15.03.2020
Ден-соолуктун кадырына жетиңиз... Ооруп жаткан падышага караганда, ойноп жаткан тилемчи бактылуу... 15.03.20 Идрис акын

10.10.2019
Кыргыз-казак достугун даназалаган айтыш Ош облусунун казысынын акесинин тоюнда далилденди. Сүрөттө Балгынбектин жанында менин шакиртим Адилет Замирбеков, ал эми мение жанымда анын шакирти Биржан Байтуев... Достукка кызмат кылгандардын жүрөгү жок дегенде жүз жылы дүкүлдөп иштеп турсун. Атабаевтердин үй-бүлөсүнөн Аллах ыраазы болсун.

13.03.2020
Балаң үчүн оку жана бөлүшүп кой Балам үчүн жашап жатам, балам болбогондо эчак эле жыйыштырып коймокмун баарын-деп напсинин сөзүнө алданып, шайтандын тузагына түшпө. Балдарыңа бооруң ачып жатса ук анда. Ортоңордогу ызы-чууну көрүп чоңойгон баланын жан дүйнөсү ансыз да талкаланып чоңойот. Бала үчүн жашап жатам деген жалган шылтоо менен баланы кошо кыйнап жатасыңар. Ата-эненин ортосундагы көңүлсүз, бактысыз жашоого курчалган балаланын бактылуу балагы кошо талкаланат. Балам үчүн жашап жатам - дебе мага, балалыгын талкалап туруп. Өзүңдү бактылуу сезмейинче балаң бактылуу болбойт эч качан. Балаңдын бактылуу балалыгын өзүң менен кошо талкалабай, жашоону жакшы жакка өзгөртүү өз колуңда турат. Аялыңды болушунча сүй же барынча сүй, кандай болсо ошондой сүй. Күйөөңдү болушунча сүй, жоктон бар кылып сүй. Унутпа Аллах Таала силерге жаман көрүнгөн нерсенин аркасына жакшылыктарды жашырып койгон... Үй-бүлө чырын үшкүрүнүп ар кимге айта бербей, сабыр жана акыл менен элдешип, жакшы жакка чечиңиз... Ата-энени баласы үчүн аткара турган эң чоң жакшылыгы, АТА МЕНЕН АПАНЫН БИРИН БИРИ СҮЙҮҮСҮ ЖАНА СЫЙЛООСУ. 13.03.20 ИДРИС АКЫН

13.03.2020
ҮМҮТ... Кече бир жерде семинар бердим. Жаштардын берген суроолорунун көбү өлүм тууралуу болуп калыптыр. Ата-энелердин балдарынан алыс жүргөндүгү, тарбия менен машыкпай бардыгын материалдык кызыкчылык менен чечүүгө аракет кылгандыгы кайсы бир деңгээлде ушунун баарына себеп болууда... Бала кезимде бир баланын асынып өлгөнүн угуп апама айтсам, апам өтө катуу ыйлап, өз баласы өлгөндөй кайгырып кирди. Эмнеге ыйлап жатасыз десем... Ошончо жыл жебей жедирип, ичпей ичирген апасын ойлобойбу. Бир өлүмдөн калып төрөсө, бир болбогон нерсенин айынан өзүнө зыян кылса туурабы анан. Ар бир абалыңда ата-эненин канчалык кыйынчылык менен чонойткону эсиңден чыкпасын деп бакырып салды. Аябай таасирлендим. Бүт нерседен үмүтүн үзүп жипке асынган адамдын да акыркы үмүтү: "УШУЛ ЖИП ҮЗҮЛҮП КЕТСЕ ЭКЕН, ЭКИНЧИ МЫНДАЙ КЫЛБАЙТ ЭЛЕМ" - деген үмүт болот. Демек үмүт эч качан үзүлбөйт. Ошол кезден бери кыйналганымда апамдын ошондогу ыйлап айткан сөзүн эстей берем. Балдарга апалардын жана аталардын мээримин сездирген семинарларды, жолугушууларды уюштуруп туруу керек. Мектепте мени "агай сизди" АТА" десем болобу" - деп кучактап ыйлаган окуучуларым болгон... 13.03.20 Идрис акын

13.03.2020
КУДАЙГА ШҮГҮР Кандай - деген суроого "жакшы" - деп жооп берген сахабага пайгамбарыбыз САВ "туура эмес жооп бердиң" - деп айтат. Алгач "Аллахка шүгүр, андан кийин жакшы" - деп жооп берип үйрөнгүлө дейт... Кечинде уясына конгон чымчыктын жанында эртең жээй турган тамак-ашы жок. Бүгүнкү күнгө шүгүр деп жатат жана эрте таңда дагы ырыскы издеп учуп жөнөйт... Биздин кечинде жатаарыбызда жаныбызда эртеңки эмес, балким эмки айдакы же жылдагы жээй турган нерселерибиз бар. Ошентсе да бакытка балкыбай, бактысыздыктын баткагына батып жашайбыз... Өзүңдү бактылуу сезмейинче өзгөлөрдү (жакындарыңды) да бактылуу кыла албайсың... Жылмаюну билбеген кишиге бакыт да жылмайбайт. Кудайга ШҮГҮР - деп жашайлы 13.03.20 Идрис акын

13.03.2020
МЕЙМАНГЕРЧИЛИК КЫЛ, бирок МАҢКУРТТУК КЫЛБА!!! (Туугандардын эсине) Эшик кагуу адеби Туугандын үйүнө барып эшигин каккан кезде биринчи эшикти секинирээк кагыңыз. Экинчи ирет кагуу үчүн беш мүнөт күтүү адептен. Балким үй ээси намаз баштап калгандыр, 4 рекеттик намаздын бүтүшүнчө күтүү адептүүлүк. Үчүнчү ирет каккандан кийин ичкериден жооп келбесе капа болбой кайтууну үйрөнүү керек... Келген мейман кайтарында КӨЗҮҢДҮ КӨР, КУЛАГЫҢДЫ ДҮЛӨЙ, ТИЛИҢДИ САКОО-ДУДУК кылып кайтуусу керек. Тагыраагы ошол үйдө болгонду көрүнгөнгө жамандап жар салбоосу керек... Тынч жашап жаткан үй-бүлөлөрдү МЕЙМАН БОЛУП КЕЛГЕН ТУУГАНДАР ГАНА КЫЙРАТЫП жатат көбүнчө.... 13.03.20 Идрис акын

13.11.2019
КАГЫНЧААК КАЙЫН ЭНЕГЕ, БАГЫНЧААК КЕЛИН ЧЫКПАЙТ! (энелердин эсине) Келин жаман эмес, келген жер жаман... Келиниң жаман чыкса балаңдан көр... Келинин кызындай көрүп колтугуна батыра алган энелерге чоң рахмат. Кыргызстанда келиндерин мактаган кайненелер көп болсун ылайым. Урматтуу ата-энелер, келин менен урушуп, балаң менен ажыраштырып, неберелерди жетим калдырып эмне пайда табабыз! БИЛЕМ Карыганда катын жоо Баркыңды билбей балаң жоо Кылыгың жакпайт кызың жоо Кебиң жакпайт келин жоо Туурадан чыккан тууган жоо Ошолордун ичинде Кантип болосуң дениң соо КАЛП КАТКЫРЫК ЫЙДАН ЖАМАН! КАЙГЫРЫП УКТАСАҢ, ООРУП ОЙГОНОСУҢ -дейт кыргызда. Баары өзүбүздүн колдо, башкалар келип жасап бербейт. КАЙЫН ЭНЕ акылдуу болсо, КЕЛИНИ УЯТТУУ болот. (Чымчыктын уясы болсо да бузулбасын) 13.11.2019 Идрис акын

12.11.2019
АДАМ БОЛЧУ КИШИНИН АДАМ МЕНЕН ИШИ БАР! (жаштардын эсине) КОЗУ чоңойсо КОЙ болушу анык КҮЧҮК чоңойсо ИТ болушу анык Бирок БАЛА чоңойсо АДАМ болушуна ГАРАНТИЯ жок... Урматтуу балдар, аткарып жаткан ар бир ишибизден ата-энебизге АЛКЫШ же КАРГЫШ алып жатабыз. АТА-ЭНЕБИЗДИ ТААНЫШЫ ШАРТ ЭМЕС Жакшы ишибиз үчүн башкалар бир гана бизге эмес, "АТА-ЭНЕҢЕ РАХМАТ" - деп, аларды да макташат. Жаман ишибиз үчүн башкалар бир гана бизге эмес, "ТАРБИЯ БЕРГЕН АТА-ЭНЕҢЕ НААЛАТ" - деп аларды кошо каргашат. АТА-ЭНЕЛЕРИБИЗДИН ЭЛ КАРАГАН ЖҮЗҮН ЖЕР КАРАТПАЙЛЫ. АТА-ЭНЕНИН ЭҢ ЧОҢ КУБАНЫЧЫ - БАЛАСЫ АРКЫЛУУ КЕЛГЕН КУБАНЫЧ, АТА-ЭНЕНИН ЭҢ ЧОҢ КҮЙҮТҮ - БАЛАСЫ АРКЫЛУУ КЕЛГЕН КҮЙҮТ! 12.11.2019 ИДРИС АКЫН

12.11.2019
АРМАН ДҮЙНӨ АКЖОЛТОЙ айтар сөзүм таппай турам Арманым ичке жутуп батпай турам Кош эми кош бол менин бир тууганым Айтышта катар басып бир турганым 😔😔😔 Залкарлардын дагы бири арабыздан кетти. Майра Керим кызы апабыздын уулу, төкмө акын Акжолдун бардык жакындарына көңүл айтам. Тагдырдын жазганы ушул экен😢😥😥 Инна лиллахи ва инна илайхи рожиуун Аллах Жаннатынан орун берсин😢😭😢

10.11.2019
БИР МАКАЛДАН, БИР ӨМҮРЛҮК САБАК... АШЫ КОРДУН БАШЫ АЗИЗ, АШЫ АЗИЗДИН БАШЫ КОР... Айланаңдагы жакын адамдарыңа ашыңды кор кылып чачышты билсең, башкалар сени жоомарт инсан катары башыңды азиз кылып сыйлашат. Тескерисинче ашыңды азиз кылып, ыйык тутуп, сараңданып бекитсең, башкалар сени жек көрүп, өзүнө кошпой башың кор болуп кыйналасың... Ички дүйнөң тар болсо, кең дүйнөнүн эмне кереги... 10.11.2019 Идрис акын

09.10.2019
Тууганчылыкты токтотпо... "келбегенге баруу, бербегенге берүү, зулумдук кылганды кечирүү" - бул адамдык эң асыл сыпаттардын бири. Хадис "Ырыскысынын көбөйүшүн жана өмүрүнүн узун болушун каалаган адам тууганы менен жакшы болсун" - хадис. Колунда жокторго берилген садака бир садака болсо, туугандарга берилген садака эки садака болуп саналат : бири садаканын сообу, дагы бири туугандыктын сообу... Аллах Таала айтат:" тууганчылык байланышка кол сунганга кол сунам. Алаканы үзгөндөр менен мен да кол үзөм". ХАДИСИ КУДСИЙ деп-алланын сөзүн пайгамбар САВ айтат, мына ошого айтылат 09.10.19 Идрис акын

10.11.2019
АЙТЫҢЫЗЧЫ АКСАКАЛ... (Ата-энелердин эсине) Картайып калган абышканын жанына жаш бала келип суроо узатат: -Айтыңызчы аксакал, карылыкка багынып, БАЛАЛЫК КЕЗИҢЗИДИ сагындыңызбы? Аксакал ал бала менен бардык балдарга сабак боло турган жооп калтырды: -БАЛАМ, КАРЫЛЫККА БАГЫНДЫМ. ӨЗҮМДҮН БАЛАЛЫГЫМДЫ САГЫНБАДЫМ, БИРОК БАЛДАРЫМДЫН БАЛАЛЫГЫН САГЫНДЫМ. Анкени балдарым бала кезинде мени сагынып ыйлашат эле, мен келгенде мени сыйлашат. АЗЫР МУРДАГЫДАЙ БОЛБОЙ КАЛДЫ - деп кайгырып үшкүрүнгөн экен.... ...................... Аял-бала-чакаң менен алаксып отуруп, ата-эне эстен чыгып кетпесин... Балам-балам деп жашасак, балдарыбыз да балам-балам деп жашайт. КАЙТАР ДҮЙНӨ Балдарыбызга ата-энебизди сыйлап жатканыбызды көрсөтөлү, ошондо алар дагы көргөнүн кайтарат бизге!!! ...................... 10.11.2019 Идрис акын

23.03.2020
ЖАКШЫ... Жакшы адам жер эсебинен, жаман адам эл эсебинен жансактайт... Жакшы-арына кул, жаман-малына кул... Жакшы болсо катының келип турат жакының... Жакшы болсо катының - табыла берет акылың, кууса да кетпейт жакының... Жакшы зайып таранчыны таеке, бөдөнөнү бөлө кылат... Жакшы келин - келин, жаман келин - өлүм... Жакшы кыз эрден чыкпайт, эрден чыкса да элден чыкпайт... Жакшыны уккуң келсе, жаманды айтпа... Жакшы чыкса келиниң - уулкңду кайра төрөйсүң, жаман чыкса келиниң - өз уулуңа өгөйсүң... ____________________________________________ Жакшы көрөт деп бара бербе, берет деп ала бербе... Апасы коңшунун үйүнөн чуркап келген беш жашар уулун бооруна катып: "уулум, коңшунун үйүнө кире бербе. Алардын да балдары көп, өздөрүнүн ызы-чуусу өздөрүнө жетет. Сен кирсең апасы жаман көрөт, кире бербе" - десе, баласы апасына карап: -жоок апа , андай эмес . мен кирсем апасы дайым мага карап " КЕЛ-КЕЛ ТӨРГӨ ӨТ, ӨЗҮ СЕН ЭЛЕ ЖЕТПЕЙ ЖАТАТ ЭЛЕҢ" - дейт имиш 😊🤣😊🤣😎😎 23.03.20 Идрис акын

09.10.2019
ТААЛИМ-ТАРБИЯ ТУУРАЛУУ Адам баласы төрөлгөндөн өлгөнгө чейин тарбия алууга жана тарбия берүүгө милдеттүү... Бала тарбиялоо жөндөмү болбогон, болсо дагы жоопкерчиликти мойнуна албаган ЭНЕ жана алардын эч бир көйгөйүнө чара көрбөгөн АТАНЫН балдары ата-энелери бар болсо да ЖЕТИМ болуп эсептелинет... МУРДАЛАРЫ, Ата-энеси жок ТОМОЛОЙ жетимдер, же ата-же апа жок ЖАРТЫ жетимдер бар эле. АЗЫР БОЛСО ата-энеси бар туруп ажырашып кеткен ТИРҮҮЛӨЙ ЖЕТИМДЕР БАР... ТОМОЛОЙ ЖЕТИМ ЖЕ ЖАРТЫ ЖЕТИМДЕР: "алар өтсө туугандарым бар" - деп ҮМҮТ менен чоңоюшат. Ал эми ТИРҮҮЛӨЙ ЖЕТИМДЕР БОЛСО: "таштап кеткен атасын же апасын жек көрүп КҮЙҮТ менен чоңоюшат экен... Чымчыктын уясы болсо да бузулбасын. ҮЙ өрттөнүп жатса баардык адам чуркап куткарабыз, бирок ҮЙ-БҮЛӨ бузулса баарыбыз чуркап сактабайбыз... 08.10.19 Идрис акын

09.11.2019
КӨПӨЛӨК ТИРҮҮБҮ? Шакирт колуна көпөлөк кармап, алаканына абайлап артына бекитип барат. Устатына жымыңдап барып: "устат, айтыңызчы, менин колумдагы көпөлөк тирүүбү же өлүүбү?" - деп суроо узатат да, өзү ойлонуп "азыр тирүү десе колум мынын мычкып салып өлтүрүп көрсөтөм, өлүү десе тирүү бойдон көрсөтөм" - деп даярданып турат. Шакиртинин жылмайып турганын карап устаты ушинтип жооп кайтарат: "БАЛАМ, КОЛУҢДАГЫ КӨПӨЛӨКТҮН ТИРҮҮ ЖЕ ӨЛҮҮ ЭКЕНДИГИ САГА БАЙЛАНЫШТУУ" Урматтуу өкүл балдарым, жашооңордун таттуу же ачуу болуусу эң биринчи орунда ӨЗҮҢӨРГӨ БАЙЛАНЫШТУУ. Шылтоону сырттан издебегиле. ҮЙ-БҮЛӨ БИРИМДИК МЕНЕН БАШТАЛАТ, ЫНТЫМАК МЕНЕН САКТАЛАТ!!! 09.11.2019 ИДРИС АКЫН

23.03.2020
БАБАЛАР жана БАЛДАРЫ БАБАЛАРДЫН АЙТКАНЫ: Бөтөлкө менен достошконуң, өмүрүң менен коштошконуң... Бузук адамга түзүк адам кас көрүнөт... Аракка чөгүп өлгөндөрдүн саны, деңизге чөгүп өлгөндөрдүн санынан алда канча арбын... Аракеч үй-бүлөнүн көз жашын жейт, анан өз башын жейт... Арак ичип чардагандын ата-энеси зар какшайт... Арак ичип чайпалгандын, балдарынын келечеги чайпалат... Аракка кандым дегиче, азапка калдым дегин... Арактан ичип кутулбайт, качып кутулат... Арактын арты жаман, айыкпас дарты жаман... БАЛДАРЫНЫН КЫЛГАНЫ идеологиянын жоктугу, же ишкерлердин шоктугу! Арак чыгарган иш каналар мекенге миллиондогон киреше алып келгени менен, миллиарддаган чыгашаларды да жасап жатат: ажырашуу, авария, кырсык, өрт, мушташуу, адам өлтүрүү, жетимдер, жесирлер, майыптар, таштандылар, оборт, зына, талак.... санай берсең кете берет. Бабаларыбыздын аттарын жана уюткулуу-уңгулуу улуу сөздөрдү - атың өчкүр аракка коюп алганы да арманыңды арттырат... Карантинде кадырыңды кетирип ичпегилечи, кагылайындар. Төбөлдөрү баш болуп арамга үгүттөгөн өлкөгө айланып баратабыз😔😔😔 23.03.20 Идрис акын