28.09.2019
Чарчадым... Күлкүмдүн артындагы күйүтүмдү билгениңерде кана.... Мени тешип салдың - деп тахтай мыкка арызданса, мык да ага жооп катары "сен менин башыма тийген соккунун оордугун сезгениңде, мени мынтип жаман көрбөйт элен" - деген экен.... Талкаланган жан дүйнөнү көтөрүп жашагандан чарчадым... Калп эле күлгөндөн чарчадым, оорусам да кандай деген суроого жакшы деп жооп бергенден чарчадым, ач турсам да токмун дегенден чарчадым, чарчасам да иштегенден чарчадым, Башканын көңүлү калбасын деп, озумдун көңүлүмдү талкалагандан чарчадым... 😔😔😔

22.11.2019
БАШКАЛАРГА АЙТАЛЫ, ТУУРА ЖОЛГО КАЙТАЛЫ!! Таштандынын четине пакетке салып асып койгон нанды ит да жебей жатат. Анткени шаарда ит аз, жокко эсе. Шаар тургундары нандын кусуру урбасын. Ысырапкерчиликтин алдын алууга аракет кылалы!!! 22.11.2019 ИДРИС АКЫН

09.11.2019
ЭЧ КИМГЕ КУЛАК САЛБА!!! Бийик тоого жүздөгөн курбакалар секире баштаса, миңдеген курбакалар эки четте карап турушат. Мелдеш башталар замат тоонун бийиктигин көрүп, эки капталдагы бакалар: "БЕЧАРАЛАР, БАЙКУШТАР, ЖЕТЕ АЛБАЙСЫҢАР!" - деп бакыра башташат. Чындап эле жарым жолдон курбакалар кулай башташат. Баары кулай берип, акырында бир гана курбака бийик чокуга жетет. Башка курбакалардын баары жетип барып: "азаматсың, бир гана сен жеттиң. Кантип жеттиң, сыры эмнеде? "-деп суроо узатат. Баарын карап турган жеңүүчү курбака СӨӨМӨЙҮ МЕНЕН 2 КУЛАГЫН КӨРСӨТҮП, КУЛАГЫ УКПАГАНЫН ТҮШҮНДҮРӨТ. Көрсө ал курбака ДҮЛӨЙ экен. ЖЫЙЫНТЫГЫНДА Баарына кулак сала берсең эч нерсе кыла албайсың. Тескерисинче депрессияга кабылып, психигиң чыгып, эрте эле өлүп каласың. Көздөгөн бийик максатыңа бекем кадамыңды таштап бара бер. Көңүлүңдү калтыра турган бир да сөздү укпа, андайларга ДҮЛӨЙ кейпин кийип ал! Жакшы жашоо кааласаң Жакшы кеңеш - билип ал Көңүл бурбай ар кимге Жинди чалыш болуп ал 09.11.2019 Идрис акын

01.10.2019
Адамдардын көбү тиштерине көңүл буруп жашашат. Тишти таза кармагандай эле аң сезимди да тазалап жүргөнүбүздө коомдогу бүгүнкү жаман көрүнүштөр болбойт эле! 01.10.2019 Идрис акын

11.10.2019
БИЙИКТИК - ЖӨНӨКӨЙЛҮКТӨ КАТЫЛГАН Бийик адам болсом деп Бийди мактап каласың Эптеп көзгө илинип Эшигине барасың Куйтуланып чоң жерден Жумушун да аласың Бийик адам сыяктуу Ылдый назар саласың Канатың керип андан соң Келгендерди кабасың Эптеп араң келгенге Эшигиңди жабасың Бийик болуш оп оңой Аны ЖӨНӨКӨЙ БОЛСОҢ ТАБАСЫҢ!!! 11.10.19 ИДРИС АКЫН. МОСКВА

15.11.2019
АСМАНДАГЫ АКЫЛЫМ (Бишкек - Ош 15.11.2019) БИЗДИН АЯЛДАРДАН АЙЛАНЫП КЕТСЕҢ ЖАРАШАТ Европа же башка өнүккөн өлкөлөрдүн аялдарын кара. Тең укуктуубуз деп отуруп:😔 -Түнү бир маалда кирип барса аялын ойготпойт... -жумуштан чарчап келип кийимиңди ордуна илбесең сүйлөнөт... -өзүң үйдө болуп жеген тамагыңдын идишин жуубай калсаң карганат... -кайын ата-энеге кызмат кылуу кыялына да кирбейт... -көңүлү чаппаса көчөгө уруксаты жок чыгып кете берет -келе турган мейман планы жок айттырбай келип калса, "кечирип койосун көчөгө чыгып бара жатканмын" - деп өзү менен кошо көчөгө чыгарып койот. Биздегидей заматта сабиз туурап аш демдей калбайт... -кол көтөрүп эмес, үнүңдү көтөрүп көрсөң көрөсүң баарын, "кыргызстандагы катындын колун өпкөнүм жакшы экен"- деп арманыңды ичке жутуп жашайсың... -күйөөнүн туугандарына кызмат кылууну кулдукка теңеп, жаагыңды жабып койот. Биздегидей күйөөнүн бардык туугандарынын сайылган сасык сөзүн укканда өлүп калышат... -"кийимимди үтүктөп бер"- десең," өзүңдүн колуң жокпу"- десе асынып өлүп алгың келип кетет.... КАРОЧИ ЕВРОПА ДЕП ЭШИЛБЕЙ ЖӨН ЖАШАГЫЛА😊😏😎 Идрис акын

20.11.2019
КЕРЕГИН АЛГЫЛА, КАГЫЛАЙЫНДАР!!! Азыркы нандарды катып калса кайрадан НАНПАЛОО кылып жей албайсың. ЭСКЕРТКИЛЕ, ЭСКЕРТКИЛЕ!!!

07.11.2019
Жөн эле эсте калган МАКАЛДАР 1 Ар бир адам менсинет, куурай гүлгө теңсинет... 2 Баарына жагамын десең, бирине да жакпайсың... 3 Жемди көргөн бөдөнө торду көрбөйт... 4 Амалкөйдү адашып ашынам деп жүрбөгүн, ач көз байды адашып кошунам деп жүрбөгүн... 5 Биттүү конок батат, иттүү конок батпайт...

30.10.2019
ЖАМАН КӨРБӨЙ, ЖАКШЫЛАП ОЙЛОНОЛУ ЖАЛКООЛОНБОЙ ЭРТЕРЭЭК ОЙГОНОЛУ! Билим алуу мектеп бүткөндөн кийин токтошу мүмкүн, бирок сабак алуу өмүр бою уланат... Университетте окуп жатканда да чоң сумкамын бир четине нан салып барчу элем. Бир аптада бир жолу сумкамдын ичин нандын ушагынан тазалап турчумуп,анткени китептердин арасында ушаланып кетчи кээде... Бугун мектептерде ушул сумканы көтөрүп калган балдар, эртең университетке бир дептер менен сабакка барып жатышат... Оор да болсо айтайын! Бугун партада уктаган балдар, эртең парламентте укташат! Урматтуу ата-энелер, балдардын сумкаларын жана кийим - формаларын көзөмөлгө алыңыздар! Илгери биз ата-энебизден 3 эле учурда: 1-сентябрда, жаңы жылда жана акыркы конгуроодо гана акча алчубуз. Берген акчасынын жарымын ашырып келчүбүз. Азыр жакын жерде жашаган окуучу жок дегенде 20 сом менен келип, сабакта эмес столовойдо тойго келгендей сабак менен иши жок отурат... Мектептен талап кылган формалар, ушул балдар кийип бараткан кийимдерден эки эсе арзан.... Урматтуу ата-энелер 2-чейректен башынан баштайлы анда... Эчтен көрө кеч жакшы! 30.10.2019 Идрис акын

26.10.2019
Турмуш - сахна, Сахнадагы куурчакпыз. Бүгүн барбыз, Эртең жокпуз, турпакпыз... 26.10.2019 Идрис акын

13.10.2019
КУЛАГЫ ООР-УКПАГАН АКСАКАЛ (башкаларга айткыла) Куран окуп отурган аксакалга дем салдырганы (куран окутуп элдин сугун, назарын, кирнесин чыгаруу же эскичилик кылуу) келин кирип келди. Куранды ачып баштаган бетти аягына чейин окуу адеп бар. Келген келинге колу менен ишара кырып отура тур - деп окууну уланта берди. Бир убакта келиндин артынан угулаар-угулбас үн менен өзү каалабаган абалда жел чыгып кетти. Ыңгайсыз абалда уялган келиндин бети кызарып чыкты. Курандын бетин аяктаган аксакала:эмнеге келдиң кызым"-деп кайрылды. Уялган келин акырын үн менен:" куран окутуп дем салдырганы"-деп айтты." укпай жатам катуураак сүйлө, кулагым оор"-деп кайрылды. Экинчи ирет катуураак сүйлөсө да укпады. Жанагы чыккан желдин үнүнөн да катуу сүйлөсө укпай койгон аксакалды көрүп: "жанагы желдин үнүн укпаптыр анда"-деп эми уялбай калды жана бетинин кызылы кетип :" дем салдырганы келдим ава, кулагыңыз укпайбы ушунчалык" - деп катуу сүйлөй баштады. Сырттан небересин чакырып:"мына бул келин эмнеге келиптир кулагым укпай жатат" - деп калды. Ангыча небереси чоң атасына :"дем салдырганы келиптир " деп кулагына келип сүйлөдү. Ошол окуядан кийин айылда аксакалдын КУЛАГЫ ООР, АНЧА УКПАЙТ деген ылакап аты тарап кетти. Баарынын бакырып сүйлөгөнүнө көнүп калган аксакал 17 жылдан кийин үйүндө чай ичип жатып кулагына бакырып сүйлөп жаткан баласына:"балам бакырбай сүйлөй бергиле. Менин кулагым уга баштады" - деп калды. Сүйүнүп турган балдарына карап сабак болсун деп сөзүн ушинтип улантты: "17 жыл мурда келген келинди эстейсинби? Ошол келин жанымда уялып калганынан, анын уятын жабайын деп ушундай ыкма колдондум жана келин эч кыжалат болбой үйүнө кетти. Бир келиндин авратын-уятын жабуу үчүн башкалардын КУЛАГЫ ООР-УКПАЙТ деген сөздөрүнүн баарына чыдадым. Азыр гана ошол келиндин жаназасынан келе жатам. Эми менин кулагым жакшы эле угат. Бакырбай эле сүйлөй бергиле мындан ары"-деген экен.... Сизге суроо: башкалардын уятын жабуу үчүн ушундай эрдик жасаганга даярсызбы? Анда баштадык, соц тармактарга башкалардын абийирин ачкан макала - сүрөттөрдү жана маалыматтарды чыгарбайлы сураныч! Мен жазганды миф же жомок дегендер, керегин ал, болбосо айтышпай кал! 13.10.19 Идрис акын. Москва

11.10.2019
Сапардамын, кош болгула, Мекендештер топтолгула! Ассалом алейкум достор. Ала-Тоонун саламын алып жалпы мекендештер менен жоолугуп баарлашканы келип калдык. Колу бошуң келгиле Көрүшөлү калалы Элдин айтып саламын Энергия алалы Аман-эсен экен деп Ала-Тоого баралы... Kg Russ кайрымдуулук фондуна ыраазычылык билдиребиз. Мекен үчүн кызмат кылган кайрымдуулук фондко кең келечек жана кетпеген дөөлөт каалайм... Урматым менен Идрис акын бир тууганыңыздар Азыр Оштон самолётко отурдум. Ак жол каалап койгула, достор 11.10.19 05:20

09.10.2019
Жамгыр менен жер, батаа менен эл көгөрөт... Бир күнү бир аксакал колундагы бир килограмм эти менен мечитке кирип намаз окуп, үйүнө барып байбичесине алып келген этти бышырып кел дейт. Бир убакта кемпири укмуштуудай окуяга кабыдып таң калып абышкасына:"сиз алып келген эт дак болгон майга да күйүп жаткан отко да күйбөй койду" - деп кирет. Бул эмне деген керемет деп алып келген жанагы мечиттин имамына көтөрүп барат. Мечиттин имамы:"аксакал жана биз менен намаз окуганыңызда ушул эт бар беле?" - деп сурайт. Ооба деген жоопту алгандан кийин имам сөзүн ушинтип баштайт:"мен жана намаздан кийин батаа кылып жатып-Аллахым ушул жерге келген адамдардын денесинин этин тозоктун отуна арам кылгын"-деп айттым эле. Көрсө мен кыдган бата колуңуздагы этиңизге да өтүп кетиптир-деп ыйлап кирди... Ооба достор, калың элдин батаасын алганга шашылалы. Кетирген кемчиликтерди энеңерге батаа кылдырып Кудай Тааладан кечирим суратып алгыла. Аллах энелердин батаасын кайтарбайт... 09.10.19 Идрис акын

04.10.2019
ДОСТОР БАР Достор бар - дооруңду сүрө турган Достор бар - үстүңдөн күлө турган Достор бар - оорууңду сезип турат Достор бар - бооруңду эзип турат Достор бар - баткактан сууруп чыгат Достор бар - башыңды кууруп чагыт Достор бар - көңүлүң ачып кетет Достор бар - кайгырсаң качып кетет Достор бар - алыстап кеткиң келбейт Достор бар - кыйналсаң эч ким келбейт Достор бар - мектептен кошулбаган Достор бар - жаныңда отурбаган Достор бар - чакырсаң барам деген Достор бар - бергенин алам деген Достор бар - сыйыңды билип алган Достор бар - сырыңды илип алган Достор бар - досмун деп сыйлаша алат Достор бар - кошкун деп ыйлата алат Достор бар - туугандан артыгыраак Достор бар - душмандан тантыгыраак Достор бар - ишиңе жарап турат Достор бар - акчаңды карап турат Достор бар - мечитке чакырышкан Достор бар - мойнуңа асылышкан Достор бар - сиз дейсиң, мактай турган Достор бар - издейсиң таппай турган Достор бар - кейишке сала турган Достор бар - БЕЙИШКЕ бара турган!!! Идрис акын 10.04.2019 Жума майрамыңыздар менен достор! 04.10.2019 Идрис акын

10.10.2019
Кыргыз-казак достугун даназалаган айтыш Ош облусунун казысынын акесинин тоюнда далилденди. Сүрөттө Балгынбектин жанында менин шакиртим Адилет Замирбеков, ал эми мение жанымда анын шакирти Биржан Байтуев... Достукка кызмат кылгандардын жүрөгү жок дегенде жүз жылы дүкүлдөп иштеп турсун. Атабаевтердин үй-бүлөсүнөн Аллах ыраазы болсун.

18.10.2019
НАМАЗДЫН диндеги орду, БАШТЫН денедеги орду менен БАРАБАР. Башсыз дене өлүк экен, намазсыз да дин өлүк болот. Аталарыбыз молдо болгон экен-деп, бирок өздөрү арак кармап отурган кишилердин балдары: "аталарыбыз алкаш болгон экен" - деп биз жөнүндө кеп баштаса, кабырда абалыбыз кандай болоор экен 😔😔😔 Өзгөлөргө өзүбүз өрнөктүү бололу