27.10.2019
Үчүнчү курста окусам керек эле. Жаңылбасам, "Тоолор кулаганда " китебинин бет ачаары болчу. Мен алып бардым. Кече бүтүп, баары тарады. Чыңгыз атабыздын ичип аткан суусу калып калыптыр. Ырымчыл жаным ичип алдым. Жуксун дедим. Ким билет шыбагасы тийип укмуш китептерди жазып каламбы... Эски сүрөттү таап алдым. Көп нерсе эскиргени мн эсиңде жаңы бойдон кала берет..

15.10.2019
Когдааааа нибудь мен деле улуулардын уучугун улап, "уламыш" атыккандардын "у " тамгасына жармашып калаармын, ээ ыя? Жакшы тилек - жарым ырыс.

24.11.2019
Раим айсбергдин чокусу эле. Бир эле үлгү, бир эле көрүнүш, бир эле мисал. Алдында кандай гана чырмалышкан коррупция жатат. Баскан изибиз коррупция. Кеп Азаттыктын маалыматына эле дүрбөп жатабыз дегендик эмес. Ал маалымат болсо да, болбосо да ичибизде дүрбөлөң жүрүп жатат. Баарыбыз эле бул маалыматты мурунтан билгенбиз, туйганбыз. Ызырынганыбыздын себеби, жөн эле бийликтин кайдыгерлиги, көңүл коштугу, унчукпастыгы, иштин үстүн өрт - бас кылууга аракет жасоосу, калкалоосу. Жеке эле Раимди эмес. Жалпы коррупционерлерди. Эртең эле жаңы шайлоо болот. Аз калды. Маанилүүсү ошол шайлоодо күнү мага тийет деп эле трайбалисттик көз карашты курчутуп, өзүң жакты сүйрөй берүү эмес же акчасы көп экен деп ыргыткан жугундусуна эртеңкиңди сатуу да эмес, чыныгы күйгөн, билимдүү, илимдүүлөрдү сүйрөө, аларга көмөк болуу! Буга чейин бир да шайлоодо иштеген эмесмин. Бул сапар иштегим келип турат. Мейли алып баруучу, журналист, мейли актриса, блогер, мейли аны жарнамалоого катышып, айтор татыктуусун сүйрөгүм келип жатат. Акчасы жок бирок күчтүү бирөө болсо, бекер иштегенге да даяр бололу! Жапа тырмак киришип, ынтымагыбызды күчөтсөк эле колубуздан келет. Күчтүү бирок шайлоого катышканга акчасы жок балдар - кыздар толтура! Шайлоого сөзсүз эле бизнесмендер, соодагерлер, криминалдар катышышы керек эмес! Шайлоого мугалимдер, юристтер, карапайым калктар да катышышы керек! Өлкөмдү көтөргөндөр келсин ! Эзели маршруткага түшүп көрбөгөндү, эзели айылды аралабаганды шайлап алып, карапайым калкты көтөр дейбиз! Ач бала мн ток бала ойнобоорун билбейбизби? Элиме жана эртеңкиме болгон салымым балким ушу болоор! Колуман келгени ушул экен. Сахналаш кесиптештерим да колдойт деп ишенем. Анткени алардын арасында эртеңки күнүбүзгө кайдыгер карабаганы, сатылбагандары бар!

23.11.2019
Капка буудай толтуруу мүмкүнбү эгер каптын жыртыгы көп болсо? Жыртыкты бүтөп, капты толтурууга мезгил келди! Тешиги көп үчүн кайык алыс жылбай, чөккөнү турат. Ойгон, кыргыз! Балаңдын эртеңки келечеги бүгүн башталат!

10.01.2020
"Бу эрсиз катын", "Эрин эптей албай" дешип...бул сөздөр аябай "оскорбительный" сөз деп атышат го ээ кээ бири? Бирок бул нерсе катуу тийбейт деле экен мага таразама салып көрсөм. Бул факт да! Далил сөз. Эптей албаганым ырас. Эримдин жок экени да ырас. Ымдаганга эле ычкырымды бошото бербегеним үчүн "шерменде" , "жалап" ж.б. сөздөрү да катуу тийбейт экен. Кайып өтөт анткени мага тиешелүү эмес экенин билем. Үстүмө кандай жугунду куйсаң, таарынам ойлонуп атам. Менимче көкүрөгүндө жарасы, комплекси бар адам гана таарынбаса, өзүн сүйгөн, өзүн тааныган адам таарынбаса керек. Бизде баланы башка - көзгө койгулап, "Мээң жок", "Көк мээ", "Келесоо", "Акмак", "Карачы элдин баласын!" деп басынтып, ур - тепкиге алып, жан дүйнөсүнө "Эч кимсиң" деген түшүнүктү салып чоңойтушат. Азыркы заманбап жаштар эмес бирок улуу муунда көп кездештирсе болот. Ар бир кемчилиги тоодой көрүнүп, ичинен кемирип атып, кемсинтип атып, жарадар, жан дүйнөсүнөн майып адам пайда болот. Алар бирөөнү кемсинтип, сөгүп, сабап ырахат алат. Өзүн маанилүү сезет. Бирөөгө үстөмдүк кылуу менен үстүнө чыгат. Колу - буту мунжу адамды жаман көрбөйсүң, коомдон бөлүп салбайсың, же эмнеге мунжусуң деп таарынбайсың. Кандай болсо, ошондой кабыл аласың. Мээси жагынан мунжуну деле ошондой кабыл аласың да! Эмнеге мээң бөксө деп таарынмак белең? Демек, балачагындагы жаралары бар экен деп коесуң ичиңден. Болду. Зомбулук эмнеге көп дейсиң? Жан дүйнөсү жарадар адам көп анткени. Сезимдерин билдиргенден, оюн ачык айткандан корккону көп. Психологго барыш, өзүн тааныш уят нерсе деп түшүнгөнү көп. Баланы туура тарбиялаш керек дейсиңер. Баланын балекетин аласыңбы өзүңдү биринчи тарбиялап ал да! Өзүң тарбия көрбөсөң, балекетти көргөзөсүңбү? Жан дүйнөң тынч, бактылуу болсоң, бала автоматтык түрдө ошону жан дүйнөсүндө чагылдырып алат. Бала менен киндик аркылуу туташпыз анткени. Ошон үчүн каражандарым, баарыңарга сүйүү жөнөтүп жатам. Мен да өзүмдү оңдоонун жолундамын акыркы жылдары. Көз карашымды өзгөртүүдөмүн. Бирок өтөсүнө чыга элекмин. Айыктыра турчу менин дагы жараларым бар. Бирок, жок дегенде жек көргөндөргө сүйүү жөнөтүп, кечире билгенге кудуретим жетүүдө. Бул мени кубандырат! #жөнэлеойлор

09.01.2020
Аял күчтүү болсо, андан туулган тукум күчтүү болот! Илгери ата - бабалар мыкты тукум калтырыш үчүн жатыны жакшы деп, күчтүү кыздарды издеген экен. 70% генди бала энеден алат дейт окумуштуулар. Энеси жаман эзели оңолбойт деген кеп да бекеринен чыкпаса керек. Эне билимдүү, күчтүү, дени сак, моралдык, психикалык жактан бекем болсо, силерге мыкты тукумдарды калтырат! Улут күчтүү болот! Мамлекетти акылдуулар, психикалык жактан жабыркабагандар, дени соолор башкарса, сонун да! Силерге билинбегени мн үйдөгү чатак, уруш, эненин кордолушу баланын жүрөгүнө, көңүлүнө, психикасына, ден соолугуна, эң башкысы тагдырына чоооң залал келтирип, айыкпас так салат! Намыс, эл эмне дейт деп чыдап, тиштенип, ошол кордукка чыдап жүрүп чоңойтушат биздин энелер. Бизде эрден чыкты деген кеп өлүмдөн катуу болгон. Аны билген айрым эр сөрөйлөр өмүр бою күчүн көрсөтүп жашашкан. Элестетиңиз, ошону көргөн балдардын көңүлүндө көбүргөн жараны! Азыр заман башка. Аялдар укугун коргогонду, өзүн эздирбгенди үйрөнүп, билим алып, өсүүгө далалат кылышы керек. Көп өлкө кыдырдым. Биздин аялдардай күчтүү, чыдамкай, намыстуу, эрктүү, эшикке чыгып, эркектин жумушун, үйгө кирип, аялдын ишин кылган бир да аял көргөнүм жок. Бир аз колдоо күтөбүз силерден! Баягы күндөн бери асындыңар, асылдыңар, басындыңар, сөктүңөр, уу тилиңерди төктүңөр, арманыңарга арданып, айлаң кетип чөктүңөр! Аялды ардактагыла десем, чалкаңардан кеттиңер, сөөгүмдү кемирип, чучугуна жеттиңер! (Чиңгил - чиңгил комузумду күүлөп коеюн ушул жерден🤣🤣🤣) Менин максатым - эркекти курут кылып, жок кылуу эмес. Грамм переживайт кылбагыла! Силерсиз күнүбүз өтөбү, ээ айланайындар!.)) Айткым келгени, сөзүмдүн төркүнү башка! Өлкөнүн айымдары кордолбосо, кир колуңду салып койнуна зордолбосо, ийне мн кудук казып, билим алсын, дүйнө жүзүн кыдырсын, көп нерсени билип алсын дегеним! Чыныгы мырзалар бар! Алар билимдүүлөр! Көкүрөгүндө көзү барлар! Ырахмат силерге! Силердин катар көбөйсүн! Суюлбасын! Өлкөбүз үчүн чырылдагысы келген эрке кызыңар! 💋💋💋💞 #жөнэлеойлор P.s. өткөндөгү зомбулук тууралуу инстаграмдагы статусумдун алдына 1000 комментарий келди окурмандардан. Атасынын зомбулугун көрүп, стрессте жүргөн көп балдардын көз жашын окуй аласыз

01.07.2020
Жатканга жерлери жок, отельдерди, жеке клиникаларды чоңдор өздөрү ээлеп алса, жатканга жер жок да. Ал жакты тебелетиш "жалко". Бүт дүйнө чогуу күрөшөт экен. Биздики чачыранды күрөшөт. Чоңдор өзүнчө, карапайымдар өзүнчө. Аптекада 250 сомдук дарың 800 сом болуп кетиптир бирөө пост жазыптыр. Аптекаң чоңдоруңдун көзөмөлүндө болуп атпайбы! Иштеп калыш керек да. Жеке клиникада анализиң, өпкөңдү тарттырышың асмандын башы. Кыйчалыш күндө бир туруп, бекер кылбай эле койсун, 50% жеңилдетүү берсе, кемип калышат. Анткени алар да чоңдордуку. Бир күндө 65 мыйзамды кабыл алып туруп, "чыйт" түкүрүп басып кетишти тигилериң! Ал эмне болгон мыйзамды кабыл алды Х.З (хрен его знаеттин кыскартылган түрү). Ажону көргөн киши барбы? Өлкөнүн атасы жок, жетимдей эле турат. Аталыгын сезген барбы?? Доктурлардын акчасы берилбей жатат! Тааныш доктурлар өздөрү ковид мн ооруп, өзүнө өзү тамчылатма сайып коюп, күндүр - түндүр иштеп атат. Жүрбөгөн унааны артынан түртүп алышып... Аябай сөгүнгүм келип атат. Сөгүнгөндөргө 5000 сом штраф беле? Баса, бетине түкүрө турган болсоң, дагы 5000. Туй, ата!

01.07.2020
- Сиз баланы сооротконду билбейт экенсиз! ⠀ - Эмнеге? ⠀ - Бир жолу атам экөөң ажырашканда ар кандай аталар болот. Айрым аталар балдарын же апасын аябай сабайт. Айрым учурда өлтүрүп коет. Ошон үчүн аларга салыштырмалуу атаң жакшы жана сени жакшы көрөт" дегенсиз. Мен ошол аталарды эстегенде ыйлагым келет. ⠀ Муну укканда оңтойсуз боло түштүм. Ал окуя эсимде жок негедир. Анын башка бүлө күткөнүн жумшартыш учун балким айткандырмын. Башкача салтыштыруу керек беле ким билсин? Айлам куруганда балам мендей өзүн ташталган сезбесин десем керек да. Бир саамга унчукпай калдым. Тынчтынымды уулум кайра эле суроосу менен бузду. ⠀ - Апа, атаңды сагынчу белең? ⠀ - Албетте, балам. Жол карап күтчүмүн. Бирок келген жок. Анткен мн кийин издеп, таап бардым. Тааныштым. Мага караганда сага тагдыр жылмайыптыр. Телефон аркылуу сүйлөшөсүң. Бир жумада бир болсо да көрүшөсүң. ⠀ - Бир айда бир. ⠀ - Айырмасы жок, балам. Бирок сен анын бар экенин жана сени жакшы көрөрүн билесиң. Эң башкысы башы аман. ⠀ ...дедим. Тагдырыбыз окшошуп калганына ичим "тыз" дей түштү. Жашым тегеренип кетти. Ар ким өз атасын эстеп аткан чыгар жымжырттык өкүм сүрдү ортодо...

18.03.2020
Бир эле теманын айланасында сүйлөп, наалып, ашатып, сөгүп, коркуп атып далай негатив чакырдык жашообузга. Шорпо - шилең ичип эле чуркап кетет кыргыз. Андан көрө жаз келди. Сүйүү жааты кантип атат? Кимдин жан дүйнөсүндө уйгу - туйгу? Жашооңордо кандай сонун жаңылык болду? Ошол тууралуу сүйлөшөлүчү? Өзүмдөн баштайын. Анатолий Некрасовдун "Путы материнской любви" китебин окуп бүтүрдүм. Психологияда өзүмдү өнүктүрүү боюнча сабакка бардым бүгүн дагы. 1 - модульду аяктадык. Көп билим алдым. Жашоомдун жакшы жакка өзгөрүшүнө, өзүмдү дагы жакшы таанышыма өбөлгө түзүлдү. Ютуб каналым жанданды. Буюрса, дагы бир иштин артынан чуркап жүрөм. Бүтөйүн деп калды. Күйөрмандарымдын каалоосу, суранычы боюнча аткарылган иш. Жаздын келиши мени абдан кубантып жатат. Чымчыктын сайраганын уккан абдан жагат. Көйнөк, така кийип, кыздар ачылып баштадык. Көптөн бери диетада болчумун. Бүгүн рамен жедим. Ушунчалык ырахат алып жедим. Бүгүн кечке уктадым. Бул да чоң ырахат! Сизчи? Келгиле, позитив флешмобун өткөзөбүз? Ар ким өзүнүн жакшы жаңылыгын айтат. Баардык оюбузду жакшылыкка топтоп, оозубузга сонун сөздөрдү гана алабыз. Колдойсуңарбы?

10.03.2020
Алтын ортону тапканды билбейбиз. Келин болот десе, кул болгуча келин болуп, төпөштөлүп атып көргө чуркайбыз. Эркиндик десе феминисттен лесбиянкага өтүп кеткиче эркин болобуз. Кыргыздын каадасын, менталитетин, ыйбаасын эркиндик, заманбап жашоого жуурулуштуруп, укугуңду таанып, өзүңдү өнүктүрүү колдон келбейт, сыңары. Эки коом эки жаатта туруп алып эки күндөн бери боктошуп атат. Бөлүнгөн биздин - хоббибиз өңдөнөт. ________________________________________________ Баса, чачымды боеттум бүгүн. Көпкөн жокмун. Кестирген да жокмун. Агарып кетти. Өңү - түсү боюнча сурагандар @kanamalik ке кайрылыңыздар. Боегон жаатта мыкты адис.

14.02.2020
Мына чыныгы сүйүүм менин! Артыгы барбы?!)))

10.03.2020
"Чай куйбайм", "Төрөбөйм", "Өз билгенимди кыламды" сүйүүдөн запкы жегендер, эркектен кордук көргөндөр , эркектерди кабыл алгысы келбегендер айтат. Сүйүүгө тунгандар, турмушта бактылуулар, эркекти кабыл алгандар, жакшы көргөндөр тим эле чарк айланып, түрлөнтүп тамак жасап, төрөгүсү келип турат. Анткени каалайсыңбы, каалабайсыңбы жаратылышыбыз ошондой! Мээрим, сүйүү толуп турат аялда. Эгерде биздин коомдо " Чай куйбаймдардын " үнү катуураак чыгып жатса, демек, абал оор дегендик. Зомбулук көргөн аялдын саны көп дегендик. Бактылуу аял мн зомбулукту көргөн аялдын, ажырашкан аял мн үй бүлөсү бекем аялдын көз карашы бирдей болбойт эч качан. Эки тарап эки башка терезеден баш багат. Үй бүлөлүү кезимдеги мн азыркы жалгыз бой кезимдеги ой жүгүртүүлөрүм эки башка. Жаңы ажырашкандагы эркекке болгон жек көрүүмдү эстесем, күлкүм келет азыр. Баарын топтоп туруп өрттөп жибергим келчү тим эле. Элестет анан зомбулукту, төпөштү көргөн аял кантип атат? Ачуу айкырык бейпил турмуштан чыкпайт. Бейпилдикте ыр чыгат, үн кооз чыгат, күлкү чыгат. Жарасы ачышкан адам гана жаңырта айкырык сала алат. #жөнэлеойлор

17.03.2020
Достор, каскадер Асланайым мн интервью кылдым. Башынан өткөргөн күндөрүн, тозогун, кыйналганын айтып берди. Президентке да кайрылган экен. Эч кимден жардам болбоптур. Асаланайымдын колдоочусу - эли! 0776 270388 элсом капчыгына акча которсок, операциясына жардам берген болобуз. Интервьюну менин ютуб каналыман (Назира Айтбекова) көрө аласыздар.

14.02.2020
Февраль айын жактырам эмнегедир. Ичимде кубаныч, үмүт пайда болуп, жан дүйнө элеп - желеп боло баштайт. Терең уйкудагы сезимдер келгин куштар, жаратылыш мн кошо ойгонуп, ууртумда жылмайуу пайда болуп, күн көзүн көргөн сайын нуруна эркелейм. Кандай керемет сезим?! Жаз келе жатат деген сезим бир укмуш! Суук күндөн кийин жылынуу, тегерекке жылуулук арноо, кабыл алуу...үмүт, сүйүү, умтулуу, күтүү баары жуурулушуп жан дүйнөңө терең орногон мезгил...Жаз келе жатат!♥

09.03.2020
Көпкүм келди. Чачымды кырктырып, кирпик чаптап, бирок дух жетпей койду. Бир абалдан экинчи абалга чыгыш кыйын. Самсунг S 7 ни көтөргүчө, S20 чыгып кетиптир эй! Бир көйнөктү 10 жыл ким киет? Бир чач жасалга мн ким отуз жыл жүрөт?)))) Туруксуздук айрым бир учурда жакшыбы дейм? Көйнөк: @ameli_store_kg Сүрөт: @djanjyldyza

17.03.2020
Үч ай болду энтиккениме. Дем ала албай, кара терге түшөм. Түндөсү уйкум келет. Жатсам, демим кысылат. Отуруп алып уктайм. Үч айдан бери астма мн алышкан адамга короновирусуң коркунуч деле жаратпайт. Укол, капельница, даары алдым. Гормоналдык да алдым. Астма мени мн балалыгымды талашты. Өмүр бою эле келе жатат. Психологиялык себебин аныктап чыгуу кажет. Луиза Хейдин айтуусу боюнча балдардагы астма "Жашагысы келбегендик" катары каралат экен. Чоңдордогу астма "Сезимдерди басынтуу, жашыруу. Өзүң үчүн жашай албагандык" делинет. Изилдеп чыгып, түйүлдөк кезиңдеги көйгөйлөрүңдү чечпесең, өмүр бою кыйналчудайсың. Оору дагы бир нерсе айткысы келет. Жан соолугуң аксаган учурда гана ден соолуктан көрүнөт ал нерсе. Демек, жан дүйнө тынч эместигин айгинелейт. Дем алуу жашоо эмеспи. Эмнеге дем алгандан дене баш тартып атат? Жашагым келбей атабы? Суроом көп.. #жөнэлеойлор