот. Ар бир сөзүндө өзүнүн кадырын,баасын ортого сала берген келинди акыры күйөөсү кетирип тынат. Көйгөй эмнеден башталды эле өзү, байкадыңызбы? Келиндин досунун бир ооз сөзүнөн... ___________________________________________ Жаагыңды жап жаман сөздөр чыкпасын Жыргап жаткан жашоолорду жыкпасын Жарты сөзүң жакпай калып уу сымал Жакшылардын жүрөктөрүн сыкпасын... Сүйлөшүү күмүш болсо Унчукпоо алтын болот Акылдуу кеп кура алсаң Ар дайым баркың болот 30.11.2019 Идрис акын

16.03.2020
СОЦТАРМАКТАГЫ САСЫТКЫЛАРДЫН ЭСИНЕ... Сахнада мыкты адам болгон менен, жашоодо мыкты адам болбогон кишилер толтурабыз... Эл алдында башка, өз алдынча башка болгон эки жүздүү эмес, балким бир канча жүздүү адамдар көбөйүп кеттик... Соцтармактан сүйкүмдүү көрүнүп, сезимиңди козготкон менен, жанына жакын барсаң сасып жүргөндөрү толтура... Өзгөнү коюп, өзүңдү оңдоонун учуру келди... Өзүңө каалабаган жамандыкты, башкага да каалабасаң, мына ушул сенин мыкты момундук сыпатың. Андай болсо: --ааламда болуп жаткан аапат КОРОНАВИРУС биздин чиновниктерди кырып кетсе экен - деп, каргаба. ЫЙМАНЫҢДЫ бекемдеп, тооба кылып отур. Коронавирус менен тамашалашканды, башкалар кырылып жаткан ооруу менен тамашалуу ролик тартканды кайсы ыйманың жол берет... Тазалык... Кийимдин жана дененин тазалыгы болуп, бирок ыймандын тазалыгы менен толукталбаса, болуп жаткан аапат КОРОНАВИРУСтан эч кандай сабак албайт экенбиз... Коомго пайдаңар тийсин, кагылайындар! Өзүңдүн ыйманыңды бекемдеп, өтмүштөгү кемчилик - күнөөлөрүңө тообо кылып кал. Бош убактың көп болсо, китеп оку, баарын окуп бүтсөң китеп жаз, болбосо ибадатыңды бекемдеп, куран жатта... 16.03.20 Идрис акын

18.04.2020
Уктатпаган ушулар: Чыныгы жетимдер ата-энесиз калган балдар эмес, таалим-тарбиясыз калган балдар. Азырети Али РА Динсиз илим СОКУР, билимсиз дин АКСАК. А. Эйнштейн Кудайдын бар экендигин изилдөө, чырак менен күндү издегенге окшош. Кытай эл макалы Каалаган сөздү сүйлөгөн, каалабаган сөздү угат. Түрк эл макалы Бир элдин келечегин көргүңүз келсе, андагы аялдарды караңыз. Наполеон I Бонапарт Биздин өлкөнү билимдүү бирок адепсиз балдар өнүктүрө албайт. Адеп-ахлакка туура келбеген нерсе саясатка да туура келбейт... Саясат сатира менен сериалга айланып баратканын карап, караңгы түндө кайгырып дуа кылуудан башка эч нерсе колдон келбейт экен 😔😔😔