23.03.2020
ГҮЛ -ГҮЛ СУНГАН КОЛДО ГҮЛДҮН ЖЫТЫ КАЛАТ. -Гүлгө чымын-чиркейдин баары конот, бирок аары гана анын балын соруп алат... -Жакшы кишинин жаман кошунасы короосундагы таштандыны салып, анын эшигине таштап кете берет. Жакшы аны алып тазалап, короосундагы бышып жаткан мөмөдөн салып алып кирип бере берет. Бир күнү жаман кошуна :"эмнеге ушинтесиң" - таң калып сураганда ;"кимдин короосунда эмне бар болсо, ошонусу менен бөлүшөт" - деп жооп берет... -Гөңдүн арасында жалгыз өскөн гүлгө учуп барып көнгөн БАЛ ААРЫ болуу керек. Гүлзардын арасындагы гөңгө барып конгон ЧЫМЫНДАЙ болбостон!!! -Бир чака суу кумурска үчүн деңиз, жылкы үчүн суусундук, балык үчүн Ата-Журт... -ӨЛКӨНҮН КЕЛЕЧЕГИ КОРОНАВИРУСКА ЭМЕС, КАЛКЫНЫН АДЕПТҮҮЛҮГҮНӨ БАЙЛАНЫШТУУ. АДЕПТҮҮ КАЛК КОРОНАВИРУСТУ ДА ЖЕҢИП ЧЫГА АЛАТ... 23.03.20 ИДРИС АКЫН

29.10.2019
КЕЛИН КӨЙНӨК (келин фата) Арендага алынган бул кийимди кимдер гана кийбеген... Бул кийим ушинтип сүйрөлүп кай жерлерге чейин кирбеген... Эмнелер гана тамчылап, эмнелер гана тийбеген... Арендасынын өзү паланча сом... Ошол акчага он түрдүү кийим алса болот... КЕЛИН КӨЙНӨК кийдирбесең эрге тийбейм - деп тойду токтотуп койгон кыздарды да укканмын... Келин болуп бара жаткан күндөн баштап жерге этегиң тийип сүйрөлбөсүн, кызым... Өзгө жердеги жашооңду жүдөп баштаба! Салондон чыккандан бери жерди чийип келген кир көйнөктү ак никеңелү ак өргөгө кийип барбагыла кыздар... Ушул кийим менен той кананын дарат канасында курбулары менен жүдөп жаткан көрүнүштү элестетип көр, балким көргөн да чыгаарсын, кызым... Кийимдин жукалыгынын айынан ички кийиминин баары көрүнүп турган бул кийимди алып берген эркекке да таң калам... Өзүңдүн махрамыңды ортого алып, денесин көрсөтүп, карап турба... УЯТЫ ЖОК ДЕГЕНИ - ЫЙМАНЫ ЖОК ДЕГЕН МЕНЕН БАРАБАР! 29.10.2019 Идрис акын

27.10.2019
КАНДАЙ?... Кандай? деген суроого заматта ЖАКШЫ деп жооп берген туура эмес. КУДАЙГА ШҮГҮР, ЖАКШЫ - деп жооп бергенде гана туура болот. Ар бир адам Аллага шүгүр деп жооп берүүнү үйрөнүүсү керек... Саламды жылмайып берүү маанилүү болсо, жогору деңгээлде жооп берүү андан да маанилүү экенин унутпоо керек... Кээ бирлери тилинин учунда салам берет, жана ошого жараша жооп алат... Кээ бирлери болсо асмандан түшкөндөй болгону колун араң сунуп, башын ийкеп-салам дегенден эринет... Айрыкча элге таанымал адамдардын бардыгы карапайым калк менен кадырлуу болуп жатканын унутпоосу керек жана эл менен аралашып, калк менен кадырлашып-саламдашып жүрүүсү заарыл... Какой привет, такой ответ... 27.10.2019 ИДРИС АКЫН

09.10.2019
Тууганчылыкты токтотпо... "келбегенге баруу, бербегенге берүү, зулумдук кылганды кечирүү" - бул адамдык эң асыл сыпаттардын бири. Хадис "Ырыскысынын көбөйүшүн жана өмүрүнүн узун болушун каалаган адам тууганы менен жакшы болсун" - хадис. Колунда жокторго берилген садака бир садака болсо, туугандарга берилген садака эки садака болуп саналат : бири садаканын сообу, дагы бири туугандыктын сообу... Аллах Таала айтат:" тууганчылык байланышка кол сунганга кол сунам. Алаканы үзгөндөр менен мен да кол үзөм". ХАДИСИ КУДСИЙ деп-алланын сөзүн пайгамбар САВ айтат, мына ошого айтылат 09.10.19 Идрис акын

29.10.2019
Бир айдан соң коштошом Адамга эң туура тартылган нерсе АКЫЛ болсо керек. Себеби эч ким өз акылына нааразы эмес... Өрнөк берүү оңой, ӨРНӨК БОЛУУ КЫЙЫН... Соцтармактагы сайттын ээлери, өздөрүн чоң бир телеканалдын директорундай сезишет... Жазган макалаңды көп болсо миң адам окуйт. Миллиондогон элди башкарып жаткандай башкачабыз... Башкаларды артынан сындап атып, ошолордун артында калып кеткенибиз менен ишибиз жок... Адамдын жакшылыгын көрө албаган КӨРЛӨР көбөйүп баратат, аттиң... Бала кездеги үйдөгү ФОТОАЛЬБОМдон өтөрү жок... Ал альбомду жакындар гана көрөт эле. Азыр СОЦБАРАКЧА ошол альбомдун ордун басып, анын ичин иттер да аралап кетти... Бирөөнүн арманын, бирөөнүн жалганын, бирөөнүн тамагын, бирөөнүн сабагын, бирөөнүн көйгөйүн, бирөөнүн көйнөгүн, бирөөнүн ыйын, бирөөнүн сыйын, бирөөнүн тообасын, бирөөнүн модасын... Айтор жакшы менен жамандын ортосунда аралашып калган АКМАК болуп жатабыз... Жакында соц тармак менен коштошом. Баары ушул жакта жүргөнүнөн, аз да болсо пайдалуу макала киритип турайын деп кирген элем. Бул жакта баары акылдуу, артта калып калган адам сыяктуу уяла баштадым. Эсим барда этегимди жыйып кетип калайын... 29.10.2019 Идрис акын

23.09.2019
ҮЙҮҢ ЭМЕС СҮЙҮҮҢ БОЛСУН! ҮЙ өрттөнүп жатса баардык адам чуркап куткарабыз, бирок ҮЙ-БҮЛӨ бузулса баарыбыз чуркап сактабайбыз! Үй-бүлө үйдөн маанилүү. Кымбат үйүң эмес, чатыр да болсо үй-бүлөлүк бакыт болсун. Кымбат үйдө кырылышып жаткан канча бактысыздар бар... 23.09.2019 Идрис акын

10.10.2019
АКЧА КЕРЕК! Кагаз акча КЕРЕК -дейбиз Көп болсо деп элестейбиз Бүктөлсө да кайра оңдоп Эч нерсеге теңешпейбиз Тебеленсе ала калып Арчып колго сала калып Жыртылса да колдонобуз Желим менен жамап алып Иштөө мөөнөт өтсө дагы Сактап аны көпкө дагы Эски купон эмгиче бар Эстеп сүйөт өпкө дагы Кадырын көр акчанын Керек дешип жатканын Кай абалга түшпөсүн Кагазды көп мактадың Адам бир күн акчадай Бүктөлөбүз калабыз Тебеленип болбосо Төмөн жакка барабыз Жыртылгандай ким билет Бир жерибиз алабыз Иштөө мөөнөт бүткөндөй Каарылык чоң жарабыз Кай абалда болбосун Керек дешсин бизди да Дос-жарыбыз, балабыз!!! Идрис акын

10.10.2019
Жаштар менен жоолугуп Жан эргиткен кеп айттым: Ата-эненин эмгегин Актагыла - деп айттым Жалкоолонуп жөн эле Жатпагыла - деп айттым Жоо бетинен мекенди Сактагыла - деп айттым Окуп жүрүп ийгилик Жараткыла - деп айттым Ала-Тоонун атагын Айланага жакшылап Тараткыла - деп айттым... 10.10.19 Идрис акын

09.10.2019
ТААЛИМ-ТАРБИЯ ТУУРАЛУУ Адам баласы төрөлгөндөн өлгөнгө чейин тарбия алууга жана тарбия берүүгө милдеттүү... Бала тарбиялоо жөндөмү болбогон, болсо дагы жоопкерчиликти мойнуна албаган ЭНЕ жана алардын эч бир көйгөйүнө чара көрбөгөн АТАНЫН балдары ата-энелери бар болсо да ЖЕТИМ болуп эсептелинет... МУРДАЛАРЫ, Ата-энеси жок ТОМОЛОЙ жетимдер, же ата-же апа жок ЖАРТЫ жетимдер бар эле. АЗЫР БОЛСО ата-энеси бар туруп ажырашып кеткен ТИРҮҮЛӨЙ ЖЕТИМДЕР БАР... ТОМОЛОЙ ЖЕТИМ ЖЕ ЖАРТЫ ЖЕТИМДЕР: "алар өтсө туугандарым бар" - деп ҮМҮТ менен чоңоюшат. Ал эми ТИРҮҮЛӨЙ ЖЕТИМДЕР БОЛСО: "таштап кеткен атасын же апасын жек көрүп КҮЙҮТ менен чоңоюшат экен... Чымчыктын уясы болсо да бузулбасын. ҮЙ өрттөнүп жатса баардык адам чуркап куткарабыз, бирок ҮЙ-БҮЛӨ бузулса баарыбыз чуркап сактабайбыз... 08.10.19 Идрис акын

27.10.2019
ООР ДА БОЛСО АЙТКАНГА АРГАСЫЗ БОЛОСУҢ! БИР УУЛДУ ТАРБИЯЛАСАҢЫЗ, БИР АДАМДЫ ТАРБИЯЛАГАН БОЛОСУЗ. БИР КЫЗДЫ ТАРБИЯЛАСАҢЫЗ, БИР ҮЙ-БҮЛӨНҮ ТАРБИЯЛАГАН БОЛОСУЗ. УРМАТТУУ АТА-ЭНЕЛЕР КЫЗДЫН ТАРБИЯСЫНА КЫЛДАТ БОЛУҢУЗДАР... УЯТЫ ЖОК ДЕГЕНИ - ЫЙМАНЫ ЖОК ДЕГЕН МЕНЕН БАРАБАР... КӨЧӨНҮ СОЙКУ КАПТАП КЕТКЕНДЕЙ БОЛОТ КЭЭДЕ... Бир элдин келечегин көргүңүз келсе, андагы аялдарды караңыз. Наполеон I Бонапарт

25.10.2019
Жумадан кийин жыйын болот Жалпы журтка сыйым болот Жаштар эгер каралбаса Жашоо анда кыйын болот Дал ушундай максат менен Алга кадам аттап келем Педагогмун ата-энеге Семинарды тактап берем Келечеги мекенимдин Жаштар үчүн көрүшөлү Ата-энелер, мугалимдер Ишти тактап бөлүшөлү... Ош шаары, Курманжан Датка атындагы Ош кыздар САПАТ лицейинде көрүшөлү... 25.10.19.саат 14:30

23.09.2019
Тил майрамын утурлай Көлчүктөгү баканын да өз тили бар сүйлөгөн Адамдар бар жан кейитип эне тилге күйбөгөн Эне тилин билбей туруп башка тилде сүйлөйсүң Андан көрө сакоо болуп өткөн жакшы дүйнөдөн! ....... Өзбек тили оң колум Орус тили сол колум Колго комуз кармаймын Эки колдо комузум Эргип чыгып добушум Элге талант арнаймын Англис тили оң бутум Түрк тили да сол бутум Алар барда жүрөмүн Кыргыз тилсиз жашоо жок Ал да менин- ЖҮРӨГҮМ ЭНЕ ТИЛИМ ЖҮРӨГҮМ МАЙРАМЫҢЫЗДАР МЕНЕН ДОСТОР! 23.09.2019 Идрис акын

04.10.2019
ЖАШООДОГУ ЭҢ ЖАКШЫ МАМИЛЕ Илгери апаларыбыз тамак жасаса болгону бир эле чыны ашыкча суу куюп, тамак бышкандан кийин бир чыны тамакты кошунага жеткирип келет элек же көбүнчө: "бүгүн мен тамак жасайм, Калинса силер биздин эле үйгө кирип жегиле. Тамак жасабай койо бер" - деп кошуналар бир-бирибиздин үйүбүзгө үйүлө калчубуз. Кошунадан бир нан алсак, кайтарып берээрде бир нанга бир токоч кошуп кирчүбүз... Үйдө туз-чай түгөнүп калган болсо :" бар Гулжамал, Надира жеңеңден сура, болбосо Макпурат чоң апаңа бар"-дейт эле😊😊😊😊 Абдулла бин Мубарак деген сахабанын жөөт кошунасы бар эле. Ошол жөөт үйүн 2000 динарга сатам деп турса ошол үйдү алгысы келген мусулман киши: "Эмне мынча кымбат, бул айылда үйлөрдүн баасы бир миң эле динар го" - деди. Жөөт :"Миң динар үйдүн баасы, ал эми миң динар Абдулла бин Мубарактын кошуналык болгон баасы" - деген экен... Эгер сени кошунаң жакшы десе, анда сен Аллахтын назарында да жакшысын, эгер сени кошунаң жаман десе, анда сен Аллахтын назарында да жамансын" - хадис... Жашоодогу эң жакшы мамиле - кошуналар менен болгон мамиле экенин унутпаңыздар!!! 04.10.2019 Идрис акын

01.10.2019
Устат менен үйлөнүү тойдо кызматта болдук... Үй-бүлөдө эрдин айтканы же аялдын айтканы эмес Алланын айтканы болушу керек. Ошондо ошол үй-бүлө эң бактылуу үй-бүлөлөрдүн сап башында болот... Курулушу өтө кыйын бирок бузулушу өтө оңой болгон ҮЙ-БҮЛӨ деген ыйык мекеменин кадырына жетүү үчүн өрнөктүү үй-бүлөлөр менен тыгыз байланышта болуу керек. Биримдик менен башталган үй-бүлөнү бир гана ЫНТЫМАК САКТАП КАЛАТ!!! 01.10.2019 ИДРИС АКЫН

03.10.2019
ЖЕРДЕГИ АР БИР ПЕНДЕНИН ӨМҮРҮ ЖАЛАЙЫК МЕНЕН КЕПИНДИН ОРТОСУНДА ӨТӨТ. Карап отурсаң, экөө да мата дейлик. Экөөндө тең чөнтөк болбойт. Бош келип, бош кетесиң. Ааламда руханий кризис болуп жатат. Жан дүйнөнүн жардылыгынан Жараткан өзү сактасын. ЖАРАТКАНЫМ ЖАНЫБЫЗДЫ ЖАННАТКА ЫЛАЙЫКТУУ ИШ КЫЛМАЙЫНЧА АЛБАСЫН! 03.10.2019 ИДРИС АКЫН

29.10.2019
Биздин мекен Биздин мекен - бабалардан калган жер Биздин мекен - көптөрүнө арман жер Биздин мекен - жер бетинин жаннаты Биздин мекен - жан дүйнөгө дарман жер Биздин мекен - жанды берип сактайбыз Биздин мекен - бүт ааламга данктайбыз Биздин мекен - башка сендей таппайбыз Биздин мекен - кадырлайбыз-барктайбыз 29.10.2019 Идрис акын