09.11.2019
ЭЧ КИМГЕ КУЛАК САЛБА!!! Бийик тоого жүздөгөн курбакалар секире баштаса, миңдеген курбакалар эки четте карап турушат. Мелдеш башталар замат тоонун бийиктигин көрүп, эки капталдагы бакалар: "БЕЧАРАЛАР, БАЙКУШТАР, ЖЕТЕ АЛБАЙСЫҢАР!" - деп бакыра башташат. Чындап эле жарым жолдон курбакалар кулай башташат. Баары кулай берип, акырында бир гана курбака бийик чокуга жетет. Башка курбакалардын баары жетип барып: "азаматсың, бир гана сен жеттиң. Кантип жеттиң, сыры эмнеде? "-деп суроо узатат. Баарын карап турган жеңүүчү курбака СӨӨМӨЙҮ МЕНЕН 2 КУЛАГЫН КӨРСӨТҮП, КУЛАГЫ УКПАГАНЫН ТҮШҮНДҮРӨТ. Көрсө ал курбака ДҮЛӨЙ экен. ЖЫЙЫНТЫГЫНДА Баарына кулак сала берсең эч нерсе кыла албайсың. Тескерисинче депрессияга кабылып, психигиң чыгып, эрте эле өлүп каласың. Көздөгөн бийик максатыңа бекем кадамыңды таштап бара бер. Көңүлүңдү калтыра турган бир да сөздү укпа, андайларга ДҮЛӨЙ кейпин кийип ал! Жакшы жашоо кааласаң Жакшы кеңеш - билип ал Көңүл бурбай ар кимге Жинди чалыш болуп ал 09.11.2019 Идрис акын

23.03.2020
ГҮЛ -ГҮЛ СУНГАН КОЛДО ГҮЛДҮН ЖЫТЫ КАЛАТ. -Гүлгө чымын-чиркейдин баары конот, бирок аары гана анын балын соруп алат... -Жакшы кишинин жаман кошунасы короосундагы таштандыны салып, анын эшигине таштап кете берет. Жакшы аны алып тазалап, короосундагы бышып жаткан мөмөдөн салып алып кирип бере берет. Бир күнү жаман кошуна :"эмнеге ушинтесиң" - таң калып сураганда ;"кимдин короосунда эмне бар болсо, ошонусу менен бөлүшөт" - деп жооп берет... -Гөңдүн арасында жалгыз өскөн гүлгө учуп барып көнгөн БАЛ ААРЫ болуу керек. Гүлзардын арасындагы гөңгө барып конгон ЧЫМЫНДАЙ болбостон!!! -Бир чака суу кумурска үчүн деңиз, жылкы үчүн суусундук, балык үчүн Ата-Журт... -ӨЛКӨНҮН КЕЛЕЧЕГИ КОРОНАВИРУСКА ЭМЕС, КАЛКЫНЫН АДЕПТҮҮЛҮГҮНӨ БАЙЛАНЫШТУУ. АДЕПТҮҮ КАЛК КОРОНАВИРУСТУ ДА ЖЕҢИП ЧЫГА АЛАТ... 23.03.20 ИДРИС АКЫН

08.11.2019
ҮЙ-БҮЛӨ 1. Курулуш өтө кыйын, бирок бузулушу өтө оңой болгон ҮЙ-БҮЛӨ деген ыйык мекеменин кадырына жетүү керек! 2. Үйлөнүү оңой, ҮЙ БОЛУУ КЫЙЫН 3. ЭРИҢДИ ЖАМАН КӨРСӨҢ ДА (аялыңды жаман көрсөң да) жакшы көргөнгө аракет кыла бер, шайтандын же напсиңдин жаман көрсөткөн кишисинде Аллах жакшылыкты катып койгондур.... 4. Эрлерин адам кылып тарбиялап алган АЯЛДАР көп, бирок АЯЛДАРЫН АДАМ КЫЛЫП ТАРБИЯЛАП АЛГАН ЭРКЕКТЕР АЗ! 08.11.2019 ИДРИС АКЫН

22.03.2020
БЛОК ПОСТ Айылдарга БЛОК ПОСТ коюлгандай эле, Бүгүн Соцтармактагы бузукулардын баракчасына да БЛОК ПОСТ коюу керек. _____________________________________________ IT - ишниктерди колдонуп, компьютер мыктыларын чогултуп, интернет ичиндеги чириткилердин баракчалары блоктолуп, көзөмөлгө алуу абдан керек. Мыйзам боюнча жоопко тартуу керек... Азыркы учурда бул дагы аба-суудай керек _____________________________________________ Бул ооруга каршы бир гана биримдик-ынтымак, буйрукка баш ийүү, гигиена, дуа менен туруп-жеңип чыга алабыз. Менмин деген державалар оорууга каршы бомба, танка, ракета сыяктуу куралдарын колдоно алган жок... Бир гана гигиена, тартип, тазалык, үйдөн чыкпоо сыяктуу каражат талап кылынбаган аракеттер менен жеңишти.. Үйдөн чыкпаңыз, бир айда аттап өтүп кетебиз, буюрса... 22.03.20 Идрис акын

08.11.2019
БАЙКУШ БҮРГӨ же БАЙКУШ БАЛА (Ата-энелердин эсине) Бүргө 2 метр ашык секире алат. Бийикке секирген бүргөнү 5 см кутуга салып ЭКСПЕРТТЕР карап отурушат. Секирген сайын башы катуу урулган бүргө, акыры башы ооруп секирбей калат. Бир канча убакыт күзөтүп караса, башынын оорушунан коркуп калган бүргө бир да секирбей калат. Ал бүргөнү кутудан чыгарып койо бергенде да секирбей койот. Боштондукта жүрсө да көнүп калган адатын таштабайт... ОШОНДУКТАН Мындан улам, балдарыбызды да бүргөдөй кылбай, аракеттерин буубай, жөн отур, кылба, нетпе дей бербей, тескерисинче багыт берип, дем берип, кубаттап туралы... (Керек болсо окугула, болбосо башымды оорутуп жаман комментарий жазбагыла. Бир китеп окуп бир макала жазасын, жаманын өчүрүүгө бир күн, мээңден өчүрүүгө бир ай коротуп жатам!) 08.11.2019 Идрис акын

21.03.2020
ААЛАМДЫ БАШКАРГАН АЛЛА, КОРОНАВИРУСТУ ДА БАШКАРАТ. Пандемия келгенде бир да өлкөнүн эли -ТҮНДҮК - ТҮШТҮК болуп бөлүнбөдү -Теңирчи, каапыр, мусулман болуп бөлүнбөдү -кедей-бай болуп иргелбеди -сен-менге барбады -жалган маалымат таратпады -элди дүрбөлөңгө салбады -бийликтин буйругун бурмалабады... -ЭНПОлору элди энсиретпеди -соцтармактары сасыбады -фейктери фалштык кылбады -белгилүүлөрү балп этпеди, -жылдыздары жөөлүбөдү ЫНТЫМАК МЕНЕН БИРИГИШТИ. УЛУТУНА КАРАБАЙ, УЛУУЛУКТУ ТУУ ТУТУШТУ. Үйдө баатыр жоодо жоктор! Жаны шириндер! Жаның чыгып жатса да, тилиңерди тыйып, жок дегенде зыяныңарды элге тийгизбегиле. Ансыз да бир тыйындык пайдаңар жок.... Коронавирустан корккончолук Кудайдан коркконубузда, аттиң.... 21.03.20 Идрис акын

07.11.2019
ТЕМИР ТАПКА КЕЛГИЧЕ КӨМҮР БҮТӨТ АДАМ АКЫЛГА КЕЛГИЧЕ ӨМҮР БҮТӨТ. НЕГИЗИ 1.Менин макалаларым мага да жакпайт.. 2.Башымда балакет жок туруп башкаларга акыл айтканым үчүн өзүмдү-өзүм жек көрөм.. 3.Жазган макалаларым үчүн жеке баракчама байланышып кээлери "рахмат" - деп айтса, кээлери "акмак" - деп айтышат... 4.Рахмат-дегендер ыраазы богула, акмак-дегендер кечирип койгула... 5.Силер мени жек көргөндөй мен да өзүмдү өзүм жек көрөм... Сабагымды койбой, башкаларга окшоп жеген тамагымды койсом балким мындай болбойт эле... 6." Акын - элдин уулу" - деп койсо чокчоңдоп, элдин көйгөйүн менин көйгөйүм-деп жаза берип, элдин кыжырына тийип алдым кошойт... 7. Битке өчөшүп көйнөгүңдү отко салаба - дегендей, бизге өчөшүп бир - экөөң башыңды оорутпа... ЖҮРӨК ЖҮКТҮҮ САНДЫК: ЭП КӨРГӨНҮН ДА, ЖЕК КӨРГӨНҮН ДА БАТЫРА БЕРЕТ ЭКЕН. ЖҮРӨГҮҢӨР ООРУБАСЫН. КОШ БОЛГУЛА. БАКЫТКА БАЛКЫП, БИР-БИРИҢ ТАРТЫП ЖАШАЙ БЕРЕЛИ...

21.03.2020
Эки кызынан кабар алганы барган ата😊 Батманын үйүнө барса, кызы сүйүнүп : "жакшы болду келгениңиз. Күйөө балаңыз менен бир гектарга буудай септик. Эми дуа кылсаңыз бир апта жамгыр жаап берсин. Буудайыбыз өнүп калмак" - дейт. Дуа кылып ал жерден экинчи кызынын үйүнө барат. Экинчи кызынын үйүнө барса, ал да сүйүнүп тосуп:"жакшы болду келгениңиз. Күйөө балаңыз менен ылайдан гыш (кирпич) куйдук. Эми дуа кылсаңыз бир апта күн чыгып ысып берсе, үй салып алабыз кургаса"-дейт. Дуа кылып ал жерден үйүнө келет. Үйгө келсе кемпири "кыздар кандай экен" - деп сураса, абышка: "ЖАМГЫР ЖААСА ЗУУРА, ЖААБАСА БАТМА ЭНЕСИНИН КҮНҮН КӨРӨТ "-дейт имиш😊😊😊

07.11.2019
Жөн эле эсте калган МАКАЛДАР 1 Ар бир адам менсинет, куурай гүлгө теңсинет... 2 Баарына жагамын десең, бирине да жакпайсың... 3 Жемди көргөн бөдөнө торду көрбөйт... 4 Амалкөйдү адашып ашынам деп жүрбөгүн, ач көз байды адашып кошунам деп жүрбөгүн... 5 Биттүү конок батат, иттүү конок батпайт...

21.03.2020
АДАМ... Куш сымал учканды, балык сымал сүзгөндү үйрөнүптүрбүз. Бирок бир тууганча жашаганды унутуптурбуз... Мурдагылар душманына кылган жакшылыкты, азыркылар тууганына кыла албай жатышат. Мурдагылар күмөндөн качканчалык, азыркылар арамдан кача албай жатышат. Мурдагылар нафил намазга көңүл бурганчалык, азыркылар парз намазга көңүл бура албай жатышат... Адамга эң туура таратылган нерсе акыл болсо керек. Себеби эч ким өз акылына нааразы эмес... Кээ бир адамдардын кийген кийими өздөрүнөн кымбат... АКЧАСЫН жоготкон адам аз нерсесин жоготот, ДОСУН жоготкон адам көп нерсесин жоготот, ЫЙМАНЫН жоготкон адам бардык нерсесин жоготот... Акыл жашта эмес, башта. Бирок акыл башка жаш өткөн сайын топтолот... Акыл-эси ордунда адамдын динсиз жашашы мүмкүн эмес... Лев Толстой Ар бир адам айга окшош, эч кимге көргөзбөгөн дагы бир жагы бар... Марк Твен Ар бир адам өзү билген нерсе жөнүндө гана сөз сүйлөсө, дүйнөнү жымжырттык басат эле... Адамдар айта турган сөздөрүн алгач жазып анан сүйлөөгө мажбур болушканда, анда айта турган сөздөрүнүн көбүнөн баш тартышмак...Идрис акын Ар ким корккон нерселеринен качат, бирок Кудайдан корккон ага жакындайт... Убакытты текке коротуу дегени, өмүрдү текке коротуу дегени! Убакытты ысырап кылуу дегени, өмүрдү ысырап кылуу дегени. Карантиндин учурун, илим алуу менен пайдалана билиңиз... Илим жана ибадатка көңүл буруңуз. Майрамыңыздар менен достор. 21.03.20 Идрис акын

20.03.2020
МАМЛЕКЕТ... МАМЛЕКЕТКЕ ЖАРДАМ БЕРЕМ ДЕСЕҢИЗ... - Мамлекет жардылыктан эмес, АДЕПСИЗДИКТЕН жоголот! -Мамлекет дегениң тек гана адам сымал болсо атаганат... Мисалы, бир адам манжасынан жаракат алса, ал адамдын жан дүйнөсү жана тулку бою ал адамды башкарган башы менен чогуу жаранын азабын тартып, жалгыздын дарты, жалпынын дарты болбойт беле. (Платон) -ушул тапта МАМЛЕКЕТ МАГА ЭМНЕ КЫЛДЫ - ЭМЕС, МЕН МАМЛЕКЕТКЕ ЭМНЕ КЫЛДЫМ ЖАНА ЭМНЕ КЫЛА АЛАМЫН-деген суроо актуалдуу. МАМЛЕКЕТ ҮЧҮН ЭҢ ЧОҢ ЖАРДАМ, -СЫРТКА БАСПОО, -МАСКА ТАГЫНУУ, -КОЛ АЛЫП КӨРҮШПӨӨ, -ӨЗДҮК ГИГИЕНАНЫ КАРОО, -БАЛДАРДЫ СЫРТКА ЧЫГАРБОО, -СОЦТАРМАКТАН ЖАЛГАН МААЛЫМАТ ТАРАТПОО, -ЫНТЫМАККА КӨҢҮЛ БУРУУ, -БИЙЛИККЕ КАРШЫ ЧЫКПОО, -ДИН АРАЛЫК КАСТЫКТЫ ЖАРАТПОО, -ӨКМӨТТҮН ИШИНЕ ТОСКООЛДУК ЖАРАТПОО, -ЭҢ НЕГИЗГИСИ ИБАДАТТЫ БЕКЕМДЕП, БАТАА-ДУАНЫ КҮЧӨТҮҮ... ЖОГОРУДАГЫЛАРДЫ АТКАРУУ ҮЧҮН ЭЧ КАНДАЙ КАРАЖАТ ТАЛАП КЫЛЫНБАЙТ!!! (КОРОНОВИРУСТАН КОРККОНЧОЛУК КУДАЙДАН ДА КОРККОНУБУЗДА АТТИҢ... АЙЫЛДА АЛЛА ДЕП АРАҢ ТУРСАК, АЛЛА МЕНЕН ИШИ ЖОК АРАК ИЧИП КӨЧӨДӨ ТОПОЛОҢ КЫЛЫП ЖҮРГӨНДӨРГӨ ТАҢ КАЛАСЫН) 20.03.20 ИДРИС АКЫН

19.03.2020
Жөн гана намаздан кийин келген ой... Ала-Тоону Аллах өзү сактасын Босогоңдон бери кырсык баспасын Дүйнө кезип кеткен кыргыз көп жаша Дооруңду сүр, бирөө ооруп жатпасын... ................ Абалдан пайдаланып акылдуу болгондорго! ЭЭртең эл карай турган жүзүңөрдү жер каратып албагыла... Суу жээкке көтөрүлгөндө балыктар кумурскаларды жейт. Суу жээктен тартылганда кумурскалар балыктарды жейт. Демек эч ким бүгүнкү күчүнө ишенбеш керек. Себеби кимди ким жей тургандыгына "суунун агымы" өкүм берет... ............... Хасбиналлохи ва ниъмал вакиил Аллах баарына жетиштүү. ................ 19.03.20 Идрис акын

01.05.2020
Канал менен калк ичине сиңип баралы. Катталууну жана бөлүшүүнү унутпаңыз. Үй-бүлө менен бирге отуруп, ар бир сабагыбызды талкуулап көрүңүз. Чоң рахмат

01.05.2020
Кайрымдуулукту өздөрүнө кесип кылып алган берешендерди бирге иштөөгө чакырам. @akysyz_berem менен байланышып, жөн эле колдонулбай жаткан сизге тиешелүү буюмдан бир муктаждын көңүлүн алыңыз. БЕЙИШ ЖООМАРТТАРДЫН МЕКЕНИ @kg_aiitbaev

01.12.2019
ЖҮРӨКТӨР ЭС АЛСЫН (жакшы адамдардын эсине) Сен качан эс аласың? - деген суроого Кол менен бут айтат : Биз кожоюн уктаганда эс алабыз Ашказан айтат: Мен жеген тамакты сиңиргенде эс алам Бардык дене мүчөлөр жооп берип, аягында ЖҮРӨККӨ кезек келет. Баары ЖҮРӨК уктаганда да иштеп турат, өлгөндө токтойт, ушу жүрөк эс албаса керек-деп отурса, ЖҮРӨК АЙТКАН ЭКЕН: МЕН КАЧАН ГАНА ЖАКШЫ СӨЗ УККАНДА ЭС АЛАМЫН!!! Жүрөктөрдү жаман сөз менен жүдөтпөгүлө!!! 01.12.2019 Идрис акын

01.05.2020
ЭТИЯТ БОЛ Отурган бөлмөңүздү тазалып отурайын десеңиз; - терезеден чаң, - эшиктен кир, - там башындагы тешиктен суу тамып жаткан болсо, биринчи эмне кыласыз? Албетте - тешиктерди бүтөйсүз, - эшик - терезени жабасыз. Анан үйүңүздү тазалайсыз. Дал ошондой эле КӨЗ, КУЛАК, ООЗДУ да АРАМДАН ЖААП -БҮТӨП анан ДИЛДИ ТАЗАЛОО КЕРЕК. Ансыз эч качан ыйман бекем болбойт.... бир гана намаз окуп, бирок ооз, кулак, көзүн күнөөдөн тыйбаган инсандар көпчүлүктү түзөт экенбиз. Арамдан тый ооз, кулак, көзүңдү Жалгандан тый ар бир айткан сөзүңдү Жаратканга жагам десең түбөлүк Жамандан тый, жакшы карма өзүңдү Идрис акын... 01.05.2020