20.03.2020
Абдылда туулган күнүң менен! Тамашамды кабыл алып кой! Оо! Өйдөдө өбөгүм, Ылдыйда жөлөгүм! Туулган күн кут болсун, Абдылда бөбөгүм! Жап-жакын тууганым, Жанымдай көрөмүн, Вирустан корксом да, Кучактап өбөмүн! Жактырбайм анчейин, Өзүңдөн бөлөгүн! Мен үчүн сен өлсөң, Мен кийин өлөмүн! Кашыкта сууга да, Калкыбай чөгөмүн! Ордуңду жоктотпой, Үйүңө көнөмүн! Албасаң жүз грамм, Аябай сөгөмүн! Бергенди ичпесең, Бетиңе төгөмүн! Абалың жакшыбы? Ким быйыл өнөгүң? Жаланып-жуктанып, Көрсөтүп көмөгүң, Быйылкы шайлоого, Ким менен жөнөдүң? "Трюгуң" даярбы, Көп эле өнөрүң?... Күзүндө билинээр, Эсеби жөжөнүн?... Сага арнап ыр жаздым, Акчасын төлөгүн!

15.04.2020
"Врачтарга" Жер шарында билбейм канча врач бар? Статистика тактап аны ырастаар? Деген менен: Жараткандан кийинки, Ден соолуктун сакчылары врачтар! Бизге кандай көп болсо да сынактар, Билбейм канча биз билбеген сынак бар? Бир билгеним, оору менен алышып, Бизди дайым сактап келет врачтар! Элдик врач, эл багына ырас бар, Эл ичинде, "Эл" деп жашайт врачтар! Элди кырмак эгер врач болбосо, Эч бир жанга көрүнбөгөн жыластар! Апааттарда үйдө жатып албастан, Ар бир күнүн адам үчүн арнашкан, Ак халатчан врачтарга рахмат, Ажал бүрккөн оору менен кармашкан! Бирин карап, бирин бөлүп-жарбастан, Бир күн дагы эс алууга барбастан, Биз деп жүргөн врачтарга рахмат, Бизди аңдыган ажал менен арбашкан!

26.04.2020
Урматтуу калайык! Бүгүн кеч кирип таң атса, Элмирбектин бул жарыкчылыкты таштап кеткенине бир апта болот экен. Сыймык Бейшекеев иним үч-төрт күн мурун Элмирбек жөнүндө элге сунуш айтып жатканын кулагым чалды эле. Мен: "Ал сунушту айта турган убак да келээр" - деп, көп көңүл бурган эмес элем. Эми ойлосом, бул маселени туура эле, убагында козгоп жаткан экен. "Жер суутат" демекчи, убагында айтып, чечилип калбаса, бара-бара унутулбаса да, кызуу колдоп жаткан элдин каалоосу сууп калчудай. Айта турган болсом, Элмирбектин эл үчүн кылган кызматын, кыргыз-казакка болгон кадыр-баркын мен айтпасам да элдин баарына, мамлекет башчыларга чейин белгилүү. Себеби: Элмирбектин ар бир кылган эмгеги, кээ бир ишкерлердикиндей жашыруун эмес, эл алдында, эл менен айдан ачык экен. Ошондуктан, ысымын ыйгаруу маселеси, мараторийдин убактысы бүткөндөн кийин талкууланаар?... Ал эми Сыймык Бейшекеев сунуштаган кандайдыр бир, жаштарга шык бере турган мамлекеттик сыйлыкты Элмирбек атындагы деп белгилесек, мындан да өнөр багып, өнөр баалаган эл экенибизди далилдеген болоор элек деген ой-пикирге кошулаарымды билдирем! Бул сунушту бүтүндөй "Мен кыргызмын!" деген ар бир жаран. Колдоору белгилүү! Элмирбектин ырларын боордош казак, түрк элдери да жандуу оркестр менен ырдап жаткандыгы бекеринен эмес. Сөзүм кур болбос үчүн, Элмирбегибиздин "Булбулум" аттуу ырын боордош Казак Элинин белгилүү ырчылары Оңал Азаматова менен Гани Матебаевдин аткаруусунда угуп койсоңуздар!

07.07.2020
"Шаркырмтма" Кегетинин капчыгай, Шаркыратма асты ай! Күйөө балам экөөбүз, Түшкөн сүрөт жактыбы ай?...

24.10.2019
Жамиля жарым жанымда, Жай-кышы болуп табымда, Ортодо болуп ынтымак, Олтурам түшпөй тагымда!

20.01.2020
Жайнагүлдөн "Жалжалым" Жайнагүл созгон "Жалжалым", Жактырып угам ар дайым. Жашырбай айтсам эп болоор, Жаштыгым эске салганын. Жаш кезек артта калганын, Жашырбай айтаар арманым. Жакшы эле бирок дарманым, Жараткан берет жардамын!

08.03.2020 Bishkek, Kyrgyzstan
"Каалоо" Кагылайын касиеттүү айымдар! Кагылгыдай, жагынгыдай жайым бар! Кабыргадан жаралган деп силерди, Качантадан берки кеп бар, айың бар? Силер менен ырысым бар, багым бар! Силер менен жүрөгүмдө жалын бар! Силер менен жаралгамын жашоого, Силер менен Жараткандан жарым бар! Өзүңөр бар - мен сагынаар айым бар! Өзүңөр бар - мен жагынаар "кайын" бар! Өзүңөр бар - кирпигиме кир жукпай, Өзүңөр бар - каалаганым дайын бар! Көпкөн эрге - өзүң берээр "дарың" бар, Көпкө кимдин "шиши" кантип жарылбаар?... Көз тийбесин көппөйм такыр, тфу! Тфу! Тфу! "Көк жөтөлгө" менде кандай зарыл бар? Куттуу болсун майрамыңар асылдар! Куттук айтат ар адамда асыл жар! Куттук айтпай Күкөңдүн да мындайда, Кудуңдаган кубанычы жазылбаар? Бар бололу силер менен ар дайым, "Бакыт кушу" үйгө байыр алмайын! Бак тилеймин, сыйлап өтөм баарыңды, Башым ийип, "кара жерге" бармайын!

16.12.2019
"Неберем Атайга" Атай деп койдум атыңды! Атама ийип башымды! Атамдай комуз черте көр, Арбытып Кудай жашыңды! Атыңа затың жарашкан, Ааламдын эли карашкан, Атайдай комуз черте көр, Алкышын берип Жараткан! Ак тилек, үмүт, сырым бап, Ат койдум сага ырымдап! Ардактап ата өнөрүн, Аты өчпөй жаша кылымдап! Өнөргө дилим, сыйым бап, Өзүңө атың, ырым бап! Өрнөктүү өмүр сүрө көр, Өчпөсүн атың кылымдап!

17.02.2020 Bishkek, Kyrgyzstan
"Неберелериме" Өлчөөсүз жарпым жазып кубантаарым! Өмүргө өмүр көчүн улантаарым! Өпсөм да, канча ирээт кумар канбай, Өзүңөр кайра-кайра сурантаарым! Өрнөгүн чын жашоонун багынтканым,, Өмүрдүн таттуулугун таанытканым, Өзүңөр теңдеши жок бул ааламда, Өмүргө өмүр кошкон жарыктарым! Билбеймин кандай сыйкыр, сырлар барын, Билемин силер барда жыргал барын! Бир күнүм - миң күн азап силер жокто, Бириңен бириң өткөн жыргалдарым!

17.05.2020
Апаке! Майрамыңыз менен! "Апакем" Ааламда бул жашоонун бар экенин, Адам зат адалдыкка зар экенин, Аңдатып. Ак-караны алып келген, Ата-Энем алгач көргөн бала экемин! Баарына тилегениң бак экенин, Балдарың сүйлөсө тил, бал экенин, Балалуу болгон кезде баамдадык, Бакыттын ана башы бала экенин! Атакем ар өнөрлүү жан экенин, Ал экөөң, эриш-аркак жар экениң, Бир дагы эстебеген күнүбүз жок, Билсек да, "Ажал", "Өлүм" ак экенин! Өзүңдөй касиеттүү апаларга, Өрнөктүү өмүр сүргөн аталарга, Өлкөбүз сыймыктанат, ар убакта, Өлбөстүк - Силер берген баталарда!

28.09.2019
Кагылайын касиеттүү Кырдрам! Куттук айтып, кулагыңды тундурам! Сыйлыгыбыз, сыймыгыбыз кут болсун! Ук Калайык! Бизге көңүл бурдурам! Назым мырза! Майлабасаң сыйлыкты, Нарындагы атаңа айтып урдурам!...

05.03.2020
Ак-Калпак күнүңүздөр менен! Ата-бабам жаралгандан адам зат, Алга карай нечен заман кадамдап, "Ата-салтын", "Эне- тилин" жоготпой, Ала-Тоого "Ак-Калпагы" заманбап! Айкөл кыргыз жүрөгүндө өртү бар, Аруу-көркөм, "Ак-Калпактан" бөркү бар! Ак мөңгүгө "Ак-Калпагы" шай келип, Ата-Журттун айтып бүткүс көркү бар!

06.09.2019
Башка жерде гүлдөсөң да күнүгө, Баары жетпейт, өз жериңе, үйүңө...

19.04.2020
Канатбай! Туулган күнүң кут болсун! Өмүрүң узун, ден соолугуң бекем, көңүлүң куунак, болсун! Үй- бүлөң менен, бир туугандарың менен жакшылыктардын баарын көр! Ушул ырымды баарыңа арнайм! "Бир туугандарым" Атыңдан айланайын ырыстарым, Ата-энем, Теңир берген ыйыктарым! Арка-белим болуп дайым байкелешип, Атымды тергеп турган сылыктарым! Алыста сагынганда өзүңөрдү, Ар дайым көз алдымда кылыктарың! Баарыңдын терметкемин бешиктериң, Бакырган алгачкы үнүң эшиткемин! Барбаңдап сүйүнчүлөп, айыл-апага, Баарынын черткилегем эшиктерин! Баркымды көтөрүшүп, колдоп турган, Багыма акыл-ою тетиктерим! Бир тууган атың ыйык кандаштарым, Бири-бирин колдоп дилин арнашканым! Билгенге бир туугандан жакын барбы, Биригип, бир максатты тандашканым! Бир ата, бир эненин каны бизде, Бир жандай биригишкен жандаштарым! Түбөлүк баа жетпеген байлыктарым, Түгөнгүс атам черткен кайрыктарым! Түшүнүп, миң ийменип турсаңар да, Түпкүрдө силерсиңер айбыкканым! Түзөтүп жолдон чыксам жөнгө салаар, Түнөрбөс туюк жолдо жарыктарым! Өнөрүм өркүндөтөөр өбөктөрүм, Өксүсөм, өргө тартаар жөлөктөрүм! Өчүрбөй атабыздын ыйык атын, Өнөргө өнөр кошкон өнөктөрүм! Өмүрүң узун болуп баарыңардын, Өркүндөп, өсө бергин бөбөктөрүм!

26.11.2019
Неберелер. Таң калычтуу кандай жыргал не деген? Таттуу экен го, өз балаңдан неберең!... Так айтмакмын кандай таттуу экенин, Так билдирчү бирдик болсо ченеген!

02.12.2019
Үшкүрүк Сүймөнкулду тарткан Ороз байкенин, Сүрөтүндөй окшоштурсак айкелин, Кандай жакшы болмок кыргыз мактанаар, Калпы болсо, калыстыгың айт элим!... Уяты жок ар кимдерди туурабай, Ушунчаңда кайра өзүңө кайт элим!