14.03.2020

20.11.2019
МАЙДАЛАНДЫК Тааныштарды бүт сферага тарта берип майдаланып кеттик. Спорт Таныштар тартылып, чыныгы балбандар калып жатат. Натыйжада коңшу мамлекеттердин спортчуларынын алдында шермендебиз чыга баштады Маданият Таныштар тартылып, чыныгы таланттар талкаланып жатат. Чиновниктердин жыкшылыгына төрт жолу ырдаган наам алып, калк арасындагы таланттар калк менен катардан артта калып жатат... Эл аралык сынактарда элдин наамысына жарай турган таланттар кордолууда... Саясат Чоңдун тууганы - деп, тажрыйбанын "Т"сы жок, кызмат менен таптакыр байланышы болбогон туугандар чоң кызматка жетекчиликке келип жатат... Мамлекеттик кызмат менен чет өлкөгө эл аралык иш чарага барып тажрыйба жыйнап келүүнүн ордуна, аялына кымбат шуба алып келе жаткан саясатчыны КАНТЕСИҢ... Чет өлкөдөн көргөн тажрыйбасын, өз өлкөсүнө колдоно албай жатканын карап "ЭМНЕ, УШУЛАР КӨЗҮН ЖУМУП БАРЫП КЕЛЕБИ" - деп каласың... БҮГҮН ПАРТАДА УКТАГАНДАР, ЭРТЕҢ ПАРЛАМЕНТТЕ УКТАШАТ... 2020-ЖЫЛ КӨЗДҮ АЧАЛЫ ЭМИ 20.11.2019 ИДРИС АКЫН

13.03.2020
Ийгилик каалайм

19.03.2020
Жөн гана намаздан кийин келген ой... Ала-Тоону Аллах өзү сактасын Босогоңдон бери кырсык баспасын Дүйнө кезип кеткен кыргыз көп жаша Дооруңду сүр, бирөө ооруп жатпасын... ................ Абалдан пайдаланып акылдуу болгондорго! ЭЭртең эл карай турган жүзүңөрдү жер каратып албагыла... Суу жээкке көтөрүлгөндө балыктар кумурскаларды жейт. Суу жээктен тартылганда кумурскалар балыктарды жейт. Демек эч ким бүгүнкү күчүнө ишенбеш керек. Себеби кимди ким жей тургандыгына "суунун агымы" өкүм берет... ............... Хасбиналлохи ва ниъмал вакиил Аллах баарына жетиштүү. ................ 19.03.20 Идрис акын

01.11.2019
ЭЛ ЭМНЕ ДЕЙТ?! 1. Эл эмне дейт экен? - деген суроону жакшы ишти аткарып бүткөндөн кийинкиге таштап үйрөнөлү. Антпесек, эмне дейт экен- деп отуруп, эч кандай ЖАКШЫЛЫК ЖАСАБАЙ ЖАТАБЫЗ. 2. Ал эми жаман иштерди болсо, тескерисинче: эл эмне дейт, кокуй уят, эл караган жүзүм жерди карап турбасын, "Алланын каарына калбайын, элдин каргышын албайын" - деп, эл менен эсептешип туруу керек. Анткени калк айтса калп айтпайт - деген кеп бар кыргызда. 3. Пикирди ар кимден ук жакшыдан да, жамандан да, достон да, душмандан да, жаштан да, улуудан да, аялдан да, эрден да, бирок ЧЕЧИМДИ ӨЗҮҢ ЧЫГАР. Анткени өзүң үчүн озуң гана жооп бересиң. Эл оозуна элек тутсаң, ар нерсени айта берет. Жаңылбоонун бир гана жолу Жараткандын буйругуна бекем болуу! ЭЛ СУУ БОЛСО, МАМЛЕКЕТ СУУ ҮСТҮНДӨГҮ КАЙЫК. КАЙЫКТЫ СҮЗДҮРГӨН ДАГЫ СУУ, ЧӨКТҮРГӨН ДАГЫ СУУ. Конфуций (Элден уялууну билбеген элиталарга жана элитаны өзү шайлап өкүнүп отурган элге жаздым) 01.11.2019 Идрис акын

12.11.2019
АРМАН ДҮЙНӨ АКЖОЛТОЙ айтар сөзүм таппай турам Арманым ичке жутуп батпай турам Кош эми кош бол менин бир тууганым Айтышта катар басып бир турганым 😔😔😔 Залкарлардын дагы бири арабыздан кетти. Майра Керим кызы апабыздын уулу, төкмө акын Акжолдун бардык жакындарына көңүл айтам. Тагдырдын жазганы ушул экен😢😥😥 Инна лиллахи ва инна илайхи рожиуун Аллах Жаннатынан орун берсин😢😭😢

22.03.2020
БЛОК ПОСТ Айылдарга БЛОК ПОСТ коюлгандай эле, Бүгүн Соцтармактагы бузукулардын баракчасына да БЛОК ПОСТ коюу керек. _____________________________________________ IT - ишниктерди колдонуп, компьютер мыктыларын чогултуп, интернет ичиндеги чириткилердин баракчалары блоктолуп, көзөмөлгө алуу абдан керек. Мыйзам боюнча жоопко тартуу керек... Азыркы учурда бул дагы аба-суудай керек _____________________________________________ Бул ооруга каршы бир гана биримдик-ынтымак, буйрукка баш ийүү, гигиена, дуа менен туруп-жеңип чыга алабыз. Менмин деген державалар оорууга каршы бомба, танка, ракета сыяктуу куралдарын колдоно алган жок... Бир гана гигиена, тартип, тазалык, үйдөн чыкпоо сыяктуу каражат талап кылынбаган аракеттер менен жеңишти.. Үйдөн чыкпаңыз, бир айда аттап өтүп кетебиз, буюрса... 22.03.20 Идрис акын

08.11.2019
БАЙКУШ БҮРГӨ же БАЙКУШ БАЛА (Ата-энелердин эсине) Бүргө 2 метр ашык секире алат. Бийикке секирген бүргөнү 5 см кутуга салып ЭКСПЕРТТЕР карап отурушат. Секирген сайын башы катуу урулган бүргө, акыры башы ооруп секирбей калат. Бир канча убакыт күзөтүп караса, башынын оорушунан коркуп калган бүргө бир да секирбей калат. Ал бүргөнү кутудан чыгарып койо бергенде да секирбей койот. Боштондукта жүрсө да көнүп калган адатын таштабайт... ОШОНДУКТАН Мындан улам, балдарыбызды да бүргөдөй кылбай, аракеттерин буубай, жөн отур, кылба, нетпе дей бербей, тескерисинче багыт берип, дем берип, кубаттап туралы... (Керек болсо окугула, болбосо башымды оорутуп жаман комментарий жазбагыла. Бир китеп окуп бир макала жазасын, жаманын өчүрүүгө бир күн, мээңден өчүрүүгө бир ай коротуп жатам!) 08.11.2019 Идрис акын

15.11.2019
МЕНИН ОЮМ Мыкты мугалимдин айынан ушул сабакты мектепте жакшы окудум - деп баары сыймыктанып айта алышат. БИРОК Мугалим начар болсо да мен анын сабагын мыкты окудум - деген окуучуну жердин бетин жети жолу айлансаң да таппайсың. Мугалим окуучунун купулуна толсо гана ал сабакты мыкты окуйт. МЫНДАН УЛАМ Мугалимдер гана окуучунун кесипке болгон махабатын ойготот. АЗЫРКЫ УЧУРДА Балдардан көп сынак алган, бирок баарынан артта калган заманда жашап жатабыз. Айрыкча жыл сайын тапшырган экзамендин жыйынтыгы эч нерсеге жарабай, тагдырыңды 11-класстын аягындагы ЖРТ чечип калган күндөбүз... ЖРТнын суроолору мектептеги экзамендердин биринде да берилбей, балдардын баарын башка ааламга түшүп калгандай баштарын маң кылат... 15.11.2019 ИДРИС АКЫН

17.10.2019
Төрт сүйлөмгө төрт саат ойлоносуң 1. Кээ бир адамдар өздөрүнүн үстүнө кийген кийиминен арзан болушат... 2. Амалкөйдү адашып ашынам (досум) деп жүрбөгүн, ач көз байды адашып кошунам деп жүрбөгүн... 3. Айыбы чыккан кишинин узун боюу пас болот... 4. Барбаган жерде бакыт көп, барсаң бирок таппайсың... Итиң жаман болсо атып кутуласың, Атың жаман болсо сатып кутуласың Коңшуң жаман болсо көчүп кутуласың Аялың(күйөөң) жаман болсо кетип кутуласың ПЕЙИЛИҢ жаман болсо НЕТИП кутуласың? Пейилди оңдойлу, жашоодогу ар бир жакшы-жаман нерселер пейилибиздин түздүгүнө байланыштуу... 17.10.19 Идрис акын

15.11.2019
ЖАКЫНДАБА ЖАКШЫСЫ "БИР АЙЫҢ БИР АПТАДАЙ БАТ ӨТҮП КАЛДЫ, ЭКИНЧИ КРЕДИТ АЛБАЙМЫН" - деп сүйлөнүп жаткандарды карап, кредиттен мүмкүн болушунча алыс болгула... Отту көрсө айланып жакын учкан чымын-чиркей-көпөлөктөн болбогула. Жарык болуп чакырган менен, жанына жакын барсаң өрттөп салат 15.11.2019 Идрис акын

20.11.2019
Үчүнчү күнгө 3 ПИКИР 1 "Үйүңүздү конок келээрдей, жүрөгүңүздү өлүм келээрдей таза тутуңуз" Идрис акын 2 ТӨРӨЛГӨНДӨН ӨЛГӨНГӨ ЧЕЙИН ЫСЫРАПКЕРЧИЛИК КЫЛГАН КЫРГЫЗ КАЧАН ОЙГОНООР ЭКЕНБИЗ. Идрис акын 3 Кошунасы ачка жатса, короосуна кымбат көчөт отургузуп, көлөкөсү менен жаап алып күн көргөзбөгөн кишилерди кантейин.... Амалкөйдү адашып ашынам деп жүрбөгүн, ач көз байды адашып кошунам деп жүрбөгүн... Идрис акын 20.11.2019

02.04.2020
https://m.facebook.com/story.php?story_fbid=271853573825408&id=100030023025133 Сабагымды жогорудагы ссылка менен фейсбуктан көрүңүз

22.09.2019
Үйлөнөм десең ук мени! Эркектер аялдардын төрт нерсесине карап үйлөнүшөт: 1. Сулуулугуна 2. Байлыгына 3. Ата тегине 4. Ыйманына Бактылуу болууну кааласаңар 4-сүн тандагыла. Бирок бул күндө эптеп күйөөгө тийип кетүү үчүн жоолугун оронгон кыздарды, момун болуп көрүнмүш болгон топучан балдарды жоолуктуруп калдык...жоолугун салып кайын эне менен тытышып аткан келинден, сакалын коюп аялдын кадырына жетпеген эркектен эмне пайда. Ыйман - жоолук же сакал менен чегараланбайт! Жаштарга сунушум Үй-бүлөнү куруудан мурда адамдын адамгерчилигин, адеп-ахлагын, ата-энесине көрсөткөн сый-урматын карап анан үй-бүлө кургула. Жасалма койгон сакал менен жоолугуна алданып калбагыла. Кийин кеч болот! Бар жогол дейин десең балаң жетим калат, антпейин десең апаңдын көңүлүн сындырып жаткан келиндин пейили, же сакал-топу кийип намаз окумуш болгон акылы жок күйөө... Ошентип эки оттун ортосунда өмүр бою арманыңды жутуп жашайсың! Колуңда жүрүп билинбей-камчыдан артык курал жок, койнуңда жүрүп билинбейт-катындан артык тууган (кээде душман) жок. 22.09.2019 Идрис акын

28.10.2019
https://www.instagram.com/p/B4IXZBEB1_i/?igshid=1wqbrby8oa4pv

23.03.2020
БАБАЛАР жана БАЛДАРЫ БАБАЛАРДЫН АЙТКАНЫ: Бөтөлкө менен достошконуң, өмүрүң менен коштошконуң... Бузук адамга түзүк адам кас көрүнөт... Аракка чөгүп өлгөндөрдүн саны, деңизге чөгүп өлгөндөрдүн санынан алда канча арбын... Аракеч үй-бүлөнүн көз жашын жейт, анан өз башын жейт... Арак ичип чардагандын ата-энеси зар какшайт... Арак ичип чайпалгандын, балдарынын келечеги чайпалат... Аракка кандым дегиче, азапка калдым дегин... Арактан ичип кутулбайт, качып кутулат... Арактын арты жаман, айыкпас дарты жаман... БАЛДАРЫНЫН КЫЛГАНЫ идеологиянын жоктугу, же ишкерлердин шоктугу! Арак чыгарган иш каналар мекенге миллиондогон киреше алып келгени менен, миллиарддаган чыгашаларды да жасап жатат: ажырашуу, авария, кырсык, өрт, мушташуу, адам өлтүрүү, жетимдер, жесирлер, майыптар, таштандылар, оборт, зына, талак.... санай берсең кете берет. Бабаларыбыздын аттарын жана уюткулуу-уңгулуу улуу сөздөрдү - атың өчкүр аракка коюп алганы да арманыңды арттырат... Карантинде кадырыңды кетирип ичпегилечи, кагылайындар. Төбөлдөрү баш болуп арамга үгүттөгөн өлкөгө айланып баратабыз😔😔😔 23.03.20 Идрис акын