08.04.2020
Сулуулук деген эмне? Сулуулук тазалыкта бар. Сырткы жана ички тазалык. Сулуулук жасаган ишиңде, мамилеңде , урмат - сыйыңда, кичипейилдигиңде, адамгерчилигиңде! Менменсиген адатыңды жоюп, улуу башыңды кичүү кылганыңда. Сулуулук орду менен сүйлөгөн сөзүңдө, ыйбаа кылып, ырайым көрсөткөнүңдө. Сулуулук жаман эмоцияларыңды жоюп, жакшы эмоцияларды чакыра билгениңде. Сулуулук жан дүйнөңдүн аруулугу, кекчилдигиңди жоюп, кечиримлүүлүгүңдү көрсөткөнүңдө. Сулуулук улуулукта жатат. Ичиң мн сыртыңдын сулуулугу ширелишкенде гана чыныгы, нукура сулуулук чыга келет! Караңызчы, жаратылыш кандай сулуу?! #жөнэлеойлор

14.03.2020
Ар бир нерсени өзүңдүн ырахатың үчүн жаса. Үй жыйнаганда ырахатың үчүн жыйна. Сулууланганда ырахатың үчүн сулуулан. Эгер бирөөнүн көзүнө көрүнүү үчүн, башка бирөө үчүн, бирөөнүн ырахаты үчүн жасап атсаң, эркиндигиңдин чектелген жери ошол. ____________________________________________ Таң атпай шугарингде ырахаттанган ким? Мен! @shugaring_kg колуңа береке! ♥

07.05.2020
Көз карандысыз болуу - эң чоң эркиндик. Бирөөнүн сүйүүсүнөн, бирөөнүн мамилесинен, жакындарыңдан, ишиңден, акчадан эркин болуп жана аларга багынып бербөө. Кээде бактыңды, жакшы маанайыңды бир адамга, бир ишке байлап коесуң. Ал жазмайын, жылуу сөз айтмайын, же ишиң болмоюн маанайың да, бактың да жок. Малай болуу, сүйрөлүү, эрки жоктук накта ушул. Жаратмандыкты үйрөткөн мектеп болсо ээ? Ал жакта өзүңдү өзүң бактылуу кылуу, сүйүүгө чулгануу, жыргалчылыкты жаратуу, Жаратканды сезүү деген сабактар өтүлсө. Күндө эки алып, бурчка турсам да окумакмын. #жөнэлеойлор

20.05.2020
))))) тим эле окшошуп отуруп алганыбызды кантели? Интервьюну монтаждап келип, көргөзүп аткандагы кербез. Кафе ызы - чуу. Чала - бучук чыккан үнүн уга албай убарабыз. )) Сонун съемка жасап келдик деп ичибизде кудуңдаган кубаныч бар. Маектин арты мн далай адамдын энергиясын, жан дүйнөсүн көрүүгө, аны элге көрсөтүүгө өбөлгө түзүлүп атат. Саясатчылар болобу, сахна адамдары болобу, сырттан билгеним менен жан дүйнөсүнө сүңгүп, жакындан эч кимисин тааныбаптырмын. Ар бир адамдын ааламын ача келсең эле бир чоң дүйнө жатат. "Жаман киши жок. Жөн гана жаман адаттары бар ". Жакшы айтылган кеп. Алманбет мырзаны сырттан карап "Менден бетер бапылдаган кандай неме?" дедим. Бирок кепке тартып, жан дүйнөсүн ача келгенде сонун адам чыкты. Чыныгы жүзүн көрсөттү. Бапырактап, шамалдай шуулдаган, куюн болгон байкенин ары жагында жөнөкөй, ата - эненини мээримине зар болуп өскөн, ар кыл жолу бар адам чыкты. Баарыбыз бетибизге башка адамды жамынып, жан дүйнөдөгү чыныгы жүзүбүздү жашырат экенбиз. Бет капты алып, дүйнөсүн сууруп чыгуу мага жакты. Чыныгы жүзүңөр кандай сулуу?! Аны эмнеге жашырабыз бирок? Экөөбүздүн сырдашуубузду ютубдан менин каналыман (Назира Айтбекова) көрүңүз: https://youtu.be/WuXqs9rhqf8

01.12.2019
Илгери интернет жок далай айыптар айран болуп төгүлбөй калгандыр ээ? Болбосо, уят, ыйман, намысты эң көп кыйкырган улуу муундун ар кыл окуяларын угуп, төбө чачың тик турат. Улуу муун мн көп сүйлөшөм. Алардын дүйнөсү, жаштыгы, көз карашы, баскан изи кызыктырат. Эң интригага жакыны , бут тоскон жагынан мыктысы да улуу муун экен байкасам. Жаштар интрига мн иши жок. Биз психологияны, эзотериканы, өзүн өзү өнүктүрүүнү окуп, карма, бумерангдарды жакшы түшүнгөнүбүз үчүн, ар бир кылыгыбыз кайсы комплекстен келип чыгып атканын, кайсы сезим кандай таасирин тийгизерин билгенибиз үчүн жазганып тураттырбыз. Бул менин жеке тереземен баш баккан көз караш. Азыр интернет булактары активдүү болгону үчүн жел чыкса деле шамаал болгондой көрүнүп, кыбыр эткенибиз кырды ашкандай эле болуп жатат. "Азыркы жаштар ал эле бул эле, апийимдин гүлү эле" дээрден мурун жаштыгыңарга бир кылчайыңыздар. Улуу муундун, залкарлардын, баатырлардын жашоосун, таржымалын, өмүр баянын окусаң эле бири бирине көр казып, көтөрүп чапмайлары, ириген интригалары айтылат. Интригасы күч улуу муун качан гана бийликтен кетип, таза кандар киргенде көп нерсе өзгөрүлөт, оңолот. Улуу муундан күткөнүбүз көч башында туруп, көрөгөчтүк, даанышмандык касиеттериңерди иштетип, тажрыйбаңардан чыккан кеңешиңерди берип, каны кайнап, иштегенге иши, тиштегенге тиши турган жаштарга жол бошотуп, колдоо кылып турсаңар, керемет эмей эмне?! Тең тайлашып, талашып, чалып, ушагыңарга малып атсаңар, сыйды кантип күтүүгө мүмкүн болот?! Улуулар улуулугун билгенде кичүүлөр кичүүлүгүн кылат. Улуулукту күткөн кичүүлөрдү айып этпеңиздер, улуулар! #жөнэлеойлор

29.02.2020
Жүзүбүзгө сүрөт тарткан сыңары, жан дүйнөңдүн карасын агартып, кемтигин түздөп, тырыгын боегонго мүмкүн болсо...жүзүңдүн боегун жуусаң кетип, эски кейпиңе түшөсүң. А жан дүйнөнүкү түбөлүк болсо. . Супсулуу, таза бойдон калса. Жаныңа жологондун баары жан дүйнөңө суктанса. Каш, кирпик жасоодо атаандашпай, жан дүйнө жасоодо атаандашсак, жарышсак. Сулуулук ошондо дүйнөнү сактамак! Сырткысы сактаарын Кудай билет, бирок ичкиси сактайт! Аны так билебиз. #жөнэлеойлор

08.03.2020
Аял деген ким ал? Менин элесимдеги чыныгы аял ал ажары ак таңдай сөгүлүп, акылы караңгыны жарык кылып төгүлүп турган, мээримге жуунтуп, сүйүүсүн сүртүп турган, мамыктай мамилеси жумшак, очокто от күйгөндөй жылуу, назиктикти гүлдөн талашкан, аруулугу тоо чокусунда жаткан мөңгүдөй, илбериңки, өзгөчө жан элестелет. Жараткан аялды жаратып атканда өзүндөгү толуп - ташкан мээрими мн сүйүүсүнөн белендеп кошуп, сулуулукту улуулук мн жууруп, көңүлүн салып, эргүүсүн берип жараткан сыяктуу. Намысын арттырып, күчүн толтуруп мырзаларды коргоосуна алсын, кастарлап жүрсүн, аярлап сүйсүн деген чыгар? Мен - аялмын! Эркелеп, эргүү мн жашаган! Ааламды кооздоп, гүлгө айлантуу менин каалоом. Майрамың менен, улуу зат - аял зат!♥ #жөнэлеойлор 📸 @djanjyldyza

24.12.2019
Айрым адамдардан жакшы из калат жашооңдо. Үмүтүң үзүлүп, ыйлап аткан учурда келет. Даарылайт. Жүзүңдү күлдүрөт. Үмүт берет. Миссиясын бүтүргөн соң, жашооңон чыгып кетет. Сен да бирөөнүн жашоосундагы периштесиң, жакшы миссиясың. Жакшы дегеним жаманы болбойт эч качан. Жүрөгүңдү миң ооруткан күнү да эң сонун сабак үйрөткөн болот. Рахмат айт. ♥ Эски жылда жашоомо кирип, сонун из калтыргандарга ыраазымын. Жаңы жылда жаңы миссиялар менен келе турчуларга жүрөк ачык. Билбегенимди үйрөтүп, билгенимди тастыктатып кеткиле! Кечирдим катуураак сабак берсеңер. Кечирим сурайм көңүлүңөрдү оорутуп алсам . ♥

04.05.2020
@kiyizduino менен @sputnik.kg биргеликте сонун долбоор өткөргөн эле. Модель катары катышкандыным бар. Тоо койнунда , боз үйдө жашап, кыргыз улуттук кийимдерин кийип жүрүү башкача бир сезимдерди тартуулады. Баскан изибизди, тарыхыбызды, каадабыз татыктуу алып жүрүүбүз жана ардактообуз кажет.

30.06.2020
- Жараткан дүйнөнү кооз жаратып туруп, өмүрүн аз кылып, бат эле соолутуп койгонун түшүнбөйм. Баардык кооз нерсе түбөлүктүү жашаса болбойбу? ⠀ - Жашоонун маңызы качат да анда, балам. Аракетибиз, далалатыбыз жоголмок. Максаттуу жашабай калмакпыз. Баары бир болмок. Жашоонун аздыгында ушунчалык терең маани жатат. Аны кийин чоңойгондо түшүнөсүң. ⠀ -Ушу чоңдордун "Чоңойгондо түшүнөсүң" деген жообу жаш балдарды аябай кыжырдантат. Ал статистикада эң кыжырдантуучу жоопко кирет, билесизби?

27.12.2019
@supertv.kg @amirbek_ismailov дин "Обу жок отуз суроосуна " жооп бердим.

06.12.2019
Өзүңө жашоонун эң таттуусун ыраа көр! Тамагыңан тамактын даамдуусу өтсүн! Бакытты чакыр! Сүйүүнү жолдош кыл! Сен өзгөчөсүң! ♥ _____________________________________________ Бүгүнкү күнүмө сулуулаган Макияж @venera_vizazh ♥ Чач @aikol_hairstyle ♥ КОЛУҢАРГА БЕРЕКЕ!

12.06.2020
Алмаз Атамбаевдин кайын энеси Теңизбаева Гүласал: "Алмаздын куттуктоосун окуп алып ыйладым" Суранычтар боюнча апанын маегин толук беребиз. Ютуб каналыман көрүңүздөр.

14.05.2020
2009 - жыл август айы. "Браво " берүүсү. Эрмек экөөбүз жыргачу элек. "Эмне жалжактай бересиңер?" дешкени мн эң көп көрүлгөн берүүнүн катарын толуктачу! Ариетим курсагымда 8 айлык. Режиссер ошондо араң билген. Курсагым кичине болгон үчүн кенен көйнөктөрдү кийип алып, алып барчумун. Ушул эфирим коштошуп жана жаңы алып баруучуга өткөрүп берүү эфир болчу. Айрым ырчылар "Курсагыңа эмне салып алгансың?" деп чаап көргөнү да болгон ишенбей. Балам экөөбүз чарчабай, чуркап иштечүбүз.

27.04.2020
"Кошунаны тандабайтты" сагындым. Карантин бүтсө, съемка уланат, буюрса. Экинчи сезон кандай болот мага да кызыктуу! Чыдамсыздык мн күтүүдөмүн. Актанды @aktan_ryskeldiyev көргөндө эле күлкүм тыйылбайт да. Дагы жакшы режиссерум чыдамкай жигит. @eshimovradik @koshuna_tv ♥

04.01.2020
#istanbul #алгачкысаякат #ариет Саякаттоо - биздин кыялыбыз. Уулум чет жакты көрүп, көңүлү, ой - жүгүртүүсү өсүүсү керек. Буюрса, эмдиги саякатта үчөөбүз болобуз деп ишенем.