12.12.2019

09.12.2019

09.12.2019
Машиналар көчөлөрдө жайнаган, Элдер басат бири-бирин жандаган. Мен го таңда жумушума баратам, Булар неге жүрүшөт деп таңгалам. 😉

09.12.2019

08.12.2019
Классташым-досум Ырахат. 😌

08.12.2019
ИЗДЕЙМ СЕНИ Жааган кардын түрлөрүнөн, Бакчалардын гүлдөрүнөн, Ашыктардын жүрөгүнөн, Издейм сени. Айдын, Күндүн нур өңүнөн, Асылдардын тилегинен, Акыйкаттын мүрөгүнөн, Издейм сени. Көпөлөктүн учушунан, Көңүлдөрдүн чокусунан, Деңиздердин толкунунан, Издейм сени. Акыл-ойдун тазасынан, Ааламдардын башатынан, Аталардын батасынан, Издейм сени. Сүйүүлөрдүн желегинен, Момундардын белегинен, Зикирлердин тереңинен, Издейм сени. Улуулуктун данегинен, Урмат-сыйдын дарегинен, Үммөттөрдүн карегинен, Издейм сени.

08.12.2019

08.12.2019
🌱 Эң жогорку ашыктык Жаратканга болгон ашыктык. Калганы ал ашыктыктын учкундары. 🌱 Сүйүү ушунчалык жакшы болгон соң, сүйүүнү жараткан Зат кандай сонун болду экен... 🌱 Дуба кылуу- демек эшикти кагуу. Калганына киришүү аша чапкандык. 🌱 Басмайылдын кысканын, ээси билбей ат билет. Азаматтын сырттанын, эли билбей, жат билет.

08.12.2019
Каарыкем менен. 😌

08.12.2019

08.12.2019
Атам менен сүйлөшкөндөгү сөздөрүмдү эстесем жыйырма сөзгө жетпесе керек. Ар дайым урматтадым. Чогуу бара жатканда алдына өтпөй бир аз арткараак басып алчумун. Көлөкөсү оң тарапка түшсө сол тарабына өтүп, сол тарабына түшсө оң тарабына өтүп , көлөкөсүн баскандан да уялчумун. Атам каардуу эле. Бирок каарданганынан да мээримдүүлүгү байкалып турчу. Мага көп окуя айтып түшүндүрөр эле. Ар бир окуясы жүрөгүмө уюп түбөлүк сакталып кала берди. Бир жолу чакырды да, балам кайракты алып келчи деди. Чөнтөгүндөгү кичинекей бүктөлмө бычагын курчутат го деген ой менен алып келип бердим. Кайракты бир аз колуна алып карап туруп, кайра алпарып коюшумду суранды. Мен кайра алпарып койдум. Атам кайра алып келүүмдү айтты. Алып келдим. Кайра алып бар деди. Бул ондон ашык жолу кайталанды. Акыркы жолу кайракты алпарып келсем кучактады да башым сылап , сенин балдарың сенден дагы артык болсун деп дуба кылды. Атама жакканым өзүмдөн эмес, өзүнүн берген тарбиясынын жемиши экенин сезди болду бекен. Атамдын көзү өттү. Абдан сагындым. Жытын сагындым. Кучактап мага кылган дуба- тилектерин сагындым. Кана эми азыр атам келип миң жолу кайракты алып келүүмдү суранса да макул элем . Сагындым...

08.12.2019
Бир ач көз киши падышанын алдында тамактанат. Анын ач көздүк менен козунун этин жеп жатканын көргөн падыша: «Эмне мынча ач көздөнөсүң, эмне сени козунун энеси сүздү беле?»- дейт. Ач көз киши: «Эмнеге бооруң ооруп жатат, же сени козунун энеси эмизди беле?» - дептир.

08.12.2019

08.12.2019
Саясий Чагылган. Көрүшкөндө көздөр тике карабай, Эки башка партияда баладай. Жүрөк сырын жүзүбүздөн байкашып, Баратабыз темир торду аралай. Биз ал кезде таанышканбыз жаңы үйдөн, Жарым карыш чыккым келбейт ал үйдөн. Авторитетиң көрүп алсын дегенсип, Аңгыча эле чалып калды Ак үйдөн. Чалган кезде неге сени карадым, Чөнтөк булкуп ысып турду таманым. Дагы, дагы чала түшсө экен деп, Ошондо мен Ак үй жакты самадым. Баары качып кеткенинче кичине, Баш катабыз бир түрмөнүн ичине. Далай күндү дал ушинтип өткөрдүк, Неге мынча мансап кызык кишиге.

08.12.2019
Кыйын инилердин бир менен. 😌

08.12.2019