08.12.2019
Тарыхка үңүлсөк, атагы таш жарып, алыска чыгып бара жатканды тынчыткан жагынан алдыда экенбиз. Улуу баатырлардын ар биринин жашоосун карап чыгыңыз, Манас атабызды да өзөктөн чыккан өрт, өздөн чыккан жат жайлаптыр, Жусуп Абдрахман сындуу лидерлерди, Насридин Исанов, кечээки эле алдыда келе жаткан саясатчылардын буйрутма өлүмдөрү ж.б. өзүбүздү өзүбүз эле тыптыйпыл кылып келе жатабыз. Эмне деген бут тосууларды, интригаларды окуйсуң. Анын баары тарыхта жазылуу. Азыр деле уланып жатат. Арууркап, тазарып кеткен жерибиз жок. Чалып, төпөштөп, чукуп, сасып...деги койчу алмустактан кан мн келе жатканды тазалаш оңой дейсиңби? Тың чыкмаларды тыптыйпыл кылып жатып, тың чычмалар калды. Кир когубуз мн аралашып, жатып алып эмнеге бүгүнкү күндөбүз деп күңгүрөнөбүз? Кайсы күндү көрөлү дедик эле? Эмнени эктик ошо чыкты. Бүгүнкү иш аракет эртеңки күндү түзөт. Азыркы ой - эртеңки тагдырың. Ичибизде таруу айланбай турса, ишибизде ийгилик болбойт. Мыктыны мыкты дей алган улуу сапат болсун. Ар бир сезимди, ойду көзөмөлгө ал. Көөдөнүңдү ирите турган сезим байкап кылсаң, дароо жок кыл. Ар ким өзүн тазаласын. Өздүгү мн иштесин. Өздүк дүйнөңдү ирээтке келтиргенде гана, сырткы дүйнө иреттелет! Ичибизде үшкүрсөң жаңырык чыгып, бопбош болуп турган абалда, сырткы боштукту толтуруу кыйын. Жан дүйнөң жанчылып атканда, бар дүйнөң жок болот. Руханий төңкөрүш керек саясыйдан мурун! #жөнэлеойлор

06.03.2020
Менин аяш апаларымды @talisman.kg коноктоду! Алкыш силерге! ♥

05.03.2020
Менин деле Леksus 670 им бар! Теминип койсоң эле тердете чуркайт! Кнопкасы жок эле...)))))))

30.12.2019
2019 - жыл мага кандай жыл болду? Ден соолук менен алпурушкан жыл болду. Балам экөөбүз даарыны мүшөктөп ичтик болуш керек. Диета кармадык. Анализдер, клиникалар, узилер ж.б. Ден соолукту чыңдап алып жаңы жылга кирип баратабыз бирок. Бул жакшысы! Эң көп уулума көңүл бөлдүм окшойт. Ден соолугу менен алек болдум. Андан кийин жан соолугу менен алек болдум. Акчасына карабай, жаңы мектепке котордум. Робототехника, ордуины, музыкалык мектеп, програмированиеге алып барып аттым. Чопо чоордон конкурста экинчи орунга ээ болду. Сабактарын тыңдап, англис, түрк тилдерин терең окуй баштады. Баламдын жан дүйнөсүндө стресс болбосун деп күрөштүм. Айтор, жакшы эле эне болгонсудум. Кээде жалгыз башыма жетише албай, ыйлаган күнүм да болду, бирок баланы өзүм үчүн төрөгөм. Ошон үчүн бирөөдөн бир нерсе күткөнгө акым жок. Үйдүн карызын кутулуп, документти колго алып, аябай сүйүндүм. Аны апама белек кылып, дагы сүйүндүм. Чыгармачылык жаатта ютуб каналымды ачтым, бир канча кызыктуу интервьюларды чыгардым, ошонун аркасы менен журналисттер союзуна мүчө болдум. "Кошунаны тандабайт"сериалына, "Шерине", "Кыялкечтер" фильмдерине , вайндарга, жарнамаларга тартылдым. Актердук чеберчиликти ийге салганга мүмкүн болду. Экрандагы, сахнадагы алып баруучулугум аз болду бирок. Каралбай деле калды. Бир штук ыр ырдадым. Ырчы деле болуп кеткен жокмун, бирок эң көп комплимент жыйнадым. Быйыл Жараткан жакшы жардам берди. Жөн эле ойлорду өкүртө жаздым. Жазмакерлигимдин күйөрманы көп болду. Жолдон жолугуп батасын бергени канча?! Эл эмне дейттен, элдин оюнан көз каранды болуудан арылуу үчүн чоң чаба көрсөттүм. Өзүмдүн ыңгайымды, ырахатымды көздөдүм. Эгомду басаңдаттым. Азыркы көз ирмемден , учур чактан ырахат алуу алдыда турду. Көп китеп окудум. Оюмду өзгөртүп, боюмду түздөөгө аракет күч болду. Жакшы адамдар жашоомо кирди. Өзүң жакшы болуп, өзүңдү оңдосоң эле сенин энергияңа окшош адамдар кире баштайт экен. Жүрөгү таза, сонун адамдар тегеректеди. Жакшы эместери өздөрү эле чыгып кетти. Тынымсыз күрөшүү жылы болду, айтор. Эс алганга убакыт болгон жок. Алышып атып, алым кетти көрүнөт жыл этегинде бырылдап ооруп, жаңы жылдык берүүлөргө тартылбай калдым. Ошон үчүн жаңы жыл ден соолугу мн келсин!

04.03.2020
"Меникиндей машинага эркектер жетпей жүрөт! " деген темада жарышуу жүрүп атыптыр го шоу бизнесте!)))) Баасы боюнча мактана албайт экенмин, бирок мендей жети жыл бою бир машине минген болгон эмес. 500 сомго бензин куюп алып, качан куйганыңды унутуп калган эч кимде болгон эмес. Ал тургай кышкы дөңгөлөк мн жайы бою эч ким жүргөн эмес. Жети жыл бою моторун текшертпеген мендей ким бар? Эч ким жок! Ал тургай унаа апама катталган! Ошооо! Мактансаңар, мендей мактангыла да.

21.11.2019
Жашоомдо көп жакшы кыз көрдүм. Кудум эле энем сүрөттөгөн зымга тарткандай зымырайган кыздар. Ушунчалык ыймандуу, дүйнөсү таза, баеоо кыздар. Энесинен бөлөгү жыттай элек! Бирок жалгыз! Эркек мн ээрчишип көрбөгөн немелер! Жашы 30 га таяп калганы, отуздан өтүп калганы да бар. Жалгыздыктын себеби: ылайыктуу мырза жок . Ылайыктуу мырзаларды ылайыксыз кыздар түнкү клубдан кийин ээрчитип кетип, мурдуна чүлүк салып алышкан. Берки мен тааныган кыздар үй - жумуш маршрутунан сырткары чыкпайт. Кафе, клуб, эс алуучу жайлардан издесең таппайсың. Кээде тамашалап, кыйшактап койгула да анча - мынча деп калам. Дегеним мн дээринде кыйшактагандык жок болсо, кантмек эле? Жеңил - желпи жүргөн, ачык айрымдар, кашты серпигенди билгендер, "тажрыйбалуулардын" товары бат өтөт экен байкашымча. Шыңкылдап, шылкылдап атып эле имерип алышат. Эркектерге төшөгү таттулар, өңдүү - түстүүлөр маанилүү окшойт деп калдым. Ыя, не дедиңер? Калп эле жан дүйнөдөн кеп кыла бересиңер го, негизи)))))) #жөнэлеойлор

20.11.2019
Аялдын да түрдүүсү, түстүүсү, таттуусу, ачуусу болот. Айрым аялдар эркекти анын жөн эле жашоодо бар болгону үчүн сүйөт. Ал арыкпы - торукпу, узунбу - кыскабы, байбы - кедейби маанилүү эмес. Анын жандында тынчтык табат. Ал байпагын башына кийип атса деле сүйкүмдүү көрүнүп, ичи эзилип, ысып турат. Андай аялдар баеоо келет. Жашоого күлгүн көз айнек мн карагандар ушулар. Жакшы сүйлөгөндүн баарына ишенип, кулак куюлуп эле тушуп калат. Адатта алар романтиктер. Көчөдөн какым үзүп берсең деле бүт дүйнөнү алып бергендей чоңойтуп көрөт. Жашоого реалдуу караган аялдар бар. Аларга жомок не канает! Бүгүн, азыр кылсаң, кылып кал! Кылбасаң, жолтоо болбой жогол. Мындай аялдын тиби мырзалардын өзүн эмес, алардын түзүп берген шартын сүйөт. Ал берген кучак толо гүл, унаа, батир, баскан - турганына акча...материалдык баалуулукту баалаган кишиге мындай шарт майдай жакпайбы?! Алдыңкы планга шарты анан кийин өзү чыгат. Кокус, ал адам банкротко учурап, шарты жок боло баштаса, башы оорбубай эле таштап кетет. Жүрөгү ооруп кыйналып, романтик аялдардардай бырылдап жылдар бою ыйлабайт. Бат эле башка шарты мыкты эркектерге аңчылык издеп жөнөйт. Биринчи типтен экинчи типке өтүп кеткендер бар. Экинчи типте жүрүп, баарынан тажап, биринчи типке киргени бар. Туубаса, биринчи тип болуп, өмүр бою романтик бойдон калганы же өмүр бою реалист болгону бар. Ар кимдин өз тандоосу! #жөнэлеойлор

03.03.2020
Не дедиңер?

20.11.2019
Ар бир жазган постум, кеңешим, өзүм акылдуу болуп кетип анан акыл үйрөтүш үчүн жазылбайт! Назиранын Назирага болгон каты! Аңдасын, көрсүн, баамдасын деген тилек. Өзүңдү өзүң үйрөтүп, өзүңдү өзүң жасап, өзүңдү өзүң өстүрүп жүрүп отурасың! Ар бир жан дүйнөмдүн чыңырыгы, жандалбастаганы, жан урганы жазылат. Оозуңдан чыккан ар бир сөз дайым эле акылыңдын түбүнө жата калбайт. Мыкты кагыш үчүн бир нече жолу балка мн урган сыңары, кайталай - кайталай мээге киргизебиз! Сөздөрүмдөн өзүңөрдү таап, өзүмө айткан акылдан кеңеш таап атсаңыз, бактылуумун! Бул сүрөттөгү өзүмө болгон кеңеш: 1. Ар дайым өз жашооңдун кожоюну, ханышасы, ээси бол! 2. Кандай гана таажы кийбе, жупуну, жөнөкөй бол. Кейкеңдесең, башыңдагы таажыңдын кантип ыргып түшкөнүн байкабай каласың! #жөнэлеойлор

03.03.2020
Эң эле таза дүйнө жаныбардардыкы. Алар бирин бири коргойт, аяйт, кол салбайт, жек көрбөйт, бут тоспойт. Биздей уу тилин салып, найза кылып, жүрөк тушка урбайт. Алар жөн гана бар. Жаратылыш вибрация аркылуу бири мн сүйлөйт. Жаныбарлар сезим аркылуу сүйлөшөт. Тили жок бири бирин түшүнбөс керек дейбиз. Жок, дебейбиз дагы. Анткени алардын дүйнөсү мн эсептешүү жок. Үчүнчү көзүбүздү жаман ойлор мн, көкүрөк көзүн жаман сезимдер мн көмүп койгомбуз. Жинди иштерди кылганыбыз, туура эмес жолду тепсегенибиз, тетири басканыбыздын себеби ошолдур. Сыйынганда, Жаратканга жалынганда кечирим сурайбыз. Кечиребиз. Оюбузду тазартабыз. Ошон үчүн Жаратканга жакындаганда жүрөгүбүз тынчыйт. Көп нерсени көрүп, уга баштайбыз. Пенделиктен чыгабыз. А жаныбардар дагы, жаратылыш дагы дайым таза. Алар биз жоготконду жогото элек. Аларга жакын болуу, жуурулушуу - тазалык, аруулук мн жуурулушуу. Ошон үчүн элет жергесинин адамдарын булгана элек дешсе керек. Жаныбарлар мн көкүрөк аркылуу суйлөшкөндү, туйганды билет. Эртеңки күнү сени " колхоз" десе бирөө, сонун комплимент катары кабыл ал. "Таза бойдонсун" дегендик. #жөнэлеойлор #аруулануу

19.11.2019
Суйкайып, сулууланып, түрлөнүп түркүн көйнөк кийип, көгүчкөндөй кулпуруп, койкоктоп кыз боло элегиме көөөөп болду. Ыңгай анан жылуулук сулуулукту көмүп кетти. Өзүмдү карап, өзүмө көңүл бөлүп, өзүм үчүн жашабай жатамбы же алар мага кызыксыз болуп калдыбы? Кызыксыз болуп калса эмнеге? Жашоого оюм өзгөргөн үчүнбү же жеке жашоо тынч болгону үчүнбү? Шиш таканы көрөйүн деген көзүм желкеде. Шакек, сөйкө тагынбай калганыма да көп болду. Көйнөк кийгенден качам. Ыңгайлуу шым, чокой, иши кылса жылуу жемпир. Калганы мн баш оорубайт. Түрлөнүп турган кесиптештеримди карап суктанып коем. Съемкага барып келем. Үйдө жаткан жагып, ашыкча кымгуут ызы - чуудан качып, жалгыздыкты эрмектейм. Убакыт өткөн сайып сүйлөгөндөн да эринген, бар - жогу билинбей, көпчүлүктөн качкан, көрүнгүсү келбей, жашынган башка эле Назира чыгып келе жатат. Кечээ отуруп алып, сулуу кыз болгум келди. Жалаң кемпир, аял, үй кожойке, боюнда бар аялдарды аткарып жатам. Алардын сулууланбай, ыңгайлуу кйингени, жасалмалуулугу жок болгону жагат. Жакшы эле көрүнүп атамбы деп башың катпайт. Түрүңдү келиштирип алып аткара бересиң. "Өзүңдү сүй" дү эң көп мен кыйкырам. Эмнеге анда сүйбөй атам? Же тескерисинче өзүмдү сүйүп, эл эмне дейт мн ишим жок, ыңгайым, жылуулук, ден соолук алдыга чыгып кеткендир....жаңы Назира ортого чыкты, айтор. Сулуу кызга айланып коюш кк эле...

19.11.2019
Кыялдын кемесин минүү керемет! Таттуусунан тандап алып, талпынтып бийииик учуруп, көкүрөгүңө кубанычты байлап, көңүлүң ырга бөлөнүп, ууртуңа жылмайуу бүткөн сонун! Сыртта түн туруп, кыштын ызгаары кылычын көтөрүп алып, кар - борошон сес көрсөтүп жатса дагы ичиңдеги жылуулук, ичиңдеги аруулук, ичиңдеги татуу кыял көзүңдү жамандыктан коруп таңып, кулагыңа кебез болот. Жакшылыкты тыңдап, жалбырттап күйүп учкун жүрөгүңөн жүлүнүңө чуркайт ! Жараткан кыйналып, кысталган учуруңда колдон деп берген эң чоң коргоонуч, калкан - үмүт, кыял, ишеним болсо керек. Түркөйлөр түртмөлөп, колуңдагы ыйыгыңды жерге чачып, кирге чылап, караңгылыкта карайласын дешет! Ишен! Көкүрөгүңдөгү аруулукту чоңойт! Жакшылыкка багыт ал! Үмүттүн илебин чоңойт! Тик тур. Бүк түшпө. Түңүлбө. Түбөлүгүн түз болсо, түйшөлгөндөн пайда жок...Жылмай, жаша! #жөнэлеойлор

30.01.2020
Таенем айтты эле. "Кыйшактап көрүнгөндүн жүрөгүн ушалабай жөн жүр!" деп. Ал сөздүн мааниси терең үңүлө келсең. "Эркектин да жүрөгү назик болот. Үмүт бергиң келген адамга гана уруксаат бер. Жөнү жок жүрөгү мн ойноп, таштап кетпе. Убалы болот!" дегендик. Эмнегедир эркектердин жүрөгү таш. Сезими жок. Аялдан аял алмаштыра берет деген стереотип бекип калган. Бирок башыма жүн чыкканы эркектин чөйрөсүндө жүрө берип алардын азап чеккенин, көзүнүн тамчысын көрдүм. Биздей эле куурайт, сагынат, жол карайт, ооруйт. Сенден эмне каалап атканын тыңша тек гана. Эмне каалап атканын өзү эле мамилеси, аракети мн эле көргөзүп коет. "С" темасында эле сүйлөп, кармалап - сармалай берсе, өбүшүүгө ашыгып, ач карышкыр козуга көз салгандай караса, сенин жеке көйгөйүң, ичиңдеги жан дүйнөң, маанайың кызыктырбаса, демек, жөн эле убактылуу көңүл ачып тарап кетели дегендик. Сүйгөн адам жаныңда титиреп турат. Денеңе тиймек түгүл көзүңдү тике караштан айбыгат. Сенин кирпигиңдеги ар бир аба ырайына тынчсызданат. Жолугушуудан качуу үчүн эмес, жолгушууга шашуу үчүн миң шылтоо издейт. Сага маанилүү даталарды дайым эстеп жүрөт. Көңүлүңдү көтөрүү үчүн миң чаба издейт. Ууртуңа бүткөн бир жылмаюу үчүн дүйнөнү томкорот. Андан келген толкун сени кошо толкутуп өтөт. Ошону кантип көрбөй коюуга мүмкүн? Сени көзү менен чечинтип, жатып, кайра кийгизип койгон көз өзү эле көрүнүп турбайбы! Сокур эле көрбөй калбаса! Ошону көрбөй, сезбей, сүйүү мн алмаштырып алыптырмын деген болбогон кеп! Өзүң кошо каалап, эртең ал басып кеткенде ага шылтоону үйүштүн бир жолу. Андан келген таза сүйүү байкабасаң, же ага үмүт бергиң келбесе, өзүң сүйбөсөң, колуңду карматпа. Ачык айт. Чечишип ал. Көңүлчөөктүн көчүгү кургабайт болбо. Ал ысык ымала өрттөп аткан ашыктыктан гана пайда болуп, балкытышы керек. #жөнэлеойлор

18.11.2019
Элдин сага болгон мамилеси өзүңө берген баадан көз каранды экендигине дагы бир ирет ынандым. Көп эле жолу көрсөткөн аны турмуш. Отко айдаса, бокко качкан кээкерлигибиз, кежирдигибиз бар эмеспи. Айла жок ар тарабыңан чыгып, акылыңа киргизмейин айландырып кайра эле алдыңа салып берет аалам. Аңырайыыып анан түштөн кийин "Аа. Эчак эле айтпайт белең?!" дейбиз го. Өзүңдү канчалык бийик бааласаң, сыйласаң, өзгөлөр кадимкидей акыл алдында сезип, туюп турат. Ошондой сый мамиле кылат экен. Өзүңдү төмөн жерге теңесең, тебелейт. Муну баарыбыз эле билебиз. Бирок аңдабайбыз. Биз аңдабаган бирок аалам акылыңа киргизе албай убара болгон канча сыр жатат?! Өзүбүздүн күчүбүзгө ишенбейбиз! Өзгөлөр дайым бийик биз үчүн. Башкаларга суктанабыз. Алар эле укмуш болуп аткандай сезим. Ылдый жакта туруп алып кежегең ооруп калгыча өйдө жакты теше тиктеп, башкалардын жашоосуна кызыгып жүрүп, кызыктуу жашооң өтүп баратат... #жөнэлеойлор

08.01.2020
"Кыргыз радиосу" тынымсыз сүйлөйт үйдө. Үйүбүз тыкан жыйылып, арча түтөп турчу дайым. Чоң энем таза киши эле. Кобуранып калыңдатып салып алган жер төшөгүндө жүн тытып, жип ийрип отурат. Маасысы укмуш сонун жыттанып атканысып, чап кенедей жабышып жатып алам. Сербейген чачым ийикке кирип кетип, чаңырып жатып калам. "Капырай, анан жабышпай ары жатпайсыңбы! "деп тилдейт энем. Заматта чукчуңдаша кетебиз да кайра радиого үңүлөбүз. Укмуш сонун чыгармалар, спектакльдер, жомоктор окулат. Көп адатымды, кыялымды, мүнөзүмдү тарбиялап, көкүрөккө уюгандын көбү дал ошолор чыгармалардан келдиби бейм? Эмнегедир байларды жек көрүп өстүм. Бай адам десе эле эл душманындай тикчийип жаман карап, ичимен жек көрүп калат элем. Отуз жашыма келип алып, байларга, акчага болгон жек көрүүм кайдан болду экен деп көпкө ойлонуп отуруп, илгерки бай - кедейге бөлүнгөн жомоктордон калыптанып калды го деген ойго кептелдим. Эмнегедир кедейлер уяттуу, акылдуу, тартиптүү сүрөттөлөт дагы байлар түрү суук, челектей курсактуу, адамгерчилиги жок, көзүн май баскан, адилетсиз, ууру катары айтылат. Ошол элес мээге бекем отуруп алып, университетти бүткөн кезде акчалуу жигиттерди чанып, акчасы жок, бирок акылдуулар укмуш каарман көрүнүп туруп алды. Отузга чамалап калганымда гана акчанын маанисин, ал жок болсо, балаң ачка, үстүңдө үйүң жок көчөдө калаарыңды билдим да ага болгон мамилемди түздөй баштадым. Мурун жинди кишидей эле бекер иштеп жүрө бериптирмин. Эмгегиңди баалаганды да билиш кк экен көрсө. Колунда бар досторумдун жомоктогудай көөп, жер баспай, асмандаганын деле байкаган жокмун. Тескерисинче кайрымдуулук өткөрүп, ак эмгеги мн күнү - түнү иштеп, маңдай терин иреттүү чогултуп, аларды туура каржылаганды билишерин көрдүм. Кызыгы, өмүр бою бардар жерде чоңойгондой, көкүрөгүм ток болду. Азыр эмгекчил адамдын акчасы болооруна көзүм жеткен соң, аларга болгон сыйым ойгонду. Акча бул - энергия. Туура колдонуп, ордун билсең, колуңа түшө баштаганда телтектеп көөп кетпесең эле баары дурус болчудай. #жөнэлеойлор P.s. Бул жакынкы арада чыга турчу "КыялКЭШтер" фильмибиздин чакыруу билети. 16 - январдан тарта баардык кинотеатрдан көрүңүздөр!

29.10.2019
Аялдардын жан дүйнөсү мн тааныштырууну улантам. Бизди кулагы мн сүйөт дешет. Ошол чын! Кыз киши жылуу сөз уккандачы дароо эле кулак аркылуу кирип, жүрөккө барып тийет. Сөзүңөр "Сагындым", "Сүйөм", "Көргүм келип жатат", "Жытың сонун" ж.б.у.с жылуу сөздөрдү камтыганда ичибиздеги көпөлөктөр ойгонуп, мээдеги жана кандагы серотониндер, эндорфиндер ойгонуп, көз тунарып, жүрөктүн согушу ылдамданып, дене козголуп, көз коюлай түшөт. Бул ыкманы "бабниктер" жакшы билгени үчүн көп колдонот. Тилдин учунан гана сүйлөп, жан дүйнөсү аркылуу денесине кирүүгө аракет кылат. Эркектердин "бабник" сортунда жан дүйнө башкы максат эмес. Дене кумары - башкы максат. Мага окшош "карышкыр " келиндер жылуу сөз тилдин учунан же аркы көкүрөктөн чыгып атканын дароо аңдайт. Фальш ноталар кулакка тээп баштайт. Жаш, эч нерсени көрө элек кыздар андай "самопал" сөзгө тамтаңдап "мас " болуп калып, далай алданышат. Жан дүйнөдөн чыкканда гана жан дүйнөдөн орун алаарын эркегиң да, аялың билип алгыла. "Однолюб" деген да эркектин сорту болот. Көрүнгөн көйнөктү карап, көңүлү көрүнгөн жакта жүрбөйт андайдын. Көңүлүндө өмүр бою бирөө гана түнөйт. Менин оюмча "бабниктер" энесинин сүйүүсүн жетишээрлик деңгээлде ала албай калып, көрүнгөн аялдан сүйүү, жылуулук, мээрим издей бергендер жана өзүн сүйө албагандар. Өзүндө жок сүйүүнү башкага бере албай, кыйналгандар. Толук кандуу жетилген адам жетилген сүйүү мн сүйүп, өзүн да өңгөсүн да бактылуу кыла алгандар. Кыздардан деле көптү сүйгөндөр болот. Өзүн таппай, өзүнө эмне керек экенин билбей, кыйналып жүргөндөр болушу ыктымал. Өз адамын тапкан адам өзгөгө жабык болот. Көздөрү дале ойноп турса, жанындагы жары убактылуу дегенди билдирет. Ошооо. Иттей тажрыйбалуу өңдөнө берейин. #жөнэлеойлор ♥♥♥