18.04.2020
Эне баланы алгач курсагында, анан кучагында, анан өмүр бою жүрөгүндө көтөрөт... Эненин мээрими - күмүш, атанын мээрими - алтын... Эшиктен бакыт издебе, бакыт ата-эненин күлкүсүндө, жылмаюсунда жашырынып жатат...

01.12.2019
ЖҮРӨКТӨР ЭС АЛСЫН (жакшы адамдардын эсине) Сен качан эс аласың? - деген суроого Кол менен бут айтат : Биз кожоюн уктаганда эс алабыз Ашказан айтат: Мен жеген тамакты сиңиргенде эс алам Бардык дене мүчөлөр жооп берип, аягында ЖҮРӨККӨ кезек келет. Баары ЖҮРӨК уктаганда да иштеп турат, өлгөндө токтойт, ушу жүрөк эс албаса керек-деп отурса, ЖҮРӨК АЙТКАН ЭКЕН: МЕН КАЧАН ГАНА ЖАКШЫ СӨЗ УККАНДА ЭС АЛАМЫН!!! Жүрөктөрдү жаман сөз менен жүдөтпөгүлө!!! 01.12.2019 Идрис акын

28.06.2020
СҮРӨТ СҮЙЛӨСҮН Баласы үчүн жанын берген айбандан адамдын ала турган көп сабагы бар. Айбанчалык боло албаган адамдар арабызда аралап жүрүшөт. Көчөгө байлыгын таштабай, баласын таштагандар чыга баштады. Балдарыбыздын баарына бирдей мээрим жана таалим-тарбия берели... Акылдуу апа баласына: "Уулум, атаңа караганда көбүрөөк китеп оку. Балдары аталарынан ашпаган улут алдыга өспөйт" - деген экен. Улуттун майдаланышы - "эне" деген чоң мектептин талкаланышынан улам болот. Бир колу менен бешикти, экинчи колу менен ааламды терметкен энелер, белди бекем байлап, башты бийик көтөрүп, аткара турган иштердин майын чыгаралы. Эркектерге шылтоону-күнөөнү арта бербейли, ошолорду да эне тарбиялаган... Апам себептүү бардык аялдарды ардактап келем. Урматым менен Идрис Айитбаев

13.10.2019
Москвадан энергиям түгөп кайттым, Сакал өсүп саксайып жүдөп кайттым, Ала-Тоонун саламын ала келип Мекендештин баарына бирден айттым Нуржигитти келет деп жыйнапсыңар Идристи да акын деп сыйлапсыңар Таасир алып кечээки сабактардан Кээ бирлериң ойлонуп-ыйлапсыңар Мекендештер мен үчүн сымбатсыңар Баш көтөрүп, өнүгүп, сынбапсыңар Кыргызстандан алтындар кетсе кетсин Силер кайра кайткыла ар бириңер Кумтөрдөгү алтындан кымбатсыңар... 13.10.2019 Идрис акын

21.03.2020
Эки кызынан кабар алганы барган ата😊 Батманын үйүнө барса, кызы сүйүнүп : "жакшы болду келгениңиз. Күйөө балаңыз менен бир гектарга буудай септик. Эми дуа кылсаңыз бир апта жамгыр жаап берсин. Буудайыбыз өнүп калмак" - дейт. Дуа кылып ал жерден экинчи кызынын үйүнө барат. Экинчи кызынын үйүнө барса, ал да сүйүнүп тосуп:"жакшы болду келгениңиз. Күйөө балаңыз менен ылайдан гыш (кирпич) куйдук. Эми дуа кылсаңыз бир апта күн чыгып ысып берсе, үй салып алабыз кургаса"-дейт. Дуа кылып ал жерден үйүнө келет. Үйгө келсе кемпири "кыздар кандай экен" - деп сураса, абышка: "ЖАМГЫР ЖААСА ЗУУРА, ЖААБАСА БАТМА ЭНЕСИНИН КҮНҮН КӨРӨТ "-дейт имиш😊😊😊

21.05.2020
30 күндө 30 сабак 28-күн АР КИМ ӨЗҮНҮН ЫРЫСКЫСЫ МЕНЕН ЖАРАЛАТ Баягыда бир отунчу болгон экен. Кедейликтин айынан шаарга отун терип келип, мына ошол отунду сатып күн көрчү. Бирок ар дайым отунду сатып болгону 200 сом (дирхам) сабат экен. Эч качан андан көп акча таппайт экен. Күндөрдүн биринде бир оолуя аксакалга жолугуп, аз акча тапканынан арызданып калат. Оолуя аксакал: -уулум, Аллах сенин ырыскыңды 200 сом деп жазган болсо сен эч качан 202 сом да таппайсың - деп жооп берет. Жообуна арданган киши отунчулукту таштап салып, көп акча табуу максатында кара жумуш аткара баштайт. Биро бары бир ошол эле акча табат. Күндөрдүн биринде бир колунда бар бай манапка жолугуп калат. Бай киши: -менин короомдо, багымда жумуш бар. Келип аткар, күнүнө мен сага 200 сом кызмат акы төлөп берейин-деп айтат. Оолуянын "Аллах сенин ырыскыңды 200 сом деп жазган болсо сен эч качан 202 сом да таппайсың" - деген эсине келет да: -макул барайын, бирок жок дегенде 202 сом кызмат акы бериңиз - дейт. Анын бул сунушун уккан бай киши: -жок, короомдо үйүм бош, кааласаң бекер жатып жаша. Бирок ашыкча акча бере албайм - деп жооп берет. Жок дегенде ушул жумуштан кур калбайын деген үмүт менен макулдук берет. Ошентип иштеп жүргөн кишини жумушун бай киши жактырып калат да, аны кенже кызына үйлөп, ошол үйгө жайгаштырып койот. Ошентип биз билген отунчу үйлүү болот, балалуу болот, жерлүү болот. Ушинтип отуруп байып кетет. Күндөрдүн биринде жанагы оолуяны издеп таап: -оолуям, сиз мага ушундай дедиңиз эле. Мына азыр байып кеттим, эми эмне дейсиз! - деп суроо узатат. Оолуя киши баарыбызга сабак боло турган жооп берет: -уулум, сенин ырыскың азыр деле 200 сом. Ал эми сен ээ болгон мына бул байлыктар аялың жана балдарыңдын ырыскысы-деген экен... АНДЫКТАН Урматтуу эркектер, үйлөнгөндөн кийинки ийгилик же береке жалгыз эркектики эмес. Ал ийгиликте аял менен бала-чаканын акысы бар... Идрис акын (архив фото)

22.05.2020
30 күндө 30 сабак 29-күн АЙТТЫҢБЫ, ДЕМЕК ЖАСАГЫН! Бүгүн өзүбүзгө сөзүбүз дал келбеген адамдар көбөйүп кеттик. Мындай адамдардын кадыры башка адамдардын алдында да, Алланын алдында да төмөн болуп калат. Момун адам ката иш аткарышы мүмкүн, бирок жалган сүйлөбөйт. АЙТКАНДАРЫ МЕНЕН АТКАРГАНДАРЫ ТӨП КЕЛГЕН АДАМДАРДЫН СӨЗДӨРҮ ТААСИРДҮҮ БОЛОТ!!! Түндү жалаң уйку менен өткөргөн киши тахажжуд намазы тууралуу сүйлөөдөн уялышы керек... Толук намазын аткарбаган киши намаз тууралуу сөз сүйлөбөй турганы дурус... Ийгилик жарата албаган киши башкаларга ийгиликтин сырларын санабаса... Чеккен киши "чекпе", ичкен киши "ичпе" -деп айткан менен, сөзүнүн таасири болбойт... Аллах Таала Ыйык Курандын Сафф сүрөсүнүн 2-3-аяттарында "Оо, ыйман келтиргендер! Эмне үчүн өзүңөр жасабаган иштер тууралуу айтасыңар? Өзүңөр жасабаган иштер жөнүндө сүйлөө - Алланын алдында чоң күнөө!" деген ыйык аятты да туура эмес түшүнүп албашыбыз керек. Бул аятта "өзүңөр аткарбагандарды айтпагыла!" - деп айтылган эмес." Айттыңбы, анда жасабайсыңбы? Айткан нерсесин жасабай коюу Алланын алдында Анын каарын кедтире тургандардын эң чоңу"-жеп айтылып жатат. Башкача айтканда, ыйык аятта айткандарын аткарбаган адамдын эч сүйлөбөй коюусу эмес, сүйлөгөн адам ошол айткандарын аткарганга чындап аракет кылуусу керек экендиги айтылып жатат... Азырети Аннас РА: -Биз өзүбүз баарын талаптагыдадай аткармайынча, башка эч кимди жакшылыкка чакыра албайбызбы?-деп сураганда, Пайгамбарыбыз Саллаллаху Алайхи Васаллам мындай жооп берген: "Жок, андай эмес. Силер буйрук кылынган бардык нерсени аткарбаганыңарга карабастан башка бирөөлөрдү жакшылыкка үндөгүлө. Күнөө иштердин бардыгынан тыйылбасаңар деле башкаларды жамандыктардан кайтарганга аракет кылгыла". Анткени, аткаруу өзүнчө, ал эми аны жеткирүү, айтуу да өзүнчө бир ибадат болуп саналат. Экөөсүн тең орундатпаган эки күнөө, бирөөсүн жасабаган бир күнөө менен таасири жок болуп калат. Жасабаган нерселерди айтышыңар, тагыраак айтканда, айтканыңарды аткарбай коюшуңар Кудай Тааланын азабына дуушар кылып, таасир берүү күчүңөрдү аласыздандырат жана элдин силерге болгон ишенимин жоготот да, айтканыңардын баары "куру сөз" катары бат эле унутулуп калат... Идрис акын

19.05.2020
30 күндө 30 сабак 26-күн УСТАТ менен УСТАНЫН маеги Уста: -Бирөөнүн чала таштап кеткен ишин алып бүтүрүү өтө кыйын. Андан көрө башка үйдү башынан баштаганың жакшы-деп сүйлөнүп сөз баштады уста. Балдарга сабак берген устат болсо сөзүн ушинтип улап кетти: -Ээ балам, мен сага андан да кыйын ишти айтайынбы? Бирөөнүн чала тарбияланып ташталган баласын тарбиялоо - сен сүйлөнүп жаткан үйүңдөн 3 миллион эсе кыйыныраак... Бала эч качан сен каалагандай болбойт, бала сен тарбиялагандай болот! Өз балаңдын тарбиясынын жоопкерчилигин өз мойнуңа ал, ошондо баары жакшы болот! Балдар - жазыла элек актай баракка окшош, ак кагазда сенин гана жазгандарың көрүнөт. Балдар - бош турган эгин талаасына окшош. Эмнени эксең ошону оросуң. Эч качан бош турган жерге жүгөрү эгип, ордуна буудай жыйнабайсың... Сенин ордуңа бирөө уста, директор, инженер, механик, грузчик, таксист боло алат, бирок сенин ордуңа эч ким эч качан АТА-АПА болуп бере албайт!!! Бала тарбиялоо баамдатка тургандай кыйын иш! ДОСТОР, СОЦБАРАКЧАМДАГЫ СҮРӨТТӨР ЭСКИ СҮРӨТТӨР. ЭЛДИ ЧОГУЛТУП ЖАТКАНЫМ ЖОК! ДИНИЙ ДИПЛОМУМ ЖОК, БОЛГОНУ АР БИР МУСУЛМАН БИЛИШИ КЕРЕК БОЛГОН БИЛИМИМ ГАНА БАР. ОШОЛ ЭЛЕ МУФТИЙДИН ЖАНА ААЛЫМДАРЫБЫЗДЫН САБАГЫН ЖАЛПАК ТИЛ МЕНЕН КОРУТУНДУЛАП ЖАШТАРГА ТҮШҮНДҮРҮП КЕЛЕМ. ДИНИЙ ФАТВА ЧЫГАРБАЙМ... БИРОК, ОРОЗО 30 КҮН ТУТУЛАТ, ЖЕ КАДЫР ТҮНДӨ ДУА КЫЛГЫЛА-ДЕП АЙТУУ ҮЧҮН ДИПЛОМУ БАР ДАМЛА БОЛУУ ШАРТ ЭМЕС... ОРОЗОДО 30 КҮНДҮК САБАК БЕРҮҮНҮ МУГАЛИМ БОЛГОНУМ ҮЧҮН ГАНА КААЛАДЫМ. АНТКЕНИ ЖАШТАРДЫН БААРЫ СОЦБАРАКЧАДА ОТУРАТ. КАЛА БЕРСЕ ОШОЛ ЖАКТА МААНИСИЗ НЕРСЕ КӨРБӨЙ, ПАЙДАЛУУ САБАК АЛСЫН ДЕГЕМ...Менин эч кандай башка диндерге кастыгым жок. Каалаганым бир гана ДИАЛОГ ЖАНА ТОЛЕРАНТТУУЛУК Идрис акын

28.04.2020
30 күндө 30 сабак 5-күн ЭКИ ДОС: 1-китепкана 2-спортзал ЭКИ ДОКДУР: 1-шайыр жүрүү 2-спорт менен машыгуу ЭКИ СЫР: 1-эрте туруу-ден-соолуктун сыры, 2-түнкү тынчтыкта ой толгоо-ийгиликтин сыры. ОРОЗОГО АШЫК БОЛГОНДОР Нусайба энебиз орозолуу кеткен дүйнөдөн. Өлүм төшөгүнө жатканда да "орозоңузду ачыңыз" - дегендерге "Ифтарды Жаннаттан кылам" - деген.... Азырети АЛИ Али дарат алып жатканда титиреп калчу. Эмне болду- десе "Бираздан Аллах менен жолугушууга жайнамазга турам. Ошону ойлоп калтырап жатам" - деген АШКАЗАН АШКАЗАН ООРУУНУН ҮЙҮ. хадис. Анын алдын алуу үчүн напсини тыюу керек.... Напсини жеңүү үчүн Алланын буйругун такай аткаруу керек.... Бардык жумушту таштап коюп" Аллах улуу"- деп намаз окуп жатабыз, бул такыбалыктын башаты.... Такыба болуу үчүн орозо кармоо абдан маанилүү.... Бир жамандыктан кутулуп кетүү үчүн да отуз күн керек экен.... Ошондо адамда моралдык өзгөрүү болот... ЖАРЫКТЫК-КАРАҢГЫЛЫК Жакшылыктын жасалышына жарык керек, жамандыктын кенен кылынышы үчүн караңгылык керек. Периштелер да жарыкка барышат... Шайтандар карангылыкка барышат... КӨЗДҮН көрүүсү үчүн күндүн жарыгы керек! КӨКҮРӨКТҮН көрүүсү үчүн илимдин жарыгы керек! АРАМДЫ КӨП КӨРГӨН АДАМДЫН ӨЗҮНҮН ЖАРЫНА БОЛГОН СҮЙҮҮСҮ КАЛБАЙТ.... 28.04.2020 Идрис акын

11.05.2020
30 күндө 30 сабак 18-күн СУРАНЫЧ Соц. тармактагы достор! Арак ичпейм! Орозо кармайм! Беш убакыт намаз окуйм! Зекет берем! Ажыга, умрага барып келдим! - деп коюп БИРӨӨЛӨРДҮ УШАКТАП жатабыз. Жогорудагылардын бардыгын жасап аягында тирүүлөй адамдын этин жеген менен барабар болгон күнөөгө көңүл буруп ойлонбойбуз, же коркуп да койбодук. Келгиле достор, башка бирөөлөрдү гыйбат кылган макалаларды бөлүшпөй өздөрүнө барып айталы же алардын күнөөлөрүн желкебизге артпайлы.... _______________________________________ Жаман ой жаныңды алмайынча тынбайт... Ар дайым негатив ой менен жүргөн адамды уга берсең, сенин позитив энергияңды кошо соруп салат... ЖЫЛМАЮНУ БИЛБЕГЕН КИШИГЕ БАКЫТ ДА ЖЫЛМАЙБАЙТ ________________________________________ ЭЧ КИМГЕ КИМ ЭКЕНДИГИҢДИ ДАЛИЛДЕБЕЙ ЭЛЕ КОЙ. СЕНИН ЖАМАНДЫГЫҢДЫ КӨРГҮСҮ КЕЛГЕН АДАМ ЖАКШЫЛЫКТАРЫҢДЫ ЭЧ КАЧАН КӨРӨ АЛБАЙТ... АДАМ АКЫЛЫ ЖЕТКЕН НЕРСЕНИ ГАНА КӨРӨТ. ДАГЫ ДА КӨП АКЫЛДЫ ТАЛАП КЫЛГАН НЕРСЕ МУРДУНУН УЧУНДА ТУРСА ДА КӨРӨ АЛБАЙТ... Көзүнө бирөөнүн кемчилигинен башка нерсеси көрүнбөгөн КӨРЛӨР көбөйүп баратат.... ___________________________________________ -Сен үчүн качан майрам? -мен үчүн БИР КҮНҮМДҮ КҮНӨӨСҮЗ ӨТКӨРҮҮ майрам. АЛЛАНЫН БУЙРУГУН КЫНТЫКСЫЗ АТКАРУУ майрам... ___________________________________________ Алынган аманатты бергенге шашылг ыла!!! -аке карызга акча берип турасызбы? -алгач КОЛУМДУ өп, анан жардам бергенге аракет кылам -эмнеге КОЛУҢДУ өбүшүм керек -анткени берген акчамды сенден кайра алуу үчүн мен сенин эртең БУТУҢДУ өбүшүмө туура келет... Бардыкы өтүп барманда Жоктуку өтөт арманда Ар кыл адам көрөсүң Алты күндүк жалганда Ар кишинин айрыкча Билген менен кылыгын Биле албайсың а бирок Ичиндеги былыгын.... ДОСУҢА КАРЫЗГА АКЧА БЕРБЕ ЖЕ ДОСУҢДУ ЖЕ АКЧАҢДЫ ЖОГОТОСУҢ. БАЛКИМ ЭКӨӨН ТЕҢ ЖОГОТОСУҢ!!! (ТУУГАН ДЕЛЕ УШУНДАЙ) ТУУГАН ЖАНА ДОС АКЧАДАН БИЙИК ТУРУШУ КЕРЕК. ОРТОГО АКЧАНЫ АРАЛАШТЫРЫП БИЙИК ДОСТУКТУН ЖАНА ТУУГАНДЫКТЫН КАДЫРЫН ЖОГОТПОГУЛА!!! (берчү болсоң жөн эле жардам кылып бер. Ошондо жаның кыйналбай, тескерисинче рахат менен рахмат алат) Берип жаман көрүнбөй, бербей эле жаман көрүнгөн жакшы экен... Бирөөгө аманат бергенден корккон заманда, кыздарын аманат берип жаткан аталарды аяймын😔😔😔 11.05.2020 Идрис ак

29.04.2020
30 күндө 30 сабак 6-күн 6 кеңеш 1-КЕҢЕШ Ар ким өзү сүйгөн кесипти тандасын, же өзү сүйгөн жумушту аткарсын. Анткени СҮЙГӨН ИШТЕН ДЕНЕҢ ЧАРЧАСА ДА РУХУҢ ЧАРЧАБАЙТ... 2-КЕҢЕШ МАКСАТ МЕНЕН АРАКЕТ БИРИККЕНДЕ ГАНА ИЙГИЛИК ЖАРАЛАТ. Антпегенде ар ким максат коюп кыялданып отура берет. Америкага баруу максатым, бирок... 3-КЕҢЕШ МУГАЛИМДИ БАРКТАБАГАН ӨЛКӨНҮН КЕЛЕЧЕГИ ЖОК! Усталар үй курат, мугалимдер мекен куруп жатканын унутпоо керек. Устаз ата-энеңден улуу-деген улуулардын кебин унутпоого чакырам... 4-КЕҢЕШ ЧЫНЫГЫ ЖЕТИМ ата-энеден айрылаган адам эмес. Чыныгы жетим адамгерчиликтен, адеп-ахлактан жана билимден айрылган адам. Бүгүн адамзаттын мына ушул жетимдик менен алсыздап турган учуру. Акылы күчтүү бирок адеби жок кишини жаштарга өрнөктүү деп айтуу кыйын. Мекенди акылдуу бирок адепсиз жандар сактап кала албайт! Адеп-жыпар жыт сыяктуу. Атырды да сен себесин башкалар рахат алгандай, адептүү бол-башкалар сенден рахат алсын жана ыраазы болсун 5-КЕҢЕШ РАХМАТ АЙТЫП РАХАТ АЛ. УРМАТТУУ УЛУУЛАР: -салам бергенге, -колуңа суу куйганга, -автобуста орундук бошотуп бергенге, -ооруңду көтөрүшкөнгө, -жумушуңа жардамдашканга, -сизге жакшылык кылып жаткан жалпы ЖАШТАРГА "РАХМАТ БАЛАМ" - деп айтуудан эринбесек. Жаштардын кылган жакшылыгын, жалпыга угузуп "рахмат, азаматсың балам. Өмүрүңдөн береке тап, көп жаша. Ата-энеңе рахмат"-деп айта берсек. Аны уккан башка жаш балдар "мен да ушинтип жакшылык кылам" - деп ойлонот, ал эми жашкылык кылган киши, кылган ишинин жыйынтыгын көрүп кубанып жашайт. Рахмат айтууга жарабаган, өрнөктүү болгондун ордуна, же өзүн, же сөзүн эптей албаган улуулар жаштарды күнөөлөбөй өзүбүздү жакшы жакка өзгөртүү керек... 6-КЕҢЕШ ОРОЗО ДЕНЕНИ ДЕМ АЛДЫРТАТ Иштеп жаткан ар бир техниканы белгилүү учурда токтотууга, майларын алмаштырууга мажбурсуз. Антпесе узак иштей албай калат. Окуучу да бир аптада бир эс алууга чыгат, жумушчу да дем алууга жатат. Ооба, дем алып турбаса, бирдей аракет жана ийгилик болбойт. Адамдын денеси да бир фабрика сыяктуу, ал эми анын дене мүчөлөрү, ички органдары фабриканын иштеп жаткан жабдуулары сыяктуу. Орозо болсо, ошол фабриканын дем алуусуна, бузулбай жакшы иштөөсүнө жардам берет. Денедеги зыяндуу заттарды жоготот.. ИДРИС АКЫН

29.05.2020
ТАЗА ЖҮРӨК Мектепте мугалимдин, иш канада башчыбыздын, армияда жетекчинин, үйдө ата-эненин айтканын заматта кылып, алардын алкышын алгыбыз келет да, эмне үчүн баарыбызды жараткан Аллахтын айтканын аткарып, Анын да алкышын алгыбыз келбейт? "Сен эмне буйрук берсең бер, менин андан да маанилүү иштерим бар!" дегенсип, намаз кылбастан жүрөбүз! НАМАЗ ыйман келтиргенден кийинки эң маанилүү ибадат. Баарына жооп беребиз. Керек болсо телефонуна жооп бербеген адам жок. Ким чалды экен? - деп, тааныбаган номурга да жооп кайтарабыз. Аллахтын чакыруусуна жооп бербеген жалкоо жаныбыз Жаннатка кантип кирет? Аллахка шүгүр - Аллахтын айтканын аткаруу менен билдирилет. "Намаз окубасам да, орозо тутпасам да ЖҮРӨГҮМ ТАЗА менин" - дегендер уккула: -жүрөгү таза адамдар Жараткандын буйругун аткарат!!! Ислам дини ушунчалык укмуш, оңой, маанилүү, пайдалуу, керектүү, жеңил экендигин билсек кана... Аны үйрөнбөй туруп, дин менен жашоо кыйын экен - деп татаал көрүп алдык... Китеп текчеңизде Алланы, акыретти, динди, исламды, шариятты, Куранды, Пайгамбарды, сахабаларды тааныткан жана үйрөткөн китептер да турсун... ТАЗА ЖҮРӨК - ЖАРАТКАНДЫН БУЙРУГУН АТКАРАТ! Алланын айтканын аткарбай туруп, "жүрөгүм таза" - деп айтууга шашпай туралы. Кантип байыгандын сырын үйрөткөн китептерди талашып жаткандар, кантип татыктуу жашоонун сырын үйрөткөн Курандын да маанисин үйрөнгөнгө шашалы... Аллах баарыбызга бекем ыйман берсин! ИДРИС АЙИТБАЕВ

29.11.2019
БОЙДОКТОРГО Өзүңөргө аял тандабай, болочок БАЛДАРЫҢАРГА АПА-АТА тындагыла!!! ЭРКЕКТЕРДИ 25 жашка чейин зарылчылык болбосо үйлөнүүсүн сунуштабайм... КЫЗДАРДЫ мектепти аяктаган болсо, жогорку окуу жайда окуп жаткан болсо да эң биринчи орунда адеп-ахлактуу ата-эненин уулунан, жакшы үй-бүлөдөн колун сурап келе жаткан болсо, өзү да моралдык жактан даяр болсо, баланын адамгерчилигин кара да мүмкүнчүлүктү качырбай турмушка чыгып кеткен оң деп айтам. АЗГЫРЫЛБА Азыр болочок өмүр шеригинин: Адебин карабай-аудисин карап, Үмүтүн карабай - үйүн карап, Билимин карабай - кийимин карап, Атасын карабай - акчасын карап, Апасын карабай - дүйнө запасын карап, Сөзүн карабай - өзүн карап, Өнөрүн карабай - көйнөгүн карап Ден-соолугун карабай - оролгон жоолугун карап, Сөзүнүн мани-макалын карабай - топу-сакалын карап, Тирлигин карабай - бойолгон каш-кирпигин карап Адеп-ахлагын карабай - авторитетин карап АЛДАНЫП ЖАТКАНДАР ТОЛТУРА!!! Бала кезден баарын ата-энеңден сурап аткаргандан кийин ЭҢ МААНИЛҮҮ УЧУРДА ДА АТА-ЭНЕҢ МЕНЕН КЕҢЕШИП ЧЕЧИМ ЧЫГАРУУНУ УНУТПА БАЛАМ!!! 29.11.2019 Идрис акын

12.06.2020
ӨЗГӨНҮ КОЙ, ӨЗҮҢДҮ БИЛ! Жогорулап баса бер. Бийикке чыкмайынча баскан жолуңа баа бере албайсың. Өйдөдөн ылдый карап гана: "тээтиги жерден бурулуп кетпей жакшы кылыптырмын, бирок мобул жак менен келсем, оңой болмок экен" - деп айта аласың... *** Биригип жогорулоо, жогорулап бириккенден жакшыраак. Мунун математикалык далили: 2³+4³=72 (2+4)³=216 Үй-бүлөң, туугандар менен бирик эң башында. Андан соң калгандарына көңүл бур. Тууганың менен тууганчылыкты токтотуп коюп, башкалар менен биригип тапканың бул дүйнөдө калат... Туугандан мамилени үзүү - Аллах менен да мамилени токтотот *** Кудай берген кишиге Кудай урган киши сүйлөнөт-дейт кыргызда. Сүйлөнө бербе... *** Бир туугандарың, жакындарың үчүн жаша. Калганын жөн кой *** Адамдардын көңүлү Жаннат эмес, Ал жерде түбөлүк кала албайсың Барибир жек көргөн чыга берет Баарынын көңүлүн таба албайсың Идрис акын *** Жашоо кыска, Бул өмүрдү көп көрбө Бирөөлөрдү Жаман көрүп өткөрбө Идрис акын *** Досторумдун Пайдасы тийбесе да, Зыяны болбосо экен Күлдүрүп жүрбөсө да Күйдүрүп койбосо экен Көптүрүп мактап туруп Көзүмдү ойбосо экен Идрис акын *** Турмуш деген өйдө-ылдый Татаал жолдон куралган Чыңалышып бул жолдо Чыдагандар тура алган Жүрөктүн да сокконун ЭКГдан көргөнсүң Өйдө-төмөн сызылган Жолго көңүл бөлгөнсүң Тегиз сызык сызылса Демек, бүттү, өлгөнсүң... Идрис акын *** Бир жолу колдонуучу Буюмду көп билемин ӨМҮР да дал ошондой Бир жолу деп билемин Идрис акын Сагынып күткөн ЖУМА маарек болсун, достор. Мага да дуа кылууну унутпаңыздар😊мен да сиздер үчүн дуадамын.

11.06.2020
Жаман-жакшы айтышпай, жөн эле көрүп койгула, сураныч. Мен айткан сөздүн авторун чукугандарга айтаарым: -бул сөздөрдү үйдөгү ар бир ата-эне айтат! Атадан тарбия алган бала АКЫЛДУУ, энеден тарбия алган бала ЭПТҮҮ болот. Балдарыбызга тарбияны биргелешип берели урматтуу АТА-ЭНЕЛЕР!

10.05.2020
30 күндө 30 сабак 17-күн АРАМ жана АДАЛ 1-БӨЛҮМ «Бир адам Алла элчисинен: «Мен парз намаздарды окуп, орозо кармап, адалды адал, арамды арам деп кармансам, мындан башка эч нерсе кылбасам, бейишке киремби?» деп сураганда, Алла элчиси: «Ооба» деп жооп берген (Муслим). Алла Тааланын буйрук жана тыйымдарына жараша аракет жасоо, ошол өлчөмдөр боюнча өмүр сүрө билүү – Алла Таалага болгон ыймандуулуктун, аны менен болгон байланыштын өзгөчө белгиси. Адам алдына келгенди, колуна илингенди жей бербөөсү, балит, өлүмтүк, башкалардын акысы кошулган жана динде тыюу салынган нерселерден алыс болуп, адамдык баркын сактоосу керек. ЭТИ ЖЕЛЧҮ АЙБАНДАР Бардык диндерде эттерин жешке боло турган жана болбой турган айбандар жөнүндө өкүмдөр табылат. Пайгамбарыбыз (САВ) да Алла Тааланын ага билдирүүсүнөн улам кээ бир айбандардын этин жешке болбосун мусулмандарга үйрөткөн. Эми эти адал айбандар: А. КУРГАК ЖЕРДЕ ЖАШООЧУ:  Кой, эчки, уй, топоз, төө, коён, тоок, үндүк, каз-өрдөк  Аркар, кийик, жейрен, жапайы уй-топоз жана зебра өңдүү жапайы айбандар.  Көгүчкөн, таранчы, улар, кекилик, бөдөнө, чыйырчык, балыкчыл өңдүү канаттуулар.  Тырмак жана чеңгелдери аркылуу ууланган аңын мыкчып тытпай турган, өлүмтүк жана балит нерселерди азык катары колдонбогон бардык жапайы канаттуулар.  хадисте атайын өкүм келгендиктен чегиртке адал болуп саналат.  Жылкынын эти 4 мазхаб боюнча адал. Б. СУУДА ЖАШООЧУ АЙБАНАТТАР Сууда жашоочу айбанаттардан балык түрүндөгү бардык деңиз жаныбарларынын этин жегенге болот. Ошону менен катар биз деңиз жаныбарларын төмөнкүдөй эки топко бөлүп кароого акылуубуз: 1) Балык түрлөрү: Балыктын бүткүл түрлөрү адал. Балык түрлөрүндө «аккан кан» болбогондуктан атайын муздоо маселеси керек эмес. ханафийлердин пикири боюнча өзү өлүп калып, суунун бетине калкып чыккан балыктарды жешке болбойт. 2) Балык түрүнө жатпаган суу жаныбарлары: Мидия, бака, краб (рак) өңдүү суу жаныбарлары ханафийлер боюнча адал эмес... УЛАНДЫСЫ БАР..... (сүрөт өткөн жылы Рамазанда УММА журналынын диалог ооз ачарында тартылган) 10.05.20 ИДРИС АКЫН