30.11.2019
ЭРКЕКТЕР ЭРКЕК БОЛГУЛА!!! Кыямат күнү суроосу эң жаман боло тургандардын бири, аялы менен жашап туруп анын сырларын ашкере кылган адамдар. Хадис ҮЙ-БҮЛӨНҮН НАМЫСЫ ЭҢ БИРИНЧИ ОРУНДА ЭРКЕКТИН КОЛУНДА ЭКЕНИН УНУТПАГЫЛА - ЭРКЕКСӨРӨЙЛӨР! (бардык эркектерге айтылган жок, намыстанып жырылдап жатып калбагыла) Үй-бүлөлүк маселедерди, сүрөттөрдү, сырларды коомго чыгарбагыла. Керек болсо үйдүн да НАМЫСЫ бар. Перделериңди тартып ачынбай жаша! 30.11.2019 Идрис акын

01.05.2020
30 күндө 30 сабак 8-күн УЛУУЛАРГА Мурдагылар балдарга башынан өткөн жакшы-жаманды, кыйынчылык сыноо заманды сүйлөп берген, биз угуп отурат элек. Азыр жаштарга суйлоп берген аксакал жок....баарына интернет... акты - ак, караны - кара - деп сүйлөгөн кишини "АКСАКАЛ"- деп айтат. Сакалына ак түшкөн кишиге "ЧАЛ" - деп айтылат. Аксакалдар азайып Азыр бизде чалдар көп Мына ошонун айынан Адеби жок балдар көп... Идрис ЖАШТАРГА Карантинде карыяларды, ата-энени, улууну сыйлап, телефондон да көбүрөөк аксакалдын акылын, турмуш тажрыйбасын алалы! Ата-энени нааразы кылып-намазыңдан, орозоңдон, зекетиңден, умраңдан, ажыңдан, садакаңдан сооп таба албайсың. Бакытты башка жактан издебей, ата-энеңдин батаасынан изде... БИР ТУУГАНДАРГА -Акеңди сыйласаң - жеңеңе жакшы мамиле кыл -эжеңди сыйласаң - жездеңди урматта -иниңди сыйласаң - келиниңди жамандаба -карындашыңды сыйласаң - күйө балаңды кадырла... мына ушуларды түшүнбөгөн бир туугандар эки жашты эки жакка бөлүп жатышат... ЭКИ ЖАШКА -Кайын энесинин купулуна толгон келин гана башка келиндерге караганда бактылуу жашайт. Өз энеси мактап турган келинди жаман көргөн күйөө баланын же көзү көр, же акылы анча иштебейт. -Аял менен айтышып жаткан эркек, өзүнүн эркектик касиетин жоготот... -Айтышпаганга үйрөн. Айтышкан эркек барибир аялынан акын болсо да жеңилет. 😊 Айтышып кетсең, кайра кучакташып жатканды үйрөнүү керек. -күйөөңдөн сөз укпайын десең, анын көзүнө, кулагына жана мурдуна этият бол. Көз, кулак жана мурдуна жакпаган нерселерден алыс бол. -күйөөм менин айтканымды кылсын десең, сен да анын ата-энесин жана туугандарын сыйла - жат кылба. Мына ошондо сени башында көтөрүп жашайт... Төмөнкү кишилердин намазы кабыл болбойт экен: -эрдин ачуусуна тийген аялдын -момун шеригине 3 күндөн ашык таарынган кишинин -тынымсыз арак ичкен кишинин -коому жактырбаган имамдын. Хадис НАМАЗ, ОРОЗО, САДАКАДАН ДА ДАРАЖАСЫ УЛУУ БОЛГОН АМАЛ БУЛ- АРАЗДАШКАН АДАМДАРДЫ ЭЛДЕШТИРҮҮ. Хадис ДОСТОР, ДОСТУККА КЫЗМАТ КЫЛАЛЫ. анткени ЧЫНЫГЫ СҮЙҮҮ КЫЯНАТКА ЧЕЙИН, ЧЫНЫГЫ ДОСТУК КЫЯМАТКА ЧЕЙИН! Кыргыз-казак достугуна көз тийбесин! Балгынбек агабыз менен Кара-Шородон эстелик сүрөт. Атамдын батасын алып берген унутулгус күн 2019-жыл 17-июль 2020 Идрис акын

30.11.2019
БИР ООЗ СӨЗДҮН КЕСЕПЕТИ. Бир келин төрөтканадан чыгат.Аны көргөнү келген досу сөз ортосунда күйөөсү ага эмне белек кылгандыгын сурап калат. Келин: - Эчтеке белек кылган жок . Досу: - Ой-ий,кандайча...Ушулбу сенин кадыр - баркың? - деп,келиндин жашоосуна бомбаны таштайт да кетет. Ошондон тарта жумуштан чарчап келген күйөө менен жубайынын ортосунда жаңжал көбөйөт. Болбогон нерседен экөө урушуп-чырдаша турган болот. Ар бир сөзүндө өзүнүн кадырын,баасын ортого сала берген келинди акыры күйөөсү кетирип тынат. Көйгөй эмнеден башталды эле өзү, байкадыңызбы? Келиндин досунун бир ооз сөзүнөн... ___________________________________________ Жаагыңды жап жаман сөздөр чыкпасын Жыргап жаткан жашоолорду жыкпасын Жарты сөзүң жакпай калып уу сымал Жакшылардын жүрөктөрүн сыкпасын... Сүйлөшүү күмүш болсо Унчукпоо алтын болот Акылдуу кеп кура алсаң Ар дайым баркың болот 30.11.2019 Идрис акын

29.11.2019
ӨЗҮҢДҮ ӨЗҮҢ КОЛГО АЛ!!! (Кудайга шүгүр дегендерге) -Чоң ата ЖАКШЫ ОЙ менен ЖАМАН ОЙ дегени эмне? -Балам, ар бир адамдын ичинде ЖАКШЫ КАРЫШКЫР жана ЖАМАН КАРЫШКЫР болот. -Кайсы бири жеңет, чоң ата? -КАЙСЫ БИРИН ЖАКШЫ БАКСАҢ, АР ДАЙЫМ ОШОНУСУ ЖЕҢЕТ!!! -------------------------------------------------------------------- Ар бир адамдын ичинде ЖАКШЫ жана ЖАМАН ой болот. Адамга көпчүлүк оору ОЙ аркылуу келет. Психологиялык депрессиядан чыгуу үчүн адам биринчи орунда өзү аракет кылуусу керек... _________________________________________ МАКСАТЫ ЖОК КИШИ, КАЛАГЫ ЖОК ДЕҢИЗДЕГИ КАЙЫККА ОКШОШ. Шамал кайда айдаса ошол жакка кете берет. КӨРҮНГӨНДҮ ЭРЧИП КЕТЕ БЕРБЕЙ ӨЗҮҢДҮН ДА ӨЗГӨЛӨРГӨ БЕРЕ ТУРГАН ӨРНӨКТҮҮ ӨМҮРҮҢ БОЛСУН!!! ________________________________________ МАЙРАМЫҢЫЗДАР МЕНЕН ДОСТОР! 29.11.2019 ИДРИС АКЫН

29.11.2019
ТАПШЫРМА (Ата-энелердин эсине) Үйдө балага колдоо көрсөтүү дегени АНЫН ТАПШЫРМАСЫН АТКАРЫП БЕРҮҮ дегени эмес. Ата-энелер балага жол көрсөтүгө жардамчы болсун. Мектептен берилген тапшырма ата-эне менен мектептин, ата-эне менен баланын ортосундагы байланышты көзөмөлдөп турат. Балага тапшырманы өз алдынча аткара турганчалык жоопкерчиликти үйрөтүү ата-эненин милдети. Эң маанилүүсү-кемчилиги менен болсо да, бала үй тапшырмасын өзү аткаруусу зарыл! 29.11.2019 Идрис акын

29.11.2019
БОЙДОКТОРГО Өзүңөргө аял тандабай, болочок БАЛДАРЫҢАРГА АПА-АТА тындагыла!!! ЭРКЕКТЕРДИ 25 жашка чейин зарылчылык болбосо үйлөнүүсүн сунуштабайм... КЫЗДАРДЫ мектепти аяктаган болсо, жогорку окуу жайда окуп жаткан болсо да эң биринчи орунда адеп-ахлактуу ата-эненин уулунан, жакшы үй-бүлөдөн колун сурап келе жаткан болсо, өзү да моралдык жактан даяр болсо, баланын адамгерчилигин кара да мүмкүнчүлүктү качырбай турмушка чыгып кеткен оң деп айтам. АЗГЫРЫЛБА Азыр болочок өмүр шеригинин: Адебин карабай-аудисин карап, Үмүтүн карабай - үйүн карап, Билимин карабай - кийимин карап, Атасын карабай - акчасын карап, Апасын карабай - дүйнө запасын карап, Сөзүн карабай - өзүн карап, Өнөрүн карабай - көйнөгүн карап Ден-соолугун карабай - оролгон жоолугун карап, Сөзүнүн мани-макалын карабай - топу-сакалын карап, Тирлигин карабай - бойолгон каш-кирпигин карап Адеп-ахлагын карабай - авторитетин карап АЛДАНЫП ЖАТКАНДАР ТОЛТУРА!!! Бала кезден баарын ата-энеңден сурап аткаргандан кийин ЭҢ МААНИЛҮҮ УЧУРДА ДА АТА-ЭНЕҢ МЕНЕН КЕҢЕШИП ЧЕЧИМ ЧЫГАРУУНУ УНУТПА БАЛАМ!!! 29.11.2019 Идрис акын

29.11.2019
ЧОГУЛУШ... (Ата-энелердин эсине) ИШКАНАДА ЧОГУЛУШ бар ТУУГАНДАР ОТУРУШУ-ЧОГУЛУШУ бар ДОСТОР ОТУРУШУ-ЧОГУЛУШУ бар БАЖАЛАР ОТУРУШУ-ЧОГУЛУШУ бар Бирок ҮЙ-БҮЛӨ МҮЧӨЛӨРҮ МЕНЕН ДАСТОРКОН ЧЕТИНДЕГИ ЧОГУЛУШ ЖОК! БИР АПТАДА БИР ЖОЛУ Дасторкон четинде балдардын баарын чогултуп, АТА-ЭНЕЛЕР балдардын бир апталык адеп-ахлагынын жыйынтыгын анализ кылып чогулуш өткөрүп туруу керек. Сен мындай кылдың - деп эмес... Ошондо мен мындай болуп жаман болдум деп өзүңдүн сезимиң тууралуу айт, ошондо бала "демек мындай болсо же кылсам ата-энеме жакпайт экен, эми антпейм" - деп ойлоно баштайт... Сенин ордуңа башка бирөө иштеген ордуңа иштей алат, бирок сенин ордуңа эч ким эч качан АТА-АПА болуп бере албайт!!! БАЛАГА жумшаган акчаны эки эсе азайтырып, балага бөлгөн убакытты эки эсе көбөйтүү керек.... 29.11.2019 Идрис акын

29.11.2019
САЛЫШТЫРБА (Ата-энелердин эсине) -ата, биздин класста Нурбек деген бала бар. Бардык сабактан 5 алат... -ошондойбу, ээ мен ошол Нурбектин атасы болуп калбаптырмында (какшыктап, мыйыгынан күлө) -жакшы эле атасы болбоптурсуз. Анткени анын атасы 5 жыл мурун өлүп кеткен... .................................. ИНШАЛЛАХ ДЕБЕҢ -ата велосипед алып бериңизчи -иншаллах, алып берем балам Бир аптадан кийин -ата велосипед алып бериңизчи -Иншаллах, алып берем балам Дагы бир аптадан кийин -ата велосипед алып бериңизчи -иншаллах, алып берем балам -ИНШАЛЛАХ ДЕБЕҢ. иншаллах десеңиз алып бербейт экенсиз Колуңан келсе убада бер, болбосо себебин түшүндүр. Калп эле баланы да жалганга үйрөтө бербей... ....................................... БАЛА МЕНЕН УБАКЫТ ӨТКӨРҮҮ БАКЫТТЫН ТӨРӨСҮ УШУЛ... ...................................... 29.11.2019 ИДРИС АКЫН

28.11.2019
АЛТЫНДАН АСЫЛ ОЙЛОР (Ата-энелердин эсине) 1 Өз балаңа берип жаткан ТАРБИЯҢДЫН ЖЫЙЫНТЫГЫ чоңойгондо эмес, ҮЙҮҢӨ МЕЙМАН КЕЛГЕНДЕ же МЕЙМАНГА БАРГАНДА эле БИЛИНЕТ. Эгерде тарбияда кемчилик байкасаңыз, анда сиздин кемчилигиңиз. БАШКА ИШИҢИЗДИ ТОКТОТО ТУРУП ТАРБИЯ МЕНЕН МАШЫГЫҢЫЗ. 2 Жашоодо ийгилик жаратууну каалаган балдарга кеңешим, биринчи орунда: -турар замат өзү жаткан төшөгүн жыйнашты үйрөнсүн! 3 Мектептен келген баланы үйдөгү жумуштарды айттырбай аткарууга үйрөтүңүз. Тапшырманы үйдөгү иштер бүтсө гана аткарсын. Болбосо мектептен тапшырмасын бүтүрүп келсин. Антпесек мектептен келген бала эч кандай жумуш аткарбай жеп-чычар, жалкоо, аңкоо болуп баратат... 4 Мектепке эрте менен өздөрү туруп баратышат. Азыр мурдагыдай балдарын ойготуп, чайын берип, курсагын тойгозуп сабакка жиберген апалар азайып кетти. Апалар өздөрүнүн балдарына НЯНКАГА айланып баратышат... Курсагы ачса бир нерсе алып жейт- деп отуруп, берген акчаңызды санап, балдарыбыздын сабак менен иши жок. Ачкарын баланын башына эч нерсе кирбейт. Сабакка кирүүгө коңгуроо бир мүнөттөн соң чалынаарын билип туруп тамак алышат. Биздегидей сумкасына нан салып келген балдар азыр жок. Мен болсо университетте да сумкама нан салып сабакка барган элем... 5 300 сомдук китеп алып бер - десем, акча жок- деп сүйлөгөн ата-эненин баласынын колундагы телефонунун баасы 13000 сом... Мектеп формасы деген шым 200-500 сом арасы, ата-эне алып берген джынса шым 1500-2000 сом. АНАН ЭЛЕ МЕКТЕП ФОРМАСЫНА АКЧАСЫ ЖОК ИМИШ 6 ПЕРЕХОДНЫЙ ВОЗРАСТ БАЛАГАТ ЖАШЫ Балагат жашындагы баланын катасы, балагат жашына чейинки тарбиянын кемчилигинен улам болот. Балагат жашы келген бала физиологиялык жана гармониялык жактан гана жетилет. Бул учурда тарбиясыз, өзүм билем, кайсар, эрке болуп кетет деп ким айтты, сиздерге?! 28.11.2019 ИДРИС АКЫН

01.06.2020
АЛЛАХКА ШҮГҮРЛӨР БОЛСУН Аскер кызматында жүргөн бир жигиттин бир буту экенчисинен 3 см кыска экен. Ал жигиттин бутун узартуу-өстүрүү үчүн 3 жолу операция жасалды жана ар бир операциядан кийин болгону 1 см узарта алышты. Андан кийин 3 ай төшөктө жатып, ар 6 айда бир операция жасалып жатты. Элестетип көрүңүз 170 см болгон боюңуздун ар бир сантиметрин узартуу үчүн операция жасалганда, өмүрүңүздүн 42 жылы төшөктө жатуу менен өтмөк жана болгону 1 сантиметрден узартып отуруп 170 жолу операция жасалмак... ДЕНЕ-БОЙДУ, БААРЫН БЕКЕР БЕРГЕН АЛЛАХКА ЧЕГИ ЖОК ШҮГҮРЛӨР БОЛСУН!!! ДЕН-СООЛУК жана БОШ УБАКЫТТЫН кадырына жетели, достор! Идрис акын

17.10.2019
УСТАТ менен УСТА (бөлүшкөндү унутпайлы достор) Уста: Бирөөнүн чала таштап кеткен ишин алып бүтүрүү өтө кыйын. Андан көрө башка үйдү башынан баштаганың жакшы Устат: Ээ балам, мен сага андан да кыйын ишти айтайынбы? Бирөөнүн чала тарбияланып ташталган баласын тарбиялоо - сен сүйлөнүп жаткан үйүңдөн 3 миллион эсе кыйыныраак... Бала эч качан сен каалагандай болбойт, бала сен тарбиялагандай болот! Өз балаңдын тарбиясынын жоопкерчилигин өз мойнуңа ал, ошондо баары жакшы болот! Балдар - жазыла элек актай баракка окшош, ак кагазда сенин гана жазгандарың көрүнөт. Балдар - бош турган эгин талаасына окшош. Эмнени эксең ошону оросуң. Эч качан бош турган жерге картөшкө эгип, ордуна буудай жыйнабайсың... Сенин ордуңа бирөө уста, директор, инженер, механик, грузчик, таксист боло алат, бирок сенин ордуңа эч ким эч качан АТА-АПА болуп бере албайт!!! Ушуларды унутпа балам... 17.10.2019 Идрис акын

28.11.2019
АТА-ЭНЕЛЕР АБАЙЛАСЫН Балаңыздын жакшы көргөн оюнчугун жоготуп алып ыйлап жаткандагы кайгысы, чоң эле адамдын жакын адамын жоготуп алып ыйлап аткандагы кайгысы менен барабар... Баланын көз жашына кайдыгер болбоңуздар. Кайдыгерликтин айынан бала кийин сизге эч кандай арманын айтпай койот. Атам барибир түшүнбөйт-деп арманын ичине жутуп жашайт. Кичинекей дүкөндүн кичинекей карызын төлөй албай, сыгылып айта албай, ата-энеме айтсам урушат- деп отуруп өзүн өзү суицид менен жашоосуна чекит коюп жаткандар бар... ҮЙГӨ КЕЛГЕНДЕН КИЙИН ТЕЛЕФОН -ТЕЛЕВИЗОРДУ ТОКТОТУП БАЛДАР МЕНЕН БААРЛАШАЛЫ УРМАТТУУ АТА-ЭНЕЛЕР!!! 28.11.2019 ИДРИС АКЫН

01.06.2020
БАРАКЧАМА АДАШЫП БАШ БАККАНДАР! "атаңын жашына жеткенде акыл айт" - деп сүйлөгөндөр пайда болду.😊😔😊 Атам да 35 жашында акыл айткан экен. Мен демек атамдын ошол жашына жетиптирмин. Анын үстүнө "достор" - деп кайрылып макала жазам. Досмун-дегениң оку, дос эместериң акыл айтпай ары чыгып кете бергиле. Мен да интернеттен өзүмө керек инсандар менен достошом, калганынан өчүрүп чыгып кетем... Интернетте менден: -сабак өтүп туруңуз - деп суранган окурмандар үчүн гана кирем, болбосо эмне зарыл өзөгүңдү өрттөгөн өзгөнүн жаман сөзүн угуп! Жаштарга акылды сен айтпасанэң, мен айтпасам, анан ким айтат! Баарыбыз интернеттен ушакташып эле отура берели анда! Жеген тамак менен кийген кийимди көргөзүп, кылыктангандардын кылыгына карап жата берелиби? 😔😔😔 Кыскасы, менин макала же сабактарымды "ДОСМУН" дегендер окугула, калгандар подпискаман чыгып кете бергиле, көзүм учуп жаткан жери жок!!!

17.10.2019
Төрт сүйлөмгө төрт саат ойлоносуң 1. Кээ бир адамдар өздөрүнүн үстүнө кийген кийиминен арзан болушат... 2. Амалкөйдү адашып ашынам (досум) деп жүрбөгүн, ач көз байды адашып кошунам деп жүрбөгүн... 3. Айыбы чыккан кишинин узун боюу пас болот... 4. Барбаган жерде бакыт көп, барсаң бирок таппайсың... Итиң жаман болсо атып кутуласың, Атың жаман болсо сатып кутуласың Коңшуң жаман болсо көчүп кутуласың Аялың(күйөөң) жаман болсо кетип кутуласың ПЕЙИЛИҢ жаман болсо НЕТИП кутуласың? Пейилди оңдойлу, жашоодогу ар бир жакшы-жаман нерселер пейилибиздин түздүгүнө байланыштуу... 17.10.19 Идрис акын

28.11.2019
ҮЙЛӨНГӨН БАЛДАР ҮЧҮН 1 Аялды эрге, эрди ата-энеге баш ийдирип койгон кудуреттүү Кудайга шүгүрлөр болсун. Эгерде эркектер ата-энеге кызматыбыз начар болсо, аялдарыбыз да бизге начар кызмат кылат... 2 Кайын энесинин купулуна толгон келин гана башка келиндерге караганда бактылуу жашайт. Өз энеси мактап турган келинди жаман көргөн күйөө баланын же көзү көр, же акылы анча иштебейт... 3 Сен үчүн баарын таштап келген келинге жардамчы боло албаган күйөө баланын башынан балакет көтөрүлбөйт. Келин сенин үйүңө бир күнгө же бир жылга келген жок. Бүтүн өмүргө келди. Сенин туугандарыңдын арасында бир гана сени тааныгандан кийин сен гана ага өмүр бою жардамчы боло аласың... 28.11.2019 ИДРИС АКЫН

01.06.2020
Эртеңки сабак эсиңерден чыкпасын достор Рахат Аманбаева приглашает вас на запланированную конференцию: Zoom. Тема: Зал персональной конференции Рахат Аманбаева Подключиться к конференции Zoom
https://us02web.zoom.us/j/7273335602?pwd=ZjZTTnhIOWpNT1NHKzlaeEdkV3FYZz09 Идентификатор конференции: 727 333 5602
Пароль: 6gCcyA