19.01.2020
Боенсом эле жакпайт экенмин силерге. Баарыңар эле чүйрүйөсүңөр! Өлө сүйлөндүңөр го!))) ГМО жегенде организмге жакпаган сыңары, жасалмалуулукка да аллергия башталды окшойт э? Элдин баарынын бирдей каш - кирпигин көрө берип тажаган окшойсуңар. Жан дүйнө да жасалмалуулуктан арылып, нупнукура бойдон калсын! Бейпил түн, каражандар! #бүгүнкүкүндөнбирсүрөт

11.02.2020
Көп учурда сезимдер, эмоциялар көздөрүңдү таңып алат экен. Кайнаган эмоцияларыңан сырткары чындыкты көрүш кыйын. Эмоцияларды жамынып жүрүп бир чындык көз жаздымда калыптыр. Көрсө, эркектер сүйөт экен. Сүйгөндө да бизден ашып түшүп, болгон дүйнөсүн берип сүйөт экен. (Прикинсең дегим келип кетти ушул жерден!))))) Өзүмдүн жаралары мн алек болуп атат көп нерсени көрбөсөм керектир. Азыр суу тунуп, акыл тазарган соң, таза көз мн кылдат карап, көкүрөк мн тыңшасам, болуп көрбөгөндөй назик дүйнө чыкты алардан. Тээ алмустакта жырткычтар мн күрөшүп, токоч таап келгендин ролунда болгону үчүн жашоо алардын сезимдерин катууга, жырткыч мн жырткыч болууга, алсызларды коргоо үчүн кол салууга түртсө керек. Сыртынан катуу, тикенек көрүнүшкөнү мн ичине кире келсең, аялдыкынан да назик дүйнө жашайт экен. Силер аны билет белеңер? Сүйгөндө бизден катуу ооруп, бизден катуу сагынып, көнө келсе, ала жипти аттабай, өмүрүн садага чабууга, туруктуу болууга мүмкүн экен. Мен да таң калдым. Мен үчүн да жаңы ачылыш. Аялдар сыртыбыздан назик, эмоционалдуу көрүнгөнүбүз мн жан дүйнөбүздө биз күчтүүрөөк, мерезирээк келет экенбиз. Биз алардын сырткы көрүнүшүнөн улам эле оор жүк үйүп, болгон салмагыбызды таштап көнгөн экенбиз. Биздин коомдо өзгөчө жаралуу эркектер көп экен. Ошон үчүн жарасына тийгенде нервдери кашайып, ыргыта чабат экен. Мен аларга тийишип статус жазганда сөгүп - сагып, чычалап жатып калат го. Жөн гана жарасы ооруп атыптыр. Аны биз аялдар баарыбыз биригип даарылап алсак, алардан күчтүү мырза чыгара алчудайбыз. Алгач, аларды тыңшаганды билишибиз керек экен. Көкүрөк мн албетте. Анан сүйүүгө сугарып, мактап, балачагында берилбей калган мээримди төгүп, көңүл мн сүйлөшүп, жайгарып алсак, сонун адам чыгара алат экембиз. Ушул жашка келип, ошону көрбөгөнүмө таң калдым. Төгөрөгү төп келгенди күтсөк, пенсияга чыкчудайбыз. Бүгүнтөн баштап мырзаларыңа өзгөчө көңүл бөлүп, назик сүйлөп, мээрим төгүп, комплимент жайнатып көрүңүз. Аны чыкыйта кийинтип, курсагын тойгузуп, сүйүүгө сугарып көрүңүз. Адатта өңүбүзгө талап кылгандын баарын аларга жасап көрүңүз. Абер дебей, аларга аберип. Күнүнө сүйөм деп, романтика даярдап, белек берип, тамакка алып чыгарып, киного алып барып. Көрөлү да өзгөрөөрүн.

13.12.2019
Фейсбуктан бир аял атасы кетип калганы үчүн балдарынын жанын чыгара сабап аткан видеосун көрдүм. Кыргыз келин. Сабаган сайын "Атаңды чакыр! Чакырбасаң, мен да ошентип кетип калам" ж.б. сөздөр мн коштолот. Мен жакын арадан бери эмнени түшүндүм , билесиңерби? Аял баланы эркек үчүн эмес өзү үчүн төрөш керек экенин түшүндүм! Анткени эркегиң басып кеткенде, балаң сага да кереги жок болуп калат. Сага, көңүлүңө оору алып келген үчүн ошол адамдын уругун жек көрүп, ошондон өчүңдү алгың келет. Өзүң үчүн төрөгөндө, балаң сага керек экенин билгенде ошо таштап кеткен ата сөрөйдөн көз каранды болбойсуң! Сырткы терс кубулуштан, стресстен калкалагың келет баланы. Анын бактысы, күлкүсү бийик турат! Төбөң мн жер казсаң да, чымчыкча тамагын ташып, кийимин таап, чарк айланасың жана аны колко кылбайсың! Алимент күтүп, келишин жолдоп, акчасына, көңүлүнө зар болбойсуң! Анткени бала сеники жана сага укмуштуудай бакыт алып келүүдө! Атасын бактылуу кылыш үчүн гана төрөбөй, өзүң каалаган үчүн, баланы эңсеген үчүн төрө! Эртеңки күнү атаңар кетип калганда ызаңарды баладан чыгарып, кордобойсуңар! Эч кимден жардам күтпөгөндү, өзүңөрдүн бутуңарга турганды, өзүңөр үчүн жашаганды, бирөөгө жашооңорду садага чаппаганды үйрөнгүлөчү, аялдар! Биз аялуу, аяр, мээримдүү, сүйүү толгон жанбыз! Биз айланага ызаабызды, жек көрүүбүздү чачпашыбыз керек!!! Өзүңдү сүй! Сүйүүгө тол! Сүйүүдө бол! Тем более, эркекти кармап калыш үчүн төрөбө! Кеткиси келген эркек он балаңдын башын аттап да кете берет!!!!

10.02.2020
Атам - Темирбек, Чоң атам - Бакас Бабам - Айтбек Жете- Сүркө Жотом - Байтүгөл Зимин - Асан Кубарың - Толубай Наркың - Черикчи Задин - Кудайменде Зилин - Жаныбек Тегин - Элтинди Кубат - Бозтери Таяныч - Түнтей Медет - Каба Урук - Сарык Уруу - Саяк Оң канат - Муратай Өзөк - Сурантай Өбөк - Алымбек Жөлөк - Алдаш Асаба - Сапарбек Ураан - Кокумбек Улут - Жакыкбек Ууз - Тегизбек Уютку - Бекчоро Уюл - Чубак Түймө - Акбалта Туюк - Нойгут Ура! Таптым! Атамды тамтаңдап издеп таап барып, сурасам, "Билбейм!"дейт. Ага да жиберип койдум. Жети атасын билип жүрсүн. Текти билип, изиңди сурап, бабаңды, каяктан келдиң, кандай неменин уругусуң билип жүрүү кажет го. Эми Тоңго Кара талаага бара элекмин. Ал кандай жер, тууганым ким, аталарым кандай киши болгон сурасам, сонун болмок. Тууган - уруктарым деле "Карындашыбызсың!" деп чакырабы десем, унчугушпайт. Алар чакырбаса деле "Мен силердин тукумуңармын!" деп уят кылып барып алайын да эмне болоор экен? Алмаз Карыпбаевич Мотиев @almazmotiev , агам менин, рахмат! Ит мн издегендей издеп жүргөм бул маалыматтарды. Эч ким таап бере албай жатты эле. Саяктан кийинки аталарымда манасчы агам Дөөлөт Сыдыков @doolotsydykov таап берди. Ыраазымын!

10.02.2020
Жамбаштап жатып алып сүйлөшөйүнчү..неме, көрсө, мен, эркектерди аябай аяйт экенмин. "Бир нерсе сатып берейимби?"десе эле башымды дароо чайкап, "Кереги жок" дей бермей адатым бар. Сатып берип койсо, тим эле банкрот болуп калчудай. Оюмда "Акчасы түгөнүп калат", "Убара болот", "Өзүм деле таап алам да! " деген нерсе бар. Бул психологияда эмне деп аталат билбейм. Балким, энелик инстинктим аяттырып аткандыр. Балким, алмайдын бермейи бар да деп бирөөгө карыз болгон жакпайттыр. Балким ичимдеги аялдык аз брлуп аткан чыгар. Балким, өзүмө өлө ишенеттирмин. Акчаны өзүм деле таба алам деген бекем ишенич тургандыр. Балким, жөн эле мээси иштечү жерге иштебеген жинди кыздырмын. Кыскасы, "Абересиң!" системасы менде бузук. Жолдошумду азыркыга чейин аяйм. Балама ашыгыраак акча сурап калсам, түгөнүп калчудай сеңим мн аяйм да баардык түйшүгүн өзүм көтөрө берем. Бирок, бир аял , - Эркекке эркелеп, аял канчалык "Абересиң!"деген сайын ага мотивация пайда болот. Ал дагы иштегиси келет. Көбүрөөк акча тапкысы келет. Шерденет!"деди эле. Мунун канчалык чындыгы бар билбейм. Мырзалар, силерге мындай суроо. Бир айым "Абересиң?"дегенде кандай сезим болот? А) Эркелеп атканын түшүнөсүз. Бул нерсе жагымдуу. Каалаганын "абересиң". Б) Кыйнаган нерсе. "Абересиңге" аллергияңыз бар. В) Сизге бул мотивация. Г) Кыздардын баарында "Абересиң" системасы бузук болсо, жакшы. Кыздар, бул сезим силерде деле барбы, же мен "кечирип коймунбу"?) #жөнэлеойлор

20.10.2019
Көптөөөн бери "желмогуз" кыздын бет кабын кийе элекмин. Бет кабымды берип койгулачы???? Ичимдеги назик, ыйлаак, ак көңүл кызды терең жашырып, сыртынан желмогуз кыздын элесин кийдим. Аруулук бааланбайт. Тазалык тебелендиде калат анткени. Жинди кыз дегилечи мага! Жаман көргүлө! Жинди кыздын образында жүргөндө сөздөрүңөр катуу тийбейт. Эч ким менин көңүлүмдү кирдете албайт. Мен бирөөнү ыйлатышым мүмкүн бирок мени ыйлата албайт. Жаман кыз мени коргойт. Сыртымдагы ошол стерва болбосо, сындырып кетмек мени эчак. Жумшактыгым, назиктигим тикенектин алдында жашынсын! "Бет кабыңды чеч. Чыныгы өзүңдү көрсөт!" деди эле мени жакшы тааныган бирөө. Жаман экен бет капсыз, жылаңач жүргөн. Үшүп кеттим. Денебизди түрдүү көйнөктүн алдына жашырган сыңары жан дүйнөбүздү түрдүү бет каптын артына жашырат экембиз. Өзөгү чириктер сулуу көрүнөт. Өзөгү сулуулар түрү суук көрүнөт. Ким кандай өзөгүн жашырып жүрөт кеп ошондо... #жөнэлеойлор

24.10.2019
Кармаганга сөөктөн башка эт деле болсун да деееейт! Толуктар, ыңгайлуу экенсиңер! Арыктабагыла! Арыктар жагат десе да ишенбегиле!

12.01.2020
Сүйгөнгө, жашаганга башка дагы жашообуз болчудай, бул жашообузда жөн эле репетиция кылып, көп нерсени эртеңкиге калтырып, түйшүк оронүп, түмөн ойдун түбүндө жашайбыз ээ? Биз кыргыздар материалдык байлык чогултуп, эл көзүнө бардар көрүнүш үчүн чабалап атып эле өлүп калат экенбиз. Сырткы дүйнө үчүн болгон күчүбүздү, көңүлүбүздү коротобуз. Ички дүйнө бопбош, кедей бойдон өтөт экен. Жыл сайын план түзүп жашаган жаным былтыр өзүмдү шар аккан жашоонун шарданына ыргытып жибергем. Тагдырым, жашоом, эртеңимдин ээси Жаратканым болсун дедим. Быйыл дагы план түзгөн жокмун. Өлүмдүн алдында турганда көзүмдү жумуп баратып, элесимде сонун ырахаттуу күндөрүм калсын. Ар бир күнүмдү акыркы күндөй, даамын татып, көкүрөк толо моокум кангыча ырахаттанып жашагым бар. Кейип, тытынып, там салып, бирөө үчүн жашап жүрүп өткүм жок. Аркы дүйнөгө акылыңа сыйган каткырык, шаң, жыргал, боорукерлик, мээрим толгон элестер мн кетсең, сонун эмеспи ээ? Ошон үчүн планда өзүмдү тарбиялоо, ден соолук чыңдоо, элге жакшылык жасоо, саякаттоо, өзүмө жаңы эмоцияларды тартуулоо, дегеним велосипед тепкенди, лыжа, коньки тепкенди үйрөнүү, парапланда, желим шар мн учуу, парашюттан секирүү, китеп окуу, жакшы адамдарды курчоо, улуулук тууралуу маектешүү, жашоону, өзүмдү, бирөөнү сүйүү, кечире билүү, кечирүү, көңүлүмдү, жан дүйнөмдү тазалоо, жакшы көргөн ишимди ырахаттанып жасоо, көбүрөөк каткыруу, ар бир мүнөтүмө шүгүр кылуу, Жаратканга дагы жакындоо, спорт менен машыгуу, керексиз ойду, сананы токтотуу, жакындарым менен көбүрөөк чогуу болуу сындуу нерселер бар. Жазып атып, өзүмө өзүм шыктанып, суктанып, тамшанып кеттим да, чиркиндики! Руханий байлык болсун. Материалдык өзү эле алдыңа тоголонуп келет. Жөнөкөйлүк менен адамгерчиликтен айтса экен Кудай. #жөнэлеойлор

10.02.2020
Биринчи класстын босогосун аттаган балам, - "Бул эмне болгон СССР? Жаңыча көз караш, жаңы методика жокпу? "Түз отур", "Баспа" "Турба"деген кысымдар жаккан жок. Мен кааласам, жатып алып окугум келет!"деп келген. Уулумду эрежеге тыгыш үчүн аябай эле кыйнаптырмын! Алгачкы мугалими аябай ката жазат экен. Көрүп алып атасы экөөбүз шок болуп, завучка кирсек, - Кабатырланбаңыз, биз диктант жазып атабыз!" дегенде билим жааты кайсы деңгээлде экенин түшүнгөнбүз. Күнү - түнү аз айлыкка албетте эч ким иштегиси келбейт. Билимдүүнүн баары качып кеткен анткени. Мектептен мектеп котордук. Көңүлгө сыйган эч нерсе жок. Өткөндө бир коуч, тренер мырза мн сүйлөшүп калдык. Ал жалаң чет өлкөдө окуп, жашап жүргөн кыргыз жараны. Балдарын мектептен чыгарып алып, баласынын таланты оогон, көңүлү келген курстарда окутат экен. Мектеп, университеттин кажети канча деди? Ойлонсом, аттестатым менен дипломумдун деле жардамы тийбептир. 15 жыл сахнадамын. Бирөө да сурабаптыр. 5 жыл Университетте окуп, тил үйрөндүм. Аны курска барып, окуп койсом болот беле? Алып баруучулук, журналистика, актердук жааттын окуусун бүтүргөн жокмун, бирок токочумду талантымдын арты мн таап деп атам. "Балаңыз окубайт. Балаңызды текшертип көрүңүз. Өөрчүсү артта калган окшойт" деп бир эмес үч мугалим айтты. Сабагынын баары "2". Айлам кетип эларалык психологиялык борборго алып бардым. Атайы куралдары, тесттери бар экен. Тесттен өттү. Мээси өөрчүбөй жатат окшойт дегендерди таң калтырып İQ су бийик чыкты. Башкача айтканда өтө эле ашып кетиптир. Үйдөн химия, физика темасын, Эйнштейнди сүйлөйт болбосо. Менин мээм жетпеген суроолорду берет. "Програмирование, робототехниканы эле үйрөт. Убактым текке кетип атат сабактар мн . Заман, технология өзгөрүп, өөрчүп атса, калем мн кагазга жазганды үйрөтүп атасыңар! "дейт балам. Чын да! Кымбат мектепке котордум. Жыйынтык баягы эле. Баягы өзгөрбөгөн баалар. Заманга ылайык мен муну кантип тарбиялап, кантип окутуп, кантип киши кылам ошондо? Өзү каалаган кружокторго алып барамбы? Программированиеге жол ачып беремби? Жумасына эки жолу баруу жетишсиз бп атат. Эмне кылам? Мектеп, окуу системасы жакпай жатат. Чынын айтайын. Бир нерсе өзгөртүш кк болуп атат. #жөнэлеойло

21.04.2020
Сонун, керемет сөздөрдү, тилегин таң эртең жиберип турар эле. Съемкадан улам жооп берүүгө жетишпей калсам, "Кабыл болсун!" деп кой эч болбосо деп урушчу. Жооп жаза албаганым үчүн далай тил уктум, далай кечирим сурадым. Акыркы жолукканыбызда менден төкмө акын чыгарып, айтышка салмак. Аны элестетип алып каткырдык эле. "Келип тур!" деген. Келмек түгүл, жазганга чама тапкан жокмун. Тирүүлөрдүн шылтоосу ушул. Бири бирибизге убактыбыз жок. Акыркы күндөрү кайра - кайра эсиме түшүп аткан. Эмнеге жазып, акыбалын сурабадым экен. Агам менин, дагы бир ирет кечирип коюңуз. Жараткан, мээримин төксүн! Сиздей улуу талантка бейишинен орун берсин! ;(((

08.02.2020
Эркелегим келааатат! Түнкү бирде көрүнгөндүн башын айтып... "Абересиң!" депчиии)))))) Обу жок таарынып..ары карап жатып алып. Оозду бултуйтуп, көздү аңтарып!))) Ыйлактап. Сөөмөй мн асмандын башын көрсөтүп. Болбосо, эмне сурап атканыңды деле өзүң билбейсиң да!)))))) Айласын кетирип..бушайман кылып. Беймазага салып. Чалкаман кетип. Чакатып аны... чарчатып... дейииииин десем эле эч ким жок. Кашайып! Балам бышылдап уктап атат. Жаздыгымды ары - бери көтөрүп чаап, жатып калдым. Бейпил түн, жарыктыктар!)))

19.04.2020
- Балам, бүлө курамбы мен? - Тийбей эле кой да. Өзүң акча табасың, акылдуусуң. Мен бармын. Жалгыз эмессиң. Алсыздар ачка калбаш үчүн үйүр болуп жашашат да. Дос күтсөң болот. - Сага бир тууганчы? - Атам аялы мн төрөшөт да. Ошол эле жетет. - Сенчи? Аял аласыңбы? - Ушундай суроолорду да 10 жаштагы балага бермек беле? Менин оюм өзгөрө берет да. Келечекти көрө ала турчу талантым жок деп канча айтам. #Ариет

19.04.2020
Кыздар, бактылуу болгонду үйрөнөлү, ээ? Өзүбүздү өзүбүз бактылуу кылганды үйрөнөлү. Биз бактысыз болсок, балдарыбыз, жолдошубуз, тегерегибиз да бактысыз болоорун унутпагыла. Анан бирөөдөн көз карандысыз бактылуу болгонду билиш керек экен. Жолдошубуздан, балдарыбыздан, башкалардан сүйүү күтүп атып эле бактысыз боло берет экенбиз. Бактылуу жана сүйүктүү болуш үчүн эч кимдин кажети жок. Ошону аңдоо кажет. Ичибиз бош болсо, жаныбызга эч ким жолобойт. Эркектер, балдарың эмнеге качат сенден? Боштук бар ичиңде. Берейин десең бере турчу сүйүүң, мээримиң, бакытың жок. Сенин жаныңда үшүйт, ачка болот. Физикалык жактан эмес руханий , моралдык жактан. Комплекстерди жоюп, өзүңдүн үстүңөн иште. "Мени таштап кетти. Ойнош күтүп кетти!" деп бырылдап , арманыбызы аттын башындай болуп, ыйлайт экенбиз. "Эмнеге таштап кетти? Менден эмне күнөө кетти?" деп абай салган эч ким жок. Биз байкуш болуп, курмандык болгонду, эл сооротушун, эриңди жамандашын каалайбыз. Тартып кеткен аялды жек көрөбүз. Биз өзүбүздүн ал эркекке эмнени бере алган жокпуз деген катабызды аңдабайбыз. Бүтүн дүйнө күнөөлүү , өзүбүз эмес! Турмуш курганда көбүрөөк сырткы дүйнө мн алек болуп калып, ички дүйнөбүз, өзүбүз унутулуп калат экен. Так эле ошол чоң катабыз. Жолдошубузду, балдарыбызды, кайын журтту, көр тириликти алдыга чыгарып жиберебиз. Бизде боштук калып калат. Биринчи өзүңдү сүйүү, мээрим, көңүл мн толтур, тойгуз. Сен аялсың! Сенден баары тамактанат. Сен бактылуу, жылуу, мээрим толо болуп, жайнап турсаң, жаныңдагылар автоматтык түрдө ошондой болот. Жаныңан чыккысы келбейт. " Өзүңдү бактылуу кылганда гана турмуш кур" дегеним ошо. Өзүңдү сүйүүгө ден соолукка кам көрүү, сырткы келбетти алып жүрүү, бакытка тунуу, сүйүктүү ишиң мн алек болуу, жүрөктүн каалоосу мн эсептешүү, билим алуу, өзүңдү өстүрүү, өзүңдү тарбиялоо, өзүңдү сыйлоо ж.б кирет. "Кайын журтум начар, күйөөм тигиндей, балдарым карабайт " дегенден мурун күзгүгө каранып, мен андай мамилени, андай бактысыздыкты эмнеге күтүп атам? Демек, мандем менде дегенге кудуретибиз жетсин! Эмнеге татыктуу болсок, ошону алабыз! Унутпаңыз!♥ #жөнэлеойлор

18.04.2020
Чоочун адамдар миң жамандап, төпөштөп, үстүңөн ылдый жугунду куйсун баары бир. Алардыкы тийбейт. Өтүп кетет оңой. Бирок найза болуп көкүрөк тушка саптала турчу сөздөр, мамиле жүрөгүңө киргизгендерден чыгат. Эң жакын адамың гана болушунча бутун сүртүп, каалагандай калчап, баркыңды баткак кылып, кадырыңды кактап кетет. Ал ата - энең, бир тууганың, досуң, жарың, жолдошуң, балдарың, тууганың болушу мүмкүн. Эң жаманы да аларды жашооңон чыгарып, биротоло жогото албайсың! Көп учурда багынып, тебеленип беребиз да, жашоонун соңунда биротоло оорукчан болобуз. Бакыттын даамы кетет. Эзилген бойдон жашообузду өткөрөбүз. Кандай өкүнүчтүү?! Токтотуп туруп, баарын үзүп, өзүң үчүн башкача жашоого баштаганга баарынын эле кудурети жете бербейт! Айрымдары андай кордукту кабыл алат да, " тагдыр экен" деп моюн сунуп, өмүр бою эзилип жашайт. Ойлонуп көрсөм, Жараткан мага " эзил, азап көр, кыйнал" деп жашоону бербесе керек? Мен да Жараткандын жаратманымын. А эмнеге башкаларга зулумдук кылууга, эзүүгө уруксаат беришим керек? Бир келген өмүр! Бул репетиция болчу эле деп кайра жаралганга мүмкүнчүлүгүм жок! Мен жыргап, бактылуу, өз бактыма, жашоомо эгедер болуп жашаганга, өзүмдү сүйгөнгө, бийик койгонго акым жана укугум бар! Жашоомдун соңунда артыма кылчайганда мен тарткан сүрөттөр калсын өмүрүмдө. Кооздоп, түстүү, жан дүйнөм менен эргип тарткан сүрөттөр! Бирөөнүн тагдырымды башына кийип, чиймелеп кеткени болбошу керек. #жөнэлеойлор

17.04.2020
Аял ким? Аялга Кудай сценарий жазып атканда назиктикти, сулуулукту, акылды, жылуулукту, амалды берип, "Эне" болосуң. Төрөйсүң! " деген оозыйпа оозандырган экен. Төрөш үчүн жаныбардык инстинкт боюнча күчтүү эркек талап кылынат. Тандалат. Тукум уланат. Күчтүү эркек жаңы туулган тукум бутуна тургуча кайтарат. Миллиондогон кылым бою бул сценарий бузулган эмес. Акыркы кылымда бир жактуу жыныстык мамиле ачыкка чыкты. Илгери деле бардыр балким сценарий бузулган эмес. Көмүскөдө келген. Күчтүү эркек күчүн жоготуп, тукуму бутуна тургуча кайтарбай калды. Аял төрөөдөн баш тартты. Турмуш кургусу келбей калды көбүнүн. Кылымдар бою кайталанган сценарий бузулду. Ар ким көңүлүнө жакканын кылып, ар ким өз жолун тандай баштады. Бул башыбызга түшкөн жаңы сценарий. Менимче, бир канча жыл жалгыздыкта ар ким өзүн издөө мн алек болот адамдар. Жер жүзү бир аз суюла баштайт. Үй бүлөнүн баркын кетирдик окшойт анткени. Сыйлаганды, сүйгөндү билген жокпуз. Өзүн тааный элек адам башканы таанышы кыйын болот. Өзүн сүйбөгөн, бирөөнү сүйүш, өзүнүн сезими мн эсептешпеген бирөөнүкү мн эсептешпейт . Ошентип, жулмалашып, кызганып, ур - тепкиге алып, жек көрүп, жектеп жүрүп бири бирибизди кийин акыл кирип, адам катары жетилип, руханий жактан чоңойгондо көп нерсеге көзүбүз ачылаар. Бир канча жылдан кийин сапаттуу, чыныгы, бактылуу үй бүлөлөр куралат деп ишенем. "Сен бойдок катын үй бүлө жөнүндө кеңеш бере турчу акыркы кишисиң!" дейсиңер го. Менимче, дал ушул мендей жаңылган, бүлө күтүп көргөн, бойдоктуктун да даамын татыган аял гана бүлө эмне экенин так, таамай көрө алат! Үй бүлө кураардан мурун үй бүлө куруунун маанисин, маңызын, максатын билүү кажет экен. Болбосо, өкүттө өткөн өмүрлөр көп... #жөнэлеойлор

13.10.2019
Тал көрсө деле, чал көрсө деле жаныңда жаткыра бергендер, көзүңөргө көрүнүп, кыбырагандын баары мн коюндаш боло бересиңерби? Киндиктен өйдө чыгалбай, "оорукчан" коом болуп баратабыз! Сөксөк деле "энеңди сс...", "шерменде", "ж.п", "шуркуя"... Эмнеге? Улуусу деле, кичүүсү деле төшөктөн башы чыга элек. Бул нормалдуу көрүнүш да менин дүйнөм анормалдуу болуп атабы? Ырлар, клипттер, кинолор ушундай мээни чайкап атабы? Көкүрөктөгү өйүгөн жараңды айтсаң эле " Бул кызга витамин керек ", "Эрге тийиш керек" ж.б.у.с. Бул спорт катары эмес, бул нерсе сезим, сүйүү катары каралышы керек. Каралбагандыгынан улам таштандылар көбөйүп баратабы дейсиң. Сезимдин да ыйыгы, туу чокусу калбай калды. Шалпактап көрүнгөн мн махабат ойноп атып, пол жууган тряпкага айланды сүйүүңөр. Сүйбөй жасалган ымыркай, төрөлгөндө да сүйүлбөйт. Аял ашыгып сүйгөн адамына гана өмүр мн өлүмдүн кыл көпүрөсүнөн өтүп, боор этинен жаратып тукум бергиси келет. Ошол тукумду кастарлап чоңойтот. Аялдын көңүлүн тапсаң, сүйүүсүн, жүрөгүн, мээримин, коюнунун ысыктыгын берет. Ыйыктык мн кир дүйнө аралашып, баш оту билинбеген оорукчан дүйнөгө, оорукчан коомго айландык! Кир дүйнөңөрдү өтүнүч, мага жалгаштырбагылачы? Күлгүн көз айнегим кийилүү. Күлкүңөр келип атса дагы күйүтү ырахаты бар, ыйык, аруу махабатка ишенген күлгүн дүйнөмдө жашайм дагы эле. #жөнэлеойлор