13.05.2020
30 күндө 30 сабак 20-күн АПАЛАРДЫН АКЫЛЫ. Кыз-келиндер үчүн сабак Илгери апаларыбыз өздөрүнө күйөө тандабай, төрөлө турган балдарына АТА тандаган. Аталарыбыз да дал ошондой болочок балдарына татыктуу АПА тандоону биринчи орунга койгон... Бир тойдо Кызын узатып жаткан апанын айтканы эсимде: кызым, барган жериңе таштай батып, суудай сиңип кет. Барган жериңдин кайын ата-кайын энеңди, күйөөңдү бери кой, керек ошол жердин короосундагы итин да жамандап келбегин... Апам айтат: Боюмда бала бүткөн күндөн баштап, тогуз ай төркүнүмө курсагымды көрсөтүп баруудан уялгам. Төрөп бүтүп анан барганмын. Бизде жолдошумсуз төркүнүмө барууну уят эсептечүбүз. Ажырашып келген кыздын ата-энеси эл карагандан уялчу эле ал кезде. Атаңардын айтканын аткаруу аял катары биринчи вазыйпам деп билчүмүн. Анткени апам ушундай тарбиялаптыр. Бышкан тамакты ар дайым биринчи атаңа куям. Атаң жок болсо да, биринчи ал кишиге куюп, алып койом... Дагы бир апа айткан эле: Тогузунчу баламды үйдө эрте менен төрөп, түштөн кийин үйдөгү балдарым ачка калды деп тандырга нан жапканмын. Андан кийин дагы экини төрөгөнмүн балам... АКЫЛДУУ АПАЛАРДАН АЛГАНДАРЫМ: -бир жолу тойдо той ээлери тууралуу маалымат жазып жаткам. Эки жаштын аты-жөнүн апа айтып берди. Анан ата-энесине кезек келди. Атасынын аты, жолдошуңуздун аты ким-десем, "азыр, мен атын айта албайм, кызым, кел атаңдын атын айтып кой" - деп жылмайып кирди... -Кагынчаак кайын энеге, багынчаак келин туш келбейт - дейт кыргызда Келиндерин мактаган кайын энелер көп болсо экен кыргызда -жасанууну сыртка эмес, жолдошуңар үчүн кылганыңарда жакшы жашамаксыңар... -кайын журтта УРМАТ - СЫЙ үчүн аткарыла турган аракеттин баарын, азыркы кединдер КЫСЫМ же СТРЕСС деп баалап калган.... -мурдалары телефон жок, айттырбай келген конокко да акылдуу аялдар жакшы мамиле кылып, кубантырып үйдөн чыгарган. Азыр АЙТТЫРБАЙ КЕЛГЕН КОНОКТУ АТЫП САЛГЫСЫ келген келиндер бар. -ЖАКШЫ ЧЫКСА КЕЛИНИҢ БАЛАҢДЫ БАШТАН ТӨРӨЙСҮҢ, ЖАМАН ЧЫКСА КЕЛИНИҢ ӨЗ УУЛУҢА ӨГӨЙСҮҢ... жолдошуңду ата-энесине өгөй кылба...балдарыңдан кайтат унутпа... 13.05.20 Идрис акын

12.05.2020
30 күндө 30 сабак 19-күн ОН ТОГУЗ МҮНӨТ ОЙЛОНОЛУ ИЛГЭЭРКИ АКЕЛЕР жана жеңелер Мурда АКЕЛЕР ҮЙЛӨНГӨНДӨ келин көргөнү апабызды ээрчип барат элек. Барганда жеңе ийилип салам салып, колуңа жүз аарчуу же оюнчук белек кылат эле. Мурдуң агып жатса да жеңең берген жүз аарчууну колдонбой жеңиң менен мурдубузду эки жакка шыбап аарчып алчубуз. 😁Жеңең берген платочканы бир ай кырын бузбай көрүнгөнгө мактанып жүрүчүбүз... Кийин акеңдин үйүнө барсаң жеңең дайым "келиңиз эй бала" - деп сыйлап, төшөк салып, заматта дасторкон, чай-нан келтирип калчу.... Ошону көрүп чоңойоор замат "мен да үйлөнөм" - дедик. Көп жаштар үйлөндүк, тойдун эртеси да болду. Үйгө мейман келсе баягыдай сыйлап салам берген, дасторкон салган, мейманды кубанткан, тууганды кадырлаган КЕЛИН жок. Өзүң төшөк салып, өзүң тамак кылып каласың, туугандарың келип жатса кадимкидей жалынасың "мени уят кылбай жакшы күзөтөлү" - деп, кабагыңды салба, катуу сүйлөбөй сылык болуп тур кеткиче-деп.... Көрсө кептин баары биз барганда жеңени тарбиялап турган АКЕЛЕРДЕ экен. Акелер аялдарын тарбиялап, багыт берип, колдоп - кубаттап турган экен. АКЕЛЕР АКЫЛДУУ БОЛУШКАН ЭКЕН. ҮЙ-БҮЛӨНҮ АКЕЛЕР БАШКАРГАН ЭКЕН. ЖООПКЕРЧИЛИК ТИЗГИНИН АКЕЛЕР ТУТКАН ЭКЕН. АЗЫР БОЛСО КУРСАКТАРЫ КУДАЙЫ, АЯЛДАРЫ КЫБЛАСЫ БОЛГОН ЭРКЕКТЕР АРБЫП БАРАТЫПТЫР... КИМДИН КИМГЕ ЭРГЕ ТИЙГЕНИН БИЛҮҮ КЫЙЫН... Өрнөктү интернетттен эмес айланаңда жашап жаткан жакшы адамдардан алалы, илгерки акелердей бололу. Ата-энеден таалим-тарбия албай, телефон менен жашаган жаштардын үй-бүлөсү үч жылдан ашпай жаткандай, Аллах сактасын... УРМАТТУУ АТА-ЭНЕЛЕР!!! Кыйшайган даракты түздөбөй туруп, анын көлөкөсүн түздөгөндөн эмне пайда... Тегиңди сактаймын десең - УУЛУҢДУ улутуңду сактаймын десең - КЫЗЫҢДЫ ТАРБИЯЛА!!!... (карантиндеги кайрымдуулук иштеринде аялын бала-чакасын таштап салган эркектерге жана бойдокторго сабак болсун. Кийинкиде сабыры жок жана кадыры жок болуп бараткан кыз-келиндерге да сабак өтөбүз) комментарийге сөгүнүп жатып калбай, жөн гана керектүү тарбия алыңыздар,достор. Антпесем күн сайын оолуялар, ыйлай турген жерген күлүп келген келесоолор көбөйүп баратат... 12.05.20 Идрис акын

11.05.2020

11.05.2020
КАТТАРГА ЖООП Негизи мага "салам алейкум" деген каттар көп келет. Баарына алик алам, бирок баарына жооп жаза албайм. Жалпы каттардын эң зарыл суроо менен кайрылгандарына жооп бергенге аракет кылам. Ошондо да кээ бир суроолорго жооп тапкыча узап кетем. Билгиси келген адам кайра байланышат, жообун таап бергенге аракет кылам. ЭҢ ӨКҮНГӨНҮМ САЛАМГА жооп жазсаң, кандай анан, мени таныдыңбы..... ж.б.у.с. уланып кете берет.... Ушудан безип жооп жазбасаң: "Саламга алик албаган акмак, өзүнчө звезда" - деп чыккандары арбып баратат. Акмак болсом эмнеге бийликтен ылдыйга түштүң, алдыңа алгалай бер.... СҮЙЛӨШҮҮ АДЕБИНЕ, МАМИЛЕНИН МАДАНИЯТЫНА ДА КӨҢҮЛ БУРУУ КЕРЕК, ДОСТОР... Баракчаңыздан мобуну реклама кылып бериңиз - дегендерге, реклама кылынып жаткан нерсе менин окурмандарыма дал келсе чыгарам, дал келбесе капа болбонуздар. Анын үстүнө соцбаракчамды колдонууну анча эле биле бербейм, болгону акылым макал жазып чыгарууга жетип жатат... Негизи СОЦТАРМАКТАН кетким келет, бирок белгилүү окурмандардын сурануусу менен гана кирип турам... ЖАМАН КӨРӨКЕЙ ЖОК, ДОСТОР...

11.05.2020
ЖАНЫМ КАШАЙЫП КЕТТИ 😔😔😥😥🤐 Абалына шүгүр келтире албаган адамдар көбөйүп кеттик... Нанкөрлүктүн, наадандык кесепети өзүңөн ашып өзгөгө жана өлкөңө тиет... Адамга эң туура таратылган нерсе акыл болсо керек. Себеби эч ким өз акылына нааразы эмес... Кылба-десе кылып, кыл-десе кылбаган акылы жок коомго айланып баратабыз... Китеп окубаган адамдын тамга тааныбаган адамдан айырмасы жок... Бийликтин бети жок, анткени элдин эси жок. Элине жараша бийи болот. Эсиңе кел элим, эсиңе... Өзгөрөлүчү батыраак, баары бизден, бийликтен эмес. Анткени аларды да биз шайладык😔 Бийликке акчасын чачып баргандар, чачканын кайра чогултуу менен убара болушат... Мени шайласаңар момундай иштерди аткарам-дегендер, шайлабасак да аткара бергиле! Шайлабасак аткарбайт экенсиң, демек сен чыныгы ПАТРИОТ эмессиң. Мекенге кызмат кылуу үчүн сөзсүз түрдө ДЕПУТАТ болуп ак үйгө баруу шарт эмес.... Мени шайлап койгула деп мээңди жегенге добуш бербей, эл өзү ишеним арткан кишини алып чыгып иштетүү керек... Партияны-парламентти ойлобой, элди-жерди ойлоо керек. Бир эле элим деп келип, элүү партияга бөлүнүп алуунун кимге кереги бар. Бир өлкөнү беш тарапка тартып талкалабай, бир тарапка багыттуу тартып алдыга жылуу керек болчу... Парламенттеги партада уктагандар, талкуулаган маселеси барган сайын садиктин ызы-чуусуна же ушакчылардын гыйбатына айланып бараткан башчылар... Сөздөн ишке өтүү керек....... Көрүнгөндөн карыз сураган тилемчиликти токтотуу керек. Мамлекеттик мүлктү 40 жылга берип, креслодон кетпечүдөй же өмүрдөн өлбөчүдөй жашаганына таң каласың... Ала-Тоонун абалы айыл өкмөттөн көрүнүп турат. Короосуна канааттанбай көчөнү кошуп, коңшунун жерине кирип кеткен кишини тартипке чакыра албаган айыл өкмөт башчысы... көчөгө суу, жарык, жол, көпүрөнү карапайым калк, мигрант аткарат, анын лентасын айыл өкмөт кесет.... Чындыкты сүйлөгөн чыркырап кала берет, куйтуланган креслого бара берет... жаңыдан чек алсаң да, чегараңды белгилеп, коргонуңду тосуп тынч уктаганга аракет кыласың. Мамлекеттин чегарасын чечип алып, тосуп алып анан КҮНДӨ ШАЙЛОО, КҮНДӨ РЕФЕРЕНДУМ, КҮНДӨ МИТИНГ - ПИКЕТ кылгыла!!! 😥😥😥😥😥😥😥😥😥😥😥😥😥😥😥😥 Баягы баягы, койчумандын таягы... ЖАҢЫЛЫК КӨРГҮМ КЕЛБЕЙ КАЛДЫ!

11.05.2020
30 күндө 30 сабак 18-күн СУРАНЫЧ Соц. тармактагы достор! Арак ичпейм! Орозо кармайм! Беш убакыт намаз окуйм! Зекет берем! Ажыга, умрага барып келдим! - деп коюп БИРӨӨЛӨРДҮ УШАКТАП жатабыз. Жогорудагылардын бардыгын жасап аягында тирүүлөй адамдын этин жеген менен барабар болгон күнөөгө көңүл буруп ойлонбойбуз, же коркуп да койбодук. Келгиле достор, башка бирөөлөрдү гыйбат кылган макалаларды бөлүшпөй өздөрүнө барып айталы же алардын күнөөлөрүн желкебизге артпайлы.... _______________________________________ Жаман ой жаныңды алмайынча тынбайт... Ар дайым негатив ой менен жүргөн адамды уга берсең, сенин позитив энергияңды кошо соруп салат... ЖЫЛМАЮНУ БИЛБЕГЕН КИШИГЕ БАКЫТ ДА ЖЫЛМАЙБАЙТ ________________________________________ ЭЧ КИМГЕ КИМ ЭКЕНДИГИҢДИ ДАЛИЛДЕБЕЙ ЭЛЕ КОЙ. СЕНИН ЖАМАНДЫГЫҢДЫ КӨРГҮСҮ КЕЛГЕН АДАМ ЖАКШЫЛЫКТАРЫҢДЫ ЭЧ КАЧАН КӨРӨ АЛБАЙТ... АДАМ АКЫЛЫ ЖЕТКЕН НЕРСЕНИ ГАНА КӨРӨТ. ДАГЫ ДА КӨП АКЫЛДЫ ТАЛАП КЫЛГАН НЕРСЕ МУРДУНУН УЧУНДА ТУРСА ДА КӨРӨ АЛБАЙТ... Көзүнө бирөөнүн кемчилигинен башка нерсеси көрүнбөгөн КӨРЛӨР көбөйүп баратат.... ___________________________________________ -Сен үчүн качан майрам? -мен үчүн БИР КҮНҮМДҮ КҮНӨӨСҮЗ ӨТКӨРҮҮ майрам. АЛЛАНЫН БУЙРУГУН КЫНТЫКСЫЗ АТКАРУУ майрам... ___________________________________________ Алынган аманатты бергенге шашылг ыла!!! -аке карызга акча берип турасызбы? -алгач КОЛУМДУ өп, анан жардам бергенге аракет кылам -эмнеге КОЛУҢДУ өбүшүм керек -анткени берген акчамды сенден кайра алуу үчүн мен сенин эртең БУТУҢДУ өбүшүмө туура келет... Бардыкы өтүп барманда Жоктуку өтөт арманда Ар кыл адам көрөсүң Алты күндүк жалганда Ар кишинин айрыкча Билген менен кылыгын Биле албайсың а бирок Ичиндеги былыгын.... ДОСУҢА КАРЫЗГА АКЧА БЕРБЕ ЖЕ ДОСУҢДУ ЖЕ АКЧАҢДЫ ЖОГОТОСУҢ. БАЛКИМ ЭКӨӨН ТЕҢ ЖОГОТОСУҢ!!! (ТУУГАН ДЕЛЕ УШУНДАЙ) ТУУГАН ЖАНА ДОС АКЧАДАН БИЙИК ТУРУШУ КЕРЕК. ОРТОГО АКЧАНЫ АРАЛАШТЫРЫП БИЙИК ДОСТУКТУН ЖАНА ТУУГАНДЫКТЫН КАДЫРЫН ЖОГОТПОГУЛА!!! (берчү болсоң жөн эле жардам кылып бер. Ошондо жаның кыйналбай, тескерисинче рахат менен рахмат алат) Берип жаман көрүнбөй, бербей эле жаман көрүнгөн жакшы экен... Бирөөгө аманат бергенден корккон заманда, кыздарын аманат берип жаткан аталарды аяймын😔😔😔 11.05.2020 Идрис ак

10.05.2020
30 күндө 30 сабак 17-күн АРАМ жана АДАЛ 3-БӨЛҮМ сабактын соңу ДАРЫЛООГО ЗАРЫЛЧЫЛЫГЫ ЖӨНҮНДӨ Дарылоо үчүн таза-адал дары-дармектер колдонулганы дурус. арам болгон бир нерсени дары катары колдонуунун төмөнкүдөй шарттары бар: 1. бул дары колдонулбаган абал астында адам өмүрү жана ден соолугу оор коркунучта калуусу; 2. анын ордун басууну адал дары табуу мүмкүн эмес болуусу; 3. бул дарыны динчилдиги менен адистигине ишенип көңүл токтоткудай бир мусулман доктордун тапшырмасы менен колдонуу; бул 3 шарт бирдей бар болгон абал астында арам нерселер менен дарыланууга болот. ИЧИМДИКТЕР ЖӨНҮНДӨ Адамды өлтүрүүчү же акыл-эсин жоготуучу, денени уулап бузуучу же болбосо ар кандай даража-абалда ден соолукка зыян келтирүүчү нерселерди жеп-ичүү динибизде арам. 10.05.20 ИДРИС АКЫН

10.05.2020
30 күндө 30 сабак 17-күн АРАМ жана АДАЛ 2-БӨЛҮМ В. КОШ МЕКЕНДҮҮЛӨР Кургакта да, сууда да жашоочу кош мекендүүлөр, мисалы, бака, ташбака, рак, краб, суу жылан, крокодил өңдүү айбанаттар адал эмес. Айбанаттардын жумурткасы менен сүтү алардын эттеринин өкүмүн ээрчийт, этин жегенге боло турган адал жаныбарлардын сүтү менен жумурткалары да адал. Эти арам жаныбардын сүтү менен жумурткалары да арам болуп саналат. Жаныбарларды «БИСМИЛЛА» АЙТЫП МУУЗДОО МАСЕЛЕСИ жөнүндө Алла Таала Курани Каримде мындай дейт: «Эгерде Алланын аяттарына ишенсеңер, Алланын аты аталып (мууздалган) айбандардын этин жегиле». «Алланын аты аталып мууздалбаган айбандардын этин жебегиле. Бул Алланын жолунан чыгуу». Жогорку аяттарда ачык-айкын баяндалгандай «бисмилла» айтылып мууздалбаган малдын этин жешке болбойт, т.а.: • Бир айбан эң оболу эти желчү адал айбандардан болсо; • Ислам эрежесине ылайык мууздалса; • Мусулман адамдын колу менен мууздалса гана эти желет. Ошону менен катар жалпылай көз караш боюнча еврей жана христиан диндериндеги «китептүүлөр» аталган адамдардан кай бирөөсү жагынан мууздалган жаныбарлардын да этин жешке болот. Бирок исламдык таза жашоодо «шектүү нерселерден сактануу» маселеси да негизги орунда тургандыктан мүмкүн болушунча этият болуу, б.а., жебей эле коюу купталат. «Бисмиллах» айтылып же айтылбай мууздалганы белгисиз айбан-малдардын эти жөнүндө да так ушул мамилени кармануу зарыл. Ханафийлер боюнча «бисмиллах» айтууну унутуп калып мууздалган малдын этинде маселе жок. Бирок мууздаган адам атайылап «бисмиллахты» айтпай койгон болсо ал малдын эти халал болуп эсептелбейт. ЗАРЫЛЧЫЛЫК жана АРГАСЫЗДЫК АБАЛДАР ЖӨНҮНДӨ Ачкачылык жана суусоо жөнүндө өлүп калбаш үчүн жанын сактагыдай өлчөмдө жеп-ичүү ар бир адамга парз. Адамдар ушул чектин ичинде гана намаз окуп, орозо кармап, ибадаттарын аткарганга жетише алары белгилүү. Ал эми жеп-ичкенге адал бир нерсе таба албаган адам арам нерселерден өлбөй жанын сактап калгыдай өлчөмдө жеп-ичсе болот. УЛАНДЫСЫН ОКУҢУЗ... 10.05.20 ИДРИС АКЫН

10.05.2020
30 күндө 30 сабак 17-күн АРАМ жана АДАЛ 1-БӨЛҮМ «Бир адам Алла элчисинен: «Мен парз намаздарды окуп, орозо кармап, адалды адал, арамды арам деп кармансам, мындан башка эч нерсе кылбасам, бейишке киремби?» деп сураганда, Алла элчиси: «Ооба» деп жооп берген (Муслим). Алла Тааланын буйрук жана тыйымдарына жараша аракет жасоо, ошол өлчөмдөр боюнча өмүр сүрө билүү – Алла Таалага болгон ыймандуулуктун, аны менен болгон байланыштын өзгөчө белгиси. Адам алдына келгенди, колуна илингенди жей бербөөсү, балит, өлүмтүк, башкалардын акысы кошулган жана динде тыюу салынган нерселерден алыс болуп, адамдык баркын сактоосу керек. ЭТИ ЖЕЛЧҮ АЙБАНДАР Бардык диндерде эттерин жешке боло турган жана болбой турган айбандар жөнүндө өкүмдөр табылат. Пайгамбарыбыз (САВ) да Алла Тааланын ага билдирүүсүнөн улам кээ бир айбандардын этин жешке болбосун мусулмандарга үйрөткөн. Эми эти адал айбандар: А. КУРГАК ЖЕРДЕ ЖАШООЧУ:  Кой, эчки, уй, топоз, төө, коён, тоок, үндүк, каз-өрдөк  Аркар, кийик, жейрен, жапайы уй-топоз жана зебра өңдүү жапайы айбандар.  Көгүчкөн, таранчы, улар, кекилик, бөдөнө, чыйырчык, балыкчыл өңдүү канаттуулар.  Тырмак жана чеңгелдери аркылуу ууланган аңын мыкчып тытпай турган, өлүмтүк жана балит нерселерди азык катары колдонбогон бардык жапайы канаттуулар.  хадисте атайын өкүм келгендиктен чегиртке адал болуп саналат.  Жылкынын эти 4 мазхаб боюнча адал. Б. СУУДА ЖАШООЧУ АЙБАНАТТАР Сууда жашоочу айбанаттардан балык түрүндөгү бардык деңиз жаныбарларынын этин жегенге болот. Ошону менен катар биз деңиз жаныбарларын төмөнкүдөй эки топко бөлүп кароого акылуубуз: 1) Балык түрлөрү: Балыктын бүткүл түрлөрү адал. Балык түрлөрүндө «аккан кан» болбогондуктан атайын муздоо маселеси керек эмес. ханафийлердин пикири боюнча өзү өлүп калып, суунун бетине калкып чыккан балыктарды жешке болбойт. 2) Балык түрүнө жатпаган суу жаныбарлары: Мидия, бака, краб (рак) өңдүү суу жаныбарлары ханафийлер боюнча адал эмес... УЛАНДЫСЫ БАР..... (сүрөт өткөн жылы Рамазанда УММА журналынын диалог ооз ачарында тартылган) 10.05.20 ИДРИС АКЫН

10.05.2020

09.05.2020
30 күндө 30 сабак 16-күн 16 мүнөт ойлонолу .............. Балам үчүн жашап жатам-деп, балаңды кошо бактысыз кылып жатасың... ............. Балдарыңар ата-эне бактылуу болмоюнча чыныгы бакыттын даамын сезбей жашайт... ............. Үй-бүлө урушкана эмес... ............. БАЛДАРЫБЫЗ БИЗДЕН ӨТҮШҮ КЕРЕК! Доцент шакирт профессор устазына: - устаз, биз сиздин жарымыңызчалык болсок кана эле! - деген эле, устаздын ачуусу келип ушундай деди: -эй Мурат! Сен менин жарымым, сенин шакиртиң сенин жарымың болсо, акыры ортодо эч нерсе калбайтко! Балам сен менден өтүшүң керек!... Үй-бүлөлөр да ушундай болуусу керек. Ата-энелер да ушинтип ойлонуусу керек. Апасы баласына: "атаңдан көрө көбүрөөк окугун, балам! Себеби перзенти ата-энесинен ашпаган улут алдыга өспөйт!...." .................... Баланын эң керек болгон муктаждыктарын аткарбоо канчалык туура эмес болсо, алардын ар кандай каалоосун аткаруу да ошондой эле ката болуп саналат... .................. БЕЙИШ ЭНЕНИН ТАМАНЫНЫН АСТЫНДА Бир аял казыдан сурады: "Эмне үчүн биз күйөөлөрөбүзгө баш ийүүгө буюрулганбыз. А күйөөлөрүбүз бизге баш ийүүгө эмес". Казы аялдын өзүнөн сурайт: "Канча перзентиңиз бар?". Аял: "Үч уулум бар", деп жооп берет. Казы: "Аллах таала сизди бир эрекке баш ийүүгө буюрду, бирок ошону менен бирге үч эркекти сизге баш ийүүгө буюрду. Алар сиз ыраазы болбосоңуз бейишке кире албайт. Эми өзүңүз айтыңызчы, кимде артыкчылык бар экен, аялдардабы же эркектердеби?!", деп айтты. Ошондо ал аял: "Мени мусулман кылып жараткан Аллахка мактоолор болсун!", деп шүгүр келтирди... 09.05.20 Идрис акын

01.05.2020
Канал менен калк ичине сиңип баралы. Катталууну жана бөлүшүүнү унутпаңыз. Үй-бүлө менен бирге отуруп, ар бир сабагыбызды талкуулап көрүңүз. Чоң рахмат

01.05.2020
Кайрымдуулукту өздөрүнө кесип кылып алган берешендерди бирге иштөөгө чакырам. @akysyz_berem менен байланышып, жөн эле колдонулбай жаткан сизге тиешелүү буюмдан бир муктаждын көңүлүн алыңыз. БЕЙИШ ЖООМАРТТАРДЫН МЕКЕНИ @kg_aiitbaev

01.05.2020
ЭТИЯТ БОЛ Отурган бөлмөңүздү тазалып отурайын десеңиз; - терезеден чаң, - эшиктен кир, - там башындагы тешиктен суу тамып жаткан болсо, биринчи эмне кыласыз? Албетте - тешиктерди бүтөйсүз, - эшик - терезени жабасыз. Анан үйүңүздү тазалайсыз. Дал ошондой эле КӨЗ, КУЛАК, ООЗДУ да АРАМДАН ЖААП -БҮТӨП анан ДИЛДИ ТАЗАЛОО КЕРЕК. Ансыз эч качан ыйман бекем болбойт.... бир гана намаз окуп, бирок ооз, кулак, көзүн күнөөдөн тыйбаган инсандар көпчүлүктү түзөт экенбиз. Арамдан тый ооз, кулак, көзүңдү Жалгандан тый ар бир айткан сөзүңдү Жаратканга жагам десең түбөлүк Жамандан тый, жакшы карма өзүңдү Идрис акын... 01.05.2020

01.05.2020
30 күндө 30 сабак 8-күн УЛУУЛАРГА Мурдагылар балдарга башынан өткөн жакшы-жаманды, кыйынчылык сыноо заманды сүйлөп берген, биз угуп отурат элек. Азыр жаштарга суйлоп берген аксакал жок....баарына интернет... акты - ак, караны - кара - деп сүйлөгөн кишини "АКСАКАЛ"- деп айтат. Сакалына ак түшкөн кишиге "ЧАЛ" - деп айтылат. Аксакалдар азайып Азыр бизде чалдар көп Мына ошонун айынан Адеби жок балдар көп... Идрис ЖАШТАРГА Карантинде карыяларды, ата-энени, улууну сыйлап, телефондон да көбүрөөк аксакалдын акылын, турмуш тажрыйбасын алалы! Ата-энени нааразы кылып-намазыңдан, орозоңдон, зекетиңден, умраңдан, ажыңдан, садакаңдан сооп таба албайсың. Бакытты башка жактан издебей, ата-энеңдин батаасынан изде... БИР ТУУГАНДАРГА -Акеңди сыйласаң - жеңеңе жакшы мамиле кыл -эжеңди сыйласаң - жездеңди урматта -иниңди сыйласаң - келиниңди жамандаба -карындашыңды сыйласаң - күйө балаңды кадырла... мына ушуларды түшүнбөгөн бир туугандар эки жашты эки жакка бөлүп жатышат... ЭКИ ЖАШКА -Кайын энесинин купулуна толгон келин гана башка келиндерге караганда бактылуу жашайт. Өз энеси мактап турган келинди жаман көргөн күйөө баланын же көзү көр, же акылы анча иштебейт. -Аял менен айтышып жаткан эркек, өзүнүн эркектик касиетин жоготот... -Айтышпаганга үйрөн. Айтышкан эркек барибир аялынан акын болсо да жеңилет. 😊 Айтышып кетсең, кайра кучакташып жатканды үйрөнүү керек. -күйөөңдөн сөз укпайын десең, анын көзүнө, кулагына жана мурдуна этият бол. Көз, кулак жана мурдуна жакпаган нерселерден алыс бол. -күйөөм менин айтканымды кылсын десең, сен да анын ата-энесин жана туугандарын сыйла - жат кылба. Мына ошондо сени башында көтөрүп жашайт... Төмөнкү кишилердин намазы кабыл болбойт экен: -эрдин ачуусуна тийген аялдын -момун шеригине 3 күндөн ашык таарынган кишинин -тынымсыз арак ичкен кишинин -коому жактырбаган имамдын. Хадис НАМАЗ, ОРОЗО, САДАКАДАН ДА ДАРАЖАСЫ УЛУУ БОЛГОН АМАЛ БУЛ- АРАЗДАШКАН АДАМДАРДЫ ЭЛДЕШТИРҮҮ. Хадис ДОСТОР, ДОСТУККА КЫЗМАТ КЫЛАЛЫ. анткени ЧЫНЫГЫ СҮЙҮҮ КЫЯНАТКА ЧЕЙИН, ЧЫНЫГЫ ДОСТУК КЫЯМАТКА ЧЕЙИН! Кыргыз-казак достугуна көз тийбесин! Балгынбек агабыз менен Кара-Шородон эстелик сүрөт. Атамдын батасын алып берген унутулгус күн 2019-жыл 17-июль 2020 Идрис акын

30.04.2020
30 күндө 30 сабак 7-күн ЖЕТИ ОЙ 1-ой Даарыны убактында ичкенге аракет кылгандай эле, намазды да убактында окуганга аракет кылыңыз. Убакыт бар али - деп убакыттын акырына, же али жашмын - деп өмүрдүн акырына сүрө бербеңиз. Намаздын жашоодогу орду, баштын денедеги орду сыяктуу. 2-ой бийик тоого же имаратка чыктым же болбосо палан мамлекетке бардым деп мактанабыз. УНУТПАҢЫЗ Жайнамазга чыгара албаган, же мечитке алып келе албаган бутуңуз ЖАННАТКА АЛЫП БАРА АЛБАЙТ. Аллах баарыбызга бекем ыйман берсин. 3-ой АДАМДЫ АЧКАЛЫК ӨЛТҮРБӨЙТ, ТОКЧУЛУК ӨЛТҮРӨТ. Ар дайым ток болгон адам моралдык жана материалдык жактан ооруй баштайт. Ашказаны толо болгон адамга баян, кеңеш таасир бербейт. Эң кымбат асыл ойлорду айтсаң да акылга албайт. Себеби ашказан толук, көз менен көңүлү өлүк болуп калган. Рамазан өлүк жандарды тирилтсин😔Иншаллах. 4-ой Адамдын денеси да бир фабрика сыяктуу, ал эми анын дене мүчөлөрү, ички органдары фабриканын иштеп жаткан жабдуулары сыяктуу. Орозо болсо, ошол фабриканын дем алуусуна, бузулбай жакшы иштөөсүнө жардам берет. Денедеги чогулуп калган зыяндуу майлар, туз-таштардын, семирүүдөн улам пайда болгон ашыкча салмак жана эттер жоголот. Бүгүн ашыкча салмактан арызданган адамдар көп. Бул орозонун көзүңүзгө көрүнгөн сүйүнүчү, ал эми акыреттеги Алланын бере турган сүйүнүчүн Аллахтан бөлөк эч ким билбейт. Бирок орозолууга убада кылган Фирдавсына- Райянына жетүү баарыбызга насип кылсын иншаллах. 5-ой -Түногон уйдун түтүнүн сыйла, кенешкен кептин бүтүмүн сыйла -Кепти баамы менен уккан адам сөздү даамы менен сүйлөйт... -жок болсо эгер сабырың, жоголуп кетет кадырың... Идрис 6-ой Теңчиликти мактайбыз Тентип издеп таппайбыз Теңчилик ал МАЗАРДА Мазар жакка баспайбыз!!! Идрис Акчалуу коркпойт базардан Ыймандуу коркпойт мазардан Момун болсоң бул айда Көп шүгүр айт Кудайга... Идрис 7-ой Бирөөгө осуят айтсаң осуяттын тартибин сакта. Биринчи өзүнө айт. Элдин көзүнчө шермендесин чыгарба... Сен мындай кылдың деп эсептешип (разборка) убактыңарды коротпогула. Эсептешүүгө Аллах атайын кыямат күндү коюп койгон.... ОШОЛ ЭСЕПТЕШҮҮДӨН ЭТИЯТ БОЛОЛУ .... ЭРКЕК Эркек жекеме жеке чыгам дейт, сен мага чыкпай жайнамазга чыгып ал. Чыкчы эркек, эки саат чыга аласыңбы, э